台北茶坊 (已結業)

之前去過一次 叫乜冇乜 今日俾多次機會佢 點知。。 賣相和味道一般，店員服務態度差，叫四個餐，落漏兩個，寫錯一個。店內人流不多、連本人一行四人，十位以內。珍珠奶茶，真心難飲 ，珍珠似一團爛面粉 ，沒有茶味。

呢個店鋪昔日是日式放題，摺埋幾個月後，台式茶坊進駐，今日就試試下午茶。我的下午茶是咖啡起司&竽香珍珠奶茶，起司楝咖啡味道是因為未嘗過，濃濃咖啡帶微微苦澀味，喜歡飲咖啡不會介意，不過起司得1吋厚似港式多士不似台式，起碼吋半到2吋高才像樣嘛，竽香珍珠奶茶甜度是合我心水，珍珠份量則嫌較少，冰冰也很少，但少冰却又啱我啵！朋友的香烤雞扒濃湯烏冬&椰香珍珠奶茶，看來不錯，伴菜有粟米粒甘筍仔和海帶。街坊價都ok嘅！

$38蚊兩餸便當的餸同飯的比例不均，餸太少，雞亦好細隻，大食的可能要叫$45四餸或餐牌上的六寶，八寶飯才夠，個人覺得有六寶，八寶飯其實可以不用出兩餸，三，四餸的便當....

今日下晝,獨自一人試咗間新野-台北茶坊。 一入到去服務員幾好人, 比咗張二人枱我坐。成間餐廳裝修設計簡單,用最時尚既湖水藍色做主題, 餐廳私隱度極高, 用咗約一米既屏風遮住枱與枱之間。 我落咗個四寶燥肉飯加杯青蘋果綠茶共$64, 有D貴,但係食物同餐牌影出來既差唔多,都叫值。 四寶包括炸雞肉、炸豬排、豬腩肉、同埋燥肉,加多隻蛋同幾條菜,都算唔錯。至於味道方面,D食物好油膩,亦都幾咸,相信可能落咗唔少味精,但係都叫比附近既餐廳好。但係有D失望嘅就係杯青蘋果綠茶無青蘋果味,雖然我知道成本貴,但係嚟到嘅青蘋果綠茶用咗綠色色素溝糖漿而製成, 有少少比預期既失水準。 而最奇怪既位就係由於係室內設計上加咗太多屏風,所以你舉手落單既時候,侍應未必見你隻手, 最好自己行去水吧到落單。總括而言,台北茶坊味道ok, 食物太油膩同埋太咸, 杯野飲就唔好揀綠茶,但係比起附近既食肆, 台北茶坊係唔錯既選擇。