博富麵館

營業中

休息中

1. **胡椒豬肚雞** 🐔：這道菜是來「博富麵館」必點的招牌菜！胡椒香氣四溢，豬肚軟糯，每一口都是滿滿的幸福。湯底更是鮮美無比，讓你一口接一口停不下來！😍 - **特點**：胡椒湯底超入味，豬肚口感軟糯，每一口都讓人回味無窮。2. **崩沙腩** 🥩：除了招牌菜外，這裡的崩沙腩也是一絕，肥而不膩，肉質鮮嫩多汁，配上特製醬料，真的是人間美味！😋 - **特點**：外酥內嫩，口感層次豐富，醬料完美提升整體味道。如果你來到深水埗，千萬不要錯過「博富麵館」哦！保證你會被這裡的美味深深折服！快去試試吧！🚀🌟

深水埗最好食粉麵😋😋平時好中意食粉麵 因為夠方便博富粉麵 湯底好正 河粉又唔會太淋👍🏻水餃、鮮雞、牛蒡都好新鮮👍🏻yummy!多蔥加埋香醋 鮮味提升😋所以成日都食呢間👍🏻

今晚唔想煮飯，老公話想食湯飯喎！咁就去屋邨嘅博富麵館撐枱脚😘叫咗我喜愛嘅酸菜魚米線👍魚片超滑！酸菜好彩唔係太酸😅雲吞鲜雞湯飯鮮雞嫩滑👍牛雜湯河牛雜好入味👍蠔油菜心熱檸檬水熱檸蜜熱奶茶

第一次食唔清楚係唔係個別亞姐問題。首先坐低想寫單, 佢眼尾都唔望你一眼, 真係要好努力才order到。放碗麵上枱, 就擺喺枱角最邊緣, 真係行多半步都唔願意咁。收錢俾八達通, 我企左邊, 佢就擺部機上右邊枱面。係唔係生意太好, 唔想做咁多？全程嘅感覺我好似求佢俾嘢我食。講出嚟都係反映吓, 有改進咪生意興隆囉...

間中都會嚟呢間舖頭食嘢，味道係OK既。不過d阿姨態度好差，次次嚟親都有說話聽。明明下午茶係包埋一杯熱飲，你唔講佢就唔會俾你。叫外賣問佢拎埋辣椒油，又話唔提供，轉頭佢又會俾你喎，總之佢一定要俾說話你聽。如果鍾意貼錢買難受嘅話，歡迎黎呢間舖頭食嘢。不過今次嘅重點唔係想講呢樣，上星期喺舖頭同屋企人食魚蛋粉，過程入邊佢覺得隻腳有啲痕，冇諗咁多返到屋企，發現出現六至七粒嘅紅點，好似俾蝨咬咁，到而家都仲未散🙄

第一次去南昌薈擺roadshow😯發現原來入邊都幾多嘢食㗎窩同左一個街坊婆婆傾偈👩🏻‍🦳佢話呢間博富幾好食咁所以我哋放lunch嘅時候就同事一齊去試吓我哋叫咗個酸菜魚米線小辣🍜同埋一個鮮蝦雲吞河🍤嗰個酸菜魚米線有啲驚喜因為佢個湯真係好濃唔會係好hea嘅湯底我個同事食完都話幾OK而鮮蝦雲吞河就不過不失啦都算係正常發揮同埋對得住個價錢（ $37 ）不過正常都唔會特登去南昌薈食嘢嘅下次有機會再食下其他餐廳啦

見到呢間麵店大多都係負評，但本人食過好幾次感覺不算太差，因為其實附近都冇類似的麵店可選擇，應該只有衣間有潮式粉麵食，但亦都可能係大家食嘅嘢唔同，我就自己食過嘅嘢而分享啦～食物：食過此店嘅牛腩、牛雜同胡椒豬肚雞湯飯，而通常我都會點佢哋嘅河粉或者米粉食，如果叫牛腩嘅朋友就要注意因為如果你唔註明嘅話牛腩係會偏肥，所以我平時都係叫半肥瘦腩，牛雜嘅話其實所有部位都煮得好入味，而胡椒豬肚雞湯飯雖然唔係好重胡椒味，但都叫做不過不失，我曾經俾個意見話米煮得太硬，之後再食都見到佢哋有所改善。今日我就叫咗牛雜河粉，鍾意食佢哋嘅河粉因為就算耐左都唔會爛，食到最尾都係原條嘅，同埋佢哋嘅辣椒油落少少就好夠辣同埋都夠香服務：見到其他食評會提到服務態度唔好，但我食過幾次侍應嘅服務態度都冇特別唔好之處，有一位收銀姐姐仲好有禮貌添，記得有一次咁岩麵店老闆喺度，見到員工同老闆嘅相處都好融洽總括：如果以住喺附近黎講只有衣一間選擇，而想食潮式粉麵，其實依間麵店叫唔算太差

店員同我媽講，豬手要加20蚊，我媽吾知價錢，就是但，睇番張單，就寫係個麵另外加收左錢。餐牌到寫明38蚊沙薑雞河，加豬手係加10蚊，檸水6蚊，外賣加1蚊，正常價格係55。間店見到師奶會呃錢，呢個行為太過差勁，令到我第一次寫食評就係比呢間店，以後吾會再幫襯！

喺呢間嘢叫咗個單拼粉麵套餐，一時大意楝咗牛腩米粉，點知就出事，份牛腩有八成都係肥膏,今時今日唔怕高脂食物就出奇!結果只係食咗三塊小牛腩，其實餘全部唔要得，最重要係味道真係一般，反而最好味係杯熱檸茶！試過一次以後都唔會幫襯!

當日叫了以下食物，一碗是豬手河粉（單拼麵），另一碗勁量牛魔王河粉，一碟油菜，一杯凍檸檬茶，一杯熱檸檬茶。餐具有些污糟，問佢要啲紙巾，佢話要俾錢買一包， 都唔緊要，我需要一包，包紙巾是萬寧的$3。然後她把單子放下，我見到單上全部計我散叫，我便問他，為什麼不是跟餐？ （其實其他商店好自然會配成一個餐）但個姐姐話因為我叫既時候冇同佢講係餐，所以就唔可以轉。我再想同佢講既時候，佢轉身就走左去，再叫佢佢都冇應我，唯有食左啖氣佢。食物味道其實都還可以，但唔算平，但咁既態度，唔會想再去受氣。

南昌薈係新落起嘅商場，多咗一個街市同埋好多商店，所以特登嚟試吓街市裏面嘅餐廳。主要見到兩間麵館比較多人食，又要想試吓鮮蝦雲吞，所以就揀咗呢間博富麵館。叫咗一碗鮮蝦雲吞幼麵，同一杯凍華田。等左大約5分鐘就上菜。鮮蝦雲吞有五粒，每粒都正常大細，裏面有鮮蝦同一啲肉碎，調味不錯，皮薄。麵方面就正正常常，冇煮得過熟。整體嚟講湯底比較普通，比起普通肉湯仲要淡，所以食落冇乜味道。另外有杯凍華田，已經叫咗少冰但係非常淡。埋單41蚊，呢個價錢可以有更好嘅選擇。

本身想俾機會小店，店內職員講所有丸類都係店內自家製，算吧⋯⋯都係講我終於嘗試食一碗魚蛋+墨魚嘴河粉，加一個菜心，共$52我見客源挺多，坐滿人，終於叫外賣好了。食物我忘了拍攝，只能說味噌湯好濃厚，我個人好易食出放味噌湯底，所以我唔會再試店內其他食品。魚蛋，沒有魚肉鮮味，我曾食新鮮魚打既新鮮魚蛋，真是彈牙，魚肉味好強烈，只可惜呢間並非新鮮魚蛋墨魚嘴，我認為清洗乾淨，食落口挺有口感。菜心，菜心徑唔多熟，即使怕失豐富營養，我覺得熟食才好。

本來叫麵點知比左河粉出面熱辣辣廢事又番轉頭換 咪算 食第一啖omg!!!!!!!!都吾知自我食緊乜東東 個河粉口感怪怪地 好冧之之又幼又碎...不過之前食過佢既麵係幾正 下次要睇清楚佢係咪真係比麵