友膳方

營業中

休息中

我本身係南區住嘅，有一日喺街見到朋友，佢同我講友膳坊係一間值得一試嘅餐廳，味道好，餸菜仲係好有家庭feel添，我就去試，入到餐廳，雖然地方唔係好大，不過設備都好齊全，服務員嘅態度亦好好，雖然佢好忙，不過我問嘅嘢，佢都好有禮貌，好有耐性咁解答咗我嘅問題，我去之前，喉嚨係有啲痕同埋乾涸，服務員推介咗我飲一款湯叫做橄欖老火湯，飲完之後，第日就冇晒痕同埋痛啦👍🏿👍🏿👍🏿，我而家都會去幫襯㗎，我都有介紹俾我啲friend㗎。

好好食，係我食過呢一區最好食嘅中菜。個湯又好好飲🤍 啲食物新鮮，味道100分。佢個廚房真係勁。（但最好唔好叫$69外賣果啲餐，不好吃的，要叫$8x果啲小菜）所有野都好好，只不過係貴😆 3個人食嘅話，$3xx走唔甩。以為跟餐包埋飯+湯。其實是沒有的，湯一碗$3x ，一盅嘅話$79，白飯跟餐只係半價，正價$15🤥 好少有套餐無白飯送，亦好少有飯要成$15一個。如果平番少少，我會增加我嚟幫襯嘅次數。希望可以平番啲❕🙂‍↕️

不嬲已經好鍾意食佢呢度嘅土魷蒸肉餅，好夠味之餘食得出唔係味精…今日試咗佢嘅兩個午餐:1. 蕃茄牛肉炒蛋超級好餸飯，食落口真係屋企嘅感覺，唔會加好多芡汁，好夠味又唔會過酸，我最驚就係蕃茄蛋唔夠甜味，佢呢度甜到啱啱好，真係食幾碗白飯都冇難度😍仲加咗洋蔥，增加口感❤️2. 勝瓜，雞肉泡飯呢個湯頭飲完一啖之後真係想成碗湯飲晒佢，但係都係要慢慢嚟，因為要送飯😌職員非常友善，好有一種街坊倫理守望相助，好有禮貌互相關心嗰種溫度…如果喺出面食飯，想食阿媽整出嚟嘅嘢嗰種感覺 (手勢好，識煮嘢食嗰種媽媽) 呢度真係西區不二之選😋#高度推介#一吃再吃

2023年3月18日，今天去行山，由山頂行落去西營盤，到了皇后大道西，見到一間英文叫Jesus Loves You的食館，中文叫友膳方，主打“媽媽靚湯，家的味道”，很有意思，決定入去嘗試。點了咕嚕肉，東菇蒸肉餅，兩個媽咪靚湯。湯沒有味精不太咸，很好味，兩個家常餸也很不錯，今天已不容易找一間有heart又不下 “師父”的食館了。有時去離島或港島走走逛逛也沒有什麼好地方吃飯，現在有了一個很好的去處了。這間食館的返來再吃的指數是100%

來過幾次貴店，員工服務有禮貌，地方坐得舒服，店內主打無味精湯和飯菜，真是好好食啊😋…叫左粟米脆脆魚&咸蛋蒸肉餅&蕃茄雞蛋炒牛肉一定會有下次啊，下次都要試其他餸菜啊！

同男朋友由上環散步到西營盤，唔知食乜好嘅時候見到呢間，見有湯飲就試吓。叫咗個滋味雞(例牌)同粟米脆魚，送湯同飯上菜時嚇一嚇，份量比想像中多好多！滋味雞以全熟嘅雞嚟講佢好滑！睇其他人食譜話3少1無，可能有人覺得會淡味，我食慣清淡就覺得啱啱好脆魚又係好大碟！啱啱上菜d魚仲係脆脆哋，加埋甜甜哋嘅粟米汁好味俾湯吸引入嚟，個湯好足料，同屋企煲嘅8-9成似仲要無味精，湯面又無油，好屋企湯嘅感覺只睇價錢係少少貴，但味道幾好，環境乾淨舒服，店員極親切有禮，都ok可以再去

好友善~ 不過食物質素不似預期~ 同網上之前的相片有落差~ 親自食完確係一般~ 媽咪湯 ok~ 但係招牌火瞳細咗好多~ 用料亦同相中差很多~ 兩個主菜好一般~ 真係重有好大進步空間呢~ 🤔🤔🤔

老實講，佢送個個湯係好味ge但係比左好多渣我，唔係食得個d跟住個番茄肉片湯飯真係⋯⋯番茄湯 認真唔知去左邊(/ω＼)都無咩番茄味🍅我係飲佢d湯送飯😂而唔係個番茄湯都多芽菜ge。真係同佢標榜一樣健康

今日跟同事搵野食，話有一間媽咪茶餐廳 好似話健康為主既 就睇下佢有幾健康啦！佢既餐牌有個係耶穌餐 每日得一款 每日都唔同 而每個餐都係30蚊！真心好平囉，不過我就對今日既餐無乜興趣啦最後就嗌咗個蝦仁炒蛋飯跟餐有個湯同一杯野飲 首先講下個湯先！不加味精都幾咸，咁落味精會點呢？可能今日重手咗姐？蝦仁炒蛋幾好食既，幾軟滑 蝦都大大隻 唔會炒到好老！野飲就嗌咗杯蜂蜜薑茶，ok既 係厭佢唔敢薑茶！咁樣就$62啦，最後原來仲要加一！呢個真係幾驚訝 呢d茶記都要加一真係好少可

今日想飲湯，所以去友膳方食午餐。選擇有好多，飯麵小菜都有，叫咗一個無國界午餐。👉🏼照燒汁野菜雞排飯雞排有炸過，皮幾香脆，照燒汁少咗d, 但可以接受。個飯都幾香軟，女仔食都夠飽，男人食應該唔夠。👉🏼媽咪靚湯有唔少湯料，包括豬骨、雞腳、豆豆，幾濃幾好飲。不過略嫌少咗啲，話晒碗湯先係主打應該俾多少少。總結，呢餐有湯飲，幾開心，但個飯就一般般，午餐黎講算唔錯，都可以再試。👍🏼👍🏼👍🏼👍🏼

今日下晝會比較忙，所以提早放飯。友膳方主打係媽咪靚湯，見人流唔多又入去試下。餐牌都有好多選擇，有餸有湯又有野飲。金銀菜蠔豉湯～好香菜乾味料又多，完全唔覺有味精。皮蛋麻辣口水雞+原個砵仔飯～口水雞蒸熱過有一兩舊比較嚡，但可以逼左啲油出泥感覺冇咁肥膩，麻辣味有少少，而皮蛋得果一舊仔咁多。至於個砵仔飯我就好喜歡，其一份量對我泥言啱啱好，第二係質感粒粒分明。羅漢果水都ok唔甜啱我。呢餐飯連加一盛惠$67。

今日 20/3/18 同同事一齊食晏，去左一間最近新開，又標榜媽媽靚湯嘅店舖： 友膳方，所以一齊去試下。入到去，地方細左 d, 有d迫夾，但有好幾張4人枱，食晏食快餐都可以接受嘅。果度 d姐姐好好招呼，服務都唔錯。我地叫了午餐：F. 紫菜蠔仔肉碎冬菜湯泡飯 $44朋友話食，好足料，蠔仔好新鮮，都好大碗，賣相都好得，夠晒食，ok。D. 蝦醬海鮮炒河 $44我覺得好野味，好香蝦醬味，陣陣飄香，食落唔唔太鹹，剛好，有多塊鮑片及蟹柳，只係唔太海鮮，有 d 被騙感覺，但炒得好味多 d油豉色好 d囉，另外餐係包媽媽靚湯架，今日係章魚節瓜湯，都幾好味，強調無加味精架。中規中矩嘅小店。

話說上回叫完網上外賣平台友膳方既小菜外賣後，一家人都對呢間小菜館好有興趣，適逢今晚又唔想煮飯，一於去試下堂食！由於係星期日，驚好多人有排等，我地先打電話問下可唔可以訂坐，職員好好呀肯留張卡位比我地。一入到去就覺得好warm, 一來係因為門口既老闆娘親切既笑容，二來係冷氣好似唔係好夠，可能因為我地坐最近門口張枱啦⋯⋯好，兩大一小食乜好呢？正當無乜頭緒之際，原來有個餐牌有齊最受歡迎既菜式，就叫半隻第二位蒸肉餅，第三位滋味鷄，另加豆苗同媽咪靚湯。碟碟都比我地想像中大碟，尤其鍾意靚湯，$68一煲，好抵。肉飯果然係招牌菜，唔太咸肉質彈牙。瑤柱豆苗個汁小朋友鍾意到用來撈飯。反而隻雞普通少少，似貴妃雞，肉滑但冇乜驚喜。加埋砵仔飯，飽到郁唔到。😋小店座位舒適，只係飲完熱辣辣靚湯覺得有啲熱，店員好nice，加分加分，會再來的。👍🏻

屋企懶得煮飯，之前幾日都食濃味野，又唔想大魚大肉，所以最後決定簡簡單單叫幾個外賣餸，有最清淡既清炒芥蘭，甜甜地既粟米班塊，老公最鍾意既紅燒豆腐，本來想叫蒸肉餅不過要等30分鐘，仲有個湯都好想試，不過第一次叫呢間唔叫咁多住。估唔到，又幾有住家feel喎，app 25 分鐘就送到屋企，用credit card 仲有得減$20，好準時送到，仲熱既。呢間煮啲野幾認真，以後唔想煮飯都有住家飯食喇😬⋯⋯

星期天到了友膳方食飯，叫了意大利肉醬豬扒飯。豬扒很瘦，肉醬十分好味，豬扒全都切了，飯十分熱，口感很好，不會乾。員工十分友善，老闆會和食客友善問候，價錢也不貴，是好的用餐體驗。