吉野家 (富華中心商場)

營業中

休息中

吉野家而家竟然出埋和牛😍真係非常之高質✨鹽燒和牛丼真係好正❤️和牛勁香濃嘅油脂味 肉質嫩滑 帶少少鹹香味🐮再配埋啲京蔥絲、酸蘿蔔、青檸汁 中和油膩感之餘 仲令個味道更加豐富😋

早餐食乜好一於就係位於荃灣近地鐵站嘅吉野家嗰度食咗個平價日本嘢做早餐啦，即刻叫咗一個牛肉丼加溫泉蛋，另外仲叫咗一碟牛肉添，之後加杯凍檸茶走甜，份量啱啱好食完之後唔講以為自己去咗日本。

難得會到吉野家，和媽媽兩人各叫了一個和洋日式早餐，價錢36蚊，配有細牛肉飯，溫泉蛋，菇菇，以及關東煮。每項食物都係較細份的，但係都夠飽肚。特別一讚的是菇菇很入味，很有日式風味。關東煮配料又豐富，有芋絲 蘿蔔 以及獅子狗卷。吃起來很飽足🤤

去吉野家快食dinner, 我買飯坐左係有電子爐枱，左右枱都冇人，店內冇乜人食，進食時有個阿姐過來講我晤可以坐火鍋區食飯，一定要拎走我餐盤去另一張枱但都係有電子爐十分不衛生。

今日同屋企人咁啱行過荃灣，太多故仔嘅時候都想搵個地方可以坐下休息一下，所以就俾我哋搵到呢一間吉野家，講到明係一間牛肉飯專門店，所以食牛肉飯就一定㗎嘛，果然係非常之好食牛肉飯

疫情嚴重轉去外賣, 今次我點左野菜煎雞飯,好像沒有其它地方或餐廳吃得到這個味道，菜式是獨特的、深入民心的，地位就如pizza hut的香蒜肉絲意粉、海鮮寬條麵,陪隨大家成長,是一份很有份量的美食記憶。煎雞加上餐廳預先調製嘅醬汁送飯一流, 而且又平衡到營養需要。除咗煎雞外,亦都有一啲蔬菜例如豆角、 紅蘿蔔、 西蘭花等, 幾唔錯.飯盒賣相方便亦相當鮮豔奪目,橙、啡、綠、黃出現在同一飯盒中, 頓時食慾大增。分量方面亦相當多, 有成足足兩碗飯,物超所值.

平時因為返工附近冇咩餐廳 所以食黎食去都係果幾間餐廳 而吉野家就係其中一間 午市既時候都好多人下 不過因為自己一個人食 所以都等左一陣就有位啦平時都係簡牛肉飯 食到厭 今日就食雞肉飯 經過去次係銅鑼灣食左個超貴又唔好食既照燒雞肉飯 簡直覺得吉野家係天堂 又平又好食照燒雞肉飯 照拎左牛汁 哈哈😂😂😂😂 雞肉d皮燒到脆脆地 雞肉都算係滑果隻 不過個雪藏味有小小重 接受到既都！呢個價錢wo😂😂😂🤑🤑🤑 食飽飽飲埋杯可樂就返去繼續做打工人

之前應承過兩個囡 疫情完就去日本睇雪☃️但疫情持續，唯有俾啲北海道氣氛佢哋嘆住先～幻想喺冰冷雪國❄️🌨☃️🇯🇵享受一場熱辣辣嘅火鍋盛宴🔥吉野家喺呢個寒冷嘅冬日🍁帶咗全新嘅帆立貝吉邊定食俾我哋！鮮甜肉厚嘅日本北海道優質帆立貝😍極尚鮮味配料又點少得我地最愛嘅芝士竹輪🧀豐富配料加上海鮮嘅滋味🦀打住邊爐感受陣陣暖意🍲一齊享受呢個冬天⛄記得揀番配穀飼肥牛跟餐呀🐂吉野家啲肥牛點滾都唔會老架🤩可能因為佢哋嘅切法零舍不同特別好咬口😎 雞肉都好嫩滑！日式一人鍋配穀飼肥牛🐮配上日本北海道直送嘅優質帆立貝仲有小朋友最喜愛嘅烏冬，呢個配搭無得輸呀😍😍😍😍想打邊爐的話，隨時都可以搵人送嚟屋企🛵極方便～香港吉野家聯乘外賣平台推出咗邊爐外送速遞服務📦帆立貝打邊爐二人餐都只喺$198🤩

如果問大家有幾掛住家鄉，聖誕節你會諗起邊個地區?我就一定系諗起日本北海道嘅雪節同美食☃️🤤不如同小朋友一齊享用直送來自日本北海道海產的非「帆」美味，真系好鮮甜美味架😍🌟全新「帆立貝吉邊定食」選用日本北海道直送的優質帆立貝，又鮮甜又夠厚肉!🌟2款招牌日式濃湯或清湯湯底，仲有極尚鮮味火鍋配料拼盤🌟邊爐定食配上經特別切片優質穀飼肥牛，煮都唔會韌～或者可以試下嫩滑雞肉🌟海鮮滋味陣陣暖意同渡秋冬🌟堂食「吉邊」只係$49起如果想在家享受，香港吉野家與外賣速遞平台聯乘，推出外送「帆立貝火鍋二人前」,售價$198😋

呢間餐廳相對價錢低，以前係好鍾意買佢嘅學生餐，因為好值，又有啫喱送，份量又夠。無可置疑佢係靠整牛肉飯起家嘅，所以最擅長都係整和式牛肉飯。佢啲煮熟晒嘅洋蔥好甜好香好好食！牛肉啱啱好，唔會韌，同埋好鍾意可以要求多汁呢個選擇。而啲汁唔係溝稀咗嗰啲，真係仲有牛肉味。呢個價錢都仲用緊珍珠米去保持白飯嘅口感，係欣賞嘅。至於野菜雞肉飯，啲汁比較稠比較少。雞肉都寥寥可數。而啲蔬菜越來越少，以前會有幾舊西蘭花，幾篇紅蘿蔔，而家得返幾粒粟米🌽⋯無言。不過一路以嚟最鍾意其實係蟹籽三文魚飯，有啲軟綿綿嘅熟三文魚之餘，仲有脆卜卜嘅蟹籽加Wasabi😭可惜已經無咗⋯

上網見到有廣告介紹，吉野家4間限定店做半放題，我見$88咁抵食就約太太一齊去試，初頭諗住啲快餐店服務態度一定麻麻，估唔到我有好多問題啲職員都好有耐性咁解答我，個價錢就係88蚊，無加一，但如果無限食牛，雞就加多$25,因為我地都想試下先所以冇加，外邊有腸仔，芝士腸，芝士竹論及幾款丸及菜類，其實都幾抵食，仲有可以無限任飲咖啡奶茶，汽水等等...其實之前你叫一個鍋都要60蚊左右，但是宜家只是加多10幾蚊就可以任食丸，所以我覺得性價比好高，值得再來

我對日式打邊爐有情意結❤️🧡💛見到吉野家出咗蕃茄麻辣鍋已經好想試～日式邊爐 x 港式麻辣 會係咩味呢?今日就出咗荃灣💪🏻💪🏻💪🏻💪🏻諗住多啲人可以一鍋辣一鍋唔辣就吓個囡🤣點知‼️原來呢個蕃茄麻辣湯底🍅🌶️本身喺蕃茄湯底，麻辣醬喺分開另上嘅，預比大家自行調出屬於自己嘅辣度👯‍♀️👯‍♂️我哋揀咗先滾晒個囡嘅野食🍜🥬🐥再將湯底搖身一變成為「辣蕃茄湯底」!吉野家選用嘅本地自家秘製辣醬🌶️食落唔止辣，仲好香好惹味～有少少似沙嗲醬嘅香，加咗落蕃茄湯底，多咗種甜甜酸酸充斥個口腔，刺激又好開胃🥳本身邊爐入面已經有4件雞肉，梗喺配穀飼肥牛跟餐🐂吉野家啲肥牛點滾都唔會老架🤩可能因為佢哋嘅切法唔同其他地方，特別好咬口😎日式一人鍋配穀飼肥牛，再配皇牌必選嘅年糕福袋🛍️呢個配搭無得輸呀😍😍😍😍荃灣店裝修幾靚，枱與枱之間都好闊落，一家人來食都好舒服~#吉野家 #辣 #吉邊定食 #邊爐#日式火鍋 #日本邊 #本地辣#夜晚仲有火鍋放題88蚊 #下次再試

晚上見到有$88元半放題。如再加任食牛同雞肉就加$25元。交飛座低後，姐姐等一陣就很快就將第一盆材料同飲品送上來。追加 牛肉,雞肉同飲品就拿飛去發餐位度問拒拿即有。不用等，可以爭取到 較快時間用餐。以快餐價錢來食半放題。算係性價比高了。一班波友或朋友仔肚餓 就最合適不過。

今日晚餐忽然想打下邊爐烚下烚下🍲但又趕唔切去街市買靚食材🥩經過吉野家見到今期推出🆕限定蕃茄麻辣湯底🌶而且仲可以外賣返家慢慢嘆😌所以我決定今晚食硬佢~~今期有日本邊crossover自家秘製本地麻辣🌶🔥平時日本邊配🐷鰹魚湯底就食得多估唔到蕃茄麻辣湯底 🍅都幾有新意每一份都會額外配一份麻辣醬可以俾你自由選擇辣度加入湯底調出最啱自己心水嘅辣度🌶🔥我就鐘意一半落湯一半當醬點黎食酸酸辣辣帶點麻香味道非常開胃🤩火鍋配料睇得出好新鮮，一份定食包括：芝士竹輪、白菜豬肉水餃、嫩滑雞肉及美味可口大人細路都愛嘅年糕福袋外層腐皮吸哂湯底精華仲包住煙煙韌韌嘅年糕😋係食日式火鍋不能缺少的配料之一🤩仲有打邊爐🍲又點少得食肥牛🥩呢~~定食選用優質穀飼肥牛，更經特別切法令肥牛點煮都唔會變老牛😂食落仲好鮮嫩滑口添❕大滿足❕而荃灣分店除咗有靚靚新裝修更設有自家製即食料理可售🛒買返幾盒返去加熱即食方便都好食部分更有日本直送✈️嘅小食及醬料添❕

平時吉野家日本邊嘅鰹魚湯底食得多，原來新推出嘅 #蕃茄湯底搭上地道麻辣 變成 #辣蕃茄湯底 都唔錯！😎#sohappy💚係，我無講錯💥 係麻辣🌶️+ 蕃茄濃湯🍅#蕃茄湯底濃郁，食到有粒粒蕃茄蓉，唔錯唔錯～#麻辣醬分開上，自己加，方便調出最啱心水嘅辣度，唔怕太辣食唔到 ，適合所有人🌷酸酸地辣辣地，炎炎夏日好開胃😋☀️火鍋配料可以揀🐥嫩滑雞肉同埋穀飼肥牛 🥓 優質穀飼肥牛經特別切片，所以點煮都唔韌～～係邊爐最佳「伴侶」!火鍋仲有人氣配料🍢年糕福袋🍥芝士竹輪🥟餃子🥬蔬菜配料算係豐富！索哂Ｄ湯汁好好食👍🏼🥢個餐仲有飯/麵/烏冬/粉絲揀 仲包飲品添 食完非常飽飽😘最後我哋連啲蕃茄麻辣湯都飲哂😋2個人 一共係170蚊有找！火鍋唔堂食，都有得外賣，最平 $48起有交易!食到咁豐富而且湯底特別嘅火鍋是划算了 #sohappy🌶️🍅荃灣呢間6點打後仲有火鍋放題添！大家都去試下啦～