合和荳品

營業中

休息中

見咁多好評，就中招被騙….叫左煎豆腐，完全冇豆味，唔滑！最恐怖係連魚肉都冇味！ 唔知用咩料可以做到咁，因為驚食材有問題所以唔敢再繼續食😰另外叫左腸粉燒賣魚蛋拼盤，全部係現成低質食物蒸熱上碟。 唔怪之得明明咁多好評都冇咩客，唔會再幫襯。😩Need to have 200 words to give rating, it’s easier to use English for it. I don’t recommend this restaurant at all.

位於時代廣場後面，門面比較細，未必留意到。喺一間專食豆品店，除咗豆製品，仲有餃子同埋麻辣抄手食，飲品嘅種類非常之多，有豆漿加配其他配料，例如有紅豆、珍珠、豆花等等。麻辣抄手食湯底都食到少少麻，雲吞皮薄，入面餡料嘅豬肉都算新鮮，湯底比想像中辣，配埋豆漿比較好，豆漿可以解辣，今次要再比較特別嘅豆花豆漿，可以選擇少甜，第一次試就叫咗正常，飲落去都唔太甜，第一次飲豆花加豆漿嘅配搭，原來都幾夾，飲飲吓有啲咬口嘅豆花幾特別。

位於銅鑼灣鬧市霎東街，鋪頭主打自家製豆漿、豆花同豆品小食，👩🏻愛食豆製品嘅老闆娘與👨🏻‍🍳學師有成嘅老闆，拼手一搏，係銅鑼灣開鋪完夢🌃探索地道小店，回味傳統味道，🚶🏻繁榮都市，穿過熟悉的大街小巷，所幸香港仍保留著那份情💗細味一碗豆花，加上些許黃糖倍加嫩滑🥣足料軟淋牛筋腩，入味腩汁腸粉，牛筋腩腸粉令人留戀忘返🥰煎釀豆腐，鮮蝦豆卜🦐熱辣辣已經忍唔住食上一啖。最後，飲一杯獨家豆花豆漿作完美句號吧🍨胚芽豆花豆漿＋雲尼拿雪糕，順滑，冰涼，豆香之餘，更添麥香~

星期六晚8:30到銅鑼灣時代廣場附近，搭車回家前想來個輕食，見這荳品店D出品似是卅幾年前在渣甸坊有間荳品店，已忘記店名，我們成班同事好鍾意成日去幫襯。價錢是略貴，因腸粉售罄，我就試了魚蛋燒賣煎釀豆腐。魚蛋燒賣各4粒$20一份，魚蛋稍鹹，但口感不錯，燒賣就好一般，10文4粒，我覺得不值，不會有下次。但煎釀豆腐我就覺得不錯，豆腐夠滑，鯪魚肉餡料味鮮，煎得剛好，有小小脆皮夠熱，4件$19，這個價也可接受。地方不大簡潔，服務可以。

同朋友係銅鑼灣食完dinner未夠喉想食甜品本身想去另一間但排哂長龍 失望之際見到附近有間荳品店 見到有豆腐花食唯有入黎試下啦 我地都致在坐陣傾下計Menu好多款荳品揀有豆花 豆漿 再加唔同配料芝麻、紅豆、綠豆、紫米、薑汁、花奶特別啲既有珍珠、桂圓紅棗、朱古力蘭香子(唔知咩黎🙈)我地三個分別嗌左：原味豆花(熱) $13紅豆豆花(熱) $20花奶紅豆豆花(凍) $28我食原味豆花 好滑 我無另外加黃糖 少少甜加豆香 好味食完晚飯再食豆花做甜品罪疚感都無咁大😆甜品之中都算比較健康加上平平地 同時又滿足!

好少外賣買枝飲品都落個評價但對黎間真係忍唔住...其實只係經過見到有間乜乜荳品就比佢招牌吸引左入去因為係經過連open rice都無特別睇評價誰知就中伏了咁豆漿有無選擇有糖定無糖嘅當下就買左一支有糖印象中價錢都唔算平Hkd$16一樽其實平日自家製出名荳品都差不多所以都無太理會價錢但味道就太令人失望完全無荳味 入口似飲糖水令我不禁覺得好彩只買左一枝....完全唔符合”荳品”嘅招牌根本超市嘅豆漿都比佢更有荳味

行街行到攰，去合和荳品食下午茶，順便休息下。鋪頭係時代廣場隔離，好方便。今日係第二次幫襯，記得第一次食完佢個滷水豆腐令我印象深刻，真係好好味今次都係下午茶時間黎，人流都唔少。係荳品店當然係點豆類製品，我叫左原味豆漿、原味豆花同埋滷水豆腐。滷水豆腐（$18)滷水汁應該放左唔少八角，好香，豆腐好入味，送飯一流，但我淨食有點鹹，有2塊豆腐可能浸得較耐，有點鞋同「太入味」其他既就發揮到水準，滑溜。原味豆花（熱）（$13)豆花係口感、豆味兩方面平衡得好好，唔會出現豆腐花好滑但冇豆味，或豆味香濃但鞋熠熠，讚！豆花滑捋捋，一啖一啖，好快食曬。原味豆漿（熱）（$13)我叫左大杯，份量都頗多，剛上枱好熱，小心燙。豆漿非常香濃，豆味濃郁，口感稠密順滑，放涼小小仲會有層腐皮係上面不過豆漿落左好多糖，非常甜，如果可以少甜或走甜就好了。仲有圖介紹豆漿同豆花製作過程總體而言：味道：豆香滑溜性價比：於地理位置而言，價錢合理，而且份量較大服務：可以環境：小店格局，坐位冇椅背

This restaurant has been here a long time. I’m not sure why there are such a small number of reviews, perhaps because it was reset recently.This spot also closes pretty late. You’d be surprised to know that many restaurants in this area close quite early.Anyway, the food here is quite good. I think the mala dumplings are okay, but I’d be more interested in trying something else next time. The fried tofu is great.Overall, I’d say my experience here was better than expected

見openrice上的食評一致好評，就試一下。【獨家豆花豆漿】＄25看見餐牌標示「必飲」，也是這裏的招牌飲品，就叫了一杯紅豆豆花豆漿。豆花沒甚麼豆味，口感粗糙，沒有豆花應有的滑溜感，失敗！豆漿同樣沒甚麼豆味，只有甜味，失敗！紅豆則不過不失，不會過甜，口感軟綿，與豆漿十分搭配。整體而言，主角豆花和豆漿格外遜色，不值得一嘗。另外，在飲用時十分不便利，豆漿喝完後，杯底剩下的豆花和紅豆難以吸啜，而店舖也沒有提供匙羹給客人使用，在用具上明顯考慮不周。總結，不值得再次光顧的店舖！

行完山到銅鑼灣飲咖啡，不過未夠鐘就決定食少少小食，經過就入咗合和荳品。叫得荳品當然主打豆漿、豆腐花，用加拿大黃豆磨製豆漿，再反覆隔渣，令出品有豆香兼口感幼滑。紅豆豆花豆漿 $25紅豆好香好有咬口，豆漿同豆花都好有豆味，加埋好滿足。紫米豆花豆漿 $25呢杯換咗紫米都好好味，好飽肚。煎釀豆腐(4塊）$18釀咗鯪魚肉，豆腐豆味重，輕食份量，叫埋豆漿就係「豆品」下午茶啦！腸粉＋魚蛋＋燒賣 $23(小）相比下，呢個小食就較為失色，不過咁嘅價錢嚟講好抵！

喺銅鑼灣鬧市既然有咁抵食嘅輕食，十分難得，不過今日又唔係好肚餓，只係點咗煎釀豆腐，$18有4件，真係幾抵，雖然嗰片鯪魚肉真係幾薄，不過豆腐好有豆味，所以都ok啦。鋪面好乾淨，服務員態度仲好好，下次好想再去試佢哋嘅招牌豆花豆漿。

好多人覺得出得銅鑼灣食嘢，就一定要洗好多錢其實唔係，銅鑼灣亦都有一d平民美食，價錢親民，質素亦都唔錯 就好似時代廣場後面呢間合和荳品，同同區其他餐廳比較，性價比相當高 $18五件滷水豆腐，切得幾大嚿，食曬成碟都幾飽 豆腐夠入味又唔會太鹹，亦唔太油膩，食到淡淡滷水香 比起碟滷水豆腐，杯豆花豆漿就差啲啦 原本$13嘅豆漿入面溝少少碎豆腐花就漲價到$20，加埋幾粒涼粉就變成$25 雖然杯豆漿幾好飲，有豆味，但呢個價錢真係唔值 如果大家想飲豆漿或者食豆腐花，建議都係分開嗌 至於涼粉就唔使試，好一般

係銅鑼灣有咁嘅價錢食咁多野，cp價爆料🤭✨原味豆腐花好滑好有豆味，反而令杏仁豆腐花失色，成pak甜嘢嘢嘅野蓋左豆本身嘅香👀腸粉有口感夠實，滑少少再正啲👅胚芽珍珠豆漿係驚喜之作，珍珠有口感甜度適中，豆漿唔會太甜，加埋胚芽增加口感，錦上添花💕‼️

前幾日行過肚餓，見到間成日見到但未試過嘅店。$30一個 栥飯豆漿餐，價錢可以接受，加上比我堂食，所以就揀咗呢一間食～（本來以為栥飯得外賣）等食物個時見到原來呢間野都會搞搞新意思。。。有個牛筋腩腸粉同埋有啲餐係有小食的，好似有個餐係 腸粉+魚蛋+燒賣+雞翼配豆漿熱豆漿好好飲，好重豆品，入口好濃，正。10分推薦！佢仲有好多Max and match嘅豆漿，不過唔記得咗影低又唔記得左個名個栥飯就失望左少少🤏，唔夠熱～

今晚做完facial想食少少野當晚餐，揾到呢間小店試下。 呢度主打豆花豆漿，即係豆漿上面有一層既豆腐花，一次過滿足晒我2個願望，必試☺️ 食物方面都係香港小食為主，仲有幾款麵🍜飯🍚首先叫左<煎釀豆腐>個豆腐好似家常煎豆腐既味道，落左少少鹽去煎已經好食，一d都唔會燶。個面係鯪魚肉，不過係一片超薄既😯$18 ok啦跟住叫左<麻辣抄手>抄手既肉係mini size(喺成都食過好似係大粒d?🤔)，所以有10幾粒，個皮好滑好滑👍🏻個湯都幾辣🌶🌶🌶，但再麻d就會更好。跟餐緊係要<豆花豆漿>😆 可以簡一樣配料，例如紅豆、綠豆、紫米、珍珠等等我簡左珍珠🍚個豆花好滑，亦都有豆味，唔會太甜👍🏻👍🏻👍🏻個珍珠就正常，同平時珍珠奶茶果d差唔多我覺得豆花豆漿係必試，夜晚唔想食太飽呢間小店都係唔錯既選擇😁 話晒荳品都係健康既食物