協成粥品

營業中

休息中

己來過這裡數次, 豬紅粥最好味, 其次是艇仔粥, 可是牛肉碎一般啦, 是預先己弄熟了的. 尤魚鬚很爽, 卻有點擔心令它爽的方法是否無害. 豬皮水準一般啦, 最好的是料很多, 粥也盛得滿滿的, 不過今次好像比以往略稀. 上次吃時好像$9一碗, 今次已$11. 不知是胃口原故還是甚麼的, 腸粉的油好像比以往的膩, 然而腸粉份量仍比其他店多.

我是這裡長期擁躉，初次來吃早餐，老闆娘是一位中年婦人帶著一個十幾歲少女（想必是她女兒），現在這位少女已經是一位二十幾快三十的女士了，為何咁長情？ 無他；就是為了她們的豬紅粥囉 每次上來必叫的是，豬紅艇仔粥，炸兩，豉油皇炒麵，蝦米蒸腸粉友人食魚片粥，他說非常好食，見在他碗內找不到有剩餘物資，相信他所言非虛今天 d 相唔靚，係因為要等埋那位外藉友人，所以九點幾才上來，如果想食靚炸兩,蒸腸粉，記得七點左右，在她們開油鑊後十幾二十分鐘，而蒸腸粉的籠又熱烘烘時就最好啦

朝早超肚餓, 唯有再去叉叉電. 又想食腸粉, 於是走到渣華道市政, 算係附近唯一一間有腸粉食既店子.一坐低就叫豬膶腸. 服務態度唔錯, 仲有茶水招乎.睇住佢即拉, 加上出自一名七旬老婦既 “手筆”, 一定好有經驗, 真係好期待.等左約5-10分鐘. 一大碟豬膶腸粉就o係我面前嘩! 真係超大份. 好大條. 平時腸粉分開3份, 佢就分2份.層粉雖厚身, 但勝在食起上黎唔黎都好爽滑. 絕對唔係一patpat. 豬膶超爽口. 仲大大塊. 真係好回味~腸粉入面仲有d 蒽同薑粒. 食起上黎更香.埋單只需$9, 真係唔好話唔抵.見到其他食客都係食粥, 望落去都幾棉, 等天氣涼d可一試另外見佢既餐牌好鬼平. Lunch 黎食個碟頭飯有埋豆漿都只係$18, 雖然汽水要+$3, 但都絕對唔係貴啦.試過之後再黎食, 個炒貴刁唔錯, 乾身兼夾重咖哩味, 都係$20, 不過就冇蝦, 只有火腿絲等.另外仲食左個芙蓉蛋飯, 好鹹, 哩個下次唔會叫.

今日又去街市食野,不過毫無目標,於是去左好記旁邊的協成起初看餐牌,無咩心水,不過見到干炒牛河成$15咁平,於是叫左佢個牛河送到來比想像中大碟,牛肉唔算un,菜夠味道,而炒河的油控制得相當好,有味得來唔似平時見到的成碟油,屬高分之作隨牛河送上,豆漿,不過比較細杯(想叫華田之類,但似乎無提供,而轉汽水要$3)總體來說,呢間野的干炒牛河值得推薦,不過其他除粥品外,選擇較少,不如下次試下粥品吧...

一月中旬‧有雨在這邊有點事做，下午飯就來琴行街街市吃吧。在碟頭飯、點心間，選了這裡，因為我又給這裡的即拉腸粉吸引過來。要了碟叉燒腸，絕對是即拉的。夠熱，腸粉很厚身，還好吃起上來是嫩滑的，份量真夠多，9蚊一碟，便宜。也要了白粥，稀底，清清的，淡淡的米香，只4蚊，又係平霸。衛生情況很一般，地下「扇」到暈，不過來得這個熟食中心，就預了是這樣的了。

在碼頭錯失了一班船,下一班要等半個小時,突然多了時間,便行上去渣華道街市吃個早餐.晨早當年不會吃到東寶或者新翠華的小炒,只有粥品腸粉可取.是次便去到"協成".艇仔粥只是賣$9一碗,連炸兩也只是$15.見到炸兩即叫即整,心想應該不錯,店員將炸兩斬件之後,求其放上碟,雜亂無章如吃豬腸粉.但最可惜的是,炸兩又凍又淋.粉皮亦不見得熱.究竟是什麼的一回事?幸好艇仔粥還算不錯,粥底偏稀.材料有碎牛,花生,魷魚,豬肚等等.論$9一碗的標準,是很豐富.粥身有米香,結尾清甜.當埋單之後,回頭一看,見到牆上貼著煎蘿蔔糕,芋頭糕.$3一件.心裏有點後悔,為何之前走漏眼沒有點煎糕,而走去吃個濕水炸兩那麼笨實?

皇天不負有心人，我和老公終於在北角找到合適的波鞋給老爺，買完東西，正不知往何處歇腳時，突然見到渣華道熟食街市就在附近，於是我和老公便在扶手電梯前察看一下幾間店鋪所張貼的食物介紹，最後我們選擇了協成粥品店，並叫了白粥、及第粥、牛肉腸粉、椰菜炒麵和蘿蔔糕，雖然食物便宜，但是感覺味道如下： 1.白粥：味道唔得！因為煮粥時間唔夠，食落一陣怪味，我只吃了一半，便沒有吃了。2.及第粥：粥料切得太碎，粉腸有些咸，其餘味道普通。3.牛肉腸粉：嘩！腸粉大大條，粉皮又大又滑，只是牛肉沒有味道及份量較小。4.椰菜炒麵：麵條唔夠乾身，味道普通。5.蘿蔔糕：我們相信是店舖自製的，雖然見到蘿蔔是切條，但是糕點沒有味道，只能說ok啦。 在進食期間，見到對面鋪的好記食物好似唔錯，我和老公打算下一次去試一試。

11月28號 - 下午1點鐘左右來到我今日食素的第二站la。 今次都係無目的地找到一間粥鋪。 係呀。 又係渣華道市政大廈呀。 不過如果講經濟的話這裡就是好地方la。一去到就都好多人。 如果我不是一個人來就麻煩好多la。 好彩仲有位。 所以我快點坐下來。 然後看看menu有什麼食。 不過開頭都唸住食腸粉果類。 所以好快就看中食什麼la。 我揀左炸兩(HK$6,-), 齋腸(HK$5,-)&時菜炒米(HK$8,-)。我看到他們的腸粉是即時整的。 一定會新鮮。 但是D腸份來到la。 食第一啖就覺得幾冷。 而油炸鬼並不是我所唸好脆。 齋腸就稍為好D la。 個皮好厚。 不妨試試la。 口感都不錯。不過仲有個炒米末來wor。 我等左好耐(5-10分鐘左右)先來到。 試試先。 個炒米好肥膩呀。 一定落左好多油la。 雖然好好吃。 但是不是好健康wor。 絕對有改善的空間。服務方面我覺得OK。 但是有時出了混亂的情況。 個feel好像澳洲牛奶公司果道。 不過可能好忙掛。 環境方面就麻麻la。 座位比較逼同覺得有點不乾淨。