可可豬海南雞專門店 (寶榮大廈) (已結業)

今日收工收夜左，索性買外賣返屋企食，好耐無食外賣海南雞。呢間炮台山可可豬海南雞黎過幾次，都幾健康好味又唔貴。想堂食都得，有幾個位坐。首創竹絲海南雞飯 $56黎得可可豬海南雞，海南雞就係必叫既！叫左個首創竹絲海南雞飯，用紙盒包好。一盒飯有七件薄切竹絲海南雞左右，有雞胸肉同雞翼。要好味d，就要點甜甜地既秘製醬。竹絲海南雞勝在夠補身，我地連皮都食哂。要味道既話可能叫普通海南雞好d。竹絲海南雞下面就係份量好多既梛香飯，梛香味香濃兼非常濕潤。伴碟配有醃酸蘿蔔絲同一粒車厘茄，下底墊左一塊生菜。外賣叫呢款返到屋企仲暖暖地。驚嘆黑蒜醬燒豬軟骨配白飯 $58上次試過呢個驚嘆黑蒜醬燒豬軟骨配白飯 ，今次要Encore。黑蒜醬燒豬軟骨同白飯分開放。燒豬軟骨有幾舊，雖然有d肉比較需要咬下，但d軟骨炆得非常淋，不錯！個黑蒜醬油份重，好邪惡，不過好味道。豬軟骨下面墊左兩舊淋淋薯仔，仲有一條生菜吸哂d汁。白飯係普通白飯，飯量足。呢個餸送白飯一流。外賣叫呢款返到屋企仲暖，質素可比堂食。麻辣雞腎 跟餐+$22加錢要左個小食，叫左麻辣雞腎。雞腎爽脆，個汁堅辣，但係送飯食好好味，下面墊左塊生菜又多條菜食，咁既價錢配咁既份量

海南雞飯，名稱相同但制作方式，每間餐廳都會有不同之處，可可豬之其中一間。位於炮台山蜆殼道的可可豬，餐廳位置不多，相信疫情之下，都是以外賣為主。特色椰香海南雞飯是餐廳的主打菜式，飯與一般油飯不同，飯帶有椰香味道，增添一點東南亞感覺，雞肉嫩滑，更有餐廳醃制酸菜作配，以這個價錢物超所值。餐廳當然有其他選擇，豬軟骨飯是其中一個推介菜式，豬軟骨非常入味，帶有點微辣，配白飯一流。小食麻辣牛展，麻辣度屬初級，喜歡辣的可以一試。

炮台山美食🐷蒜泥白肉蒜泥白肉份量適中，唔算太多，但每一舊肉都好大舊。雖然望落好似唔係好多蒜泥，但食落每一啖都有好濃嘅蒜味！🐔日式胡麻醬手撕雞冷面本身一打開見到得啲生菜同車厘茄，以為佢比錯咗沙律我，但其實生菜下面係有麵的！胡麻醬冷麵係屬於夏天嘅食物，因為佢冰冰涼涼十分消暑！胡麻醬同手撕雞亦都十分夾。啲麵同手撕雞都幾多，食完好飽！🐔香辣口水雞配白飯口水雞好滑，食落一啲都唔鞋，非常高質！除咗好滑之外，啲雞仲要冇骨～口水雞醬好香，一開頭食嘅時候唔會覺得好辣，但佢後勁好強，越食越辣！🍹金羅漢果養生茶你杯嘢飲真係好似個名咁咁養生，除咗有羅漢果之外，仲有杞子、菊花同陳皮。飲落唔算太甜。🍹熱情豐盛呢杯嘢飲係熱情果茶，飲落都幾甜，熱情果味好出。

北角雖然係舊區，但係都隱藏左唔少既美食店!!今日行過條巷仔，就見到有間外表極唔起眼的小店食賣海南雞!!因為最近食野都比較重口味的關係，諗住今日都係食返清少少!🍡金羅漢果養生茶 (跟餐+HK$15)一打開個蓋就聞好濃烈既羅漢果味，有清熱潤肺的作用!!見到樽底有幾塊菊花，杞子同埋陳皮，所以飲落去有種好清香的感覺!!🍡熱情豐盛 HK$15 (跟餐+HK$15)飲落有青檸味，又夾住帶有熱情果味!!🍡養生秋葵 HK$22前菜黎講，我覺得普普通通，秋葵有啲硬，同時又乾!🍡特式椰香海南雞飯 HK$43油飯好有椰香味，雞肉又滑嫩又淋身🍡驚嘆黑蒜醬燒豬軟骨飯 HK$58食落口有少少辣辣地幾開胃，用黎送飯一流!豬軟骨入哂黑蒜醬味，肉唔嚡好軟身，食到軟骨位好易咬碎!🔸🔸🔸🔸🔸🔸🔸🔸🔸🍽  可可豬海南雞專門店📍 北角💰人均消費: HK$75🔸🔸🔸🔸🔸🔸🔸🔸🔸

特色椰香海南雞飯 $80食落去有淡淡嘅椰子香味，雞肉滑而不柴果然🐔雞不可貌相-香辣口水雞飯 $58如果鍾意食泰國野嘅人應該好鍾意e個餐🤤口水雞汁酸酸辣辣，送飯一流～如果覺得太辣，仲可以食埋隔離嘅配菜涼拌蘿蔔絲，解辣之餘又開胃😋-鹵水雞腎 SET+$22今日最佳👍👏🏻鹵水好入味，份量又多，值得再試！-養生秋葵 SET+$15食左咁多肉類，係時候需要蔬菜配搭下先夠健康🥰-熱情豐盛 SET+$15聽個名都知係熱情果但估唔到飲品入邊仲落左枸杞，酸酸甜甜又健康☺️

收工時間買埋外賣晚餐是常識吧。今晚嚟到可可豬食吓啲唔同嘅嘢。簡單餐牌有不簡單嘅菜式。今晚買咗黑蒜醬燒豬軟骨飯，藥膳牛展米粉，再加咗個蒜泥白肉。黑蒜醬豬軟骨係配白飯，豬軟骨好林，蒜味好香濃，啲汁撈飯可以食哂成碗。藥膳米粉嘅湯濃淡適中，帶有少少中藥味，可以當湯飲。牛展份量適中。建議煮返熱會比微波爐加熱好。跟餐的羅漢果養生茶雪凍咗嚟飲，好 fresh。散叫嘅蒜泥白肉，啲肉帶少少爽，點埋啲汁真係唔錯。下次可以買其他款式

近排忙住追星，真係飯都唔得閒煮，唯有買外賣返屋企食。炮台山麥連街雖然有點隔涉，附近既食店絕對不少，當中既「可可豬海南雞專門店」經常都有唔少人排隊買外賣，而且門口仲可以泊車，真係超級方便。🚩 特色椰香海南雞飯  ＄43✣ 椰香海南雞皮肉嫩滑兼啖啖肉，跟配秘製醬汁，油飯帶有椰香配上開胃沙律，非常惹味。🚩 驚嘆黑蒜醬燒豬軟骨配白飯 ＄58✣ 黑蒜醬真係有驚嘆位，個汁撈飯一流，燒豬軟骨煮得非常腍，入口即融。🚩 蒜泥白肉 （跟餐＋＄26）✣ 白肉片好大塊，食落口非常有質感，蒜泥唔會太油，超級香口。🚩 養生秋葵 （跟餐＋＄15）✣ 餐廳用左少少豉油吊味，非常清爽。

疫情期間外賣真係唔少得，有時都習慣左買外賣返屋企慢慢嘆，都唔想出去同人迫一餐，上次試過堂食，今次冇時間就外賣算數👍🏻間中一餐半餐偷懶都唔過分啦！Order左特色椰香海南雞飯，阿女就好鍾意食海南雞飯，唔同舖頭嘅都會試吓，今次呢款佢就話雞肉香嫩，飯充滿淡淡的椰香味，原來我仲有一款係用竹絲雞做嘅海南雞飯，下次一定要試吓夠晒特別👍🏻另外叫左個”驚嘆黑蒜醬燒豬軟骨飯”個汁辣味適中，撈飯就最好不過，豬軟骨三四件，不錯的選擇👍🏻麻辣雞腎超惹味，本時食唔到麻辣都想追住你食👍🏻推介呀！另外佢有養生茶同杯裝湯，都各有特色❤️下次再試其他款式

而家疫情時好時壞,好多時都唔會出街食飯,行過見到佢個招牌寫係海南雞飯專門店仲話有好多唔同小吃同唔同既主食,咁停下來看看餐牌招牌海南雞飯賣相唔錯,43蚊一份雞皮薄,肉嫩,配特製辣汁撈飯食味道更突出椰香飯唔油,食落爽身粒粒乾爽,偏向健康既雞飯,幾好的另外仲有個豬軟骨用黑蒜醬煮,濃郁既味道,加埋肥嫩既豬軟骨煮得好入味既軟骨肉,白飯另上,油就偏多,但軟骨肉夠滑,係碎骨多左D,要小心食可可豬海南雞專門店 北角炮台山麥連街1A號寶榮大廈地下I號舖

而家就算放寬左堂食都好始終已經習慣已經改變了大家都提早回家吃飯外賣店應運而生,紅磡,北角都有分店呢間叫可可豬海南雞飯,有湯有飯,好味道!一條友買一份夠食2餐,仲有湯飲用紙杯裝湯,無湯料,淨湯,好方便飲用今日飲到濃郁鮮味既雞湯,好暖胃另外就叫左黑蒜醬燒豬軟骨加白飯麻辣牛展片特色椰香海南雞飯麻辣味微,但辣勁夠,牛展片切得夠厚身做開胃小菜合格,份量超多,七至八片另外黑蒜豬軟骨,食落係要吐骨既,肉厚燉至得香濃帶辣,超多辣油撈飯食一流或者配麵都會好好食特色招牌椰香海南雞飯飯唔係平時食到好重香料味既油飯係清爽風格既椰香飯,味偏淡加返少少辣汁食味道剛好伴碟附一份小木瓜沙律雞肉去骨,大約八件,雞件比得夠多皮薄,肉白,嫩度夠,整體上唔錯香得黎唔會好油膩,係清爽風格椰香雞飯最平43起配小吃同湯另計,算幾抵食既北角炮台山麥連街1A號寶榮大廈地下I號舖Shop I, G/F, Po Wing Building, 1A Merlin Street, Fortress Hill, North Point

雖然而家有返堂食，但有時都係覺得買返屋企食穩陣啲，減少感染風險，夏天唔想太heavy 又想食飯，海南雞飯就係一個好選擇特色椰香海南雞飯雞無骨，啖啖肉，最岩唔鍾意Lun 骨既人，肉質都好有口感，有雞味，食得出唔係雪雞，每塊雞既皮唔算多，感覺健康啲，皮好爽，唔肥膩。至於油飯都唔錯，唔會淡淡油，但又食得啖啖香味口水雞唔會好辣，佢應該係將辣料鋪在雞面，所以想食下辣又驚辣都岩，可以自己撥開多餘既辣料蒜泥白肉白肉切得厚薄適中，好多汁，較濃味湯值得一讚，一定無請師傅，飲完唔口渴，飲得出真材實料

呢間餐廳之前朋友喺附近返工食過話唔錯，今日就順便黎買個外賣返屋企試啦。喺炮台山地鐵站行出黎行一段小路仔就到，喺小遠處就會見到個綠色嘅公雞就即係到㗎啦。餐廳入面嘅座位唔係好多，住得近嘅不妨嗌外賣拎返屋企食。宮廷藥膳醉香雞絲湯米粉 ($48)呢個米粉有驚喜，拎到返屋企打開蓋好香藥材味，阿媽一聞到就話咦好濃嘅當歸味，仲要係啲米粉係唔會林同埋碎，呢個米粉食落覺得好養生，適合女仔揀，唔錯。食療拿杯湯 ($18)呢個湯好似每日都唔同嘅，當日就係香芋南瓜眉豆海底椰湯，一啲味精都冇，飲完完全唔會覺得口渴。驚嘆黑蒜醬燒豬軟骨配白飯 ($58)呢個豬軟骨係有少少辣嘅，幾惹味，一碗大概有三舊大大舊既豬軟骨，仲有啲炸過嘅薯仔，配埋呢個汁相當之送飯。滷水雞腎 ($22)以呢個價錢來講份量都算幾多，都滷得幾入味，唔錯。

同樣也是因為ncov19影響了我的生活， 這天因為工作的關係前往了砲台山， 很擔心在外進餐會影響我的健康， 所以我為自己安排了外賣自取，選擇這家店舖的原因，全因為在網路上看見， 每個人也讚好的海南雞飯，但是我對他完全沒有興趣，也沒打算挑戰， 全因為每個也讚好的，我相信一定很好，我反而挑選了驚嘆黑蒜醬燒豬軟骨配白飯，這個令人驚嘆的名字。 但最重要的還是食物味道， 還算不錯，性價比也很高，白飯煮得恰到好處 ，另外，給醬油方面，蒜味十足，但不會蓋過了豬肉本來的原味道，加上豬軟骨挑選適當，肥瘦適中，不會太油膩。

🥥必食椰香海南雞飯🐓  同事早幾個月喺炮台山見完客買過一次外賣嘅椰香海南雞飯勁好味！今日到我路過梗係要買返公司食啦！地點喺炮台山麥連街嘅可可豬海南雞專門店，小店前身叫椰粉湯紅！招牌有大大隻雞離遠已經見倒。 小店細細店員有禮，外賣好快有，讚！🥥🐓特色椰香海南雞飯 🐓 $43 ＋食療拿杯湯$18 精緻嘅外賣盒🥡，打開聞倒陣陣椰香！海南雞件份量唔少，雞肉鮮嫩肉味香濃，雞肉肥瘦均勻，厚薄適中，連雞胸都煮得好㵉身好好味！椰子飯有特色，啖啖椰香味唔油膩，飯粒夠乾身，粒粒分明，配菜有蘿蔔絲同沙律菜。食療拿杯湯好似亞媽煲嘅湯咁香！🌶️香辣口水雞飯🐔🍚 $43 ＋蒜泥白肉 $22喺竹絲海南雞同口水雞之間真係好難決擇，最後揀左愛辣人必食嘅口水雞！原來全個飯～都～好～辣！🔥🔥🔥 口水雞極之惹味！雞肉鮮味同辣味並存！雞肉一樣肥瘦均勻，雞皮好Q彈，加埋勁香醬汁一齊食勁好味😋，一樣都有配菜有蘿蔔絲同沙律菜。 🧄蒜泥白肉🧄晶瑩通透嘅白肉，薄薄嘅切片，煮得好淋，豬肉味加埋蒜蓉超香口！太驚喜太好味！推介👍👍👍

係炮台山內街發掘咗呢間可可豬海南雞專門店，前身係椰粉湯紅，另外係紅磡都有分店，食椰香海南雞飯同無味精燉湯出晒名，呢日放工經過就外賣返屋企試下係咪真係咁堅~香辣口水雞飯口水雞絕對係咁多雞入面我嘅飛佛😻，呢個辣度剛好香辣惹味，雖然廣東人做雞有好多種方法🤪但最緊要都係要滑！呢個雞真係超級滑溜，個雞皮仲好爽滑，幾高質👍🏻👍🏻個飯都夠乾身。食療拿杯湯套餐加$18就可以有杯佢哋招牌嘅無味精養生燉湯，每日款式都會唔同，個湯拎到返屋企仲係熱辣辣，飲落有好香藥材嘅甘味，應該幾足料😗驚嘆黑蒜醬燒豬軟骨飯早幾年興起食黑蒜，黑蒜本身都係啲好健康嘅食材，可以降血壓加強免疫力，呢個豬軟骨份量都好多，每件都係大大件，豬肉炆到好腍好易咬開，醬汁甜甜地，送飯一流🤤滷水雞腎本身我係唔食雞腎呢類內臟嘅，見阿媽食就試下，套餐用優惠價就可以加配小食，我都忍唔住試下，點知一試就知原來係幾好食😂已經去咗99%嘅內臟噏味，取而代之係甜甜地嘅滷水汁味，雞腎咬落好彈牙有口趙頭，搞到本身唔識內臟嘅我都忍唔住係咁啪🤣🤣金羅漢果養生茶同樣加錢就可以加個飲品，呢個羅漢果茶飲落幾清甜，食完啲重口味嘢飲呢個就爽晒。人均消費：$70推介指數（10分為