南豐餐廳

營業中

休息中

第一次嚟南山邨，諗住揾吓隱世餐館，行過見門外有餐牌寫住港式鐵板餐，睇落似老店，幾吸引喎!黃昏六點鬆啲，入面都有幾枱食客，就入咗試吓啦!左右兩邊都係卡位，中間都有放枱。卡位仍未滿，便隨意坐下。見晚餐有湯及包，頭盤"雞亦鴨胸"，蒜茸牛扒意粉/飯都係$54，好經濟咁，就好期待咁叫咗，見有檸樂飲，又叫埋，期間侍應好細心提示要加$7。等待期間發現門口附近有電視睇，暗地加分!登登登凳，先嚟原罐可樂同檸冰杯分開上，牛油方包，之後湯，雞亦鴨胸，最後牛扒意。一見湯就怪怪咁，點解紅湯咁嘅(橙)色？味道並不是預期(creamy又帶甜嘅?!)，同期望嘅紅湯有大出入，但蔬菜係豐富嘅。雞亦同鴨胸太油，只食了鴨胸。牛扒意嚟埋，賣相完全失望，點解個汁同湯嘅色咁似嘅？意粉明顯太'林'。食落口-意粉堅係'林'(大概煮耐咗)，汁同湯不但色似，味道都相近，牛扒夠'林'，易切，要讚吓蒜香夠濃。用餐時見到客人多數食中式，我估謎底解開了。亦留意到侍應態度好好，可能街坊客多，見她們同客人都有傾計。而牛扒意傳來時都有問要唔要刀，夠細心(因為薄身同'林'，其實用叉匙都可以切開)。

南豐餐廳可以話係成大學生嘅飯堂 60蚊一個小菜 一個小菜就配兩個飯 啱曬所有大食嘅 朋友 每一次做完功課嘅時候都會同朋友一齊嚟南豐一日兩碗飯擦餐勁今次有同朋友一齊嚟咗南豐餐廳食一個 西檸雞同埋一份 魚香茄子 西檸雞成為咗我哋食嘢必點嘅菜式因為 炸到金黃油外層再加上一啖又一啖嘅雞肉同埋鮮甜辣醬汁令到所有人都欲罷不能 可以無限送飯 就好似一份炸雞嘅小食咁 冇得彈魚香茄子方面 今次表現稍為有啲失色可能 係醬汁嘅問題令到魚香嘅醬 非常淡送唔到飯 一個淡味道嘅 魚香茄子 可以話係扣曬分 縱然係咁我都會下次再嚟因為 我相信只係一次半次失色 南豐 希望我下次嚟食會變返好啲奶茶就係一杯香濃嘅奶茶冇乜特別

推薦嚟呢到食夜晚。小菜套餐$60上下，每個餐跟兩碗飯，有湯有嘢飲，有普通茶記水準，好抵食。平日夜晚人不算多，唔會太迫，一個卡位可以坐好耐，啱幾個麻甩老友坐埋吹水

相信曾經在附近讀書嘅學生哥對南山邨依個平台唔會陌生吧, 久別多年今日重臨舊地實在感觸良多 ~除左似乎無人不知嘅品香樓, 其實南豐餐廳都伴我成長架 ~今日午餐趕時間, 速戰速決來個常餐.. 簡簡單單叉燒公仔麵真心覺得不錯! 半肥瘦味道適中, 公仔麵我平時好敏感會食到有陣臭蠟味但依個無 , 心心眼!! 加埋個湯底清清地唔會好似平時d茶記咁死鹹/重味精.. 方包好軟熟不過無乜牛油, 腸仔又係要讚, 唔係用廚師腸而係有咬口的唔會粉... 蛋煎得剛剛好適逢月尾halloween, 隔壁品香會花心思佈置下吸引客人, 但仍無損我對屋邨茶記嘅好感 ❤ 就係如此平平實實才迄立不倒咁多年, 期盼下次再來

中學係石硤尾讀書，成日去南山村食飯，而南豐亦係其中之一既餐廳。同好朋友間唔中都會去食下，今日大家又去懷舊一下。5點幾大家都有些餓，當食埋晚餐。6點前仲有下午茶，好抵丫😆全部都30元，好耐無見過喇我們叫左一個椒鹽肉排飯同一個xo干炒叉燒意粉Xo干炒叉燒意粉有點油，d意粉好碎，夾極都斷，都幾有xo味，叉燒就有點肥，所以唔係好硬。整體就有些咸😅椒鹽肉排飯。望落幾好味，醬汁有些咸，肉排都淋，但就好咸，撈埋d飯同汁一齊食，真係好咸😅雖然食物普通，但勝在有種人情味係無人能比

南豐餐廳係石硤尾南山村南豐樓平台商場,呢個充滿舊時香港氣氛的屋邨, 黎食懷舊野/ 最正常的地道香港食物就最好今日下午係附近影完相後, 就揀左呢食醫醫個肚,見到有菠蘿油加熱奶茶, 即刻唔洗再諗其他雖然呢到係攞貨番黎, 但菠蘿包番熱得夠徹底, 菠蘿包外層口感酥脆非常，而麵包仍然柔軟有彈性，隨著時間牛油開始半融，簡直係人間極品 而熱奶茶茶味清香飄逸, 奶下得適中, 對於我來說已是中上。雖然呢餐膽固酵爆晒錶, 但偶爾為之一兩餐, 也不為過丫

品香樓太多人唔想排, 就去隔離呢間食。叫左個雞+豬鐵板餐。鐵板夠哂熱, 淋上黑椒汁好爽呀。豬扒幾大塊, 唔算好林, 有D鞋口。雞扒正常LA, 但偏咸。好耐都唔上個忌廉湯, 催左幾次, 不過幾大碗抵飲。

抵食晚餐在 5:00pm-11:00pm🤣全部小菜都只系57-62蚊 包2碗白飯 跟是日例湯 還有餐飲放左工一大班人食就岩哂可以試多d小菜😽😽今次三人行各點了大家喜愛的第一道必食小菜蜜桃沙拉骨酸酸甜甜 很開胃❤️ 肉質火候煮得恰到好處，大人細路都岩食👍🏻第二道必點的小菜沙煱魚腩煲👏🏻👏🏻沒想到這間餐廳的小菜有咁驚喜。 魚肉是先炸後炆 但要注意，魚肉有點骨吃時要小心點第三道❤️椒鹽鮮魷 這裡的比較特別外脆內軟的境界有做到👍🏻 配飯一流👏🏻👏🏻

去完手作紡, 順手在附近找找食, 不過時間已接近七時, 周圍都沒有太多選擇, 走到南山村, 終於見到有間古舊茶餐廳, 看來古色古香 阿華田冰冰, 正常港式西多士, 好耐都冇食到用番傳統花生醬整的西多士, 好正港式雞翼薯條, 薯條剛炸起, 夠哂熱氣

是日與友人逛畢JCCAC手作市集，大夥兒見有點餓但又末到晚飯時候行下行下走進咗入坐南山邨找點小食下午茶順便休息坐一坐。基於大家貪食、貪平、貪方便的共識便走咗入間茶餐廳 南豐餐廳。老屋邨傳統茶餐廳，座入卡位，即點港式下午茶點，西多士及炸雞翼薯條，自己點咗杯茶走，友人飲脆脆華田及脆脆奶茶。可能好一陣子無食邪惡西多，加上餡料用我喜愛的花生醬，伴以茶走，雖然唔係特別美味，但週末最佳享受莫過於此。四隻雞翼一人一舊剛剛好，雞翼都幾好無雪藏味，不過薯條就有啲硬，有番熱之嫌。茶走味道亦算合格。 屋邨茶餐廳譚唔上企理乾淨，但往往帶著自家地方嘅混沌感，呢種隨意、隨心、不做作的自家地方食嘢，就同響屋企開飯一樣嘅反應唔會有諸多要求。

最愛去舊屋村食野，南山村細個成日都去探親戚，而家大左就變咗係文清要去嘅地方之一。入邊有兩三間茶餐廳，同埋一啲大排檔，個人較喜歡南豐冰室，品香樓雖然較為出名，但係之前試過佢嘅lunch都係一般，南豐嘅午餐通常都會有一款焗飯或者意粉， ＄35再加埋杯野飲。今日係焗肉醬意粉，等左5分鐘就嚟到，好有茶餐廳feel嘅焗意粉，表面覺得微微焦，芝士略嫌不足，見到有芝士，但食落冇乜芝士味道，番茄醬汁用洋蔥紅蘿蔔和蕃茄蓉整成，味道不會太重，肉碎份量一般，呢個價錢就不會要求太高，但其他焗之選會更好。咖啡都失望，奶味夠但飲落好酸，都係茶餐廳水準。食食吓嘅時候望到快餐有花膠食，都係＄45 ,真係估唔到連茶餐廳都搞搞新意思，玩高級野，下次想補下嘅時候都可以試下。

星期六 冇節目，小朋友又要返學，淨番兩公婆 無無聊聊落去嘆下午茶! 餐廳下午茶炒粉麵、 三文治、湯烏冬同煎炸食物選擇。 我哋揀咗蒜蓉雞扒撈丁(雞扒煎得好惹味，蒜蓉爆得夠香，加上去唔會好油淋淋，好好味) 另外叫了一份花生醬西多士(炸得很金王麵包邊很脆，唯獨是略欠花生醬， 多番啲會更好)…

2017.04.07 😊踏入4月又係一眾deadline fighter發揮小宇宙的時間簡直將自己的極限發揮到淋漓盡致交完一份final project😧OMG原來仲有3份等緊我原本想去南山村 搵小妹大愛的豬潤粥食下點知睇落似裝修緊 又唔想食品香樓🙁唯有是但搵間茶記醫肚啦餐廳係2間鋪打通左 都算幾大一入到去就有種懷舊茶室的感覺🤠店員的平均年紀都為大 但都好有禮貌用的是爺爺家綠色的地磚 細個好鐘意夏天冰冰涼涼的每個套餐都跟上2碗湯、2個白飯及飲品我地2個餐 所以有4碗飯 😂不過我地都同佢講左要2個飯就OK啦🍚另外 餐廳亦很慷慨 2個餐就會送炸春卷或炒菜 岩曬啲2口子、小家庭去食椒鹽鮮魷 $62每條鮮魷都俾粉漿包裹著 粉的厚薄度剛好酥脆的外皮炸到金黃色的🦑帶著少少微辣的椒鹽 沾上kup汁令我諗起細個去舊式茶樓的味道西檸軟雞 $57食得啲道菜 就要有隨時中伏的準備多數係大排檔食 一係勁甜 一係太酸今次小妹就好滿意啦 唔太甜唔太酸😆味道拿捏得好準確 可以值得再試雖然春卷及例湯都係跟餐送的但絕對亦是誠意之作春卷是即叫即炸的 不會有油抑翻炸的感覺配上甜甜酸酸的雞醬 挺開胃的🤗而今次的湯亦不是一般常

這日和男神教練一起跑步，做前就在此先醫飽個肚仔此食店老字號，都開了很久，今日晚飯，難得並不多人我們ORDER了西檸軟雞 $57和沙嗲金菇肥牛煲$59西檸軟雞 $57，原來男神教練和我一樣都如此愛吃外脆內軟的雞扒配上酸甜的西檸汁真是好吸引當然不少得這個沙嗲金菇肥牛煲$59份量夠多，牛肉也新鮮軟滑，口感幾好仲要連飲品，而且每個菜都送兩碗白飯，即共有四碗白飯我們只要了兩碗白飯，已足夠食得好飽飽了食完後雨仍未停，我們最後改了去做GYM~

這日來這裡跑步前先在此食個早餐。叫了個早餐B($27)，沙嗲牛肉公仔麵+腸仔粒炒蛋+奶茶沙嗲牛肉公仔麵，水準以上，牛肉軟唸，公仔麵煮得火喉足夠。腸仔粒炒蛋，炒得夠滑，不錯。我Partner叫了五香肉丁米粉，都幾好食。奶茶好香滑，幾高質。我們食完好味的醒神早餐後，便去石硤尾公園開始健康跑步之旅了!