厚德飯店

營業中

休息中

為左多謝國畫老師既教導，要搵間有氣派、好招呼又好食既粵菜去同同學一齊搞謝師宴，簡左好耐，又就埋好既位置，搵左呢間望落好睇得既高級粵菜餐廳食晚飯。食完覺得真係無入錯門口，好掂🥳值得花時間打咁多字去寫食評！首先，地理位置📍好好啦，方便好多人，同夠高檔，一入到去，環境真係好靚好精緻，感受到嗰種優雅嘅氛圍，裝潢華麗又好溫馨，燈光柔和，真係好舒服，又唔會太揚，有格調👍🏻而服務生好有禮貌😇佢哋好快就為我介紹咗餐牌，睇地我地係咩群會咁介紹左啲岩食既野，仲細心問我地有冇特別嘅飲食要求。上菜速度都好快，等我唔使等太耐，亦都好有眼色，睇到食客既需要即時解決，換碗筷又勤，有講有笑，真係好貼心🥰我點咗幾道招牌菜，首先上嘅係蜜汁叉燒😋😋😋😋😋色澤誘人，表面光滑，咬下去肉質鮮嫩，蜜汁甜而不膩，電視機話入口即化原來係真係有架，真係一定要叫！。跟住試咗蒸蝦餃，皮好薄同透亮，蝦仁完全食得出係新鮮，口感彈牙，絕對對得起佢既價錢。再嚟就叫埋脆皮雞啦、鮑汁釀鵝掌啦（食得出好花時間整既野）、咕嚕肉啦、香煎蓮藕餅、蝦乾啫啫唐生菜、粉絲大蝦煲（好好食啦，蝦又大隻又新鮮，啲粉絲朔晒啲精華勁嘢味，都係想食嘅時候已經俾人夾晒啦），重有生

去食了四人餐、前菜很吸引，好似泰式嘅花甲同埋將馬友魚變成小方塊，去骨，好精緻、白切雞，鮑魚小炒送走一流、整體食物質素唔差，價錢係略貴！整體上如果佢價錢可以調低15至20%就會更加吸引🤩

琴日經過呢間野 見個門面唔錯想比個機會試下 入座是已經2:20 完全唔知係3點休息 員工亦冇告知。2:20告知last order 係2:30 咁我地炸炸林叫左4道點心- 蝦餃 4件70$- 百花蒸釀魚肚 3件 70$- 蟹肉韮菜盒 3件 70$- 蛋白杏仁茶 50$一碗3位茶介75$再加一 諗住一分錢應該係一分貨，點知 失望。 蝦餃皮口感粉、蝦細細隻 唔係17.5$一隻應有既size。魚肚還好 蝦肉都彈牙 但魚肚味唔重 麻麻地。韮菜盒 都ok蛋白杏仁茶— 伏 。 好水，應改名叫杏仁奶。菊花茶唔錯～ 其實 食物算還好 但因為個價太貴，食過潮江春—更好既質素但價錢更低。 潮江春既魚肉係真係有魚肚味。 然後 潮江春大點都係大概45$，有乜理由呢間野收人70$？我地唔知佢地收3點，員工亦冇告知，靜係話last order 係2:30。食到尾尾 都急不及待要趕我地走，但一開始我地係門口睇緊menu仲諗緊試唔試個陣又邀請我地入黎。我地冇醒覺原來last order 代表佢地準備要休息，如果一開始係門口告知佢地準備休息我地都唔會入去試。 又想做人生意又唔好好地做，食物質素平平又咁自信收咁貴。 食到

哥哥由愛爾蘭遠到回港，當然要帶佢食返餐正宗粵菜，就揀咗厚德飯店。前菜就點咗醒胃花甲，花甲好鮮甜，配上酸酸地嘅汁，真係好開胃。川味花膠，苦瓜煮到一啲都唔苦，而家苦瓜爽口，花膠又稔，連我侄囡呢啲鬼妹仔都話好食。碧綠炒東星班球，班球肉滑魚味十足，連帶配菜黃椒、西芹都咁清甜爽口。薑蔥炆班翅，一上枱已經非常香，忍唔住第一時間就食，班翅煲炆得好乾身，班翅食落超香脆又惹味，最啱一路食一路飲酒。龍蝦泡飯睇落平平無奇，但食落有好濃嘅龍蝦鮮味，再加入附送嘅炸貴妃米粒之後，口感層次梗加豐富。炒龍蝦球煎米粉底，龍蝦肉質新鮮彈牙，配米粉底我都係第一次試，米粉兩面煎到好香脆，原來比配伊麵梗加好食。青欖瘦肉燉螺頭湯，天氣開始入秋要滋潤下，螺頭好鮮好香，加上瘦肉甜味，真係好好飲，大家都忍唔住飲多碗。哥哥話回港第一餐就食到咁高質嘅粵菜，坐咁耐飛機都值得。