博多舍 (已結業)

同男朋友食左個$148 2人餐..真係以為佢ok 多野食..先入去..點知一入到去就後悔......一見d 侍應..我都吾知可吾可以叫侍應..一d 都冇"侍奉" 過羅..一入到去就係見到佢地係到食緊煙!算..吾傳過黎我到..算哇..d 侍應..嚇死我-____-你要著件侍應3 都著得好睇d 牙..一係你就吾好著..一睇佢地就立刻後悔入左黎..講講食物..1. 紅湯白湯.. 完全..冇野想講..2 . 蟹子沙律.. 得d菜..同青瓜絲..哇..正.. 真係正-_______-''3. 刺身..2塊三文魚同3隻蝦仔 喵事,,d三文魚超淋..放左幾多日?4. 小食:: 餃子雞亦.炸蝦.帶子 得個蝦正常dd5. 咖哩豬頸肉飯我由細到大都未試過出去食飯係食冷飯lo !!!d 咖哩又水喵事牙?d冷飯一舊舊...想點?最後我地連甜品都吾敢食..走左我地叫賣單..個侍應行黎單都冇張就咁講,,163= 0 =. .....冇可能有加一的..冇野值得加一

尋日lunch時間同班同學入左去食,,,第一次!!因為見入便無人,而我地又多人,唔想哂時間就入左去啦。初初我地係門口猶豫左陣,,因為總係覺得竟然無客人好似唔係好侶得過咁,有個類似部長的人,,係咁叫我地入去,坐住先,,又話平果d...入左去,,已經feel到好細,4人位都係岩岩好,2 人位就迫到袋都放唔到,有d同學仲要則身食。食物質素:我叫左個美式牛仔排焗飯,d白汁,好怪,好難食,牛仔排都入得口,,食食下先發覺有舊未熟,,紅色,好大陣腥味。碟飯除左細碟,,配料都唔知少到點講好,得兩粒紅蘿白碎,,菜都無條...同出便佢放出黎sample完全有出入。飲品:餐牌寫住轉特飲加$5,,諗住叫熱華田盲唔洗加,,點知要個待應話加$2= = 除左茶,咖啡,奶茶唔加錢之前...o咀~~之後叫左杯熱奶茶,,佢竟然拎個人地茶餐廳裝茶ga膠杯裝,,而且熱同凍ga size有好大分別...佢杯奶茶係要落兩包糖先有味,,由於我地多人,,坐左佢3分2位,,哩個時候有其他人入黎食,,都其實係唔多,,佢唔夠位倖人坐,,竟然趕我地走,,我d同學一食完,,佢地即刻收野,仲要出埋單要佢地俾錢走人,我個枱食得慢,,個部長係咁睥我

話說今日放12點一行16人唔知去邊度食好,就入左去呢間野一望入去,冇人既個店員就四萬咁口咁拉我地入去首先,o的位好窄坐得好辛苦...地方overall黎講都ok既,不過唔太乾淨其次,o的野食我叫左個燒雞扒架喱飯兩個字- 唔得→雞扒好臭...好硬好難咬→o的架喱唔多得,冇架喱味....同埋好水→杯野飲不過不失啦....其他同學既評語都唔太好最後,就係店內既服務真係唔得,好差我有幾個同學,食到咁上下有個店員走入黎收曬o的野仲快快手第張單比你好似趕你走咁(我覺得直程係趕你走)咁既態度點得??食多陣吹下水都唔得???呢間野真係冇下次,我真係唔知再點形容佢\既服務

今日同個朋友趕時間，行過見到拿拿聲入去食啦!入到去, 真係好誇張!有幾張台無人坐既, 但完全無人執野!!!!!!無人坐既台全部都係人地食剩既野,D WAITER唔忙,企係度HEA, 但無人黎執!再擺多陣應該好多昆蟲會黎幫襯!之後等左10秒,望過全部台都有野,唔知坐邊,終於有個WAITER過黎:「幾位?」答左佢之後佢個樣勁串勁惡咁話:「呢度啦」之後求其"PAT"份MENU過黎,落單果陣D態度又唔好!我見有個WAITER行緊過黎,咪嗌埋單啦點知佢好凌厲咁BEAR住我,然後咀妙妙咁..一句都無應過我!!!!!!!!!!!!之後第2個人黎收錢, 俾左錢我地即走!留多一分鐘都好似俾人BEAR咁!真係差到無人有!講返D食物, 我嗌左個"瑞士雞翼便當" $25有1個珍珠米,1碗麵豉湯,1杯野飲便當入面有一隻八爪魚同少少螺肉,2塊咁大把既三文魚,(幾薄),3個瑞士雞全翼(無搥),同埋沙律...(生菜片,青瓜C,粟米粒,少少蟹籽,同少少沙律醬)個麵鼓湯太咸,瑞士雞翼太甜,甜得濟,,不過都OK稔啦,三文魚無咩評語, 估到既質素八爪魚仔等日式小食都係啦.個沙律無食....個飯煮得幾好既, 唔太稔又唔太硬..

之前來過都差,令次又好D上次去食TEA,係好多款個待應可能係炒散,明顯唔多熟,不過態度都唔錯我叫了一個酥炸生蠔焗飯味道都叫OK啦,最緊要平,樣樣都係$20晚飯就唔來喇,太過食TEA都食得過

我最近先話呢間野pass仲有相添.你地睇下.有一個飯,點解會多左d汁,仲要係難食的,又咸又酸...我唔會再去..有眼你睇

是日與友人食飯! 試下新野, 行到呢間咪入去試下...點知咁就乃野...二人位迫到袋都冇位叫二人餐$148, 飲餐湯果陣都覺得ok, 冇乜問題...跟住就黎料...個位己經迫...不停咁上野食黎...個湯,前菜,小食一齊食...都算...個湯未飲完個主菜都己經黎...個袋都放左向大臂...想俾個大臂佢放都唔得啦!!!唉...對唔住law...唯有話我同個friend食得慢...d小食,值得一提係個白汁西蘭花同餃子雞翼...了一了個西蘭花都己經出哂水...真係想問下佢點可以焗到咁多水...個餃子雞翼,有骨gea...又硬...玩野...與在附近的同style某某餐廳真係差好遠!!!到個主菜上啦...我都同個friend講今晚番去煮公仔麵食...個己經唔記得係乜野飯gea主菜都可以唔駛講...take the bill...一蚊tip都冇俾by the way, 小弟與友人同時覺得呢餐係人生其中最難食的一餐

我跟男友尋日去呢間野食,我之前都去過,好鐘意個麵包,真係要食,好香,另外我地點呢個飯都好好味,一d都唔咸呀,+18蚊係一個餐\\\\\\\,好平既,我地連埋+1都係100蚊,都唔錯既,要節儉黎呢度都好不過坐座就好迫好差...唔舒服囉..所以食完好快走.

同阿爸去呢間食野見到佢d餐幾平咁點左肉x意粉(22 包野飲)豬頸肉便當(25 包野飲+2可樂)豬頸肉便當有三文魚刺身,蟹子沙津,飯,面是湯,豬頸肉,雞我覺得幾平,豬頸肉又幾令但我一入到去好似有d味咁-0-服務還可以既

$148二人餐....見好似好多野食咁，就試下啦．．點知．．餐湯：用個超硬麵包裝住, 個包又唔熱, 睇落好得意, 實際上多此一舉, 個包根本唔食得既!蟹子沙律：好大碟！不過全部都係青瓜同生菜，一PAT蟹子咁大把．．．芝士焗年糕：唔知點解會有蕃茄汁囉，一ｄ都唔好食炸生蠔：咬開唔知點解會有水流出黎．．．白汁西蘭花：都好大碟，但係一上檯就已經見到碟野出哂水三文魚兩片，甜蝦三隻：三文魚冇味，仲衰過百x 果ｄ茄汁魷魚桶焗飯：完全睇唔到佢有焗過，ｄ飯又硬睇番其他人食評先醒起冇上甜品俾我！不過都唔想食喇．．．Blacklist了！

就此次晚飯的評價分兩方面評分：1) 食物水平，2) 服務態度食物水平方面實在麻麻。我地4人點了一個二人餐，加一個「麥嘜」，同埋蟹籽三文魚焗飯(菠菜汁)。首先餐湯已經唔係好得，載湯個包硬到喊，不過湯汁尚可。之後唻個生蝦三文魚刺身，d三文魚好似煙既咁，"un"到呢....最最最簡單既白汁西蘭花係完全冇味，d汁好似水咁，同白烚冇分別，我地食都冇乜點食過....麥嘜就認真好唔掂，個賣相好奇怪，將挖左出唻既麵包條塞番晒o係面，好求其，同埋好似過期麵包咁，又係"UN"到咬唔到咁濟，入面D菰又係白烚既咁，D汁冇味，仲要佔成個菜既4分一咁大把，換句話，個好難食既飽係佔左成4分3.....OMG!!仲有仲有，個焗飯好似腦漿咁，好彩叫左要菠菜汁而唔係白汁JA，唔係又係冇味。諗住快趣走，點知仲有甜品同餐茶，我D朋友俾D野食嚇到對餐飲冇晒信心，就叫佢將餐飲轉埋甜品，點知D芒果布甸杰到漿口....仲要冇芒果，同埋好甜!淨係食物已經好失望，仲要D服務態度都唔識形容。個WAITER成餐望住我地張檯唔知做乜，張檯又食足咁耐震咁耐，D食物又上得太快，又唔幫手上菜。D碟又隻隻都有D崩....食物外觀同餐具都好令我地質疑餐

其實我係食完上來先見到其他食友既評語, 先知道呢度原來真係咁差...話說尋晚同老公睇完醫生約埋好友打算去食飯, 因為見未試過呢間野, 又好似見好多卡位, 於是就未算好多人時入座, water安排坐到樓梯下面果個卡位, 老實講, 好迫同頂頭, 不過算啦, 旺角吋金呎土, 快趣食完就打算走.餐單望上去好似價錢可以接受, 但計返條數其實都幾貴: 我叫左餃子叉燒拉麵($3x), 好友叫鴨胸鵝肝便當($4x), 老公叫左咖哩豬排飯($3x), 加$12可以跟餐有餐湯(連飽)或蟹籽沙律+ 2片三文魚或甜蝦+ 飲品. 另外餐可以以$12一律加任何小食, 所以又叫左炸生蠔, 炸蝦同白汁焗西蘭花.蟹籽沙律- 青瓜絲切得好粗, 好少蟹籽, 不過都預左, 我都只係食左一兩啖, 冇咩特別餃子叉燒拉麵- 炸餃子冇咩料, 食落其實都食唔到係咩味, 雖然係炸既, 不過都浸到淋晒, 叉燒有2片, 好淋, 都幾入味, 算食得入口, 但拉麵就好似公仔麵味, 但個湯底又好淡, 所以唔吸引, 我食左幾淡就冇食啦鴨胸鵝肝便當- 賣相好似幾靚, 朋友話鴨胸鵝肝都ok既, 只係真係唔多覺有鵝肝咖哩豬排飯- 老公一向鐘意食咖哩豬排飯

今日行開旺角女人街, 見間舖頭陳設ok, 就同朋友入去試下。因為舖面唔算大，全部都係卡位，有好多仲係2人位，每邊剛剛夠坐一個人。我地坐2人位，揭開餐牌見上面選擇都ok~ 2人餐就有2客餐湯、一個salad、一客刺身、3款小食+一個主茶(焗飯或焗意粉等)，另有2客甜品及飲品，初時都怕食唔晒，不過我地想試多d 小食，於是都照叫左一個2人餐。先來個餐湯麵包盅，味道都可以ok~之後個鴨胸+鵝肝salad 都算係咁，唔係太差，之後d小食好快陸續咁上。三文魚+甘蝦刺身、瑞士雞翼、芝士年糕....雖然份量細細，每份得2、3件，但個碟都佔唔少位置，所以一見隔離一張大少少o既檯有人埋單、執檯，就打算轉檯，問個waitress, 點知佢好晦氣咁話"唔好意思，有人要轉啦" 果陣已覺得佢好不知謂，不過因為有另一個女仔態度好好，應承話如果有位再幫我地轉，我地就無出聲繼續食啦!但食野都要有時間食架! 但我地都仲未清晒，就已經上焗飯。初時之前個女仔都打算等陣先上，點知有另一個走過黎收起d 碟，再夾硬塞滿張檯，我地要拎起個碗仔先夠位食。真係覺得好離譜，地方細唔係問題，但服務態度又差，d食物上得咁快又唔係夠位，好似迫你

今日行開旺角見女人街旁邊條小巷道有間日本野門面又好似okay 咁.. 就入左去試試惡夢開始了=_=首先, 要講下餐廳既環境o個度d位鬼咁死窄多數都係兩人位仲要隔離塊玻璃半透明望到隔離張檯好冇安全感但間野雖然細.. 但係裝修都尚算可以但係入面個toilet同一般茶餐廳一樣污漕好喇開餐牌選擇都算幾少我叫左友人叫左我叫lee個係有原因架有鴨胸有鵝肝你估幾多錢?係$42.. 冇睇錯係$42我真係想睇下$42蚊有鴨胸有鵝肝會係咩一回事點知d野一到..我淨係見到所謂既鴨胸好心佢冇鵝肝就唔好寫o係個menu道呃人喇!!貪個名好聽? 我真係可以去消委會告佢!d '鴨胸'都唔知係真定假'鞋sup sup'架!!飯又硬. 難食.三文魚剌身又唔新鮮d小食..即係8爪魚螺肉o個d多醬到死` 好漏!!個麵豉湯都好咸!!成個餐冇樣野滿意~~友人o個個烏冬d烏冬仲難食過北海道活壽司o個dd煎餃子一般..而d叉燒亦唔算好味佢都食唔曬成碗野跟住叫個waitress拎杯熱茶黎勁似茶餐廳o個d..個杯同d茶都係!!俾杯似樣d既茶都冇..!!失望!!最後賣單個waitress極無禮貌一般d人會揭開本夾住張單既黑色簿仔俾個客睇

環境同service果d唔洗我再去多講,我想講一講呢度d食物2個人去食下午茶, 叫左：- 石窩咖哩雞扒野菜飯($26)- 石窩咖哩豬扒野菜飯($26)先黎餐湯- 忌廉湯2個字：好鹹然後黎餐飲- 2杯熱奶茶2個字：超甜都未飯過d奶茶唔落糖都甜到死.........之後上ge就係2個飯石窩= 一個黑色ge膠兜白飯一大兜, 但係汁就連d扒ge表面都不能覆蓋...先講豬扒，還可以啦.... 炸ge食物都入唔到口就好大獲...至於d雞扒，食落口ge第一個感覺係：白切雞?!簡直係怪到不能再怪......基本上係同d咖哩唔match的對於我黎講，成碗飯最好味的大概係d野菜吧幸好係黎食lunch，不用加一同一價錢，相信一定可以食到比這好更多的