南方 (已結業)

住左荃灣20年，好難得返過黎食野！便試下呢間車仔麵...點知😪所有食物如同白灼沒味！唔好食都算..個魚皮餃仲要係孫味🤢🤢就連最基本既飲品都😪😪涷奶茶得奶！凍檸檬茶係熱嫁😩😩福來村出名好野食多！再唔改下...估你都好難做

其實我對食物的要求不高，只要正正常常其實都滿足，但當一間食店在服務態度上令人難受就完全食之無味。這餐廳的經營模式以自助取餐形式，決定了食物後去收銀檯付款然後食物安排好後出餐位會有職員呼叫單號取餐，過程像大學飯堂，既然省減了樓面職員為什麼普通的食物會咁貴，難道味道很吸引嗎？錯了，食物味道對普通不過。一個三餸麵+一個兩餸飯連飲品要$100，絕對唔值。另外最讓人氣憤是‘出餐阿姐’們態度差劣，事源點了兩餸飯後埋到檯時發現少了一個餸（豬頸肉），當然立刻行過去表示遺留了一個餸，阿姐態度不耐煩並表示「無漏啊，係得一個餸啊」，嘈沒有意思，叫阿姐睇下張單她說「掉左啦」，幸好收銀的職員記得我剛點了兩個餸，阿姐才甘願提供欠我的一餸。其實我會貪心呃你多一個餸咩？自己出了錯誤亦沒有找方法解決，我相信這問題會持續發生。同一條街有大量食店，請問職員這樣態度惡劣、服務完全沒有、價錢偏高、環境擠迫的食店靠什麼經營下去？

無去荃灣一排又開左新野，作為愛吃人士要追新舖都幾唔很閒宜家新開的店好多都好比心機裝修，整到成間小屋咁好可愛！叫左2碗麵，首先係豬軟骨豬紅蘿蔔米粉配辣汁。豬軟骨偏散，唔係一大舊果種，但好入味，軟骨位就有咬口。豬紅爽口，蘿蔔清甜無渣。今次辣汁叫小辣，但唔係好夠辣唔夠過癮，食得辣既可以直接叫中辣試下。第二碗秘製醬炆雞肉響鈴韭菜餃咖喱汁撈粗麵，雞肉好正，但有骨大家食既時間要小心，醬汁味道惹味，雞肉大大舊啖啖肉但肉質又做到嫩。響鈴剛剛炸起，好薄好脆。韭菜餃就普通，中規中矩。咖哩汁比想像中辣，粗麵掛哂咖哩汁好正！小食叫左炸芋卷，認真好滿意！熱辣辣拎出黎，加分，外面春卷皮好脆，入面芋泥好滿，芋頭味好濃，估唔到小食都整得唔錯～當然要叫個菜均衡飲食。

我覺得車仔麵好香港地道，記得中二個年差唔多日日食車仔麵，係伯伯推手推車街邊果d, 香港人太多，小販好危險，特別熟食，記得細個市政捉小販走鬼，真係幾恐怖下，有次有途人比滾油淋到，聽聞話死左，唔知真定假近年好多人開車仔麵舖，比較乾淨同坐得舒服，唯一唔好就係要係門口買票，真係未諗好食咩唔好入去，學我男友話自己都唔記得要咩，仲點記得我要咩餸，唔想煩，我們各自叫左8寶麵，反正樣樣餸我地都啱食，好大碗下都係$58，跟咖啡或茶，台式飲品都係加$4雞翼尖入口溶，骨都可以食埋/豬皮不過不失/豬大腸夠稔，感覺好啖啖肉/咖哩魚蛋係細細粒懷舊個種，我個人覺得個咖喱唔知有咩香料有搶喉感覺/白蘿蔔好甜下，有d似用糖水煮/牛腩 & 牛肚都好稔同入味跟超多韮菜，但好老，好多纖維

荃灣廣場對面有間面店，裝修很有文藝氣息，很斯文。是個坐低休息的好地方。不過野食方面，就一般般了，車仔面的湯㡳不夠味，加料也是味道太淡，連我食開淡味野都覺得太淡。野飲方面：也是令人失望了。紅豆冰的紅豆也太少了吧！基本冇紅豆的味道。

行過見到開左間新野，見門口$40幾蚊加$4有珍珠奶茶，就好期待入左去試，點知一肚氣出返黎！入到去先發現「6點後所有套餐加$3」，咁都算，我叫既係菜遠豬軟骨飯，加配茉香珍珠奶茶，已經成$50。一黎到，個飯既「菜遠」原來只係加條菜，食落先知唔對路，我要既$41菜遠豬軟骨飯，原來佢寫左我做肉躁飯，加埋野飲變左$50。豬軟骨如圖所見不吸引、不入味，只有3/4舊。茉香珍珠奶茶叫左少甜，成大陣藥水味，飲到底啲珍珠仲未煮開，一大舊痴埋。比起其他荃灣既平靚正野食，$50食到好多高質野，呢度既食物同飲品兩樣加埋絕對唔值，仲要自助出去拎餐。唯一一讚既係收銀伯伯好有禮貌，唔該前多謝後，但絕對不會再有下次。

車仔面俾人既感覺係快逼嘈，但一行入南方你完全唔會覺得佢係一間車仔面檔，簡約嘅裝修，寬敞嘅座位，特色嘅擺設，令人有種悠閒嘅感覺，唔會好似要你快快食完快D走嘅壓迫感。車仔面餐免費跟一杯餐飲。由於實在太肚餓，D餸選擇又多又吸引，對於我呢個選擇困難症嘅人嚟講，最簡單嘅方法就要全部都要，不知不覺叫左6個餸：米粉，咖哩汁中辣，豬大腸，咖哩魷魚，醬炆牛肚，醬炆香辣雞，韮菜餃，通菜，再加一杯朱古力咖啡。車仔面嘅份量都算多，咖哩汁辣度適中。豬大腸好冧，好入味；咖哩魷魚咖哩味濃，爽口；牛肚彈牙；香辣雞好惹味，但略嫌雞肉老左D；韮菜餃好香，通菜就係平衝呢碗全肉全內臟嘅車仔面。朱古力咖啡比例適中，唔會互相搶左大家嘅味道，連我呢個飲咖啡會胃唔舒服嘅人飲完都無事，呢杯野真係好好飲。

行行下街 突然肚餓 就去食下新開既車仔麵🍜裝修都好與叮不同 有別於一般既車仔麵店好時尚 就吸引左我入去食🙂三餸都係$38 （每款$8）另外仲有干撈系列（$40）首先你要係櫃臺買完，就拎搵坐另外買完仲送野飲-有是日贈送飲品每張枱都會有呢張紙提醒下大家既1、2、3🤤份量唔係太多 但食落都係夠食既另外贈送既檸檬綠茶 👍呢間係一間坐得都幾舒服既車仔麵店 想坐得舒舒服服 不防選擇呢間車仔麵店一個價錢$38 又有野飲送😄

臨睇電影🎬前决定係附近搵餐廳食個快飯趕入場 見到大壩街開咗幾間新餐廳 我地就入咗間新裝修既鋪頭 裝修得幾靚 以為賣台式飲品 點知原來係賣本地車仔麵 望落價錢唔算貴 一於入去試一試🏃🏻‍♀️🚶🏻‍♀️餐廳🍴採用自助方式 自己隨意入座 睇餐牌 再自己到收銀處點餐 拎咗收據後 聽到水吧位置嗌收據上既號碼後取餐 當客人不算多時 侍應都有幫手送餐 我覺得咁既方法都幾好😋
睇一睇餐牌 都有唔少選擇 麵食有八款簡 常見既有河粉 油麵 粗麵幼麵 仲有拉麵🍜 餸就有二三十款 都多野簡 有經典類 有懷舊篇 餃、丸仲有素菜 算係幾貼心 我同朋友各嗌一碗車仔麵 佢簡咗粗麵 蘿蔔 豬 同豬頸肉 加咗$10轉配珍珠奶茶☕️ 而我就嗌咗河粉 配蘿蔔 咖哩魷魚🦑同埋醬炇牛肚 湯底雖然係清湯 但湯頭都有味 唔會話太淡 河粉正常 份量適中 蘿蔔幾清甜 咖哩魷魚唔錯 爽彈略有辣味 而牛肚炆得算幾入味 成碗整體唔錯😆
飲品我加配紅豆冰 夠哂凍消暑一流 幾好飲 唔會偏甜 牛奶🥛同椰汁🥥味並全 另外我地仲嗌咗款小食 炸蝦🍤丸 其實係炸龍蝦丸 夠哂熱 應該係即炸 外層好脆 附上咗泰式酸辣醬 配埋岩岩好👍🏻
整體黎講 平均我地一人食咗$5

差不多十點才到荃灣晚飯，以為很多選擇但原來大部分都差不多關門了。經過這間車仔麵看到裝修很雅緻，店員熱情出來叫我們試下，就進去了。環境是ok的，像cafe格局。有平常的車仔麵，也有干撈。淨餸餐 (咖喱魚蛋 溏心蛋 瑞士雞翼) 加可樂 $40醬炆香辣雞賣完了所以轉了瑞士雞翼，辣汁幾乎沒有辣，成件事好像沒甚麼味道酸甜汁干撈 (豬腸 五香腩肉 蠔油冬菇) 加紅豆奶茶 $50咖喱汁干撈 (溏心蛋 咖喱魚蛋 蘿蔔) 加荔枝玉露 $50蘿蔔不是很入味，有點奇怪，這麵等了好一會才到，但蘿蔔和魚蛋都不是很熱環境來說是坐得舒服的，裝修和餐具也有心思，店員熱情友善，希望食物質素改善一下吧。

今日同朋友行完荃灣廣場，個肚打晒鼓，好肚餓，朋友話突然間想食車仔麵，我哋見到有間新開嘅車仔麵喺附近，裝修格局都好新穎，於是我哋就入去試吓啦。木系嘅裝修，簡單而有特色，俾人舒適清雅嘅感覺。朋友叫咗個八寶面，啱晒花心選擇又多又要平嘅佢佢所有餸都食晒，佢話覺得份外好味，因為啲嘢好入味，而且配上佢特有嘅咖喱汁，簡直一試難忘。佢嘅瑞士雞翼唔會好淋身，而且雞翼又夠晒大隻又入味，我覺得完全係必食啊。而且佢嘅豬紅好新鮮份量又多好多。豬腸唔會好淋身，又夠入味，入口爽口彈牙豆腐新鮮炸起，炸至金黃色，入口香脆，而且配上華鹽，越食越滋味。紅豆冰，夠晒冰凍，紅豆粒粒分明，消暑一流

終於考哂試啦😆🙌🏻考完試臨近傍晚行經呢頭適逢之前有朋友介紹南方不錯吃🍜還掂要醫肚就上門食下啦😋南方車仔麵位於荃灣大壩街🍜但有「天空之城」之稱既荃灣可謂四通八達！😆由A1出口直行沿住南行天橋過黎都算方便呢度環境裝修簡約配合擺設裝飾亦幾有風格呢間麵類選擇都幾多同埋都有幾多餸揀最後我揀左三餸車仔麵加腐乳通菜😆是日優惠另外再送荔枝綠茶🍵三餸車仔麵我揀左拉麵底🍜自己本身鍾意食較硬身既麵拉麵麵質煮得微硬口感幾好餸就揀到溏心蛋、烤焗豬頸肉同埋柱侯牛腩湯底採用秘制牛骨高湯入味之餘亦夠鮮甜無味精飲完湯唔口渴亦要大讚😆餸菜方面溏心蛋中規中矩流心效果一般但勝在食落夠滑烤焗豬頸肉肉質口感一流🤤而且有微微鹽香唔點汁醬亦好好食就算浸住湯都仲食到剛剛焗完既香焗口感柱侯牛腩就不過不失脂肪比例均勻都夠入味食落肉質都夠林腐乳通菜食車仔麵必叫！而且份量十足😆荔枝綠茶隨餐附贈😆清清甜甜味道還不錯的🙈

小時候吃的嗱渣麵即係而家既車仔麵，絕對能代表香港最地道的街頭美食！不過到了這個世紀代車仔麵已蛻變得不再是街邊貨了！ 星期天在荃灣揾食見到這間南方，被精緻的門面吸引著原來是間車仔麵店，喜歡吃車仔麵的我們當然第一時間入去一探究竟啦！ 車仔麵店內以單車輪作裝飾，不知是否老闆的個人喜好呢！ 以自助形式經營客人先選好心水食物，再到收銀處付款後待叫號碼便可取食物！ 幫襯車仔麵有指定飲品送贈，傻痴痴的我們不知另點了飲品，凍檸檬茶跟餐價＄8(原價＄16)，車爸爸的熱奶茶同價，兩杯飲品都表現都正常！ 我選了油麵底配五香腩肉、韭菜餃、鳳爪＄38，要的小辣汁不算太辣車爸爸也可吃到，三餸中以五香腩肉最出色，質感淋身而且夠入味，韭菜餃皮略厚餡料亦不夠香口，而鳳爪則屬正常。 車爸爸要了幼麵咖哩汁味道還可以，配豬皮、豬腸、豬紅＄38，餸料質素也是一般，須然湯底以牛骨高湯打旗號，可惜真的喝不出滋味來！整體沒太有特色只是很平凡的車仔麵！

星期六下午，睇戲前同朋友仔食個late lunch~ 見到間新開車仔麵就一於試試~過咗lunch hour, 所以都唔算多人~真好! 以為係小店但其實都好大間，同埋裝修都幾有心思，以單車為主題，走日式小清新路線，車仔麵店嚟講都算特別~每張枱都有張牌教你點落單~門口嘅電子餐牌，其實入到去都有放枱面嘅過膠餐牌~其實佢啲餸都算多款，有啲都比較少見，今次就揀咗食肉獸系列: 豬軟骨豬大腸牛肚!! 😝😝😝 呢度嘅湯底係秘制牛骨湯~牛骨味其實真係好香濃好鮮甜，應該係真材實料煲先會有嘅味道!👍不過都因為真係牛骨煲嘅關係，所以湯底都偏油…如果可以撇走啲油就好了至於餸方面，就不過不失啦豬軟骨偏散碎，所以唔係好食到軟骨，淨係食到豬肉😂😂 而且肉質有少少乾，有啲啲失望…至於牛肚同豬大腸都腍同夠味嘅，但大腸有啲肥膏朋友仔就食漢堡扒翼尖枝竹佢好唔開心得一塊漢堡扒😂翼尖都幾多同入味，不過都係有啲甩骨🙈🙈新張期間買3餸麵仲送杯飲品，都幾抵~不過好似每日送嘅會轉款，呢一日送嘅係柑桔柚子同荔枝綠茶，如果唔啱都係要加錢跟餐嚕~題外話，呢度似乎係家庭式經營，因為食到一半見到有對上咗年紀嘅公公婆婆為餐廳運作爭拗咗一陣，仲有位疑

工作關係嚟到荃灣一到夏天就無胃口食飯小小地食個車仔麵都唔錯荃灣廣場對出成條街都係食店呢間車仔麵店外型幾新淨入面以木為主，有種文青既清新感覺台底有d單車轆做裝飾2點嚟到唔使等位 呢度似家庭式作業每位都好親切既感覺落單方法係搵到位後，係收銀處落單，然後埋位等叫號碼，再自行取餐三餸麵$38，叫左一D招牌餸，蘿蔔牛腩，蟹籽丸，加多碟菜心牛腩炆得好腍同入味👍🏻👍🏻其他就基本車仔麵水準新張期間送特飲，我揀左金桔柚子都大大杯唔姑寒