吉豚屋吉列豬扒專門店 (已結業)

想來呢間試好多次,但遲遲未試,今日等客,等足3個鐘,就下午時間來試,人唔多,桌上放有餐牌,醬油,好自助式選擇,今次叫了個炸蝦吉列朱扒定食,朱扒不算厚切,但皮薄同香脆,帶有肉汁,蝦有一片豬扒長,但肉唔多,好脆,同時配有很多沙律菜,加麻醬食很好味,食是選用日本米,有點硬身,湯用料很足,帶有麵豉味,總括來說成個餐83元有埋餐飲,午餐價錢來就貴了一點,60左右才合價,味道普通

來元朗探朋友晚上來到呢間店食飯，裝修如我在曰本慣常吃到的一樣，很有親切感，看見有兩三位曰本人在主理，又有卡位坐，心底覺得應該不錯吧 。 我們先點了一個 吉列豬柳泡菜湯麵和滑蛋湯烏冬69元 ，有兩塊 豬柳咬落真的很鬆化，不帶厚身炸粉皮的感覺，不會像很多港式的咬上去一塊厚厚的炸皮和肉分離，這裏的烏冬夠滑，雪雪的一聲聲滑滑的一注注，冬天吃這個會讓人很溫暖。另外單點了炸蝦8元一隻，炸粉沒有讓人失望，只是相對價錢8元蝦身相對少了，建議應有貴版炸大蝦好讓口感得以滿足最後還點了滑蛋雞切扒飯，才69元的但不欺顧客是厚切的雞扒，滑滑的雞蛋撈粒粒小粒子曰本珍珠米，很入味，而雞件也不帶雪藏味有雞味的，最後我們加上芝麻醬伴菜絲，好香好爽甜的椰菜絲只是幼身了一點。 呢間鋪頭標明主旨是要以優惠的價讓顧客吃到好吃的炸豬扒，我覺得他們做到了，以幾十塊的價錢可以吃到一般百多元的質素，實在超值。

元朗食肆愈開愈多…唔計中國人既中菜…其中以西式同日式佔既比例最多…而係日式食肆當中…吉列類就唔多…今次呢間吉豚屋算係連鎖式經營…暫時係新界區只此一家…主打係吉列豬扒…今次就點左個次選>>吉列雞扒定食…包一個湯…一碗飯…唔要飯既話…仲可以轉讚歧烏冬…而呢度醬料就只有豬扒醬，芝麻醬…豬扒醬係帶少少酸味既…食落幾開胃…當然用黎沾雞扒都可以啦…野菜豚肉湯入面有好多料…包括洋蔥，紅蘿蔔，白蘿蔔，豚肉等…湯底都係一貫既麵鼓湯…豚肉已經好腍…腍到夾起都想斷開…証明係煲左好耐…所以湯好有肉味…嫌唔夠既話…加$5可增量…雞扒唔算好大塊…但明顯可以見到麵包槺一d都唔厚…仲炸得好乾身好鬆脆…雖然雞皮都炸到無哂肥膏…但係我仍會走雞皮果邊唔食…太高卡路里吧…豬扒相信都會係同一做法…但只有豬扒才可以選份量…<梅>代表80克…<竹>代表120克…<松>代表2塊80克…除左雞扒..仲有成座山咁高既椰菜絲...好新鮮...生食無味...要加芝麻醬先好味...呢種似沙律非沙律既菜未必人人啱口味…飯係如假包換既珍珠米黎…得一小碗...男士唔夠飽既話…亦可加$9

有得早收工,逛逛教育路時,發現有間照牌光猛既日本野吉列野,仲有下午茶睇相啲賣相都ok價錢抵,當然試試啦。吉列豬扒三文治($35),整體吉列野都做得好出色,炸得不太油而且好脆口,配上軟棉棉既三文治,口感一流。迷你滑蛋吉列豬扒飯($29),滑蛋做得好好味,但大家真係要趁熱食,如果唔係,滑蛋蓋住剛炸好的豬扒太耐,可能會影響豬扒香脆既口感。迷你吉列咖哩雞扒飯($35),咖哩味濃,都算做得不錯。以上的套餐+$6有一般飲品或+$12有特飲,有試凍菊花蜜特飲,幾清甜。不妨一試。

雖獲 OpenRice 頒發「元朗區飲食達人」，但其實我對元朗食肆追得一點也不貼，因為元朗實在太多餐廳，要照顧小兄妹的我懶走遠，很多時只在樓下連留，要去遠嘛就索性去尖咀了！ 最近由於黑暗歲月，留在元朗的時間多了很多；加上第2週嫲嫲也來了幫手，間中也有抽時間與老公去借買東西的名義，拍拍拖、撐撐檯腳，也試了一些店子，其中 吉豚屋 實在很超值！吉豚屋 位於食肆滿佈的教育路，不過它打的燈太強，反而招牌不好認；建議大家找惠康對面，又或潮龍清湯腩（也是一間挺好吃的店子），就容易看到它。到訪那天老公很早放，還來得及吃下午茶餐；下午茶份量較細，反而可以試更多項目，我們就一口氣點了三款食物！吉豚屋本來就抵食，下午茶更加便宜！首先是 吉列豬扒三文治 Deep Fried Pork Cutlet Sandwich ($35)，很便宜的訂價，卻已包含 80克的豬扒，由圖可見豬扒份量十足，比早前 銀座梅林 吃的更厚，真超值！不過這裡的出品製作比較鬆散，個人認為它的芥末醬也重手了些；但以價位實在抵食得沒有話說，不能再挑剔太多了！建議可以加點芝麻醬，來中和那芥末醬，那就很好吃滿足了。　黑暗時期家裡不會有人煮晚餐，這

經過見到呢間食肆的吉列豬扒配上大量椰菜，想起日本吃的吉列豬扒定食，食炸物時吃椰菜，可去除油膩感，所以入到試下。叫左炸蝦吉列豬扒定食，主角吉列豬扒炸得鬆脆，配上豬扒醬，好味。炸蝦的蝦雖然細隻，但都炸得不錯。跟餐的雜菜豚肉湯很足料，意料之外的好。