占美餅店 (已結業)

今早買了個肉鬆包, 凍冰冰, 返到公司開了焗爐烘了五分鐘, 包面既沙律醬開始"滾", 咬第一口唔見肉鬆, 完全側哂係一邊, 麵包算軟身, 但料唔多, 唔滿意, 下次繼續試新野!

主人與奴隸獸途經此店，原本是看看有沒有花生醬包出爐，但發現一些令我們更感興趣的：1. 菠蘿占包（HK$4.5）：雖然叫做菠蘿占包，但餡料並非菠蘿JAM，是黃杏JAM，包的味道只是一般，但已很久沒有吃了，十多年前經常在石硤尾『占美』買這種包食，當年叫做酥皮占包。2. 西梅包（HK$5.0）：已經甚少麵包餅店用西梅做食材。麵包軟熟，餡料是西梅JAM，味道酸酸甜甜，令奴隸獸想起久違了的西梅蛋糕，好令人懷念呀！

今朝老公車返公...又黎買包- 香芋包, $4.5! 今次個包唔得...無乜芋頭香...兼且又唔熱, 呢間最好既大麥包未試...唔知係咪勁好味呢?

今天又再幫襯- 薑汁蕃薯包, $4.5! 原本又買番花生醬, 但想試多新款介紹俾大家....於是搏一搏, 包面有些少杏仁片, 不過, 唔多覺有味....第一啖...裡面既餡側埋一邊食唔到, 再咬...嘩...暖暖地既蕃薯蓉...好香, 加上淡淡既薑汁味...唔錯! 下次一定要買俾老公試! 我會繼續試埋其他...e.g. 香芋包, 肉鬆包.....

近排返工經過買麵包做早餐(因為早開)...試了兩款!除了花生醬包, 芝士條, $5, 個面有芝士痕跡, 但一芝士味都唔覺, 同普通甜包無咩分別! 另外, 椰絲包, $4.5, 個size 細花生醬包小小, 可能平5 毫呢! 椰絲唔夠美心既多, 不過, 麵包芯好鬆軟, 唔係傳統較實正那種, 都唔錯! 我見仲有好多種炸包, 豆沙, 牛肉....不過, 炸既麵包我又唔太好, 朋友可以試下, 唔太油嫁!

hk差唔多間間餅店都有cheese cake買, 但質素參差不齊, 以前最愛食太子宜家cafe的cheese cake, 之後發現原來是跟京港(現維景酒店)的餅店一樣的, 自此就只愛京港cheese cake, 就連其他大酒店的也看不上眼(應該是心理作用), 近日發現了占美的cheese cake, 原本想$12只有一小塊,好貴,但姐姐的大力推介,就試了一塊~~~只有一個字形容~~正~~超濃芝士味, 高密度的口感, 滿足了我對cheese cake的要求~~~物超所價~~

老公車我返公...晨早黎買咗個大大既花生醬包, $5, 真係幾大個, 返到公司..沖咗杯熱茶, 其實個包唔係咁軟熟, 但係花生醬餡就啱啱好, 個size 可以滿足到我成朝, 精精神神咁工作!

心思思經過呢度....停車後再黎問個紙包蛋糕同麥包, 加埋$5.2, 麥包已寫過, 水準保持, 紙包蛋糕都幾軟熟, 輕飄飄, 唔係我鍾意的那種, 軟熟得黎密度高少少既, e.g.富麗餅店!

今朝本來想買個花生醬包, 可惜見到有隻蚊滋係度, Oh my god....於是轉移目標去左夾叉燒包, 但返到公司後, 食左一啖原來係香蔥牛肉包, $4, 似炸包既樣(變種後), 面頭有一粒粒粉, 心想...唉...油膩既就食唔到, 但原來裡面牛肉係好碎一粒粒, 仲有洋蔥粒, 淡淡地唔錯, 真係錯有錯著!

個雞批都ok難食囉！先食個皮，好咸，批皮唔應該咁咸嗰喎，應該略帶甜味，失敗！食個餡啦，好唔得，一拮就拮到塊大雞皮！=.="繼續食亦不見有雞肉，全部都係雞皮，真係好唔掂！淨係得雞皮同少少紅蘿蔔粒。同pie & tart gor d 爭好遠。

今朝停左架車係附近走黎買早餐, 黎間麵包鋪開得好早, 六點半未到已經排哂整齊既麵包, 我朋友介紹我買菠蘿果占包, $4, 臨走時見門口有迷你椰tart 仔, 自己拎左一個, $2, 返到公司又開左個焗爐, 其實個麵包面原全唔係菠蘿皮, 如果用菠蘿皮我覺得會好食, 個餡有少少果占, 可有可無, 不過麵包心唔錯, 夠軟熟又實正! 個餡我唔buy! 個椰tart 熱辣辣, 唔太甜, 個tart 底係牛油皮幾鬆化!

又黎買麵包, 今次揀左個大大個既花生醬包, $5, 返到公司焗番熱, 呢間麵包店雖然新鮮, 但未去到可以新鮮出爐, 我又覺得熱辛辣辣先好食! 個包既花生醬唔多, 質地普通, 我諗得一個字係夠"飽"!

今朝老公車返公....經過...買左個雞尾包俾佢...我就買左豬仔包同麥包...今朝肚餓....所以食左兩個細既...雖然應該係新鮮...但唔熱既包始終覺得無咁好食! 一般水準...唔知佢出名咩包...不過..門口就有好多椰tart..反而唔見蛋tart! 唔知關唔關蘇丹紅呢?

買左美味叉燒,都要買d麵包做早餐,砵蘭街頭向左走係凱施,向右走係占美,最後決定都係向右走。唔知呢間占美同以前屯門所開既占美餅店有無關係,記得細個出屯門新墟的話,都會去占美買麵包食,好開心架。夜晚七點幾,呢度仲有好多麵包出,剛剛見到店員小姐捧盤菠蘿包上架,每款麵包都大大個,好吸引;拎住個盤左夾夾右夾夾左一大盤。菠蘿紅豆幾多豆,甜度ok,大人對呢個紅豆包評語為唔錯;細佬食左個蘿蔔包,佢話味道唔錯幾新奇,只可惜凍左,叮熱會好食d;其餘麥包仔、菠蘿包未試,相信質素都唔錯。麵包質素ok,但芝士餅就稍為失色;比錢時見到都好多西餅、凍餅係雪櫃,為食的我見到呢款名為"濃味芝士餅",店員小姐話呢款餅芝士味較其他濃,又較硬身;咦...似我鐘意個款bor!!只不過食落口又唔係個回事,芝士係較硬身但並非好硬個d,仲係淋身既;味道又唔係好芝bor,而且食落口感粉粉地,又無餅底,唔係我鐘意個款lu。有機會再試其他蛋糕,可能會比呢個好;麵包就問題不大。唔知是否時間關係,買麵包/西餅有折扣,買左大大袋都係三十幾蚊。

我記得以前細細個,日日都拖住爺爺隻手過黎買麵包做下午茶,佢d麵包真係好好味,雖然無d新式麵包,只有平實的..但d麵包好鬆軟..事唔隔多年,每次經過,見到無論是什麼麵包,只要是剛剛出爐的,我也會幫襯的...