南山白汁冰

營業中

休息中

$35芒汁白汁冰得一茶匙芒果汁，差不多成碗都係茶餐廳冰塊，伏到不能！白汁又話係雲呢拿味，完全食唔出，一粒芒果肉都冇，都唔知自己食緊乜，我不如返屋企自己食冰。收$35賺到笑，對得住良心嗎？

老顧客了由23蚊食到25再到28到依家30蚊（？）味道始終都係好好味呢排生意越做越大 人龍都越來越長依家有埋堂食唔洗企住食 非常好芒果大份 真材實料 30蚊對依家嘅香港物價黎講都唔算好貴出面d甜品鋪隨便一碗綠豆沙芝麻糊都要40了..

每晚都好多人排隊的芒果西米白汁冰😍芒果好甜，西米好有咬口，雲呢拿沙冰做底夏天食呢個真係好消暑😋😋😋同埋隔離檔雞蛋仔格仔餅都只係十蚊！真係好抵！而且大件夾抵食！難怪咁多街坊咁捧場，就算日頭放學都好多學生哥排隊買架！

講到南山邨，必定要食呢間老字號「南山白汁冰」😛今次就圍咗芒汁西米試吓😋芒汁西米：未食嘅時候，巳經嗅到好香芒果味😆第一啖食落好香芒果味，西米好爽口同彈牙🤤好多芒果肉 芒果好香甜 好香濃🤩西米咬落好煙韌😋 好有口感，而且西米仲好足料添，絕對唔係得少少個種！冰底令到成碗芒汁西米食落口個陣仲可以keep到凍冰冰🥭完全岩哂熱嘅天氣食呀！食完好涼爽呀，成個人舒服哂😝堂食嘅位置唔多但乾淨，枱面都有店員定時抹桌，唔會有污穢嘅感覺👍🏻👍🏻🍴白汁芒汁西米：$35📌南山白汁冰🍽️石硤尾南山村南山商場平台CCC9號舖

早排見上網有人推介食南山白汁冰 為食嘅我👧🏻都要專程過嚟試一試 😋😋😋🥭白汁芒汁西米 $35招牌甜品🍮 好多芒果肉 芒果好香甜 好香濃🤩西米咬落好煙韌😋 好有口感 重點係白汁即係 雲呢拿沙冰😍 真係好清涼😆 甜度剛好 而且好夠味👍🏻👍🏻 🎪環境🎪位於戶外地方 有蚊咬都在所難免 所以堂食嘅位置唔多 但尚算乾淨 枱面都有店員定時抹桌 唔會有痴笠笠嘅感覺👍🏻👍🏻 好多人都係外賣買走 人流真係keep住多人 愈夜愈熱鬧👏😆

連續黎兩日先食到南山邨名物——南山白汁冰‼️真係唔可以太夜去（凌晨12點之後）🤣第一日凌晨12:30到，已經賣曬了😭第二日早左d去，夜晚11:50左右到，好多人排隊，差d就截龍‼️排左大概20分鐘就輪到我地✌🏻不過都係去得太遲，招牌白汁芒汁西米已經冇曬😭淨番豆腐花😂🌟感覺白汁冰融左更好食😋好濃的雲尼拿味💖$35蚊一碗，如果要加芒果要另外再加$5.下次要早d去試下招牌西米白汁冰先得😝

講到南山邨，必定要食呢間老字號「南山白汁冰」😛今次就圍咗芒汁西米試吓😋芒汁西米：未食嘅時候，巳經嗅到好香芒果味😆第一啖食落好香芒果味，西米好爽口同彈牙🤤而且西米仲好足料添，絕對唔係得少少個種！因為會有啲冰係個碗底到，令到成碗芒汁西米食落口個陣仲可以keep到凍冰冰，芒果仲好甜添呀🥭呢碗芒汁西米完全岩哂熱嘅天氣食呀！食完好透心涼呀，食完之後成個人舒服哂😝

呢間舖頭因為有某條foodie片嘅推廣而大爆紅老闆娘根本就做到都忙唔切我自己就叫咗一個白汁芒果水晶粉平時自己食椰汁都唔係咁鍾意嗰浸味，但係呢一隻真係加咗雲呢拿嘅白汁，感覺唔係好濃郁，又係好濃郁，唔知大家知唔知我講緊啲乜嘢總之就係你平時唔鍾意食椰汁，都會覺得好OK 另外份量極度知足料，不過要俾啲耐性等，因為真係好多人