合和軒

營業中

休息中

千呼萬喚，據悉花費了百五億打造而成的合和酒店，終於在十二月同大家見面。作為老饕既我，當然第一時間去拜訪酒店各餐廳，首站要介紹既，正是中菜廳合和軒。沒有好奢華既裝潢，走的是平實路線，但餐廳有十六間廳房，可供不同場合之用，家庭聚會或者商務飯局都好合適。事不宜遲，睇下佢既午市套餐到底有咩食! 打頭陣既合和薈萃，既有點心，亦有燒味。點心是傳統的蝦餃及燒賣，幾合我意，因為我從來覺得要有蝦餃燒賣先至似飲茶。燒賣飽滿，口感扎實，蝦餃足料，澄麵皮添上了不同顏色，令賣相更吸引。兩粒燒腩仔，皮脆且層次分明。套餐自然會有湯羹，文思豆腐竹笙海皇羹，材料十足，喝湯或羹最重要是湯頭夠熱，呢度做得到，已贏左一半。接著來的黃金脆米炒星斑球，斑球夠厚肉，連魚皮吃最正，再夾埋香脆又邪惡的咸蛋黃脆米，令成件事生色不少。鮑汁天白花菇鵝掌，好有去飲既感覺。天白花菇厚身爽滑，蠻有菇香，鵝掌魚腍身，但又唔怕溶溶爛爛咁，是我喜歡的質感。爽脆既生菜索盡晒鮑汁之精華，一滴汁都不能浪費。幾中意單尾的新竹米粉，幼細又爽口，以三色椒絲及肉絲等作伴，簡單好吃。甜品都是很傳統的蛋白杏仁茶，同埋芝麻卷，始終喜歡濃郁的懷舊菲林筒，慶幸依家多番好多地方

昨日在合和軒午膳，$58-80/碟的點心，品質及味道非常一般，重點係佢地嘅点心都只有三件，如果四人用餐，咁就要另加1粒，即係每碟點心要$80甚至乎$100以上！如果裝修高級啲或者有好嘅景色也罷，但係呢位設計師品味同食物質素一樣咁普通，講句唔好聽，直情係有啲老土。最后点了最基本的乾炒牛小排河粉$238（未加服務費），水準一樣👎👎👎。灣仔好多茶餐廳炒得比佢地嘅好10倍。這麽一般的食物品質這樣的裝修這樣的收費-合和酒店名下嘅中餐廳我只係會幫襯一呢次。

環境舒適，由合和中心行過去，再由合和酒店大堂上去，指示牌都清晰，算方便嘅，不過泊車就要泊返合和中心。由於新餐廳未有太多comment，所以都係唔叫套餐住，散叫餸菜試吓水準先。首先叫咗螺頭湯，同埋椰子雞湯潤喉先，之後就再叫叫咗叉燒、半隻炸子雞，同埋啫啫芥蘭煲。叉燒好好味，尤其是個汁，一定要叫白飯一齊食。個炸子雞好香口，佢個煮法同平時餐廳有少少唔同，有蒜香味。至於個菜就香噴噴，同其他餐廳質素差不多。服務都殷勤嘅，不過有少少甩漏，就係嚟咗個叉燒之後，差不多隔咗15分鐘都未上其他餸菜，要自己提服務員，搞到我啲白飯都凍晒。

經常打電話去訂枱都無人接聽，有時更加是等到電話轉駁去酒店熱線，留了電話號碼都無人回覆，想訂張枱飲茶都好困難😓可能胡氏家族不善於打理餐廳，何不委托有經驗的餐飲管理人員負責？

在充滿節日氣氛的12月迎來新酒店！於冬至就跟大家一起分享這份新的美食體驗，灣仔合和酒店於12月隆重開幕跟好友們率先去探店！這天我們先品嚐豐富的中菜，然後再到酒店西餐廳享用多款國際菜式、甜品及雞尾酒。位於20樓的中菜廳合和軒環境非常優雅餐廳內更有多達16間私密的廂房。合和軒提供時尚的當代粵菜，更以廿四節氣為主題設計出一系列精心製作菜式，這天要品嚐合和軒午市套餐$428/位！打頭陣的是合和薈萃內裏分別有彩虹鮮蝦餃、蟹子燒賣及炭燒金磚腩肉。炭燒金磚腩肉做到皮脆肉香入口精彩，層次分明的五花腩肥瘦均稱兼肉香四射，調味也做得恰到好處味道非常迷人。彩虹鮮蝦餃的澄皮爽滑而不黏，內裏蝦肉夠爽甜是經典的好味道，蟹子燒賣非常飽滿口感挺鬆化滿好吃。黃金脆米星斑球肉質鮮嫩可口，而令我大有驚喜的是那個黃金脆米，在鹹蛋黃的加持下令脆米多了一份鹹香惹味新鮮感十足。鮑汁天白花菇鵝掌的香濃鮑汁非常惹味，天白花菇炆得非常入味好腍滑，鵝掌肉厚身腍吸盡鮑魚汁的精華豐腴味美。文思豆腐竹笙海皇羹絕對是顯刀功的菜！豆腐絲綿滑得入口即溶，內裏還有滿滿爽口蝦肉味道挺鮮香。蟹肉芹香炒新竹米粉！內裏藏有不少雪白的梳梳蟹肉鮮甜誘人，米粉炒得乾