古月

營業中

休息中

第一次在臉書看到別人分享古月的照片, 心想, 這家店叫「胡」? 老闆姓胡, 還是「胡人」的胡? 仔細看看才知道, 「胡」不作「胡」, 而是拆開的「古月」兩字。雖然名字是滿滿的大漠風味, 這小店賣的是星馬菜。頗為有趣。地址就在我很喜愛的青藏牛肉麵隔壁, 也算方便, 就抓了T先生一同來吃吃看。古月的菜單很簡單, 數款主菜, 數款小食, 數款飲品, 選擇不算多。不過, 菜單之內有的照片都拍得很有水準, 和餐廳的裝修一樣, 看得出很是花了點心思。若是不說, 這裡也頗似一家小CAFE呢。李先生咖哩 (配白飯) HK$58不知道是哪位李先生的咖哩, 辣度十足。一入口就感覺到口腔舌頭的麻痺, 真的嚇了我們一跳! 雖然有點嫌太辣, 但混起白飯吃, 還是可以接受。只是咖哩所跟的雞肉竟然是兩隻雞(全)翼, 感覺就顯得古怪。如果可以用回雞件, 才似樣。澱粉部分可以揀多士或者是白飯。但這多士又不是法式棍包, 配咖哩好像哪裡怪怪的。以白飯配之, 才合適。裝白飯的碗邊崩了六七處 - 小妹不是崩口人, 不忌崩口碗, 可以一笑置之。但這小細節, 和這家小店的細緻的CAFE風, 真的很不搭。招牌辣椒板麵 HK$48這麵

這個三色奶茶跟平時係茶餐廳飲既奶茶不同在於你未飲已經清楚見到三層。奶同茶同冰塊的比例剛好，奶茶有一種與別不同的星馬茶香味，同港式的茶餐廳奶茶的茶味截然不同。炎炎夏日，這三色奶茶確係消暑之選。

看到餐廳牆上的Q版魚尾獅及雙子塔公仔, 就知道”古月”是一家專吃新加坡菜及馬來西亞菜的店. 它藏身於北角某條小巷中, 卻受到街坊, 甚至是明星的青睞. 就知道食物有幾”把炮”.一看餐牌, 菜式的選擇不多, 卻發現不少新奇的菜式, 例如蝴蝶腩骨湯米粉, 參參湯等, 這都不是新加坡菜館常見的菜式.其實之前試過這裡的肉骨茶, 顏色呈暗黃, 湯底較清澈, 味道近似新加坡的松發肉骨茶, 胡椒味濃而鮮香, 中藥味反而不濃, 會令人越吃越發冒汗.是日感冒, 不宜吃辣, 於是棄選招牌的肉骨茶, 選了蝴蝶腩骨湯米粉 ($48), 店員告知這是用上肉骨茶做米粉的湯頭, 即是辣的 (滴汗中…). 店員主動提議幫我把肉骨茶湯底轉做不辣的魚湯, 有夠貼心.米粉上桌, 一大個蒜頭放在碗面, 看得我們傻眼, 應該是新加坡的特色吧! 好像什麼食物也加蒜似的, 因為感冒, 所以乖乖的把整個蒜頭吃下, 其實又不是那麼難以入口. (吃完蒜頭當晚感冒即好轉了不少, 神效!!)湯底是魚湯, 味鮮而香濃, 配合米粉同吃, 好養胃.蝴蝶腩又叫崩沙腩, 爽腩, 是牛肚皮的腩位, 比坑腩貴一半, 口感亦與坑腩截然不同, 口感帶爽脆,

北角這地方對我來說真是很陌生，機緣巧合與友人相約到北角晚飯，為有上網睇下有咩好食啦。只知錦屏街有很多食店，行左一陣，最後我們選擇了古月這間食店晚膳。由於只是6點左右，未到晚飯時間，店員忙於開市前的準備，但仍然很快為我們送上餐牌和推介食物，低讚！1. 李先先咖哩-厚多士 ($58)咖哩很香濃小辣，應該花了很多時間煲的，雞翼吸滿咖哩的味道，入味又好味啊。脆脆的厚多士與咖哩的配搭，不會比白飯配咖哩差啊。2. 咖央薄餅很喜歡它的咖央醬的味道，甜甜地，又很香牛油味，食落又不覺得滯。3. 三色奶茶 ($30)真係3隻色喎，茶、奶和糖醬分開3層，既特別又靚。不止賣相架，味道也很好。食店就近地鐵站，加上價錢又商宜，我應該會再幫襯啊！

北角地鐡站附近有一條食街，若非街坊未必知道，全是小小的店。有家名字叫古月，有些古怪，供應一些我到星馬旅行未有聽過的食品，奶茶有三色，辣醬板麵唔知係咪！於是走進去試試。辣醬辦麵＄48一碗，都幾足料，碗面堆滿6款配料，一只溫泉蛋，碎青蔥，其餘4款都是香惹乾身的配菜，炸蒜炸免治豬肉炸魚干，辣醬才是主角，乾身自製，配合一個清湯及兩粒軟滑魚丸。嫌唔夠辣，仲可以自己添加。全部材料混合吃，味道夠辣，炸的配料非常脆，但靜吃好鹹。麵條白滑，口感似烏冬。喝了一杯冰梅橄欖汁，飲料內有一粒話梅，浸得愈久愈有味道，橄欖味就唔覺，冰粒很多，亦幾大杯，$30，唔貴。

約了舊同事下午茶兼晚飯, 專誠由九龍塘走去北角, 舊同事在電話中提過不止一次: "由書局街入去最快", 但用開google map的我, 當耳邊風..., google一吓位置..., 落車, 見到橫街寫著"錦屏街"的路牌, 急急腳就衝了入去, 行...行...撞鬼! 條街暗斜...行到最尾先發現, 天呀...!!係堀頭路!!!! .... 真係無陰公! ... 哭訴聲絕無意義...! 喊都無謂.....於是記起了"書局街"三個字, 又急急腳走翻轉頭, 由英皇道入書局街, 行到轉彎, 真係見有個窄窄入口位, 又係寫住"錦屏街".... 頂!入到"錦屏街", 行到街尾發現....原來"錦屏街"識轉彎架!  其實...剛才行到堀頭路, 再行多兩步, 就有小樓梯轉落去喇... 唉, 大時暑熱, 攪到我成身汗... 終於到步, 身水身汗地向舊同事講我剛才的經歷: 我話".... 原來條街識轉彎架... ", 點知比佢寸翻轉頭, 佢笑淫淫地拋了一句:"..係呀...條街 識轉彎架, 係你唔識啫!...."   哈!  ... x y z @ # & % 佢吖!店內洗手間位置, 有一隻巨型奶茶盒

這幾天要到北角工作, 所以休息時間都唔知去邊到搵食好, 剛啱有同事介紹此店, 話係食星馬嘢, 我好想食肉骨茶, 我不熟地頭,  唔係佢講,  好難搵到這小巷呢間鋪. 鋪頭位置較偏僻, 不在大街, 要經過小巷才到, 識行就唔太難,  單聽個鋪名: 古月, 未必想到係食星馬地道菜.門口放了多張食訪問介紹, 還有荃灣分店, 下星期去荃灣時再觀察一下, 好似叫"mee".鋪內裝修簡潔, 走年輕型格路線, 有個巨大的古月招牌奶茶盒, 牆壁上仲畫了幾個估計係80後的老板人頭俏像, 各做型趣緻可愛.店員都有禮貌, 詳細向我們介紹食物和飲品.叫了招牌凍THE TARIK, 上檯後真有驚喜, 個奶茶盒好靚, 奶茶味好濃, 且凍不太甜, 好啱本小姐口味. 哈哈~同事就叫了杯冰梅橄欖汁, 味道微酸小甜, 飲落都幾清新.小食 , 即係星馬叻沙既麵+米粉, 店員話係混合嘅意思, 而此店的參參, 是混合了兩種丸, 包括了魚丸、肉丸, 還有腐皮. 細細粒嘅魚丸同肉丸好爽口彈牙, 魚丸同肉丸都鮮味, 腐皮望上去就知係即叫即炸, 口感好香卜卜脆, 另浸上新鲜魚仔湯, 飲落好滋味.古月招牌肉骨茶, 呢到啲肉骨茶同馬拉既味

跟友人做完正事，四處亂行，走進一條有多間食店的小巷中，見到這間特別的店舖古月。古月奶茶包裝精美，但味道偏淡，不及太興。炸雞翼香脆可口，肉質不會太乾身，不錯。 蝦春卷不算特別，亦無濃郁蝦味，不過不失。 咖央多士味道甜甜，食完也不覺太飽。 雞串燒不過不失，無特別。 肉骨茶米粉自問從未食過，所以不懂評好不好，感覺就係豬骨湯米加入了不同香料，感覺有點辛辣及藥性味(本人愛吃辣的)，不合本人口味。 喇沙雞翼飯配料魚仔香脆，辣椒醬惹味，不錯。 咖哩雞飯不會有太重椰油味，亦不太辣，比較感覺似港式咖哩。服務算是不錯，會介紹菜式，而且有禮，但人手不算多，要稍等一下。價錢約100元一位。環境舒適特別，極為適合三五知己(特別是不愛酒的)聚會，而且不會趕你走，十分好。總結評分味道:6/10價錢:7/10環境:8/10服務:7/10性價比:6/10推介食品:炸雞翼

終於都泥咗呢到食肉骨茶，呢間嘅肉骨茶好得意，每一碗都會有完整嘅蒜頭一個，啲湯有好重嘅蒜頭味，如果佢有黑椒就更加似新加坡嘅肉骨茶哪！肉骨茶再加白飯已經好足夠，啲肉好香，好軟，唔會話因為煲湯煲太耐而變到好難咬👍🏻👍🏻而且古月呢到嘅肉骨茶飲完可以再添！👍🏻👍🏻👍🏻

出面熱辣辣，行過見呢間個名咁特別，人唔係太多又唔使等位，咁就入去坐啦，涼下冷氣。叫左招牌辣椒板麵，配一碗魚蛋湯。成碗面頭睇落有超多配料，有菜莆，魚乾，肉碎，自製辣椒醬，仲有最愛既溫泉蛋，我叫左走蔥。店員說辣椒醬是他們自製的，如果覺得唔夠辣可以自己再加。個麵就比較粗身，外表很滑。將材料拌勻，再加大量的辣椒醬，食落去咬口挺特別，麵滑淋，魚乾香硬，菜莆爽口。魚蛋湯非常清，咸味不足，也沒有香味。另外見到餐牌有肉骨茶米粉，有點好奇，所以立即點一個。見到個湯好清，只有少量油在面，但嗅不到肉骨茶的香味，食落也是非常淡而無味，為何叫肉骨茶米粉呢？個人覺得是清湯米粉。說真的，阿豬超少食星馬菜，唔知係咪d野食本身真係咁清淡，可能真係咁煮咁清淡都唔定？

暑假開始，honey就被調派往北角分店工作，週四難得收早，就立刻約會XO仔去賞「古月」咁話 。嘻嘻，話去賞「古月」，倒不如話去嚐「古月」，因為「古月」係餐廳個名 。「古月」離北角地鐡站只有兩分鐘路程，但由於地點比較隱蔽，如果冇人帶領，極有機會迷路。幸得女友充當人肉GPS引導 ，從B4出口行出書局街，穿過鐡皮秘道，上幾級樓梯即達食店。晚上八點，全店滿座，雖則覺得牆上o既塗鴉圖案極具特色，為怕影響其他食客，小肥只係偷偷影咗一幅相留念。細小o既店舖冷氣都好足，唔夠凍似乎仲可以開埋頭頂o既風扇燈飾。樓面幾位妹妹年紀輕輕，經驗未必夠，但勝在有禮落力 。見佢地咁有誠意推介特飲及新菜，我地都有採納意見。冰梅橄欖汁（$30）：凍飲好似淡化咗o既雜果賓治，清淡中散發出香濃o既梅味，清新怡人。三色奶茶（$30）：三色奶茶層次分明，香滑微甜，如果茶味可以再濃啲就更加完美啦 ！ Nasi Lemak（$58）：「Nasi Lemak」乃全新推出o既飯品，含白飯、咸魚仔、花生、青瓜、半隻蛋、兩隻炸雞脾、一隻炸雞翼及辣椒醬。咸魚仔送飯一流，炸雞脾同雞翼不但香脆，而且好乾爽，食落唔會成口油，細佬勁欣賞白

客家板麵，是新加坡常有既野食，先來的是墨魚丸魚丸湯，不過有塊葉味道有點格格不入。麵上份量多，配一只半熟蛋。將麵拌幾下，滲出來的是豬油香味，另有有炸蒜粒、炸江魚仔、肉碎等等，辣椒佐料乾身又香味十足，夠辣勁，用上圓身板麵，麵身爽，味道足，加上魚仔的脆脆，不過d麵沾唔上d辣椒仔，成日要翻沾上黎，辣度係一般人都接受到。整體上都吃得到原本客家的味道，不錯。

這幾年股市下瀉, 舊同事因而捱鬧, 在沒有心機的情況下找我聊聊, 本來相約好到中環開餐, 但最後逃不過女魔頭的要令, 要留在公司standy, 唯有由中環跑來與她飯聚吧~ 已經好一段時間沒有到北角了, 記憶中書局後後有一條小巷食街, 林立著多間不同的小餐廳, 所以由地鐡站一出, 就直接到錦屏街覓食。天氣真的太熱了, 只是走了一段小路, 汗水已經開始冒出來, 最後走到「古月」的店前, 就被黑板上的三色奶茶吸引住了, 而且眼見店內的食客不少, 最後決定進內一試~古月是以星馬菜為主打, 而當中較出名的就是肉骨茶、拉茶, 但由於朋友還沒到來, 所以只好先點飲品, 待她放工後過來吧。 沒事好做, 就讓眼睛隨意的瀏覽及參觀一下古月吧, 牆上畫滿了很多美美的壁畫, 畫上了雙子塔及獅頭魚尾像圖案的樣貌, 充滿著3D藝術元素, 細問下才知道圖畫是由其中一位, 身兼插畫師的職員畫的, 非常有藝術天份喔。三色奶茶 - 三色大概是指奶茶底層的椰糖、花奶、及上層以馬來西亞及香港茶作茶膽的茶吧~ 這款奶茶味道比港式奶茶更美味, 首先, 奶茶是經過上拉下拉的 (拉茶), 所以質感非常幼滑, 帶有茶香的味道, 而且奶

原來錦屏街的另一端，即是從書局街進入，有一條隱蔽食街，小店林立，似乎各有特式。古月，店名令我聯想到古月粉，即是胡椒粉，星馬菜式用胡椒不少，配合名字；又或是，主理人是姓＂胡＂而已！位於橫街，郤人流不少，相信都是北角地膽，得知有此捷徑往地鐵站。門外黑板，寫下招牌菜式，吸引過客，精簡吸引。貼上報章雜誌之報導，似乎是必定動作。小小店子，裝潢簡約，以手繪畫為主，誇張漫畫上有吉隆坡的雙子塔。天花裝上風扇，牆壁掛著遷秋，上面放了一具沙巴樂器，添加幾分馬來風情。標誌中的月字彎曲，特意配合月的形態；Teh Tarik 的材料有意思，竟然是開心＋快樂＋樂趣。全新美食中，選了蝦春卷。賣相隨意不隨便，整齊有台型，配以白醋及青瓜兩片，陶瓷小碟添原始氣息。並非中式春卷皮，亦非越式紙米卷，米漿造的卷皮疏鬆有洞似蜂巢或芋角，看真些，似乎有兩層卷皮，密封春卷皮包裹著餡料，而外面黏層炸粉，做成通心般效果而又不會有饀料鬆脫。餡料填滿春卷，春卷身廷扎實。入口鬆脆不油膩，卷皮薄而輕身，尾端有蝦腳伸出，餡料有鮮甜的蝦肉丶豬肉及清新的素菜；例如紅白蘿蔔，沒有過多的茨汁。口感外鬆脆內爽甜，層次分明，有水準。本意點選肉骨茶，卻又多心，

二人小局去到Ancient Moon, 直譯的古月，幾欣賞店名啲logo設計，彎曲配合半邊月光的形態。兩杯飲品＋一個小吃+兩客飯粉，二人足夠，味道唔錯，經濟抵食，值得再去。蝦卷炸得酥脆，好有蝦味。李先生咖哩幾辣吓，咖哩汁又滑又濃，配白飯或多士都咁滋味，我哋全部清晒！蝴蝶腩配肉骨茶湯米粉好特別，原來係黑白胡椒湯底，清甜胡椒好香，跟粒連皮大粒蒜頭見到有啲怕怕，好彩湯𥚃面無蒜味，又試咗少少原來唔係咁難食。冰梅橄欖汁試得過，$30大大杯，梅味多過橄欖，所以主要係酸甜，無咪橄欖鹹味，冰涼爽快。