原汁原味

營業中

休息中

今日同朋友食飯，原本搵左間泰國菜館，點知行錯方向😅。咁就將錯就錯，係附近既原汁原味食飯。一坐低，就放低兩杯羅漢果茶，好清涼，不過淡左D。睇食牌吾知食咩好，最簡單就係望下周圍D人食咩，好多人都係食蒸飯，好似好好味，但係太大盤，我食吾晒。最終我叫左粟米炸魚柳飯，D魚柳有魚皮，睇就似急凍班塊，無雪味，味道吾錯。仲有無味精既例湯。朋友叫台式三杯雞飯，好惹味不過都幾辣，加$5叫左杯凍檸檬茶。每人$50－60，性價比高。👍

都市人每天忙碌工作，很少有時間在家中吃一頓住家飯。這天幸運的找到了家的味道先是這個薑蔥桶蠔煲，味道濃郁又不會太咸，蠔面的粉漿恰到好處，不會太厚，薄薄的一層炸得甘香脆口，蠔肉又大又鮮味多汁，配上薑蔥實在太好味啦豆鼓蒸倉魚拿捏得很好，蒸的時間剛剛好熟，魚肉很滑，很鮮味而且大大條最後飲多兩碗住家老火湯，清甜無味精，非常滿足

逢星期三係我同女朋友去食lunch ge日子，而今次ge原汁原味係我地ge飯堂之一！午飯黎叫午餐會送白灼生菜同羅漢果茶，係健康gelee度ge蒸籠焗飯係首選推薦，而我今日食geh原籠金蒜野菌龍躉球飯😋籠入面係荷葉包住geh，所以飯入面有荷葉同濃濃geh蒜蓉味，而龍躉同蒜蓉亦好夾，加埋菇令口感提升一個層次。其實我覺得個蒜蓉太好食，重好食過個龍躉，簡直係功高過主（8/10）然後女朋友叫左燒汁牛仔骨飯，佢話個汁係好食ge，但牛有d太un同難咬（6/10）總括黎講，以我食過幾次ge經驗話我知，蒸籠焗飯係首選！

係灣仔番工 好多時出去食飯都係西餐多要食中餐 一係去下連鎖快餐店 一係茶記冰室個啲比盡都係一大班人去飲下茶今次試到店家就係少數既真係中餐set lunch有蒸飯 泡飯 同啲經典既中菜選擇跟餐仲有一碟上湯灼時蔬同一杯涼茶感覺非常健康養生 老闆好nice 見我地一行4個人仲送左一煲湯冇錯 唔係一人一碗 係一煲飲落都非常足料 唔似係加鹽加味精整成我地4個人分別嗌左龍躉蒸飯 海鮮泡飯 同一個獅子球跟飯既set 全部都好足料 而且味道恰到好處 唔重口味正如佢既店名一樣 原汁原味想lunch食得溫馨健康一啲 可以尼一試

公司附近有不少餐廳食肆，午餐時間都人山人海，唯獨這間餐廳因佔地兩層，座位數量不少，往往很快可以入座。另外上菜速度亦很快，是個不錯的午膳之選原汁原味的菜式主打健康路線，提供多款蒸飯、海鮮泡飯如龍躉/ 龍蝦等，另外附餐則提供上湯灼青菜和健康飲品。雖然價錢比一般餐廳貴，但亦有不少捧場客這天我點了「原籠金蒜秋葵帶子蒸飯」($82)甫上桌便瀰漫出濃郁的蒜香滋味，飯面鋪滿了大量小帶子、秋葵和金蒜。很喜歡帶子的鮮嫩口感，蒸得火候恰到好處，保持應有的甜鮮嫩滑。秋葵口感清新爽脆而且營養豐富，加上蒜蓉的提味，香味直撲入鼻。難得的是蒸飯的米飯粒粒分明，沒有黏在一起。不過餐廳可考慮使用金銀蒜— 即生熟蒜，蒜香可更誘人😍這天是配菜是上湯灼青椰菜，簡簡單單清新健康午餐餐牌

團購買左二人餐，廚師手藝超班，海鮮煮得好好，海膽炒飯看似平凡，但材料好足，有粒粒帶子，蝦，仲有海膽加滿滿魚子，真係啖啖都食到海鮮，用料絕無手軟。服務員態度很好，不停添茶，最後仲有甜品送，咁有誠意宜家好少見了。整體來說，質素超班，超級推介👍🏻👍🏻👍🏻😄😄😄

會令你驚喜的美味由於與老朋好耐無見食得豪（好）小小點左蟹黃翅油鹽焗蟹腳蝦干蒸沙巴仔啪蒜炒菜心無論係普通菜心定到食蟹我們一行兩個人好味到就算飽飽地都要食晒佢地值得推薦比大家

之前聽朋友講過話灣仔開咗間懷舊色嘅中菜餐廳，後尾問朋友攞咗個地址就係呢間原汁原味，一入到去見到隔離枱帶咗個薑蔥生蠔煲見啲人食得幾滋味我就order左一份另外仲有龍蝦啦仲有個湯，不過我最滿意都係薑蔥生蠔煲總共有五隻，又唔會落太多分去炸，豉汁蒸扇貝同龍蝦都幾正，至於茶果方面，我就揀咗普利茶不過呢間餐廳始終係行懷舊形式嘅，以懷舊形式當然會坐得比較迫夾少少同埋冇咁舒服，再加上張枱比較細我order左啲送來嘅時候會有少少擺唔落嘅情況，但係總括嚟講，味道都幾好㗎

同事想食蒸飯，提意去這餐館，我們大約十二點半前已經到達，樓下已經坐滿人，幸好樓上還有位。午餐有大約12款套餐供選擇，套餐包括一個小菜和一杯飲品。同事點了原籠欖菜蒸肉餅（$73），而我就要原籠金針雲耳蒸雞飯（$73）。原則上蒸飯份量是足夠的，鷄也很多，蒸的汁滲入飯中，更為好味。同事也説她的蒸肉餅也不錯。可惜是我們足足等了半個小時以上才有蒸飯吃、再等多五至十分鐘才有菜食，到最後食完蒸飯同菜，又要不斷要求侍應才有菊花茶飲。侍應服務態度也很好，不斷向我們致歉，但我們的用膳時間也是很有限，幸好那天我們不太趕時間，否則都不知是否應該繼續咁等下去！

灣仔真係多特色餐廳哩日去試蒸飯！裝修好有心思 跟番以前60/70年代餐廳既裝修餐廳有2層我地book左2樓既位Lunch menu 主要係蒸飯我就叫左哩個金蒜龍躉蒸飯香噴噴飯粒分明 好好味 龍躉都好滑 魚肉唔會太散蒜能夠帶出菇既香味成件事好夾 好好食 推介！

之前有朋友喺呢度食過，推介過我嚟呢度食，所以今日午餐就揀咗呢度啦。佢門面唔錯，裏面有兩層，一入門口下面都錯滿灑，好彩樓上有位唓。佢嘅午餐價錢都唔平，不過都有十幾款午餐可選。另外此店嘅侍應服務態度不錯，食物也上得很快，很適合繁忙嘅午餐時間。佢食物嘅份量好足夠，大大碗，味道也OK，賣相都唔錯，套餐包左一杯涼茶，間唔中食一次半次也不錯。坐低左15分鐘度，隔離幾張空枱都坐滿了，咁就證明這間店果然很受灣仔上班族嘅歡迎啦

今晚想食海鮮，經過知道，呢間都有海鮮食，一於試吓先😁。睇過餐牌，種類都好多，我地就選咗個龍蝦二人套餐啦😁，得4樣嘢，少少地又唔會太飽😜。先嚟個淮杞蟲草燉螺頭湯先，滾熱辣👍，一啖入口，好甜😋，藥材味濃而唔嗆👍，螺頭好細粒啫😀。跟住到蒜容粉絲蒸元貝，上枱時嘅蒸氣已經冇乜😱，有一隻比較韌添😓，我覺得佢地個蒸爐唔夠蒸力喇😓❗️法式焗龍蝦，龍蝦肉厚但實😓，一啲都唔彈牙😓，而且有一嚿仲有透明嘅肉添😱❗️同埋都好黐殻😓❗️伊麵就好食，但係芝士味太濃😓，食兩三碗已經好溜喇😓❗️蒜容上湯浸時蔬，茶好翠綠，但我對咁大條菜冇興趣，最後食淨半碟😓❗️

今日放工契爺話帶我去食好野，灣仔會合後佢就帶我去左古色古香裝修嘅餐廳。雖然我好多時都係灣仔搵食，但好少行到這邊。我地點蟲草花蒸雞飯餐，龍躉豆腐煲同椒鹽鮮魷。由於我哋好早食飯所以全間餐廳都唔多人，所以服務不錯。蒸飯同個煲都係一般，好普通，只係蒸飯上枱用個籠，上面多兩條蟲草花，啲雞用酒醃，味道對老人家有懷舊親切的感覺掛？我就覺得普普通通。其實最令我驚喜嘅係＄58嘅椒鹽鲜魷，份量大，真材實料，只魷魚有咬口，炸粉少，抵食好食👍🏻

We ordered a set dinner that costed around 200 per person and it was really good! We topped up a little for a better soup and that was one good soup. The normal soup they served was full of flavouring though. The fish wasn’t the best but I really loved the black bean sauce! Its really a good deal especially when there abalone. The best dish was actually the eggplant with pork. It tasted so good with rice! also not to mention that the waitress was attentive and nice! Unlike many other Restaurants

大雨天，落車正是大大隻字搶眼的招牌，被吸引入內試試。入內是一間小客棧設計，木枱木櫈，仲有上層。午餐有平有貴，精選套餐由$63 至128，有杯冷或熱的薏米水送。加$15有足料老火湯。原籠蟲草花蒸雞飯，要等約15分鐘左右才蒸好上枱，件頭都幾大，雞塊也不少，蒸飯較濕，蒸雞的汁滲入飯中，味道鮮很多。京都豬扒飯，有骨的豬扒，雖有厚度但也很軟冧，很易咬得開，酸甜度剛好，唔太酸，好惹味開胃。唯一美中不足是飯和餸放在一起，碟又不太大，吃時有些狼狽。如餸和飯分開上會好些。老黃瓜雞腳瘦肉湯，湯濃應無味精，飲咗2-3小時都無口渴。熱薏米水足料，無糖添。飲落很潤喉，大熱天可助去濕去水。