又一間冰室

營業中

休息中

真心改良咗好食咗餐牌都多咗選擇好多可能附近開咗太多食肆，有良性競爭，所以嘢食好食咗有改良喺度住到咁多年疫情之後呢三年都冇幫襯佢，今日行過突然間發現餐牌改進咗，一心想試吓，就發現有驚喜

早兩日係葵廣食個早餐都要五十幾六十蚊，今次入到馬灣，竟然只係三十九蚊，有一碗麵，火腿蛋，多士同野飲！我麵揀咗沙嗲牛麵，啲汁幾香，牛肉易咬，麵唔會煮到好淋，另外感覺公仔麵佢無落到包味粉，所以比較淡，除非落多啲沙嗲汁，麵都彈牙無overcooked～然後由火腿、腸仔、蛋同餐肉揀兩種，揀咗火腿同蛋，蛋竟然仲係煎雙蛋，美中不足係隻蛋黃煎到好熟，如果係太陽蛋就更好。好抵！另外想讚侍應姐姐好好人好友善，係做街坊生意嘅小店。

馬灣好多野食價位都比較高，入到嚟玩如果想普通食返餐，呢間又一間其實都係唔錯嘅選擇🤍注意‼️係村屋嗰間唔係碼頭嗰間😵‍💫大家千祈唔好去錯啦-❤️芝士蕃茄焗豬扒飯（$55）呢個飯係少數我覺得好好食嘅豬扒飯！平時最怕豬扒好難咬，又或者落太多鬆肉粉但呢個大大塊之餘又唔會難咬，仲好完美咁match 左成個飯🫶🏻配埋佢隻蛋撈埋一齊食仲正🤤-個餐除咗包野飲之外仲包埋個湯有中湯/紅湯可以揀，我揀咗佢個中湯，飲得出好夠火候煲得好入味🤩

第一次入嚟馬灣搵地方食飯有難道因為搭車入嚟果時有留意路兩邊有乜所以知道呢間野,掃碼度體溫就入去底望一望餐牌有乜食就叫左個咖喱鮮雞飯+凍啡少冰。跟餐有中湯/白湯送(無紅湯),碟野一嚟用 匙羹畢左少少汁落嘴試味,味道死鹹好大路既港式茶餐廳咖喱貨色本來入嚟呢D山卡啦食野都預左🚁🚁🚁,再試件雞一咬好重雪藏味扒幾啖就直接放棄反正唔會後第二次中伏跌錢都系跌一次😂🤣埋單既同收銀講個咖喱汁好唔掂死鹹雞又重雪味。