卓記粥麵小館

營業中

休息中

麵同湯底味道唔錯，雖然鹹咗少少但係價錢貴過以前好多好多，而且份量仲少咗好多添一碗麵得嗰三箸麵，識落都唔夠五成飽本年有時有一條菜，有時連一條菜都冇。講抵食就一定唔抵食㗎喇。有少少過分嘅係，老闆娘嘅態度勁西，幫襯佢仲要係咁趕客，又大聲又冇禮貌又鍾意西面老店真係可惜。

早幾日去咗旺角道一品麵家食碗米粉，總覺得唔爽，因為一品係潮式粉麵店，唔太夾自己口味，於是走去港式粉麵店補數.估計最少十年前幫襯過卓記一次之後就無幫襯過，印象模糊了!今次因為好好彩係鄰近見到有位可以泊底部電單車，於是走去幫襯.好奇怪，粉麵店主打嘅魚蛋，卓記無賣! 於是點咗牛腩米多蔥，女友小熊點咗水餃米，當局都係多蔥啦! 再叫咗碟淨豬手.都係港式麵店嘅五香牛腩夾自己口味，夠香濃又入味，除咗牛腩仲有牛筋，牛筋又冧又入味，大讚!湯底清甜，米粉尚算幼身，我唔太喜歡粗身米粉，當然仲有最重視嘅蔥花啦! 蔥花無加潮式麵店最愛加嘅芹菜，份量又足無偷工減料，滿意.水餃食到有蝦有筍餡料夠份量，蝦肉彈牙，只係筍有D實.只睇豬手顏色就知夠入味，可惜口感一般，豬手感覺好似煮完之後就吊起滰平水，攪到豬皮乾身唔夠 Juicy，而且每件豬手size都好大件，切細粒D更好.

再一次放棄煮飯煲湯😅當天有點發冷不適😿都秋冬了，應該要拒絕冷氣🥶🥶🥶🥶我忽然好想食粥，暖下身，兼清下腸胃😊😊老公提議試下「卓記粥麵」😳😳而家佢比我更熟悉餐廳喔😏🤭餐牌係老公send來，價錢相宜。佢外賣自取，我喺屋企坐定定有得食啲粥買返嚟，等埋佢沖涼先食，都保持到溫度，又不會過燙。🩸補血豬肝粥🤍味道不過不失好多塊豬肝，感覺補氣又補血🩸🙏🏻唔腥算係咁，爽口彈牙。老公食艇仔粥，他也很滿意。2碗都係大大碗，冇額外加小食都夠飽。可以再來嘗試，除了粥還有麵的。

已搬離土瓜灣一段時間，自幼在此區成長，熟識的地方，人面不少已全非，難得老店尚在，每次路過，也會入去點選美食。上次係食田雞粥，粥底超綿滑，加上不是間間粥店有田雞享用，所以能食到時美事。今次趕住睇朋友演出，路過此，一入鋪內，就見有三數台老街坊閑聊天，仲人人有老闆送上老火湯，與良朋好友分享……膽粗粗的我，問句《可唔可以要一碗湯？》人情味就在此，老闆笑笑口，話”自己煲，唔煲賣呀！俾碗你試吓啦”，熱愛暢遊老店之因。我今次點選了薑蔥魚腩米粉，愛薑蔥的朋友一定超興奮。薑絲切得幼細，我直頭可以全吃掉，仲有蔥絲，也過嗰火，所以蔥香滿天。仲要有大大塊魚腩肉，煮得剛剛好，魚味香濃，而湯頭也鮮甜好味，所以在艱難日子，也能保持卓越水準。下次又嚟過。

晚餐，先點了豬手，非常惹味炆得啱啱好再吃了水餃，雲吞同肉丸湯每樣食物都好出色見到隔離有兩枱，都有叫薑蔥魚皮老板話好多人食，不過小弟唔食魚下次有機會－定再試粥和小炒老板招呼好又風趣，開心食 😋

是日女友話無乜胃口想食粥一search 發現呢間卓記就係屋企附近去買個外賣先出餐都幾快，落左單 企係到一陣就已經造好了皮蛋咸瘦肉粥$35淨雲吞$38個粥都幾足料，皮蛋好食瘦肉都好惹味淨雲吞有7粒有送兩條菜正常size 不算大大粒整體都算ok 見堂食既客人order魚皮好似好正下次都試下先

曾幾何時依度嘅豬手面及第粥真係好好食…又想當年，我仲記得係土瓜灣返工，夜晚11點幾先收，每次經過依度都好鬼多人好熱鬧，呀叔呀婆，大吵大鬧，氣氛好好。有次我唔係太餓，叫左碗豬手面，食完仲想再食，再叫多碗及弟粥，正，飽肚食都覺得好味，應該就真係好好味。今次我同Mcdull 咁啱經過依度，雖然新裝修咗，但我都係叫翻同樣嘅野食，緬懷一下。豬手麵 $35豬手都幾大隻，幾軟林林，肉質偏甜，都應該加咗好多糖去腌製，豬手嘅味道算正常；面都正常，冇特別；但個湯真係唔得，超咸，咸到我依個咸蟲都覺得咸，我最後尾幾啖面都食唔落，真係👋 許榮記嘅豬手高質好多。及第粥 $35唉，佢嘅粥底偏鹹，豬潤帶少少苦，失望，真係👋將軍澳/康城嘅譽居高質好多。食完都幾失望下。如果我唔係翻兜再食，可能我個腦淨係記得當時有幾咁好食……唉😮‍💨Mcmug綜合評分：4/10，害我個美好回憶被幻滅-0.5分，3.5/10Mcdull 綜合評分: 6/10, 細鋪頭來講食材算不錯，雖然整體鹹咗少少。韭黃都炒得幾好味呀。

最近見好多帖都寫卓記。今日經過2年前搬離的舊居特意來試試裝修後的新卓記。我是卓記這座大廈的原居民，看著卓記開業與轉變。當時的卓記沒有什麼裝修，四面白色牆身，簡單的摺枱摺櫈。第一代的卓記老板亦是住在這幢大廈，聽我媽講早些年已過身。這幾年卓記好似易了多次手，由原本零晨才收舖到近年12點左右已關門。 雖然住在樓上但我甚少幫襯，原因是水準每況愈下，而最另我卻步是那滑潺潺的地下。今日的卓記已把廚房搬到舖後，你不會再見到有2 大桶水在店前淥麵淥雲吞，老師父煮粥。面前這碗雲吞麵不過不失，麵底較淋，雲吞淨蝦大大粒，湯少了大地魚味。你話很差又不是，尚算合格吧。最驚喜反而是附送一大堆䓤同2大碌芥蘭，加了分。33塊的價錢可以接受。最後要讚是地下不再滑潺潺了。

做街坊生意嘅卓記，良心小店，好食抵食今日卓記裝修後第一次幫襯，原因係自己病到66uo要食粥不過裝修後坐得舒服左，同埋冇咗以前嗰浸鹼水粉麵氣味（以前係開放式廚房)，以後可以多D堂食，環境加晒分今日牙痛，叫一碗皮蛋瘦肉粥(走皮蛋)，叫完都覺得自己蝕底左個粥入口軟綿綿，一食就知要煲三四個鐘左右，瘦肉切絲，夠味有個特點，唔知點解有微微陳皮味以前嘅員工好似換左人，不過服務都好好今晚要落嚟翻灼！！不過又係要食粥下次好翻分享埋粉麵嘅包膠

玩左成日，肚餓到極，想食返碗雲吞粗，即刻諗起卓記。真係堅好食，食完中唔夠，叫多碗皮蛋瘦肉粥，軟綿綿，好似入口即溶咁，超好食，我哋三個人食咗五份，抵食，喺高山劇場睇完戲，都可以落嚟食返碗，正！我哋仲要特登揸車嚟食，鍾意嘅就食返碗豬手麵，牛腩河，魚腩麵，仲有好多花款，淨雲吞，四寶河，全部都好好食，堅係不容錯過。唔係賣廣告，我都係10幾歲炸，都好鍾意食呢啲粥麵鋪頭，啲夥計又好好聲氣，過嚟食嗰啲客都好似熟客咁，總之就好食啦

要左碗牛腩雲吞雙拼麵帶走叫牛腩俾牛筋仲多左俾牛腩，好彩我都食牛筋，牛腩得四舊，唔特別淋。不過都算抵食，另外估唔到咁平竟然都會湯餸分開盒。不過俾辣醬唔係辣油就有d奇怪。

去紅磡開會，中段有個休息，已經有啲肚餓，同朋友去附近食個快下午茶！呢間粥麵店好近！普通平實麵店格局，一邊圓桌膠櫈，一邊廚房！食物比預期更多選擇！叔叔店員快手落單再自己去淥麵！好快就上菜！雲吞麵：雲吞放底，鹼水麵爽口彈牙，雲吞皮薄又滑，蝦爽口，豬肉調味唔乾！湯底清澈濃味！加上香蔥！好味！淨水餃：食咗一隻，皮薄又滑，不過餡料以蝦為主，食唔到木耳嘅爽脆！變咗好似大隻啲嘅雲吞！失色！七彩皮蛋（$5/隻）一開四，皮蛋幾大隻！蛋白彈牙，蛋黃起沙（唔會實的的）但唔流心！如果有流心會更正！冬菇牛筋麵：牛筋偏硬，唔夠稔，冬菇厚肉，好入味！稔滑好味！麵爽口！湯底加了腩汁幾香！食物好味！店員爽手唔廢話！不過好爽手，我哋喜歡食蔥，叫阿姐加蔥都得，加了滿滿一匙仲問夠唔夠，好豪爽！食完無單據，店員睇枱面唔同嘅碗去計總數！所以我都唔知分開幾錢！總共$96！

叫左:炸醬麵,肉丸粥,雲吞麵炸醬麵:香辣野味,麵質彈牙,唔會有太重鹼水味.肉丸粥:粥底算綿,肉丸好嚡味道一般,重要食到有D好硬嘅不知名物質.雲吞麵:雲吞帶有好重胡椒味,蝦都算彈牙,麵質都可以,不過食完個湯都幾口渴.老字號都有變幻時.

有同事介紹這一間卓記給我最好吃的是豬手面同雲吞面,而且價錢真係抵食,同一區都搵唔番啦~在店內全都是圓台圓櫈,好傳統的麵店.唔會係到坐得好耐,多會吃完就走~店內只有6-8張台,地方都好細的.不過我唔介意,沒來過試一次都無訪的.我們2人就不是試得好多食物~試了幾款~水餃麵:有四粒大大水餃,湯底是清湯,水餃好新鮮,不過就唔係好大碗~白灼黑柏葉:其他食店都要成$45起的,沒想到這裡可以有個小份的,只要$25, 2人份量真的剛剛好~黑柏葉好爽口,我最鐘意,而且份量都唔細的.~鮮蝦雲吞麵~有5粒雲吞,係麵底到,麵係好彈牙,雲吞就細細粒,如果晚上又唔想煮食,想食清清地,都會來到卓記,價錢真係抵食.同我好鍾意個麵,好彈牙,下次再去,會試下生滾粥~

因為常在土瓜灣區出入，很多食肆也光顧過，今次在這裏找到卓記，看見食評不弱，又有時間，故此決定一試。恰巧進入時還有兩張空枱，不算擠逼。但十分鐘後就已經坐滿人了。今次我依然選了牛腩粗，太太選了薑葱黑栢葉米粉，我們又多叫一碗鮮牛肉粥和芥蘭全走。（$18）湯好好味，不知道有沒有味精，因太太說不口喝。栢葉分量勁多，總是吃不完，太太分了一半給我，之後問我吃了沒有，我說已經吃了幾塊了。不過有點硬，老人家可能未必容易吃。（$15）牛腩今次真的吃到牛腩的味道、不算肥、不黐牙、份量多，眨眼之間已給我吃光，湯也全喝了。（$16）可能因為同一時間叫和同一時間到達，牛肉老了一點，但仍算腍、大塊、份量也多，粥軟綿。油菜是十元一碟，相對價錢是最貴的了，雖然上枱時有點亂七八糟，但份量夠多，不是只有幾條的油菜。總括而言，因為看見有不少好評所以才光顧，算有點期望下仍被其食品吸引，所以有期望也可以有驚喜的，只要食肆能保持水準，不要將貨就價，人客食得開心和滿足，我想大家都會開心的。況且這裏的價錢也是算經濟的。