吉豚屋吉列豬扒專門店 (已結業)

用家個人感受，不是打手！7️⃣0️⃣位置：唔近地鐵站，唔識個頭都難揾嘅，距調景嶺地鐵站大約10分鐘路程，商場入面。7️⃣0️⃣裝修：新淨光猛，望上去感覺乾淨，坐位有啲迫。8️⃣0️⃣招呼：午餐時間，都好FULL，見到有人排隊，所以行埋去試吓，等左大約20分鐘。落單快上菜快，算合格。3️⃣0️⃣吉列豬扒黃金餅定食$77，乾到嚇親，完全難食，唔值，衰過茶餐廳。8️⃣0️⃣跟餐飲品大話龍鳳雪碧$17，正常。6️⃣5️⃣滑蛋吉列三重奏定食，學生餐價$69，正常一碗飯。8️⃣0️⃣跟餐乳酸雪碧特飲，學生餐價$2，抵飲都好味。5️⃣0️⃣CP值：2個人，埋單$174，午餐每人$87，完全吸引唔到我再去。

之前成日都見啲朋友去食呢間嘅炸豬扒飯，所以好耐之前已經一直想試😆 11點幾嚟到，啱啱開鋪無耐，所以唔算好多人。我叫左個滑蛋炸豬扒飯，學生嘅話就有得包埋一杯嘢飲👍🏻個豬扒都炸得唔錯，而且唔會好多肥肉同炸粉！👍🏻下次會再嚟試下佢嘅炸雞/燒汁豬扒飯😋

今日行五桂山，4點幾就行完落到調景嶺行完好肚餓仲趕到食下午茶一上商場就見到吉豚屋好吸引，不過都睇埋同場仲冇咩餐廳先決定，最後都係揀左吉豚屋呢個係吉列雞排餐加$5多隻海老呢個係吉列豬扒定食，有跟多碗豚汁湯（日本飲過覺得太咸，今次香港飲反而淡啲好啱味）仲有配係日本好鍾意食既沙律菜同日本珍珠飯兩個餐既豬扒同雞排都係外脆內軟，超好食😋有係日本食過既水準，但就平好多👍🏻絕對值得一試💪🏻另外服務態度都好好有禮貌，坐低左就比左個口罩袋你放口罩 好細心👍🏻

自吉豚屋在調景嶺開業後，這是第二次來光顧價格不算好便宜，只能偶爾光顧啊！上次吃梅size的飯都超飽這次就改吃烏冬啊！有午市特選優惠套餐，吉列炸蝦豬柳定食，選了烏冬炸蝦好大隻，脆漿略厚，但都好鬆脆蝦味都算香豬柳沒豬扒那麼厚身有咬口，肉質相對鬆化一點，帶點肉汁，不會太乾身！吉列食物最重要香脆鬆化，不會太油膩！澆上和風醬汁更為惹味～～～！！烏冬質感爽滑，醬油湯底香濃而不鹹飲品點了菊桂花蜜冰溶化後，味道不會過甜吃完炸物，喝杯菊桂花蜜，有點滋潤了的感覺雖然今次改吃了烏冬，但食完整份定食後，仍舊有好飽肚的感覺同事飽到將豬扒的脆漿掰開才吃～～不過以午市的價錢來說是略貴了一點啊！食物味道都算ok，但還是尋不回第一次去吉豚屋用餐時覺得很好吃的感覺！

💕滑蛋吉列雞扒飯$42我其實有啲怕食雞，因為我成日覺得會好難咬，但我都叫左黎試下，個雞好厚仲要唔hai，不過今次個飯真係多左好多，食唔曬咁濟，最重要係無雪味！好味程度:7.5/10•💕滑蛋吉列豬扒飯(梅)$49+一隻炸蝦$8一個細粒女仔食梅size其實都夠曬，個豬扒都幾厚下，個炸粉唔會話厚，食落都脆身又唔油，加左滑蛋係面都仲脆算係咁啦，個飯汁好正，次次都好想叫佢加多啲，但加太多又會鹹得濟😂好味程度:8/10•💕炸蝦🍤$8(過左下午茶時段)今次我食都比佢嚇左嚇，大隻左咁多嘅呢，我望落真係以為個粉會好厚，食落先知個蝦係大隻又厚實，食落都有蝦味好味程度:8/10•💕和風汁雞扒飯$42啲菜好多下，不過係得和風汁先會有，不過其實我麻麻地對有汁嘅嘢，好彩佢加比我唔多啫(和風汁係枱比你任加)，我其實真係好鐘意佢地個炸粉，又唔厚😂😂好味程度：8/10

上次喺旺角食過一次，原來屋企附近都開咗一間，所以嚟返尋味😋。點左一個鐵板生薑豚肉配飯，另外跟咗一杯柚子特飲（飲品有好多選擇而且唔使另外加錢）。成個餐連麵豉湯，有嘢飲，麵豉湯裏面有好大塊肥豬肉片，如果你唔係非常肚餓就唔好食，因為啲肥肉入口即溶，飽肚。留肚嘅原因係一大塊有瘦有肥嘅豬扒，同埋索晒啲生薑汁嘅椰菜絲，唔使驚多肉少菜。隔離仲有沙律醬，配埋一碗白飯非常夾，飯嘅份量唔算多，但成個餐一定夠你食得飽😛。唯一不足嘅地方係佢啲生薑絲係分開擺，令到個豬扒嘅薑味唔係好夠，但就性價比，味道嚟講係值得一試嘅👍🏻

之前係其他分店食過，性價比唔錯，見係附近新開呢一間，晚餐就過黎食雖然有多款吉列套餐選擇，但我多數都食呢客吉列鷄扒定食 ($52)，有白飯又有湯，一定飽肚炸鷄入口唔熱，睇到炸漿連皮與鷄肉比例1:1，可能因為唔夠熱關係，入口頗油膩，食左兩舊已放棄!!  加$8可以有吉列炸蝦1隻，反而呢個就幾熱辣，入口有鬆脆感覺!唯有用呢個野菜豚肉湯黎送飯啦炸物唔熱真係犯下低級性錯誤............................

其實因為腸胃不太消化得到，所以超少吃吉列的食物，因為吉列食物再加上飯很快就會覺得很膩，但因為別無選擇下唯有選了吉豚屋。滑蛋吉列炸蝦飯蝦是即炸的，不像其他地方預先炸了，所以吃起來每一口都是脆卜卜熱辣辣的配上桌上的豬扒汁，感覺不會那麼乾身滑蛋粉量有點少，不夠和着飯吃白飯的黏度很高，所以吃着吃着很快就有頂胃的感覺飽到幾乎吃不下最後一隻蝦，所以最後我將蝦面上的炸粉掰開，直接吃裏面的蝦肉，肉質算是紥實，味道也很夠，只是被炸粉覆蓋了

今天來到吉豚屋食泡菜鍋烏冬，湯底夠熱不錯，有濃濃泡菜味 ! 但可惜泡菜太少，還有兩磗滑豆腐。記得在這裏以前食的烏冬，彈牙煙靱，入口滑滑！但今次食可能轉了其他的烏冬，質地較粉和軟淋，沒有之前的好味😭

喺新都城分店食過一次，嗰陣唔係咁識欣賞。今次嚟到調景嶺，突然想食炸物，就嚟咗呢間餐廳。本來呢間餐廳唔係算平，但持學生證有優惠，所以食晏時間呢度好多學生。我哋每人叫咗一份定食，咩都有啲，總括嚟講感覺唔錯，餐廳好新好乾淨，職員好有禮貌，亦會解釋無學生優惠都會有價錢抵嘅套餐，食物每款質素好平均，雖然炸物嘅外層唔係好幼細酥脆，但配埋汁都唔錯，同埋呢度嘅滑蛋做得比新都城店好。店員就係推薦呢個超值套餐，不過我哋覺得份量唔夠所以無揀。吉列炸蝦雞扒鳥冬，雞蝦大大隻，雞肉幾滑，烏冬湯底。咖喱豬扒飯(竹)，以梅(80g)，竹(120g)，松(80g兩件)分豬扒嘅份量，呢份係中等，雖然唔細塊，但肉質唔鞋，又唔會醃到無晒豬扒口感，呢個日式咖喱汁連唔食得辣嘅我都食到。滑蛋吉列三重奏(蝦，豬柳，黃金豚肉餅)，豬柳比豬扒更鬆軟，豚肉餅就比係比較淋嘅肉餅無彈牙嘅口感。滑蛋吉列豬扒鰻魚丼，四件鰻魚都幾厚身，豬扒份量有四大塊。+$13蜜桃爆珠香芒乳酸，芒果味假。+$13荔枝爆珠蜜桃乳酸，無蜜桃亦無蜜桃味。+$香檳提子茉香綠茶，清清哋，裝飾用藍莓，唔係用提子。+$16巨峰玉露，呢杯有少少過甜，但味道最好。

依間野出示學生證會免費飲野 佢有啲13$15$既特飲都可以叫而且吾收＄ 初頭見好多人排隊 以為等好耐 點知等左一陣就入左之後叫左佢個滑蛋吉列豬扒飯正啊！雖然蛋吾多 但係豬扒好正 而且佢每個飯都會分三個sizes 細系梅 中系竹 大系吾記得左 不過我係叫左個細既 以為自己會吾夠食 但細既都夠食 飯量都豬扒都適中 女仔一定夠食 而且如果吾夠飽 可以加$11$13既湯尼飲 一定夠唒跟著叫左杯荔枝既特飲 幾好飲 而且都大杯 吾系果啲好多冰得番少少果啲

是日早放lunch,走黎試下店面勁日式嘅吉列豬扒店叫咗呢個每月一特選：吉列豬柳加吉列蝦定食，配埋特飲$68,不過要加一，其實少少貴，但係都叫咗好多嘢食，特別係左上角嘅大大大湯。所有嘢都正常，但係連埋加一真係貴咗少少。好就好在其實佢夜晚都係差唔同價錢，夜晚食就變勁抵。

我都可以算係幾間連鎖快餐粉，大家家，吉家家等等都係我既推介。不過食得多都要轉下既！今日就食呢間以吉列食品為主既連鎖餐廳！男朋友就叫左吉列豬飯，係唔錯既。個人覺得咖喱吉列食品既飯都係不錯！不過我本身唔係勁好吉列既野，見到佢竟然有鐵板滑蛋鰻魚飯，好似出奇蛋咁齊哂我最愛既三樣野！上左之後有少少失望。鰻魚份量唔多，呢個我可以理解。不過佢既滑蛋量都好少，同較為稀。佢既鐵板都純粹係擺設，無話好熱咁上菜。唯一係碗飯好大，一定飽。只會話好多其他地方有價錢相約同更有heart既鰻魚飯。

讚1. 上菜快到出奇，一點菜，十分鐘唔到就送上黎，而且係熱既，豬扒同蝦既外層都唔會炸到硬崛崛咁，上菜功夫同保溫功力好勁2. 份量超大3. 豬柳唔錯，雖然個漿厚身左啲，但豬柳做得唔錯，有肉汁，白飯都幾好，煮得透心又唔爛彈1. 炸蝦好奇怪，外面係脆既，但蝦肉道然係炸到好似生生地咁，唔知係咪話超技術既表現，但係快餐店食到唔熟既炸蝦，就梗係唔搏啦2. 侍應都講講啲醬係邊丫，要啲客搵黎搵去抵食，特別以呢區無乜選擇既情況下，呢間算好選擇

呢間鋪成間都係食吉列嘢，叫咗個滑蛋吉列雞扒飯，個吉列雞扒好好食！外軟內脆，雞扒好滑，好大塊， 唔使點汁都好夠味，但食落又唔會太多。不過滑蛋太少，唔知有冇半隻蛋，為咗食蛋而食佢就有少少失望。啲飯係用珍珠米煮，唔會太乾，一啖雞排一啖飯啱啱好。學生餐送特飲一杯，叫咗杯菊桂花蜜飲。味道麻麻，太過甜，好似飲緊一個液體嘅桂花糕咁，下次都係叫返普通飲品好啲。