印度筷子

營業中

休息中

N年前記住咗某環目介紹過印度筷子既Plain Dosa對這種巨大化食物非常有興趣米和扁豆薄餅將 Dosa 撕成小塊，蘸取醬料食用今日午市嚟食得一個店員招呼，但服務週到入座位先有一碗清湯由於想食dosa，但齋食又未免太寡所另外仲叫咗個試日嘅午餐咖哩牛肉配Naan碳水爆棚不得不說，呢度嘅咖哩做得相當出色香料配搭恰到好處牛肉都唔少，咬落入味而且淋食落係有驚喜嘅比起平時食到嘅印度餐，佢算係好高質Naan亦都又脆又熱，份量頗足cp值可為非常之高嚟到dosa其實有啲似法式薄餅不過係鹹嘅，而且好脆裏面係空心配咗三種醬Sambar (桑巴湯): 一種以扁豆、蔬菜和羅望子為主要食材的南印度風味湯，口感酸辣開胃，非常適合搭配 Dosa 食用。Coconut Chutney (椰子 chutney): 以新鮮椰子、青辣椒、香菜等食材製成的醬料，口感清新爽口，可以平衡 Dosa 的微酸。Tomato Chutney (番茄 chutney): 以番茄、洋蔥、辣椒等食材製成的醬料，口感酸甜微辣，可以增加 Dosa 的風味層次。當然亦都可以點咖哩嚟食其實個size咁大最好就兩個人share我一個人嗌咗餐再加呢個d

話說睇社交媒體網站同影片分享平台 睇到介紹呢一間餐廳「印度筷子」嘅廣告，見到食評人對啲菜式讚不絕口，於是我就特登出佐敦試下呢間餐廳有幾好食。鋪頭裝修間隔同普通印度/巴基斯坦餐廳差唔多，啫係無特色，細細間鋪擺咁多張枱枱櫈櫈，一句講晒，又逼又坐得唔舒服囉。講返嘢食Pani puri $48 6粒瑪莎拉落太多 勁咸勁酸加埋辣 唔好食同過往去重慶大廈其中一間小店食嘅差得遠人地整得又清香清甜食完有一股清新開胃嘅感覺呢間完全唔係果回事咖哩牛$68咖哩羊78以呢個價錢 每兜咖哩得3粒細過手指公嘅肉底度特登擺2舊薯仔墊高啲肉 完全係偷工減料咖哩完全無香味 香料都落得好少搞到個味道好單一 好無層次感Roti就勁油 好似飲左啖油落口Naan 就整到死實實一啲都無鬆化嘅感覺講真呢間鋪呃啲未食過印度菜/巴基斯坦菜嘅人就得 重慶/葵涌/東涌 嘅餐廳好食過呢間一千倍最大件事係連 Lassi同Masala tea 都整得好差！香蕉 Lassi係無落香蕉 只係用香蕉香精….Masala tea就好淡 同自己用紅茶溝花奶一樣味好難飲 完全無Masala嘅香味！真心差 價錢又唔係平仲話老闆係酒店 chef 真心不建議

和朋友約好去尖沙咀，結果去到可以試新的食市。可能大多數香港人都行過尖沙咀的東邊，去太空館，PolyU，etc。最多去行廣東道，一定很小機會去油尖旺區的佐敦官涌街。我自己便是第一次去。估不到有surprise 又是説到食物了，牛腩好吃，香料濃味，十分好吃，和Roti 一起吃。當然也可以和naan 一起吃。本來想飲印度茶的，但看到有芒果印度乳酪Mango Lassi ，一定要試下。我覺得不錯印度咖喱角Samosa 新鮮炸起，好熱好多彩蛋。可以行去廟街，去看珍珠店，去KGV公園。。。我便選了「大件事」電影中的八文樓，不知道什麼時候要重建，要打card便要快。挑戰大家，看看找不找到，不在西貢的西貢街

今次係我第四定第五次食呢間印度筷子，而亦係第一次約家人一起渡過我既生日。記得有一次嚟食既時候，我家姐見到隔離枱食既野係餐牌上係冇架！好奇問隔離點解有呢D咁特別嘅菜式嘅？個男顧客話book枱時要求食Omakase,咁主廚會準備一D特別餐單！趁住生日想嘗試新嘢嘅念頭，所以我都叫老闆要求食Omakase😂😋。果日好大雨，我去到餐廳就見到店員已經準備好一張長枱，果位靚仔侍應亦示意我呢張枱係我book嘅六位，雖然我英文唔係咁好，但店員亦記得我之前嚟過幾次同我微笑點頭。地方唔係好大，所以我哋都佔咗好大位置坐位。坐左陣侍應就送上一小籃小食（papadums）每枱都會送既小食，雖然係印度菜，但餐牌也有泰式食物。屋企人未到齊，我媽咪就order 左個雞同牛肉串燒食住等。又叫左杯mango lassi試下😋，酸酸甜甜好好飲，仲叫左兩杯啤酒添。話明係食Omkase ,但係媽咪就直接order😂。冇耐侍應就上左第一道菜，係燒雞配泰式青木瓜沙律每兩位一碟share。燒雞在切開1/4的每人有兩件，雞肉燒得好香，外脆內軟啱啱好肉嫩多汁！沙律酸酸甜甜，木瓜爽脆帶小微辣，連我姨甥唔食辣都覺得好好食！😋之後就係蕃茄湯，呢

今天不經意踏入了一家印度餐廳，初嚐了他們的咖喱牛和咖喱雞，佐以正宗naan——實在係不錯撈！👌 咖喱雞的濃郁香氣四溢，咬落去雞肉嫩滑得滴，每一啖都夾雜著香料嘅韻味，添上剛烤出嚟熱辣辣嘅naan，真係百搭！😋另一盤咖喱牛更加驚喜，牛肉咸香而不柴，火侯控制得剛剛好，咖喱汁嘅辣勁恰到好處，辛辣中又帶啲甘香，與薄薄嘅naan包裹一起入口，好過癮！😍我喺呢度食到咗好地道嘅印度風味，價錢合理，份量足，真係叫人食得開心又滿意。要係想試吓新口味，呢間絕對值得一試！下次仲想帶多啲朋友來食，一齊share下呢個美味嘅新發現！

食品質素中上，服務態度好。店舖雖小，但店主見我兩老婆叫得多嘢，都肯主動拍埋旁邊張枱放嘢食，一讚。最後主動送了兩杯印度奶茶（餐牌上沒有，但可以叫）,成為晚餐的完美句號。

店員哥哥態度好誠懇，野食味道好正宗，下次一定帶埋其他朋友回頭幫襯！今次食左lamb masala、plain roti同埋mango lassi，味道層次豐富，不過怕辣嘅朋友就未必食到咖哩喇，可考慮叫butter chicken推薦！

朋友話想要食naan, 又唔想去到寶勒巷咁遠, 所以又再次返嚟印度筷子食咖哩我同上次一樣叫咗羊肉咖哩,今次覺得比上一次辣咗，我朋友食素菜咖哩，佢都有同一個感覺羊嘅份量都幾多，另外上一次冇薯仔，今次多咗幾舊薯仔，不過覺得個汁就比上次少咗，因為未食曬啲naan已經冇曬汁提返其實佢舖頭細細，生意都幾好，我哋大概一點鐘嚟到，都等咗一陣先有位短期內應該唔會再嚟，因為午餐嘅選擇唔係咁多，但係如果未試過，又喺佐敦返工想要食印度咖哩嘅朋友，我係會推薦你過嚟試下嘅

其實bookmark咗呢間印度菜好一段時間，今日終於都有機會去試下佢嘅咖哩我哋一行三人分別揀咗羊肉，雞肉同埋素菜咖哩，所有午市套餐都包凍或者熱飲品一杯，而且免收加一一開初以為佢嘅咖哩base全部都係一樣,但上菜之後就發現三款咖哩嘅base都係唔同，而且味道係完全唔一樣我個人覺得羊肉咖哩味道最香濃，最好食，其實佢嘅咖哩辣味唔重，唔食得辣嘅朋友都可以食得到，而且肉嘅份量亦都好足我哋全部都要咗naan, 熱辣辣而且脆底又好鬆軟整體黎講性價比幾高，下次再想食咖哩都會返嚟呢度

今次已經是第四次光顧印度筷子，已經唔計疫情時代嘅外賣。礙於星期五晚過來用膳，特登一收工就過來，免得排隊。大概6:15pm到，已經滿了一半。店內大概可以坐廿零人。今次兩個人點了五款食物，樓面哥哥每次都會好用心解釋俾你聽每樣餸菜（相信他只能用英語點餐，但放心Menu有中英對照）點餐完畢，先會送上薄脆卷先開開胃（唔記得影相），然後就感受到廚房出菜有序，先來啤酒和檸檬梳打配上Vegetable Samosa素菜咖喱角（裏面充滿薯仔洋蔥印式香料），再來香煎大蝦王（第一次點這個餸，比想像中新鮮，也OK彈牙）。然後就到Lamb Rogan Josh 印式燴羊肉咖喱，配Plain Naan 原味烤餅，印式羊肉咖喱比另一款羊肉咖喱就多了些椰汁香味，所以才要配原味烤餅令椰香咖喱更加突出。最後上Chicken biryani 雞肉香料炒飯，本身味道已經超香，而且感覺都很乾爽，但我敵不過咖喱汁，撈埋一起吃，正！樓面哥哥值得一讚，佢真係照顧到每一枱，俾個眼色佢就知咩事，而且他還照顧到門外迷惘嘅客人，解釋一下讓他們留下等一陣枱。這次點了五個菜式，一支啤酒一杯檸檬梳打，共HKD493。7:30pm見出面都好多人就還

【佐敦正宗印度菜】咁啱係西九文化區 — 戲曲中心工作，朋友十分推薦要食印度筷子🥢.鋪頭唔係好大，坐起上嚟係有啲逼，不過食到正宗印度菜都okay接受🧘🏻‍♀️ 當時同行6個人，嗌咗好多嘢食一齊share，不過真係太多，所以都試唔哂咁多款式🙈.佢哋有好多唔同嘅選擇，價錢亦非常合理，最緊要嘅係啲嘢食好好食，好食到要再加單📄.由於印度筷子鋪面唔大，所以想人多一齊食飯的話，最好避免繁忙時間去食，因為當日食飯個一個半小時，已經坐滿客之餘，仲換咗兩枱客了🤭

因為我汗線比較弱，這幾天天氣咁悶熱，我也不太出汗，但老公一出街，便變了只濕水🐷了。於是今日想吃🔥辣辣的印度菜，排下體內濕氣吧！因為超級肚餓，所以叫了幾款東西，有：椰菜花薯仔🥔🐐肉烤🐟另外，也叫了兩個set lunch :🐂🐮及🐟🐠（午餐包Naah及🍚）下單時，我仲要求侍應：extra chilli 辣椒🌶️🌶️🌶️for my set lunch fish pls 果然，真係超級超級勁🔥辣。好。當個烤🐟一上台，我以為它是從非洲來的，做咩黑面神上身呀？🤣 點知裡面肉汁好juicy ，不錯。間鋪雖然細小，但感覺員工上上下下都好有❤️機去經營。會聽客人的要求，而且食物質素不錯，價錢相宜。

Although the size of the restaurant is a bit small, do not undermine the quality. Had an excellent lunch with the lamb shank curry, garlic Naan, egg roti, samosa Chennai and Pomfret. Food was absolutely delectable. Lamb shank was braised and meat was succulent and tender.

覺得抵食嘅，兩個人HKD 400有找。係睇左個影片分享網站推介去的，整個餐廳都坐滿，不過我比較晚去，8:30pm星期三，等左5分鐘就有位。見到有其他feedbacks係抱平常心試，我都同意的，食物都係正常發輝，無話特別好wow，當然都唔難食，正正常常咁。我好鐘意食Naan，如果有點，可以就咁試下味，因為配上了curry，個Naan bread個味就被cover左。之前見到有comment話上菜等好耐，但我經驗還好，都係10令分鐘就上個前菜。not bad.

近日youtuber推介去食好多人都一窩蜂去試，抱住平常心……因為都試過睇佢個頻道中伏🤪 # 試一兩樣嘢好先 # 咖哩牛腩$95 入口好香好多重味道好食🐮👍🏻 Plain Naan$22 普通D點解咁講 佢用嘅麵粉唔靚入口質感。 餐牌油冧冧/ Mango Lassi $39 # 食完口渴 😅 #五星大廚主理……？