古早台居

營業中

休息中

旺角新開咗幢T.O.P.，都無點認真行過🙈最近先知原來地庫有food court，就落去睇下有咩好食😋，行咗一個圈比呢間台灣菜既珍珠奶茶半價吸引到😂因為行街行到攰，好想飲杯野同醫醫肚😅🌟酥炸豬扒肉燥飯 $50🌟啲豬扒就嚟舖滿曬啲飯咁滯😳估唔到又幾好味，一啲都唔覺得好油膩，炸得好靚，旁邊仲有大量肉燥，有埋肉燥味道更佳，唔會乾爭爭😂仲有半隻滷水蛋添😋🌟冬瓜珍珠茶 $19🌟🌟珍珠奶茶 $26🌟味道偏甜，唔記得要求少甜🙈同埋啲珍珠比較硬，淋身啲會更好👍🏻🌟鹽酥魷魚鬚台灣麵 $51🌟鹽酥魷魚鬚係另上的，幾好唔會浸到淋曬👍🏻台灣麵係我冇鐘意既闊邊麵，口感好煙韌，湯底係濃濃既牛肉湯底，味道剛好，唔會過咸，同埋湯底夠熱，岩曬依家涼涼地既天氣😍🌟珍珠奶茶 $26🌟整體來講，主食味道勝過飲品，飲品係珍珠扣分了，係大大杯視覺上好加分，如果珍珠煮得淋身煙韌啲，成件事就完美了💯

試試旺角呢間food court台灣菜。價錢算平，平日都幾多人食。豬軟骨台灣麵 $48豬軟骨入味又易咬。湯麵嘅湯底好濃郁，係牛肉麵湯底，加埋唔少蔬菜感覺更健康。啲麵幾有咬口。鹽酥魷魚鬚肉燥飯 $48鹽酥魷魚鬚香脆又唔會太鹹。肉燥飯其實係連豬皮嘅魯肉飯。切粒嘅五花腩份量唔少。口感濕潤，仲有少少豬油香味。珍珠奶茶 $26奶味較重。芒果紅茶加珍珠 $19+3除咗preset好嘅選擇，亦可以自己customize。呢杯充滿果香，味道唔錯。

今日喺旺角做嘢 時間非常之緊迫 近近哋去咗商場樓下嘅food court 食一個極速嘅快餐咁多間之中 古早台屋嘅嘢最啱我口味 真係好懷念台灣嘅美食 肉燥飯、鹽酥雞、台式飲品...這家正正能夠滿足我這三個願望其實喺度食飯都幾舒服 冷氣夠涼地方乾淨企理 位置寬敞 鍾意坐邊都可以 鍾意嘅話可以呢間買下嗰間買下 撈埋一齊食一口鹽酥雞伴肉燥飯$48炸澎湖花之丸+$9黑糖珍珠紫薯鮮奶$36 跟餐$18先講講呢個鹽酥雞肉燥飯 對於一個女生來說份量有點多 鹽酥雞多到快要滿瀉肉燥堆到成座山咁高 仲有半隻鹵蛋 真係好豐富 賣相亦都唔差 五顏六色有些點綴落單即叫即炸 食嘅時候仲係熱辣辣 外層粉漿好薄好脆 帶有九層塔及鹹香味 雞肉多汁嫩滑又無骨 非常出色肉燥唔會太鹹 濃稠度適中 用來拌飯確實一絕 除了有半肥腩肉還有肉碎 半肥瘦腩肉炆得好淋又好入味 脂肪層入口即化 邪惡萬分花枝丸真材實料 唔會食到成口粉 口感彈牙鮮味 點泰式辣醬食 酸酸辣辣好滋味黑糖珍珠紫薯鮮奶 賣相真係好靚 好夢幻嘅紫色 紫薯蓉掛杯 做出不規則的花紋 相當吸睛 味道不會太甜 紫薯蓉香味突出 珍珠口感煙韌彈牙 色香味俱全

坐地鐵B1出口可以直接到達這T.O.P，地面入電梯落兩層左轉，方便易搵。平日夜晚6:30到達，food court還有約3分一座位，全場裝潢簇新，冷氣超夠凍。綜觀場內這間店都相對多人幫襯。預設了兩個餐：鹽酥雞肉燥飯配凍飲手作紫薯鮮奶、附炸澎湖花枝丸；紅燒豬軟骨麵配熱珍珠奶茶。鹽酥雞飯大大碗，飯多、雞件蓋滿飯面，基本上等於二人份，比較驚喜是兩杯飲品，紫薯奶香滑不死甜，大大杯，能嚼到紫薯蓉又不膩，我不口渴也瞬間喝掉整杯；珍奶有濃烈我至愛的伯爵茶香味。食物對得起這價錢。

原來旺角T.O.P. 商場地庫有個food court, 行左一圈，發現有間台式餐廳，叫做古早台屋，見到餐牌十分吸引，決定lunch就食呢間😋拿拿林搵咗位之後，就過嚟櫃檯order食物，餐牌係櫃檯一目了然，方便大家order，我地攞咗飛之後就企埋一邊等叫號碼拉。我地叫左: 滷水雞翼肉燥拌麵肉燥拌麵好足料，上面超多肉燥。仲有好多配菜:半隻滷水蛋，紅白黃蘿蔔，車厘茄同菜。平時食開既肉燥較多肥肉，感覺較肥膩，但今次主要瘦肉較多，十分滿意。滷水雞翼比較入味，但稍嫌凍左小小，如下次熱辣辣上較為加分。酥炸豬扒肉燥飯配菜同肉燥拌麵一樣，但轉左係飯底，味道都唔錯。上面既酥炸豬扒非常香口，仲要係大大件，食落外脆內軟。因為跟餐可以半價加配野飲，我哋就叫左凍黑糖珍珠芋泥鮮奶同熱珍珠奶茶。凍黑糖珍珠芋泥鮮奶超大一杯，勁邪惡。一吸，口裏充斥住滿滿既芋泥香，口感仲非常順滑。仲要成口珍珠，十分有咬口。熱珍珠奶茶都吾差，滿滿奶茶香味，都係令人飲吾停口！今餐價錢合理，出餐又快，野飲又足料，值得一來😋👍

喺旺角行完行諗住去Top嘅food court覓食第一次去呢個food court 見到呢間台灣嘢食都幾平 四五十蚊左右 仲可以半價加配台式飲品喺旺角嚟講都算幾平嘅抵食紅燒牛肉麵 $58牛肉麵好足料 足足有五大塊牛展牛展切得幾厚 肥瘦適中牛展肉吸滿曬牛肉汁 咬落去好juicy仲有半隻鹵水蛋 蘿蔔 紅蘿蔔同埋青菜 好豐富湯底幾香甜 面底煙煙靭靭鹽酥魷魚酥肉燥飯 $48滷肉飯材料都好豐富鋪滿晒係面頭魷魚酥炸得香脆 仲配埋甜酸醬冇咁dry仲有鹵水蛋 青菜 醃蘿蔔 車厘子滷肉飯撈飯食好惹味 好有台式風味黃金芋泥丸 $21呢個黃金芋泥丸嘅黃金原來係番薯蓉 外層脆脆地入面嘅芋泥同埋蕃薯蓉軟綿綿 口感層次好豐富燙青菜 $12生菜份量都幾多 夠新鮮珍珠奶綠 +$13珍珠奶綠茶味比較濃郁 珍珠偏硬青蘋果綠茶 +$10青蘋果綠茶好清新 飲完好開胃

今日約咗朋友行旺中，點不知有人 遲到，見肚餓就行出地鐵站搵嘢食先。出到c出口見商場入囗就行埋去，見有個餐牌介紹樓下有野食就坐扶手電梯落去睇下。原來別有洞天，係個幾潮嘅美食廣場，都幾 多選擇，見間台灣野都幾多人等，我就跟隊食呢間。叫咗個套餐雞扒肉燥拌麵，半價加咗杯珍珠奶茶。出餐都幾快，晏晝時間比較多位，即刻坐低開餐。拌麵送小碗牛肉湯，湯底好清甜，爭啲當湯飲晒，肉燥好多，好好味，麵你闊身台灣闊麵，好煙韌彈牙，唔錯！最精彩係件雞扒，非常酥脆，咬落去入邊又軟嫩多汁！食完咁 美味嘅食物，更要慢慢嘆返杯珍珠奶茶，茶味淳，奶味香滑，同雞扒拌麵非常配合。好滿足😋。下次一定再幫襯。朋友呢個時候先到，去行街街囉😁

今日出開旺角，忽然之間好想食台灣野。入左新商場TOP，不嬲都知最低嗰層係多野食，見到有間名叫（古早台居）咁就要試啦，兩個人，叫左兩個餐，分別係有一口鹽酥雞麵:鹽酥雞當然另上啦，外脆，口感較實在，唔會唔夠脆成口粉，而入面雞粒軟滑多計。紅燒豬軟骨肉躁飯:紅燒豬軟骨，夠晒林滑，仲有少少肥，正，而肉噪，份量岩岩好，唔會搞到啲飯好濕，啖啖醬油肉白，好開胃。小食有炸花枝丸：同出面唔同既係唔會成粒粉同入面真係有粒粒肉，口感一流。黃金芋丸球：多脆內軟，芋頭味十足。而飲品，我叫叫左一冷一熱。熱台式奶茶，果然冇令我失望另一杯有驚喜既係 手打紫薯鮮奶，入口有少少似香芋奶茶feel，但杯邊有大量紫薯蓉，食味道同口感加多左，當然唔少得有珍珠啦同黃金芋丸球出其地夾。真係喜出望外。

位於旺角T.O.P 商場既basement food court, 價錢比MOKO個food court 更抵食，係旺角來講算幾抵。揀左食台灣野，個menu 都幾多選擇。最後叫左兩個主食加兩杯飲品。價值都幾抵$4X-$5X都有交易，好大碗 味道都唔差  CP值很高。鹽酥雞肉燥飯：份量好足料，有成十粒鹽酥雞，炸得都幾香，唔厚粉，沾上泰式辣醬食，唔錯。另外肉燥撈飯都好好味，好開胃。青蘋果綠茶：甜度正常！紅燒牛肉麵：佢用既牛肉部位係牛展，煮得淋，而且都幾大塊。麵就中規中矩，個人喜歡薄d 。珍珠奶茶：略甜。

平時係旺角有食開嘅台式肉燥飯餐廳，今日同朋友講起，佢話旺角T.O.P.呢度都有間食台式肉燥飯嘅，都唔錯，可以試試，所以今日就過嚟試新嘢。嚟到先知，原來係Food court嚟嫁，佢成個設計好有青年氣息，感覺唔錯。睇完餐牌叫咗自己最想食台灣士林香腸肉燥飯，食肉燥飯最怕嘅係肉燥太少，但佢呢度俾嘅份量好足，夠配食晒成個飯，而台灣香腸嘅量都唔少，加埋半隻滷蛋，好滿足。食完飯再配埋杯大甲芋泥鮮奶，芋泥同鮮奶嘅比例啱啱好，每啖都有飲到香軟嘅芋泥，唔錯唔錯。

經過旺角地鐵站就忍唔住入嚟Encore。上次詩歌概覽擔仔麵好好味，今次就試吓個牛肉麵😋牛展及粗麵都好似我以前喺台北食嘅味道，旅行嘅感覺即刻返晒黎🥰 紫色控的我原本想試下杯薰衣草果茶，但竟然賣晒😱 咁就試吓呢杯黑糖珍珠紫薯鮮奶，奶味甜度剛剛好，飲完唔會太有罪惡感😜 … 我 keep fit 中 🤩🤩我已經要少麵，但一樣好飽😅 價錢、份量及味道都合理，鐘意健康飲食嘅我習慣少鹽少甜，好啱keep fit 中嘅本小姐😉

#旺角 #TOP #foodcourt #古早台居 千祈唔好飲呢間嘅野飲，好垃圾😡叫咗#雞扒肉燥飯 #炸雞扒 ok嘅，雞肉嫩滑，#肉燥 係有肥膏嗰種，甜甜地，都好食嘅，啲飯好差😡又濕又碎，好難食，呢個都未算最差，最垃圾係杯野飲#紫薯牛奶 全部係用粉開，牛奶用奶粉開，味道好假，同淡，一啲奶香味都無🤦‍♀️最最最離譜係紫薯都係粉感，chemical味，佢嘗試扮紫薯嘅香甜，但淨得死甜同粉感，我第一次飲野飲得兩啖就成杯掉咗，好嬲，浪費我飲野嘅quota味道: 1/10味精: 7/10價錢: 6/10環境: 7/10服務: 7/10#vinainmongkok #vinafood #taiwancusinie #taiwanesefood #nastydrink #friedchickenfilletwithtaiwanesebraisedporkrice #friedchickenfillet #braisedporkrice #purplesweetpotatolatte #purplesweetpotatomilk #foodporn #foodie #hkfoodie #f4follow

今日去咗呢間野買外賣食，叫咗個椒鹽魷魚肉操飯，飯都有幾多配料，有滷蛋、一條菜、一舊蕃茄仔同醃蘿蔔，配料正常味道，但主菜冇一樣係得。椒鹽魷魚：大約有四五舊，正常份量，但個外衣厚到死，入面舊魷魚勁細舊肉操飯：肉操分量正常，但係完全唔香，除咗肉之外就冇其他配料，例如：香菇等，飯就完全冇飯香，相信係用埋啲平價米，唔好食。雖然價錢$46，係旺角區唔算貴，但食物質素真心唔得，出面好食過佢嘅台式野大把，唔會再幫襯。

🍽古早台居 (旺角)📍旺角彌敦道700號T.O.P. This is Our Place地庫S5號舖.🍜滷水雞翼肉操拌麵 $48呢排成日食米線，湯麵另一個好鍾意嘅選擇係台灣麵。呢間嘅台式麵個湯真係好薄，就覺得有少少藥膳味不過唔係好覺。其實佢套餐仲有得加小食通菜，不過一方面其實已經好大份所以我就冇㗎，佢啲餸都好足料雞翼唔係細細隻嗰啲。佢另外仲有得+10幾蚊剩有得換真係嗰啲肥仔水，不過減肥就唔飲～ 同埋T.O.P上面有Come Buy Tea，咁有得飲梗係飲佢啦🙆🏻‍♀️.

之前假日黃昏晚上都有來過見有些後生仔女站在前枱出餐,雖不算很友善但還可接受,餐飲也幾好味夠份量,可是今次早上星期一換了亞姨就大呼大喝,之前雞扒炸得酥香,今次試吓一口鹽酥雞就冰凍但味道ok,明顯預先炸定甚至隔夜,但亞姨居然沒有翻炸新出餐,大失所望,幸好台灣面和粗面也qq彈彈入味,湯汁鹵水味色香,又有些小堂菜半條,紅蘿蔔半半隻台式鹵水蛋,我就不太鐘意吃過老的蛋,我知道台灣人不鐘意太生的蛋,這個嘛...?!很難說好不好吃？！黑糖珍珠奶茶跟餐也只是加多18塊左右,茶香奶滑小小珍珠略帶甜蜜,淨係杯茶就值得一買,再加埋有嘢食整個面餐才不過50-68塊錢左右,睇唔你追唔追加小吃