可可店 (聯威新樓)

營業中

休息中

「佢…贊助過無數學生佢贊助嘅學生，令佢獲獎無數佢鑊鏟下嘅，每一碟都係用心製作仲贊助？成個學生會都俾你心心喇！」平時去唔少餐廳，都會見到貼上雜誌嘅介紹，而呢間位於西環堅尼地城嘅可可店，雜誌嘅介紹就欠奉，但就見到勁多感謝狀！細看之下，原來老闆經常贊助各間大學嘅學生活動，深受學生嘅喜愛！而附近嘅街坊都因為價錢大眾化，好鍾意嚟呢度食吓嘢！今日我就嚟到可可店食晚餐啦。香煎蛋腸粉腸粉叫即煎，所以食落熱辣辣，加入埋雞蛋，令腸粉更加香滑，加入埋醬料，更加好味。咖哩三寶三寶有魚蛋、蘿蔔同豬皮，最欣賞佢個蘿蔔，唔老無渣。但咖哩汁係上枱時淋上面，所以唔夠入味。合時燉湯燉湯有好多款，我哋分別叫咗杏汁燉豬肺、西洋菜燉排骨、金銀菜燉豬肺，碗碗都勁足料，而杏汁燉豬肺有勁香濃嘅杏汁味，仲有成5舊豬肺，豬肺勁乾淨！飲完碗燉湯非常暖胃好滋潤！如果配飯飲燉湯仲有優惠添。豉汁蒸排骨排骨份量多，好入味，而排骨底下嘅豆卜先係精華所在，索晒汁，送飯一流！豉汁炆釀涼瓜5件大大涼瓜，入面釀滿豬肉，好飽滿，真係好有屋企嘅味道。豉汁豆腐蒸魚塊魚塊無骨好滑，啖啖肉又索晒汁，加多碗飯吖，唔該！

我好爱香煎肠粉加蛋 好奇妙的口感！🥢肠粉外面一层裹上蛋液被煎的焦焦脆脆的，而内里依然很Q弹软嫩，再混上超级浓郁的芝麻酱，味道更是出其不意💦雪糕红豆小丸子 🍨做得特别的漂亮上面的冰淇淋混合，这下面的牛奶冰红豆小丸子，口感特别的丰富，香甜中也不会很腻海底椰黑糯米 也相当实在，糯叽叽配香甜甜就不会不好吃，我觉得比红豆的更好吃！都好吃！还很经济实惠

呢間餐廳真係hku學生嘅評價校外食堂！又平種類又多，如果唔知食咩又唔想食大學canteen，就來呢間餐廳睇下，豐富餐牌一定揾到想食嘅嘢！晚飯同糖水一齊搞定嗮！今次揀咗豬手飯，四粒豬手軟爛入味，仲有菜底，得45蚊，香港其他地方都揾唔到呢個價錢嘅豬手飯！鐘意豬手飯唔好錯過喇。欖菜肉鬆炒飯很特別，第一次食到呢種炒飯。我唔鐘意肉鬆但其實都冇太大肉鬆味，已經炒成細碎肉鬆絲，加埋炒蛋，呢碗炒飯真係好香！小食種類都好多且平。今次嘗試香煎蘿蔔糕，兩大塊先21蚊，且唔算太油膩。除咗粉面飯類，仲有奶茶同糖水，價格同糖水專門店相比都平好多，見到隔離張台食糖水都好大碗。種類真係好多！記得來呢度食飯食糖水

如果大家唔想受氣就千祈咪去。無論係廚師又好、店務員又好，首先態度差。落單嗰陣已經勁唔耐煩，但係見到咁多香港大學感謝狀，然後又成日好多廣告話必食必食，再黎見價格又OK，咁就覺得應該做開街坊生意，可能態度差啲但係啲嘢好食又平，應該都算唔錯。但係啲嘢食上到嚟勁難食，質素又差，一啲味都冇，落半罐辣椒醬都拯救唔到，仲要話係佢嘅招牌餸。炒飯又係災難，差過叮叮即食炒飯。😡跟住最令人氣憤既就係餐牌上面寫話「冷熱飲品半價」，咁冇特別標明嘅話就以為所有嘢飲都可以半價啦，點知嗌咗個西瓜汁最後埋單話冇半價，理由係因為西瓜汁唔係飲品，係甜品。我嗰下真係O晒嘴🤷🏻‍♀️講真錢我就俾咗，但係呢個理由就真係接受唔到。我同佢地講如果西瓜汁唔可以半價嘅話，就應該清楚列明，唔好用呢啲手段。估唔到佢哋竟然話我唔知可以問，搞到我一頭問號。🤯咁我點會知道西瓜汁唔係飲品呀大佬，真係比佢講曬。最後錢又比左，飯又難食，又受氣，真係真心black list，呼籲大家唔好去。🙅🏻‍♀️🙅🙅🏻‍♂️

點了一份咖喱三寶，一份蚝餅，一碟牛河，一份炒拉腸，三杯奶茶，盛惠214文，呢个價格睇起身仲ok，旦系出品完全垃圾。咖喱三寶肉丸全是粉，豬皮有毛，咖喱又唔好吃。牛河，河粉和牛肉都唔得，牛肉硬到极。炒拉腸麻麻地。奶茶竟然是奶茶粉沖出來的。實在難以相信，甘一間爛店，號稱港大食堂，居然可以開甘耐，仲要甘多人絡繹不絕甘來打卡吃飯。同樣的價錢可以買的到比這裡好吃一百倍的東西！永遠不推薦來這裡吃飯！我帶朋友來吃都覺得蝕晒面！

位於西環尾嘅可可店，可以話係差唔多由細到大～必食推介佢腸粉加蛋😂咖喱三寶～另外都好鍾意食佢嘅薄餐～雖然麵粉會比較多，但係感覺另一番風味～由於西環嘅糖水店唔係特別多～而可可店夜晚係會做埋糖水宵夜～有炒粉麵飯之餘，仲有腸粉炒麵之類嘅小食～另外仲會有埋糖水供應～糖水方面唔係咩特別新款嘅糖水～～而係一啲比較懷舊色彩嘅糖水～例如紅豆沙，綠豆沙，芝麻糊等等～另外仲會有芒果西米露和西瓜西米露😂而家仲有新款嘅芒果西米露係沙冰嚟㗎幾特別可以試吓

很适合作为hkuer的宵夜选择，营业时间晚，价格实惠，选择多因为人多地儿小，不可避免的要拼桌先是去喝过一次薄荷奶茶，很清凉清新的薄荷糖水味后来又去吃了一次糖水，桑寄生蛋茶特别养生，杏仁黑芝麻糊蛮香浓的杏仁味

如果唔係宜記休息，我都唔會幫襯可可店。可可店環境擠迫，好多時都要等好耐位，侍應可能因為太忙，都唔會太有禮貌。唔好彩嘅話叫極都冇人應你，想落單都難。環境亦都好嘈，落單好多時都聽唔到你噏乜，上錯菜嘅機會都好大，落漏單亦都好常見。食物質素方面，同個店名一樣，尚算可以。其中一樣餸係出面茶餐廳比較少有，叫老幹媽蒸豬爽肉。正常我每次嚟都會叫呢個，老乾媽係乜嘢？我又真係唔知，不過豆卜同豬爽肉都係我比較鍾意食嘅，調味亦都唔錯。送飯一流。其他碟頭蒸餸，都幾好餸飯，幾個人叫幾個餸，都會食得幾開心。尋日好熱，所以叫咗兩杯果汁，芒果汁同奇異果汁。唔知道係咪鮮榨嘅，不過味道真係麻麻地。印象中可可店嘅檸茶奶茶都只係一般。不過如果喺深夜，嗰一區其他店都閂晒㗎啦。其實都只有呢一間選擇。

第一次到訪可可店真係有被呢間店驚艷到係出面睇以為係大排檔點知入到去見到餐牌就feel到原來呢度係茶餐廳一個餐係今時今日嘅香港黎講唔算貴 50蚊以內都食到一餐好滿足嘅飯真心推介！

做完運動約咗朋友嚟食個糖水。佢哋呢個黑糯米雪花冰超正，小丸子好彈牙，芒果又好新鮮。我哋食到停唔到口。價錢只係41蚊一份，但份量好足夠👍🏻入面位置都好多，仲有熟食/各式飲品。想食炒麵炒飯都有，滿足唔同需求 好正

好耐無黎到港大附近今日懷舊一下🥹 呢間鋪頭港大住Hall既人都會熟悉黎食宵夜🌛 坦白說食物唔係特別出色 不過夠惹味糖水選擇多🍱 一班人聚會都唔錯😅環境一定比較迫衛生麻麻哋 仲會食食下掉檯🌚 今次黎食都係找回一份風味🏫⭐️ 杏仁糊蓮子蛋 🤍口感偏綢但係都算有杏仁香🌰 配上蓮子同蛋比較清潤唔會過甜🍳⭐️ 香煎腸粉 🫔加上蛋特別香口😚 配上麻醬醬油再加上芝麻🧂超適合做宵夜⭐️ 燒鴨撈麵 🦆燒鴨唔會乾爭爭🔥 撈麵配上腩汁真係好邪惡好惹味😈CP值好高⭐️ 芒椰西米 🥭芒果甜度高💛配上椰汁同西米係好經典嘅港式配搭😜

細個住係西環 可可店真係由細食到大即使搬走左之後 一講食宵夜都係會想返黎心血來潮想食煎蛋豬扒面 雖然menu冇依個combination 但有人情味既餐廳就係咁 你咩嗌得出既都有得食老實味道唔係特別正 正常發揮 但食既係環境 熱熱鬧鬧 人情味濃 食既係回憶💕

我今日先係跑空佐間燒臘店 跟住隔離間台灣嘢要排30幾號 所以我就入來試下哩間 因為有幾多人 所以我覺得可能還好叉燒菜圃粒炒飯🆘料係唔少 都幾大份 但係真係一陣燶味 图片都可以睇到飯粒上幾多黑黑啲嘢 同埋味道真係幾鹹 幸虧有嗌住個湯可以稀釋下😅豉油雞腿無功無過 超市水準 西洋菜排骨湯確實係足料 西洋菜同埋排骨都唔少 但唔知係咪冇落鹽 沒味道 但係搭配嗰個超鹹炒飯啱啱好😵💰盛惠99蚊總結 我就應該排住隔離台灣嘢 在一陣燶味中怒寫食評🆘如果大家來可以避開我哩啲嘢 我睇好似幾多人嗌炒河粉

建议不会说粤语的食客避雷这家店，点餐服务员听到说普通话的顾客服务态度就会极差，陪同学来这边玩，刚进来问有没有位置就被怼，那么多位置你看见么，想着太累了不和她计较坐下点餐，上来的西米露吃出一个头发，喊她看一下，就非常厌恶的表情大声叫唤，真的是叫唤“你没看见我在忙吗，你等一下不行吗？”同桌说粤语的顾客她态度都会很好，真的素质太差了。在其他地区店铺都挺好的，这家服务员真的太疯狂了！最后上来的云吞 里面也吃出一只蚂蚁🐜！真是太大开眼界了！

今次係hku 上完堂之後想揾d 宵夜食下，就即刻諗堅地可可店。十一點幾去到店內坐滿人，三個人逼係一張二人枱🤣🤣，可以睇得出可可真係好熱鬧。今次嗌咗個雞蛋腸粉同雪山小丸子紅豆冰，係招牌甜品黎。個人特別喜愛小丸子所以每次都會嗌呢個甜品，食完好消暑同解渴，仲幫到我哋recharge energy !