古早台居

營業中

休息中

叫咗個下午茶滷水雞翼肉燥飯加台灣奶茶。滷水雞翼係非一般嘅鹹，鹹到食咗一隻已經要放棄。飯係用咗絲苗米，唔係台灣日本米嗰啲珍珠米，冇飯香，肉燥只得一小匙份量。總括嚟講，唔係咁好食。

第一次係foodmuse食lunch，有選擇困難症嘅我最後揀咗呢間，叫咗一口鹽酥雞麵餐＆半價加杯黑糖珍珠奶茶，有驚喜既好味：雞唔乾、多鹽酥雞粉、麵配菜入味、珍珠係我鍾意既煙靭、奶茶茶味重，係香港算大杯而且係用厚紙杯（唔係膠）環保👍🏻

今次去試呢間主打台灣美食嘅餐廳，環境就普普通通啦，好似好多美食廣場入面嘅餐檔一樣，勝在夠就腳。 先講下個台灣士林香腸滷肉飯，香腸口感紮實，咬落去肉香四溢，微微帶甜，同香港嘅腸仔比起，少咗嗰種濃烈嘅酒味，多咗份清新。滷肉醬香濃郁，肥瘦比例啱啱好，淋喺粒粒分明嘅白飯上，簡直係絕配。但同我喺台北夜市食過嘅滷肉飯相比，呢度嘅滷肉味略顯單一，欠缺啲層次感。配菜嘅小番茄、蛋同蔬菜，為整個飯增加咗色彩同口感上嘅多樣性。 再試下黑糖珍珠厚鮮奶，珍珠煙韌有嚼勁，黑糖味濃郁香甜，同鮮奶融合得唔錯，入口絲滑。比起日本嘅抹茶拿鐵，呢杯鮮奶更加甜膩，充滿住濃濃嘅台式風味。 呢個套餐連埋飲品一共70蚊，價錢中等啦，作為一個簡餐嚟講，都算合理。 每次食台灣美食，都會諗起喺台灣旅行時，穿梭喺各個夜市嘅時光。嗰度嘅美食總係充滿住生活氣息同人情味。呢間餐廳嘅食物雖然唔能完全還原台灣當地嘅味道，但都算有個七八成。就好似呢個香腸滷肉飯同黑糖珍珠厚鮮奶，雖然有啲小瑕疵，但都可以畀我暫時止下對台灣美食嘅掛住，有機會都會再嚟試下其他台灣特色嘅菜式。1

咁岩今日黎到airside唔知食咩就黎左food court望落台灣菜唔錯叫左豬軟骨湯麵同鹽酥肉燥豬扒飯另外加左一個鹽酥雞豬軟骨炆得好淋湯麵煙韌 湯底正正常常 鹽酥豬扒同雞都炸得香脆乾身飯就正正常常最伏就係野飲叫左大甲芋頭鮮奶黎左杯椰果紅豆仙草但一啲都唔夾超難飲仲有杯黑糖珍珠鮮奶偏淡 無咩味加$17唔抵

點了大甲手工芋泥鮮奶，結果是用粉沖的一杯化學飲品，應該是奶精和調味料的混合體，無奶味又無芋頭味，整杯飲品沒有一處是符合它的名字。33元的飲品，連舊芋泥都見唔倒。飲完立刻胃痛。

叫咗紅燒牛肉麵（$66）入面超多牛肉😍😍而且牛肉好腍，唔會咬唔郁！好抵食！性價比高～味道ok ，略嫌湯底鹹咗少少🤏🏻但整體都唔錯👍🏻珍珠奶茶就正正常常

古早台屋是一家位於九龍城啟德AIRSIDE 5樓FOOD COURT的台灣菜餐廳，這裡的菜單選擇豐富，從經典的滷肉飯、牛肉麵到各式台灣小吃，應有盡有，雖然忙碌時段可能需要稍等片刻，但整體服務效率不錯。點餐後上菜速度也算快，服務員會主動提供建議，並耐心解答顧客的疑問。而且價格合理，飲品和小吃的價位大多在HKD 30-60之間，性價比高。菜單涵蓋了多款台灣經典小吃，如滷肉飯、鹽酥雞、蚵仔煎等，還有創意飲品和甜品，選擇豐富。1. 原色奶茶原色奶茶的茶香非常濃郁，能夠品嚐到紅茶的醇厚口感。茶香濃郁，奶味醇厚，兩者比例恰到好處，不會過甜或過膩，喝起來非常順滑。整體口感非常平衡，雖然卡路里稍高，但作為一款經典飲品，偶爾放縱一下也是值得的。💪 價錢：HKD 38⚡️ 好味指數：🌕🌕🌕🌘🌘🧀️ 約250kcal 卡路里/份2 香檳葡萄紅茶這款飲品的香氣非常獨特，帶有淡淡的葡萄香氣，喝起來非常清新。紅茶的基底與葡萄的香氣完美融合，讓人回味無窮。口感清爽，甜度適中，不會過於甜膩。這款飲品非常適合在用餐後飲用，能夠解膩並帶來清新的口感。💪 價錢：HKD 42⚡️ 好味指數：🌕🌕🌕🌕🌘🧀️ 約180kcal 卡路里/

北上得多，已好耐冇行香港商場，朋友推介啟德個新商場幾有特色唔會好似港式傳統商場咁千編一律，自成一格，所以趁假期咪約埋朋友仔行下。Airside係好有自己風格，設計風格冇咁香港舊場，色調，排位，商户組合都於別不同，加上pets friendly ，商場氣氛十分熱鬧得嚟又唔會太商業化，行得好自在舒服。另一特色就係呢度都幾多餐廳，價格多數係比較大眾化，加上戲院同多花園嘅配套，係消閒好去處。今日去咗五樓嘅food court ，多位，景觀開朗，款式多樣。大家都各有各心水，呢個埸各店出品都唔錯，有人揀咗四川小麵，有人食越式，有人嗌咗鐵板牛肉飯 ，我就叫咗台灣嘢。台式貢丸粗麵: 湯底係牛肉湯，麵有嚼勁煙韌，貢丸大大粒，好有台灣食到嘅味道奶蓋芝士芒果沙冰: 芝士味濃，可以畀多啲就好囉，沙冰好幼細，入口creamy 豬軟骨粗麵: 豬軟骨好冧身好入味，可以太細件，如果多啲就更加perfect 下次行開呢區一定會再幫襯

重陽節一日假，聽日長週要返工，冇乜心機北上。約埋屋企人行下新蒲崗，本來打算去大有街嗰邊揾嘢食，不過行行下唔覺唔覺去到mikiki ，不如行埋去airside ，呢度多嘢又多pop up檔仔，好多後生仔女假期都仲意聚埋係呢個場。行咗一大倫，屋企人買咗啲小裝飾同零食。。。之後就去咗五數food court 食嘢，好多位，但勁多人，要等位。大家各自去買嘢，我嗌左杯黑糖珍珠奶茶同大雞扒滷肉飯，杯嘢真係超大杯，又足料，牛奶非常香滑，珍珠幾煙韌，甜度適中正呀！肉燥飯好入味，好濃嘅油香同冬菇香味，加埋香脆多汁嘅大雞扒，滷蛋同黃蘿蔔都好夾，非常滿足細佬同佢女友叫左鐵板牛肉飯同西多士併炸雞髀🍗，味道都幾正，我忍唔住都黐咗幾啖

星期日airside 真係好多人，成個商場都係狗仔，非常熱鬧同埋舒服自在，朋友揸車帶埋佢對寶貝狗仔，行下公園先。公園地方好大不過就多工程做緊，都係入商場行下，見肚餓就去咗food court 揾嘢食，入到去都見好多狗仔，好鬼死熱鬧够晒氣氛，朋友叫咗個漢堡包套餐，啲肉好juicy,薯仔即炸，好味。我就去台灣嘢嗌咗個下午茶餐，台灣腸肉燥飯同杯台式奶茶，下午茶減價唔減量，大大碗肉燥飯，好够味，台灣腸係即炸嘅，熱辣辣好脆又多汁，好滿意👍。杯奶茶勁大杯，好重奶味，如果再多啲茶味就更加好，整體來講呢度啲嘢真係唔錯，加上休閑嘅環境，真係個週末好去處，交通都好便利，聽遲啲呢區仲會多兩三個商場喎！一定仲熱鬧好玩，可以多啲留港消費囉😉

行過見到幾多人幫襯～一於試吓佢～點知伏伏哋～📣香酥大雞排肉燥飯📣💰$76💰雞扒味道還可以～但份量唔可以稱得上用個"大"字形容～肉燥好少～唔夠撈晒碗飯～📣鹽酥魷魚鬚📣💰$29💰炸得幾好～但個皮有啲硬～份量亦都比較少～📣手作紫薯鮮奶📣💰$36(套餐加配半價$18 )💰呢杯嘢真係難飲～唔知點解佢入邊要配椰果～紫薯味又唔出～我只係飲咗幾啖就飲唔落去～CP值：❌#台式食品 #Airside

今日同friend 去airside睇戲，未開埸，先醫肚😂，同戲院同層有個food court ，見位都幾多幾闊落，就入去揾嘢食，大家各自嗌咗唔同店仔嘅嘢，有人食冰室，有人叫牛肉飯，我就嗌咗珍珠奶茶同牛肉麵，茶香又重牛奶味，啱我。牛肉麵湯底幾正，牛肉好冧，入口即溶又冇渣，係好嘢嚟

第一次去Airside個food court度食嘢，人流多亦難搵位。見到近入口有呢一間台灣嘢諗住試吓咁啦。睇餐牌啲相正正常常咁，就嗌咗個鹽酥魷魚肉燥飯，加個台式飲品。個飯嚟到已經嚇一跳，完全唔係鹽酥魷魚個樣，個炸皮厚到成塊麵包皮咁，仲要唔脆得個硬字，亦都完全冇椒鹽味，好難食。未講完，炸皮入邊嘅魷魚細到攝牙罅都唔夠，大家可以睇吓張相，唔講以為今日我生日呀咁大條。同埋我已經係一出餐即刻攞都可以攤到凍晒咁。戲肉嚟啦，杯嘢飲叫芝士苺苺，諗住都係果汁類實冇死啦。嘩飲一啖嚇死，唔講以為飲緊牙膏，嗰浸化學味同細個用啲水果味牙膏一模一樣，個奶蓋都得個甜字完全唔好飲。重點係呢支野竟然跟餐都要加$20，最後呢餐咁嘅嘢竟然都要成$80🫨🙏🏼。

Foodcourt 都有好多選擇。今次試了台灣菜。這個躁肉飯炸魷魚鬚。粉漿雖然多但炸得好脆，都有大大條魷魚鬚。肉躁份量就好少，味道唔濃。竽泥鮮奶都淡，內裏還有些果肉都不錯。

古早台居，位於九龍城啟德協調道2號AIRSIDE 5樓L504-L505號舖FOODMUSE內。 古早台居有台式料理和飲品，點了鹵水雞髀肉肉燥飯、芝芝百果、珍珠奶茶。 ▪️鹵水雞髀肉肉燥飯 ～ 鹵水雞髀唔算入味，肉燥用作拌飯， 份量剛好。 ▪️芝芝百果 ～ 超多冰粒，味道好淡。 ▪️珍珠奶茶 ～ 味道正常，珍珠都算煙韌。 整體味道普通， 但經過可以一試。🏷️溫馨提示～ 整個用餐體驗均屬個人分享意見， 只作參考😊。 古早台居地址: 九龍城啟德協調道2號AIRSIDE 5樓L504-L505號舖FOODMUSE內