友愛海鮮酒家 (已結業)

以為轉車會快,點知聰明反被聰明誤,最終被困安定站!時間不留人,先就地搵食,避開繁忙時間再乘車上班去.行上一樓商場有酒樓,正合我意.門口沒放價錢牌,估計屋村酒樓應該貴極有個譜啦.酒樓大堂裝潢光鮮浮跨上一層後其實平平無奇.地方相當之大,茶客極多,我走到最角處才有張大枱搭.絕對不愁沒生意的酒樓閒日早茶價位絕對不平,還好有張優惠紙$5.8起,不過內容毫不吸引.走去'美食亭'看看,所有煎炒煮炸連全部優惠點心原來都盡放於此.好在無剔紙咋.阿姐不斷叫賣剛出爐的拚盤,我望到其份量都頗大,計好條數認為OK抵食就要一份蝦餃的餃皮厚了點,起碼無穿無爛又易咬,蝦肉夠大而且相當脆口,就只差一點汁.另外的潮洲粉果和鮮蝦菜苗餃,絕對難食餃皮溶爛不堪,餡又油又膩.最後兩件奶皇糕,蒸到濕立立,甜到不得了,硬著頭皮食一件,其實我情願佢放個包點更好.我坐正茶水間門口,好多茶客都是自己拿著個壺去添水,只因服務阿姐們鐘意同客吹水.衛生程度絕對零分,一來越坐我對腳就越痕,二來我無意望到個阿姐入茶水間添水時,順勢"下吐",將口中的大舊分泌物吐在用來棄置茶葉的垃圾筒內...當時我食緊野...好噁心呀~

友愛村友愛酒家是京都飲食集團的分店。在２００９年３月１１日，　我同家人在此店打邊爐；卻換來一肚氣。圖片可見，一次又一次提供已發黑的肥牛給我們，一次又一次的更換，本人真的認為實在不能容忍。決定埋單時向該店黃姓經理反映並表示收費不合理。正所謂，可以沽清但不可能把已經變壞的食物提供。黃姓經理認為決不可能減費，言語之間更向我的家人動粗並粗言穢語地漫罵本人。而且更有四五名職員築起了人牆，令本人十分既驚且怒。最後是報警求助了事。在此奉勸各路朋友，不要光顧此酒家，除非你不信本人的留言。

天氣得個7,8度..想搵D熱嘢食..決定去打邊爐..去到蝴蝶虹橋..點知冇得打..轉去天悅..又要等到8點半先有位..係放棄之際..突然諗起上次係雜誌睇到京都賣廣告..就去左友愛個間試下啦..點知就出事啦!!入到去..樓下位姐姐就解釋清楚d收費..加埋$119..問佢攞張點菜紙睇下..見都幾多嘢食..就上左去啦..張枱係加建出嚟..用gas爐..坐正後門位..但個門閂左都冇所謂啦..個到d侍應好似好趕時間咁..d嘢未洗完..就拎走左個兜..仲要比我睇到佢係個兜到洗手..加係我地張枱布到沫手..食嘢其間..巳經有3位呀姐係係我地張枱布到沫手..有一位經常性咁做..諗住佢再係咁..就同經理投訴..結果佢都冇再咁做..個場非常窄..我地坐O既位又近收碗碟位..有位洗碗碟O既呀姐經常推住架車走嚟走去..每當有人阻住佢前進..佢就會好大聲咁指住D人嚟話..個小妹妹唔小心撞到佢..佢就企係到鬧足半分鐘..要D侍應拉佢走..咁都得..之後食食下..FEEL到超級凍..望一望..見到個類似經理O既人物開大左個後門玻璃門..仲要搵D摺枱頂住..諗住佢搬D嘢就閂返埋..過左一陣都未..就同個經理講叫佢閂返

昨天同屋企人來了這裏飲茶,其實因為已經諗唔到去邊度飲茶及唔想係市中心等咁耐位,記得朋友講過話呢度都ok,所以一心諗住嚟試下.去到見到冇人等位,即刻有位,心諗會否好差,行上樓梯見到大排檔d野食果樣都幾好喎.我地叫左:咖喱豬皮蘿蔔(唔夠熱及唔辣,味道okay),咸菜豬肚(好熱及好夠味)這兩個都好大碗的,18蚊一樣,流砂奶王飽(真的是流出來的,也不算太甜),雞飽仔(幾好味),煎蠔餅(不算太多蠔,但都幾野味,因它是煎的所以感覺不是很油膩),金錢肚(終於找到橙色的金錢肚啦,因之前去了幾間都唔係),牛栢葉,牛腸,鳯爪.......整體感覺係okay的,雖然是舊式的酒樓,但食物水準還夠一些新式的酒樓好及便宜,這是可取之處.

家在屯門的阿婆鐘意食0野不過因為獨居同慳儉的關係所以好少人飲早茶亦因無人陪原故咁有時自己有時間所入去住一晚帶佢去飲早茶呢間係比較多去的一間其實感覺呢間酒都不俗點心款又算多又有小食亭同泰式美食部有感覺上同明星麗都大同少異都係差不多其實睇下牌價錢唔係真係非常平叫ok價啦不過上一次去2個人叫了4個點心抄米粉+瘦肉粥價錢$44大過飲早茶根本無咩服務可體會所以唔知是否真係咁差但味道確係一般謂不上好食上次在新墟的運通泰好一d好食一點比較有飲茶feel

個次去食任食邊爐,真係差到冇得再差。服務差,食物質素差。我都未食過d丸係咁難食架!!!轉左手真係差左好多。連醬油都要自己出去盛返黎,有冇搞錯。d肥牛,真係又少又薄。唔得左。總括黎講,自己買料返屋企打邊爐,仲好過去呢間野。食都食得開心d啦。去到d野又難食,又要受氣。大家千祈唔好去呀!!!

今日，因為太耐沒去這酒樓吃晚飯，所以便叫了一家人去食。一坐到落去，20秒都冇，個待應就就過黎sale佢的套餐，佢要sale下係冇錯，但我地經已話左冇興趣，我話想散叫，請佢一陣再幫我地落單，個待應就在我地張台走黎走去，我地唔叫你個套餐，想諗下叫乜菜姐，你唔洗禁下fa，俾人感覺好似催促我地叫野禁，一d討論空間都無，感覺好差....到左d野到啦，我叫左椒鹽九肚魚、一個翅、一隻白切雞、一個金銀蛋"現"菜、一個牛腩煲。以屋村來說，食物質素都叫唔錯。到結帳，發現張單內寫：茶: $32 芥菜:$32 茶芥合共: $64 (我們4人去吃，重有一個是小朋友) 我一睇到就馬上問，個芥是什麼回事，一碟仔花生(同平日去其他酒樓的花生一碟仔沒分別)你們要收$32?? 我買俾你地都得啦~!! 佢話，寫明收茶芥家啦，有乜問題。嘩~~~你地話，一間酒樓可以收到$16一位茶芥的我真的沒見過，去"尖沙咀北京樓"都唔洗啦~!! 重有他們的服務態度真的差得很，真係"白鴿眼"，一見你唔叫套餐個臉口馬上唔同左，可以唔問你一句就收我地d菜，都未食完就收，真的很過份！！叫禁少野食，除番開每個人都要$9x，去食就真係要諗清楚同睇清楚啦

知道佢最近轉左手,又撞o岩早幾日轉凍,咪一家人近近地走落去試下任食打邊爐囉。打電話落去時問價錢,條職員話:$86任飲任食,全包架,唔洗加一。夜晚7點幾去到時每台有碟話送既海鮮,內有鮑魚仔、蟹、魚等,份量唔多,...落order叫左一堆火鍋料,張紙明明寫有生蠔同海蝦,我地入左幾次單都唔泥,淨係泥哂d丸呀、豆腐呀,總之貴既就唔識泥啦!菜又唔泥,肥牛就叫兩次泥一次,一碟得果4塊,仲要係超薄果隻。後來見到隔離台追職員後,有蝦上。我地咪又追囉。職員都好有禮貌解釋已經無哂生蠔,並遞上一碟蝦比我地,之後再追就已經無下聞lu。而當日只有約6成入坐率,場中間有個自助醬油部比人客自己"筆"鼓油醬料,同埋有支裝汽水及cheap啤酒供應......比起前身既自助部就差好多了,少左好多小食,淨係得幾款小食連甜品生果供選擇。最重要係埋單果時,每人要成$110之前話唔收加一同埋全包,係唔收呀,全包湯底及任飲任食。但唔包醬油及花生錢呢~~無計啦,唯有怪自己打電話問果時無逐樣逐樣問清楚收唔收錢囉~但,如果呢個價錢,響舊屋村既食肆,我覺得唔值囉~仲要無菜無生蠔,蝦又泥得一次......總之無下次啦~~

星期六晚同屋企人去左附近京都食任食火鍋，每位$48，難得星期六都唔收貴啲，係得紅日會收$58/位。當然仲有茶芥醬油，每位都成$18，nuts就每五位$6，連加一計計埋埋都成七十幾蚊位。但係我都覺得抵食，因為佢除咗火鍋料任食之外，連點心、炒粉麵、燒味、糯米飯都任食，竹庶水、酸梅湯、橙汁、糖水都任飲。最抵係食點心，當十蚊籠都抵番晒啦﹗而且佢會睇番你人數而俾火鍋料，例如你四位，你點一份貢丸，兩份水餃，佢就會俾四粒貢丸同八粒水餃你，咁就唔會話人少，樣樣都大大碟食唔到幾多嘢啦﹗

不知所謂, 服務態度奇差!!!!!<br>那位姓蘇的部長(還是經理?) 應立即炒掉，否則..........<br>昨晚與家人到這裡吃晚飯，點菜時這位蘇(部長) 介紹我們吃通菜，但上檯的是波菜，於是問那位蘇(部長)，他竟說沒有通菜，真可笑！但他也有替我們更換。叫蜆便說冇蜆，但那邊廂自助火鍋卻有炒蜆供應................<br><br>但最精彩的是的我們叫龍蝦、落單的時候講明唔要伊麵低，但上檯時卻有伊麵，都算數、那位小姐卻說有伊麵要加錢，將碟龍蝦放係隔離檯，搵經理。之後我們唔要龍蝦以及即刻埋單。但那位不知所謂的蘇(部長) 態度惡劣、又囂張還說是我們"不合作"。令我十分氣憤，以後也不會再去這些不知所謂的酒樓。<br><br>

我們坐好位後, 問部長是否有特價, 部長說今天假期全日特價, 當我們叫東西時, 另一部長態度惡劣地說9:30 後才有特價. 先前的部長不清楚價錢. 既然兩位都是部長, 但說話不一, 希望這酒樓認真要檢討一下.