古之味 (寶寧大廈) (已結業)

Tried castella once in taiwan and it becomes more and more popular in hong kong lately, opening many new cake shop selling this cakeWe got the original flavor and the cake didn’t disappoint us. The cake is so soft and having taiwanese flavor indeed, at least same as the one i tried in taiwan, we waited for like 30mins at that time. This cake has strong egg flavor, the texture is even smoother than sponge cake, smell good too haainsides:menu:The price is so reasonable with good quality and local

咁啱Lunch Hour經過呢間舖頭…聞到陣陣香噴噴嘅蛋糕味道!又有Promo就買咗個試下!見到佢熱辣辣新鮮出爐，師傅仲即場表演切蛋糕!真係好懷念台灣d地道風味美食哦!遇到新鮮出爐一定要即買即食啦!…熱辣辣香噴噴!口感仲軟綿綿添!古早味蛋糕雞蛋味道好濃郁，又唔會太過甜!仲有兩種食法添…原來雪凍黎食仲有特別風味嫁!(記得要連埋個盒及裡面張紙包住一齊放入雪櫃呀!)可以鎖住蛋糕d水份嫁!

依家到處都有古早蛋糕賣，但做得好既又唔係間間都係，有d一出爐蛋糕邊完全塌哂，一睇就知唔洗買，但呢間我都幫襯左好多次，質素都保持到，鋪頭寫明不同口味出爐時間，可以根據想要既口味去買，一底蛋糕可以切十件，蛋糕出爐超軟又挺身，等既期間已經香到想即刻食，看店員切蛋糕亦十分療癒，店員會用間尺度好先切，讓每件大小平均分，仲可以同店員講要邊件，我今次買既係流心芝士，芝士味好重，而且唔係得一層，仲真係流緊d芝士，食既時候每一啖都有芝士，真係好好味

之前古早味蛋糕大行其道，市面上買古早味蛋糕嘅舖頭成行成市，電視都有賣廣告，所以我都唔執輸又買來試吓喺呢間舖頭買過流心芝士，朱古力，同埋肉鬆味嘅估早味蛋糕，我個人認為流心芝士味最好食，不過芝士嘅份量都真係比較少

每次經過油麻地，除左買玩具之外，都會經過古之味，每當出爐時間都見外面多人排隊，難得今日出爐無人排，經過聞到好香，決定第一次幫襯下。店舖唔大，基本上一眼睇晒。蛋糕味道方面，除咗原本5款（包括： 原味、流心芝士、香味肉鬆、爆漿朱古力及紅豆抹茶）外，仲有兩款新品（包括: 咖啡核桃、香仁斑蘭）。以上7款價錢由$55 - $80不等。因為剛出爐，所以個盒都無蓋好，以便疏氣，回家過程中在車內散發出陣陣蛋糕香味。今次揀左流心芝士蛋糕作第一次試，蛋糕出爐大半小時後芝士已開始變硬，如想食流心效果，我估要住附近或即場在街食先有流心效果。當我切開一片來試下，先發覺蛋糕裡嘅芝士真係少得可憐，個人覺得真係比蛋糕外賣呃晒，蛋糕中間位同原味蛋糕無乜分別，但兩者價錢有差距，有點失望。整體而言，價錢較貴，特別係流心芝士有點失望，未試過可以試下原味，而對我嚟講，試過一次就夠了。

尋日工作的時候路經旺角油麻地一帶的彌敦道，見到這間賣台灣估早味蛋糕的店子，入去問店員有邊隻味係鹹嘅，因為爸爸有糖尿病唔可以食太甜嘅嘢，佢話肉鬆古早味蛋糕喎，買咗一個$70，今朝攞咗一半做早餐兩個人食，夠飽喎！我問店員使唔使放喺雪櫃，佢話第一日之內食可以唔使，之後就要放入雪櫃三日之內食晒佢，我擺咗入預熱左10分鐘的焗爐加咗一杯熱水，開咗攝氏160度焗左10分鐘，效果很好！味道也好味！唔知點解烹飪班同學話呢隻蛋糕入邊係濕濕地嘅，可能佢食嗰隻唔係呢隻牌子，呢隻牌子又唔太乾，值得再幫襯！即係消費每人$17.5。用嚟配搭星巴克哥倫比亞咖啡真係絕配。

每次去果欄買水果都會經過呢度🙈又咁啱好多時候都新鮮出爐好香🤤最後忍唔住誘惑買咗😩今次係我食過三間古早蛋糕 最唔滿意嘅一間😟.流心芝士古早味蛋糕🧀 $70聞落真係勁香蛋味又帶淡淡嘅芝士味😚不過食落兩個味係完全分離咗🤣原本拎出黎見到嗰pat爆出黎嘅芝士 仲以為會好多餡🧐點知淨係得嗰個位係多少少🤏🏻其他位芝士餡係勁薄 似片裝芝士咁😿呢到嘅芝士鹹香味好夠 可能因為蛋糕偏甜 所以食落個芝士味太濃 兩者好唔夾🥴不過值得一讚嘅係蛋糕好鬆軟👍🏻但係蛋味同埋濕潤度都做得唔太好🥚💦雪落雪櫃再拎出黎食反而會濕潤過焗熱黎食 甜度都低啲 可以試下😝整體黎講...無論口感定味道都似食緊加咗芝士嘅紙包蛋糕~~🍰

行過閒到好香就望左望，發現係好耐之前就已經想試呢間，見到有現貨就即刻買黎試下，可惜太夜 剩低嘅款式已經唔係好多🤧即使去到夜晚，都仲keep住有好人去幫襯，我好好彩都仲買到原味同朱古力味。買到返屋企，襯新鮮即刻切左黎食，食左一啖就覺得個質地好鬆軟又唔乾，佢個質感都好厚身，都幾滑。原味既蛋香味好濃烈，蛋味好重，朱古力我就冇爆醬 但係都好多朱古力🤤食完2舊係會有衝動想再買其他黎食，下次會試埋其他味，尤其佢個斑斕味，好吸引

路過油麻地，見到路邊一條人龍在排隊買蛋糕，當時店裡飄出來的出爐蛋糕香味真係引人留口水，我都猶豫了一下係咪都應該排埋一份，估計大家都係被這陣香味留下了腳步排起了隊，但基於自己還有約，就心思思地先路過了。到了回家的時間，剛好巴士站就在附近，望望店內顯示各項蛋糕出爐時間的顯示屏，距離下一爐原味蛋糕的出爐還有8分鐘，我等了。只見出爐的是一底漲卜卜的巨型大蛋糕，師傅還用尺度過才下刀，一底出爐的蛋糕被分成了10份，即係賣曬10份就下爐請早了，好彩顯示屏都有顯示幾點出爐什麼蛋糕，梅花間竹，唔揀味道的話都出爐得幾密的，當然如果一定要指定味道就要自己留意時間了，而且有的味道是週末才有供應。買完蛋糕搭巴士，自我感覺成層巴士都充斥著香甜的蛋糕味，一邊吞口水之餘一邊感覺不好意思，也太會飄香了吧。到家之後迫不及待與家人分享，蛋糕的厚度喜人，入口有質感，而且濕潤度適中，蛋香濃郁，家人都讚不絕口，要求下次路過還要買！

平時搭巴士經過都會見到呢一間古早蛋糕，平時都唔覺得話有好似其他某一d比較出名ge估早蛋糕店咁排隊法，當日其實係啱啱係嗰度附近等巴士ge時候發現佢啱啱撞正出爐時間，所以就順便去買la！排ge時候我係排第二個，之後蛋糕一出，後面就突然間出現成條人龍，我諗都係經過見到有出爐跟住就順便排隊買ge姐，5係話好似另外其他幾間特別出名嗰d特咁，登去排隊等蛋糕出爐去買，我當日見出爐ge係原味古早蛋糕，另外佢仲有其他幾種味道ge，不過出爐ge時間就要根據反佢當日所定ge出爐時間同口味la！原味古早蛋糕 $55食落ge感覺上對比起上黎冇比較出名果間咁好食，如果話要特登排隊去等出爐去買ge話我寧願去排比較出名嗰間多d，5係5好食，只不過對比起上黎嗰間會比較鬆軟同蛋糕ge質感會冇咁濕，始終古早蛋糕感覺上趁熱食就會比較好味ge，佢呢間ge蛋香味就比較上少d，不過始終都係睇各人鍾意食ge口感會有5同，如果見到經過啱啱出爐ge話，突然間又口痕想食ge都係一個5錯ge選擇！

👀想食好耐既古早味蛋糕🍰之前係台灣食過覺得好好味行過附近見都無咩人排隊好快就買到今次買左流心芝士味$70🌟建議一定要趁熱食🌟個人認為味道一般般，性價比不高

疫情關係，本來計畫好既台灣之旅都要無限期押後...之前喺台北誤打誤撞食過一間好好食既古早味蛋糕，一直念念不忘，望住佢新鮮出爐，傳出陣陣濃香蛋味，食落非常鬆軟，而且又唔會好甜。今日行開旺角，人流唔算好多，見到呢間小店外面有人排隊，原來賣台灣古早味蛋糕，除咗原味，仲有芝士、朱古力、肉鬆、抹茶等等，價錢就$55起至$70-80。本來想試原味，可惜要等差唔多半個鐘先出爐，趕時間唯有放棄。正當猶豫緊試唔試其他味，忽然見到佢原來有隻新口味叫「咖啡合桃」，雖然索價$80，但作為咖啡迷真係忍唔住要買黎試試。買既時候佢已經用盒裝好，仲有個透明背心袋，方便拎，幾貼心。雖然唔係超級新鮮出爐，但拎上手仲暖暖地，而且幾有份量，聞落仲有淡淡雞蛋糕香味。到最期待既開箱環節，一打開，見到蛋糕面上面啲合桃唔算多，有少少失望，蛋糕尺寸就大約長18.5cm，闊11cm，高13cm，重量大約580g。食落咖啡味突出，有少少似焦糖咖啡味，甜度適中，核桃新鮮且微甜（不過就只係得蛋糕面嗰幾粒）。質地綿密鬆軟唔鬆散，比一般連鎖店既蛋糕實在。當下午茶的話，食四分一左右已有飽（滿）足感。總括而言，蛋糕算中上水平，只係價錢進取到令人卻步。

平時食開另一間（金色盒），但見依間平時幾多人排隊，個門面又幾靚，聞落亦麵好香，就買左2個，一個朱古力味，一個芝士味，諗住試下點知，一食，個蛋糕本身已經比其他店乾，唔夠濕潤，古早味嘅特式都做得唔夠好但最令我不滿嘅，係個味道同餡料，朱古力無朱古力味，芝士無芝士味，好似麵包舖普通杯子蛋糕咁嘅味，d餡勁少勁簿，咁大個蛋糕，d餡料薄到洪瑞珍三文治咁，完全唔make sense一定一定唔會再買，又貴又差，希望有所改善

今日同朋友喺附近食飯，經過見到呢間蛋糕店嘅蛋糕好似好吸引，尤其是嗰個爆漿朱古力蛋糕，見到就俾佢吸引左！食完飯返到屋企諗住切嚟食下，當係飯後甜品，打算將蛋糕分開五件來吃，當我切完第一刀，都仲未見到啲朱古力餡切到第四刀，先見到以下少少朱古力醬！絕對冇佢啲相show出嚟咁多朱古力囉！十分之失望！價錢仲要唔平，$70得少少朱古力！個蛋糕係鬆軟嘅，但係如果用$70買一個普通朱古力鬆軟蛋糕我覺得唔值囉我再睇返OpenRice其他人post嘅相，人哋啲相好多朱古力醬㗎喎，究竟佢係食物質素參差，定係根本post上openrice 嘅相唔係真實食家嘅相？

前排興起古早味蛋糕，不過我唔係太喜歡排隊，所以大熱店未試. 反而prefer 試下新店之前食左間唔錯，見油麻地新開呢間又試下.第一次食原味，甜度略偏高左d. 蛋香比起另一間較弱. 但口感還是不錯，鬆軟有彈性味道上欣賞另一間，不過因為呢間位置上更方便，放工經過又買多個肉鬆蛋糕. 比起原味貴$15. 但勁失望係肉鬆少到9成時間係食原味蛋糕咁切至正中間先見到極少量肉鬆，而呢度已經係量最多部分頭同尾,即多於2/3蛋糕切開係咁，等同原味肉鬆買現成都係十幾蚊包，唔駛咁慳料下嘛. 有種被欺騙感覺，唔會再幫襯