吉野家 (金海大廈)

營業中

休息中

因為朋友說這個冬天仍然未吃吉野家的打邊爐~所以就去吃喇  近我收工，而且人又不會太多，不用等位的就只有這家。買餐~拿餐~找位置... 實在有別於其他的分店 ^0^！整個過程也很快~~ 因為想試下不同款~ 所以先點一個芝士竹輪鍋 ($52.9) 日式濃湯試過很多款湯底，都是濃湯這個最惹味！選配了雞肉 和 韓式粉絲雞肉頗滑嫩的~ 不過好似份量愈來愈少 =_=！韓式粉絲不同一般中國的粉絲~煮很久也不會溶掉之後不見了~感覺有點像吃薯粉的那種。另外一款則試試新品 - 一番帆立貝鍋 ($63.9) 日式濃湯這個鍋有墨魚仔、帆立貝~感覺有點像海鮮鍋的變化版吧。這個價位來說，也算新鮮 配牛肉 和 烏冬。又是減份量的問題... 牛肉其實得很少 =_=！記得很早以前吃的是比較多肉的 ... (成本升所以沒辦法吧?另外也很喜歡吃這裡的烏冬，不過就要注意一下不能煮得太久~ 太軟會不好吃。

平時22蚊細飯對於我唔係食得咁飽，今次見到28蚊有大飯就試下海苔煎雞玉子飯，雖然唔算好大，但個飯同d飯都多左，今之主動比埋雞汁，唔洗我次次都要自己問，而食物質素保持平時水準

曾幾何時，吉野家係我下午茶嘅首選，貪佢又抵又好食。不過已好一段時間冇幫襯，今日經過見到有新menu，所以被吸引一試。以前吉野家只係好單純咁提供雞飯或牛飯，下午茶則有麵可選擇。依家選擇真係多咗好多，咖喱、火鍋任君選擇。今日被吸引嘅係羅宋湯麵。店內poster賣相吸引，但真實卻有點差別。至於味道⋯先飲啖湯，都似羅宋湯味，湯底有紅蘿蔔、洋蔥及薯仔粒作配菜。飲多幾啖湯，好味精。麵方面，麵質粉而淋，脹哂水，同我回憶中以前食嘅麵差好遠。餸方面揀咗餃子同牛肉。餃子味道極味精同有好重胡椒味，餡料肉質亦「梅」；好彩牛肉質素仍然ok，肉質淋而入味。環境方面，唔知係咪喺舊區嘅關係，連店員都沒精打采；呢度嘅優點係夠大，所以不乏hea緊嘅食客。呢個下午茶餐$25.5，包麵同杯綠茶，唔算好平。不斷更新menu係好事，但真係要監控一下食物質素。