台灣客棧 (同德大廈) (已結業)

係香港食到不是肉碎而是腔肉做的魯肉飯真的很興奮🥰珍珠米飯配上美味汁很下飯，配菜的炸豆腐皮脆餡嫩，連d菜鋪都好好吃！配餐飲完美地不加錢有台式飲品，性價比極高，短期內一定反來再試埋個雞飯😆

住在附近，但是一次都未食過呢間。今晚懶，唔想行咁遠，所以一於近近地就試試佢。今日閒日晚上店內只有幾位客人，所以完全不用等位黑色膠椅雖然睇落普通，但坐著都幾舒服野食主要都是食便當/蛋餅睇自己中意咩配料我同女友叫左1. 招牌鹵肉便當2. 流心蛋餅3. 甜不辣便當飯既份量不算很多不過都幾豐富 蛋有全隻 又有豆腐及開胃既菜普+青瓜蛋餅係即整既 所以夠熱夠香脆煙刃既甜不辣配酸甜既泰式辣醬overall 都唔錯唔錯～～其實佢既飲品都好多選擇可以配台式茶不過我地之後去隔離街食糖水所以無試佢的野飲luuu

好耐之前食過一般，但聽聞轉左手。前兩日再試過。而家好食咗好多，個滷肉有台灣嘅感覺。性價比都好好，環境都算坐得幾舒服。加上附近台灣野選擇又唔多，一定會再去。希望之後食物嘅選擇可以有更多

前幾日經過見到餐廳門口好多花牌餐廳好似裝修咗，招牌又冇換喎諗緊係唔係轉左手🤔於是同四個朋友一齊去幫襯下同靚女老闆娘傾偈，原來餐廳真係轉咗手，簡單裝修換咗啲射燈，成間餐廳光猛晒，坐得非常舒服四個人叫咗招牌老玉便當，嘉義雞肉便當，滷豬軟骨便當，芝士火腿蛋餅，鹽酥雞，酥炸蟹鉗，酥炸花枝丸，三色芋圓冰，四杯飲品，埋單都係$328整體食物質素OK，大件夾抵食，呢個價錢同食物質素，性價比非常高下次一定會再幫襯推介芝士火腿蛋餅 $32蛋餅非常多料，一咬落去啲芝士流出來好高質素，好想再encore三色芋圓冰 $26估唔到$26糖水有隻咁可愛嘅熊仔非常有誠意呀，打卡一流餐廳堂食人流唔太多坐咗兩個鐘同好友歡聚可以晚市堂食真係好幸福🥰

好耐冇嚟土瓜灣，今日嚟到行過見到呢間台灣野，對台灣的思念太嚴重了🤣食住台灣嘢頂檔都好所以入左去。叫左份豬軟便檔，配菜好多，味道好好😋（因為太肚餓一野隊晒，所以影相）但我想講佢杯飲品真係好大杯好抵飲，同老闆娘傾開原來佢哋係重新開業，堂食先有咁大杯👍🏻👍🏻👍🏻👍🏻。我相信我會再嚟多次（真係好掛住台灣😭）

今日終於都叫咗外賣食啦 好耐冇食台灣麵今次就試下呢間食台灣拌麵嘅最近外賣真係少咗好多選擇可能因為太多人確診咗少咗送外賣嘅人手總共叫咗兩碗拌麵一碗湯麵同埋一份蛋餅豬三寶台式乾拌麵配沙茶醬 豬三寶即係有豬腩肉，豬大腸，同埋豬頸肉 味道唔錯好可惜真係太細碗午餐份量嚟講都ok如果係晚餐就真係唔夠飽啦滷大腸台式乾拌麵配沙茶醬 同樣地味道係唔錯但真係好細碗如果男士食可能要食兩碗先至夠豚骨湯台式牛腩麵 成碗麵得三嚿牛腩 太離譜喇最後係台式蛋餅如果堂食熱辣辣應該會更好食依家送到嚟係微暖就感覺差咗啲總結 這家店的麵食味道唔錯夠入味不過真係份量太少女士午餐都還可以 分量加大少少會更好

第一次試，喺熊貓嗌左外賣：招牌滷肉飯，鬼椒咖喱豬扒飯，炸蝦餅，酥炸花枝丸。滷肉飯太肥，好多豬皮同埋肥膏。嗰炸豬扒完全唔食得，好油膩，啲肉係梅梅地，豬扒肉竟然可以好似肉餅咁一夾就散，好似係醃咗太耐，成盒飯放棄咗。炸花枝丸正常OK。炸蝦餅太油，成個盒嘅底度浸滿油。唔會再有下次😵

以前我在星期六、日，或者公眾假期的時候，從「西貢巴士總站」乘搭巴士前往「尖沙咀碼頭」的時候，巴士中途經過「馬頭圍道」跟「漆咸道北」，讓我無意中看到「漆咸道北」旁邊有間台灣菜餐廳，名稱叫做「台灣客棧」。我最初以為「台灣客棧」店舖有關上自動開關大門，按道理應該不會是一般先購票，後取餐的快餐食店，但是我進入店舖，侍應才告訴我需要先點餐付款，然後等候廚房製作食品，之後才能等候侍應送餐享用。於是我先瀏覽一下「台灣客棧」裡面的晚餐餐牌，研究「台灣客棧」能否讓我即時享用到，所有我在晚餐裡面非食不可的食品，包括「牛腩」、「雞肉」跟「白飯」。幸好我研究完「台灣客棧」晚餐餐牌價目表之後，很快就成功找到所有我在晚餐裡面所需要的食材，在無驚無險的情況下，順利組合成我的理想「台灣客棧」晚餐食品「自選雙拼飯」。食客在「台灣客棧」的晚餐「自選雙拼」組合價目表裡面，可以自由選擇底層粉麵飯食品，包括「白飯」或者「乾拌麵」，然後再在眾多的餸菜食品裡面，自由選擇兩款食品作為餸菜。「台灣客棧」「自選雙拼」組合裡面最讓我感到安心的地方，是餸菜食品裡面包括有「牛腩」跟「鹹酥雞扒」供我選擇，讓我很快就找到「白飯」配「牛腩」、「鹹酥

前兩日朋友仔新居入伙, 請大食妹食晏, 但到步已經好晏, 唯有嗌外賣上去食台灣客棧野食款式唔係好多, 黎黎去去都係普通菜式配飯<鹵肉鹽酥雞雙併飯>大食妹就嗌左份安全牌鹵肉鹽酥雞雙併飯嘅鹽酥雞有兩大塊以外賣黎講亦算酥脆, 但雞肉有啲太乾鹵肉調味一啲都唔似台灣鹵肉, 反而偏向梅菜扣肉味道更可惡嘅係肉質仲要好瘦好柴配菜係一隻唔入味嘅鹵蛋同酸左嘅豆腐<蟹柳蛋餅>令大食妹更加驚嚇嘅係佢個蟹柳蛋餅蛋餅唔係蛋餅, 而係油酥餅, 仲要係乾煎嘅裏面嘅蟹柳算幾多, 但配撘特咸海鮮醬算咩料

我只係叫左個台灣蛋餅試，因為我每次去台灣都好中意食。但失望嘅係佢個蛋餅真係未水準，個餅太厚又硬，咬到牙胶痛，個汁同個蛋餅又唔配。見佢新開試試，但睇嚟仍有準步空間。

搭車經過見到新開張無耐嘅呢間「台灣客棧」， 今日終於有機會同朋友過嚟試一試佢！ 揀咗下午茶時段黎食，無嘜客！食物質素都唔似係台灣料理，有少少失望🤭兩個人叫咗兩款台式乾拌麵，分別係滷豬軟骨乾拌麵 & 鹹酥雞扒乾拌麵；另外跟餐飲品半價，叫咗一杯烏梅蜜茶&一杯蜂蜜蘆薈～呢兩碗乾拌麵我相信都係即叫即做嘅但係個乾拌麵真係麻麻地，麵條質感太過淋，冇嘜口感！之後發現佢哋係用壽桃牌台式刀削麵😓😓 咁樣成件事就已經錯晒啦，根本就唔係台灣乾拌麵，而我相信佢個拌麵辣醬都係壽桃牌刀削麵入面跟住個包黎～ 至於個豬軟骨， 份量係多嘅，食落都夠淋嘅，不過我都只係覺得係車仔麵質素姐～嗰個鹹酥雞亦都係不過不失嘅，食得出係新鮮炸，雞肉亦都滑嘅，會始終唔係台灣鹽酥雞嘅感覺🥲 每碗乾拌麵入邊有一塊豆腐乾，滷水蛋，同幾條生菜🥬 豆腐乾同滷水蛋都好淺色亦都食唔到滷水味，麻麻哋！兩杯飲品我諗都係糖漿溝，唔會難飲但亦都唔會話好好飲～整體來講呢一間台灣客棧食唔出台灣風味，普普通通啦🤭

試業時去咗，豬扒飯（味道太重口）鹵蛋、豆腐的味道OK。建議蔬菜可以多啲⋯⋯在台灣吃的盒飯起碼有兩種蔬菜。飲品方面還好。店內環境還可以，聽說此店在其他地方以做外賣為主，那麼可將要求降低一點⋯⋯如果食物冇咁咸和多少少蔬菜，我會多啲買外賣😅總體而言「性價比」一般。再講句：餐具太唔環保，用起上嚟唔舒服。

係外賣平台叫咗三個飯因為買滿$200有優惠價所以加配左一杯飲品結果打開嘅時候見到三杯飲品面頭寫住試業優惠10分驚喜未到正常但係感恩小店嘅用心叫咗湯麵竟然見到有保鮮紙包住叫咗咁耐外賣平台從來冇試過有呢樣人哋懶理你係咪倒瀉😂講返食物味道正正常常嘅港式台灣食品叫咗鹽酥雞豬腸飯個飯幾大 係雞炸粉厚咗少少估唔到有蛋同埋豆腐 好足料增送兩杯係冬瓜茶