博多拉麵別天神 (已結業)

間唔中就會抽起條食拉麵🍜既癮今次食既呢間都算幾隱世星期六日去食都好似無乜人咁🫢——————————————————🍴蝦味噌豚骨拉麵($85)成間鋪頭只係得2款拉麵就係呢款蝦味噌豚骨同埋豚骨味而且呢款拉麵仲要數量限定😯想食真係要早啲去面頭有一堆櫻花蝦🦐撈埋落個湯到飲落蝦味好重👍🏻食完成個麵都唔會好口渴而且麵底仲有得揀淋啲定硬啲我就比較鐘意食硬啲麵底係自動售賣機度落咗單 拉麵就好快上碟喺尖沙咀返工 要趕頭趕命食lunch呢間會係一個唔錯既選擇‼️

🔸別天神套餐配餃子 ▫️豚骨湯麵🍜👉🏻日式叉燒嘅面有被燒過，好香口，脂肪比例唔會太多，食落肉質都好嫩滑☺️ 豚骨湯底好濃味，拉麵我冇特別Request 硬度，我覺得硬度適有咬口中，唔會過硬或者過淋，同埋唔會有鹼水味😌👉🏻流心蛋煮得啱啱好，做到半流心效果⭐️⭐️⭐️⭐️. ▫️餃子🥟👉🏻餃子上檯嗰陣仲熱辣辣，相信係啱啱煎好，外皮煎得好脆，個餡都好Juicy☺️⭐️⭐️⭐️⭐️❗️入到去要先用自動販賣機買嘢食，之後先可以拎位坐，不過提提大家販賣機冇得揀面麵嘅硬度，要另外同店員講☺️

2019就開始食佢💛，係百物騰貴嘅情況下，佢價格無變已經好難得！所以我間唔時食拉麵時就諗起佢～#蝦味噌豚骨湯麵 🦐套餐好鍾意佢唔係半邊溏心蛋，係比足成隻你！湯底夠濃，我偏好揀麵身「偏硬」，咬落夠彈牙又有口感！配料有我喜歡嘅粟米🌽同櫻花蝦，所以湯味有海鮮鹹香，會忍唔住不停飲！通常平$5配埋小食， 揀咗 #小龍蝦蟹籽沙律 ：佢幾大球，調味調得唔錯，用脆身嘅紫菜包住食，我覺得仲出色過佢嘅餃子🥟！基本款 #豚骨湯麵 唔算特別出色，因為個人比較喜歡「海鮮」味嘅湯底，不過不失，但因為有頭兩款食物，都會再嚟食～

首先定價就有啲唔理想，因為小弟太懶所以套餐就叫咗套餐， 但係應該分開會抵食啲，其實就係差$5 ，但係就少咗兩隻餃子。然後講吓餃子先，諗住趁熱食所以食咗一隻先記得影相，首先佢個皮真係林到好似碌水餃咁，而且煎得有啲焦，餡料方面冇乜味道。跟住到個拉麵，首先隻蛋就散嘅，然後啲面黐埋一舊，唔知係咪唔夠時間。嗰兩件叉燒死實，口感唔好，味道方面唔知道係咪因為比蝦味增影響，所以都係偏鹹。蝦味增係正常嘅， 號稱剩係得豬骨同埋水嘅湯頭都係感覺太鹹，唔知道係咪真係蝦味增影響啦，成碗麵最好嘅可能係粟米，甜甜地嘅🫠本來見到自己撳機落order有啲日本嘅感覺，加上喺附近返工咁耐都未試過，期待值太高，所以同現實反差有啲太大，但總體嚟講都係劣評。

今日出尖沙咀試下呢間別天神，好耐冇食拉麵，睇下得唔得開門去到，店第一碗serve嘅拉麵，自己喺機買票先，揀左$105套餐，包埋4隻餃子同豚骨拉麵麵黎到，料有木耳、蔥、蛋、兩塊叉燒、麵係幼麵飲啖湯先，唔夠熱啦，食拉麵湯一定要熱，唔係碗麵已扣左一半分數叉燒口感粗鞋，木耳同蔥太多，遮蓋左湯嘅原味湯頭順口嘅，算合格碗麵俾我感覺冇咩生氣，垂頭喪氣嘅一碗拉麵餃子一般貨色，唔評了。呢間試過就算，難再回頭，希望佢好好經營落去，起碼湯煲熱啲先

呢間又係好出名嘅拉麵店當日去食好似係因為等緊拉麵材料黎所以坐低之後都等左好一段時間店員姐姐就送左每一組客人一碟餃子以表歉意有誠意得黎又好好味👍豚骨湯麵麵係比較幼身嘅類型食落好爽口豚骨湯底好濃厚❤️餃子普通嘅日式餃子簡簡單單嘅好味道小龍蝦蟹子沙律係清爽又濃厚嘅味道可以一試！

星期六經過尖沙咀，因為好肚餓所以就鑽左入去呢間拉麵店到，見佢鋪面都好乾淨下於是念住幫襯，叫左碗豚骨拉麵+一碟餃子同額外既叉燒。佢碗麵真係非常之冇誠意，可以話平時喺屋企煮既公仔麵都好食過佢，飲第一啖湯，點解完全冇味？再飲多啖，有小小，好淡好淡既豬骨味，感覺係10桶水煲半舊豬骨既味道，再飲多一啖，不得了，同飲緊一碗滾水冇分別，味淡到不得了。湯底係一碗拉麵既靈魂，你拎左一碗滾水拉麵比客人等於比左碗冇靈魂冇心機既食物客人，咁樣都叫做拉麵店咩？冇心機做既不如唔好做啦，唔會再幫襯，冇下次。

星期六經過尖沙咀咁岩行過呢間鋪又好肚餓所以叫左碗豚骨拉麵，佢標榜係冇添加，唔落骨粉，唔落味精，百份百豬骨湯，但係出嚟個味道同白烚拉麵冇分別，可以話任何一個人喺屋企煮一碗公仔麵都可以好食過佢。湯底完全冇味同比一碗滾水加幾塊叉燒一個麵餅你冇分別，湯底係拉麵既靈魂，拎一碗冇味既搵麵比客人同拎一碗冇靈魂既拉麵冇分別，好彩，佢既餃子同叉燒都叫放得落口，不至於所有野事冇味，但由於重中之重既湯底係冇味，唔會再幫襯，冇下次

早排去尖沙咀唔知食咩好，見到Ig推薦呢間就黎試下💛正當隔離左右都排緊隊等位，呢間居然冇麥人，希望多啲人支持下💛。門口有部落單機，叫完野食先入坐，環境舒適。因為冇麥人好快就有野食，拉麵硬度適中，蝦味湯底極重蝦味，飲得出用左好多材料同心機係湯底上面，餃子即叫即煎，熱辣辣幾好食，但如果可以煎脆啲個面會再好食啲。staff幾好人同幾nice，見過有cm話態度唔好就真係見人見智。下次會再過黎食，加油💛

店面唔算好大嗰晚去食吧枱都冇坐滿自助形式喺門口部點餐機點完之後比張單店員就會幫你準備叫咗個蝦味噌套餐（ $115 ）嗰碗拉麵個湯底好濃郁😋有啲櫻花蝦碎麵質爽口半熟蛋都好夠味道👍🏻日式煎餃子四件（套餐包括）溫度適中 👌🏻餃子皮唔會好厚身個餃子底部都煎得好脆口😉小龍蝦蟹子沙律（ $35 ）大小有一個雪糕球咁大另外配咗五塊紫菜用紫菜包住龍蝦沙律食又幾好食😋多一份海產風情另外加多左一份木耳（ $10 ）同埋一份叉燒（ $15 ）有四塊價錢來講非常抵食👍🏻

星期日佐敦做完嘢，時間尚早，就落尖沙咀行陣街，忽然想食拉麵，於是決定幫襯博多拉麵別天神。呢度用 machine 落單，好處係方便，但係就冇得揀麵質，配料等。套餐較抵食，不過我唔算太肚餓，於是剩係叫咗碗蝦味噌豚骨湯麵。我覺得碗拉麵較出色嘅係湯底，口感稠之餘，味道亦好濃，店家聲稱只用豚骨加純水淆製，絕無味精牛乳豬骨粉。拉麵係幼麵，麵質偏硬，啱哂我口味。配料方面有櫻花蝦，粟米，叉燒，蔥粒同紫菜，唔算豐富，不過質素搭夠，櫻花蝦夠鮮粟米夠甜，唯一係叉燒得兩片薄薄嘅，唔太夠喉😂。

點豚骨拉麵，湯味道很一般，肉有點酸，不知道是不是店家味道比較不同，點了替玉都等到湯喝完才上。店家態度不好，拉麵味道與其他家沒有差別，但是花錢受氣，第一次吃就印象不好，不會再去一次了。

尖沙咀有大把食日本野既舖頭，要揀有時都會眼花撩亂，別天神既外觀就似足日本街頭見到既拉麵店，好容易就吸引到行人既目光🎏除左舖頭裝修似足日本，入面點餐都有日本既影子，就係要自己係機自動販賣機買飛，再比張飛拉麵師傅整，咁耐冇得去日本都叫做過下手癮🤣今日舖頭唔算多人，都可以揀位坐，坐底就自己自助拎定餐具同針水飲，過左陣拉麵就到啦😋呢度拉麵款式唔多，我叫左個蝦味噌豚骨湯麵另加玉子，個湯底好濃好重豚骨味，係出面較少食到既味。麵質口感十足，份量正常。個义燒都幾入味，粟米即使係配料，但都有一大堆。同埋如果嫌唔夠重口味，仲可以自己加蒜，所以話成個體驗都好似日本食咁👍

冇得去日本，成日心思思👀想食拉麵🍜，呢間拉麵開左好多間分店，賣既就得幾sets選擇，用自助機點餐👆🏻都幾貼近日本🥟//別天神餃子套餐 ($108)包豚骨拉麵同煎餃子，餐廳聲稱每日湯底🍲新鮮熬製同唔加味精，湯底係幾濃、拉麵質地係較爽個款，溏心蛋🥚有少少酒糟味，豚肉幾彈牙，但湯底略鹹；餃子一般，唔夠厚實滿足🙃

話說我吃完又念念不忘, 又走去另一家分店吃. 豬骨湯麵套餐，豬骨湯更白，比起其他的拉麵店，湯底更為濃厚。麵條軟硬適中. 跟餐的餃子, 樣子不錯, 煎得很完整. 豬肉餡料美味.