吉野家 (葵涌廣場)

營業中

休息中

- 吉野家下午茶就食得多，因為真係好抵食。晚餐多數都係食佢嘅火鍋。今日晚餐就試下個野菜雞扒配東坡肉雙併飯，加錢跟一碗麵豉湯和泡菜，飲百事可樂，盛惠$60.5。-雞扒皮煎到脆脆的，雞肉厚厚的，都算係嫩滑，配上燒汁，很惹味，野菜是沒有什麼味道的。東坡肉第一次食，肉夠淋，甜甜鹹鹹的，份量都很多，送飯真係一流，但略嫌汁太多。珍珠米不用多講正，餸的份量比飯還多。-泡菜一般，感覺不是太新鮮。而麵豉湯飲到底好鹹。

今次去到葵涌廣場既吉野家，由於朝早無食早餐，中午又無時間食，終於等到下午茶。去買嗰時好好彩，無人排緊隊，就即刻買左野菜煎雞飯，盛惠26蚊。服務基本上無問題，但如果收銀可以笑容多番少少會更好，比番啲親和感客人。比較不爽既係，我叫一個飯，後面嗰位客人叫左兩個飯，但竟然係出左佢個飯先。雖然最後都係等左5分鐘左右就拎到個飯。今次個野菜煎雞飯望落明顯比上次喺另一間分店食既好，至少塊雞皮無煎焦左既感覺，不過塊雞皮都係唔知點解極鹹，都係要自己去哂啲雞皮先食得到。而野菜水準都係唔錯，係食落嗰feel似鑵頭野菜咁，同埋有種人工甜味既感覺。白飯就一直都係十分perfect 既米。坐喺窗口位嗰種感覺都係十分好，望住商場熙來攘往既情景，而自己一個人喺吉野家入面靜靜地享受午後既歡愉，俾個break 自己，之後再繼續忙碌!

就算炎炎夏季，都會好想打邊爐，如果想hea hea地平平地食個好味邊爐，一定會食吉邊。嗌左我最中意的芝士竹輪鍋，真心好正。今次嗌左濃湯加烏冬同汽水。我個人比較中意濃湯，因為濃湯個味落埋牛肉真系一流，好香好好味。佢d菜，菇呢d配料的配搭都好好。個份量都啱啱好，你食完都幾飽。我比較無甘中意新式用電子爐黎煲熱佢，新式個d，連個烏冬都系成餅包住甘比你，仲要系結住冰，所以唔中意。呢間仲有呢種舊式的，系過癮的。

吉野家火鍋又出左新口味，賣相愈出愈吸引。蕃茄湯底配海蜆既一人火鍋可以話係無得輸、想頹頹地又好豐富咁食個晚餐 一定要簡吉野家個人覺得雞肉好食過牛肉，因為試過幾次牛肉都幾肥，好多脂肪，唔算太新鮮，反而雞肉就一直保持水準另外海蜆份量岩岩好仲有蟹柳，粟米都幾新鮮蕃茄湯底勝在夠濃味，比起其他連鎖快餐，個人覺得吉野家今次新推出的確不錯，夏天打邊爐都係唔錯既選擇同埋葵芳呢間吉野家夠大間，同三五個朋友吹水打邊爐都幾正架

黎到葵芳呢個美食天堂 我竟然揀左食吉野家 原因係因為有得坐 一般小食檔只可立食😞 今次揀左個類似早餐既下午茶 餐腸麵配包 加杯抺茶紅豆 成個餐都抵食 個包配楓醬 好有驚喜 可以再試

有時候，下班後不知道吃什麼好，一個人就隨隨便便吃個米線、車仔麵。但是，吃得多也會覺得悶，於是，我和男朋友除了吃米線和車仔麵外，還喜歡到吉野家食個火鍋，兩個人食飯始終不想咁快食完，食火鍋就可以慢慢食。吉野家嘅火鍋我就由細食到大，一直都好鍾意佢嘅清湯底，然後加少少濃湯，咁樣我就覺得唔會太濃又唔可以太淡我哋鍾意兩個人食同一個鍋然後加幾個唔同嘅餸同埋叫多一個飯，呢一期有個長蟹棒嘅火鍋，有啲青口。之前都食過，覺得幾抵食，因為條蟹棒真係好長👍將濃湯溝埋落去淡湯到，再加小小七味粉同辣椒，就會好香架啦然後order多一份牛肉，份量其實唔算少，不過略嫌牛肉唔係好新鮮，但係咁平嘅價錢來講，真係好唔錯架啦！就咁樣食其實已經好飽，其實係食唔晒......收工嚟到8:00 ,食完九點幾，行一陣街返屋企就消化完啦😁😁

同好耐無見既朋友見面 唔知食咩好就揀左吉野家價錢平 只係$67一鍋 食夠$120仲有得免費加大汽水 兩人一齊食既話係幾抵 但係就有少少地方唔係幾滿意晚餐時間去所以排隊耐要等位就一早預左但係除左我份牛肉好似擺左係室溫好耐咁之外 佢地仲比少左一份肥牛出去counter追 佢地又話冇貨 話遲啲比 但等到食完走個陣都未見過份肥牛既出現但整體黎講 味道係唔差既 尤其係濃湯湯底 真係好正 啲菜吸哂啲濃湯真係好好味 另外個份量都夠 就算我朋友少左份肥牛佢都夠飽 唯一美中不足就真係甩左份牛

收工推遲，又要午休時間交好文件，想好好吃餐下午飯嗰時間都好難⋯⋯有段時間工作餐無來食過吉野家的牛肉飯，有排時間無吃！今日經過，諗唔到食咩也有排沒吃都幾想吃番個牛肉飯，特上牛肉飯加杯汽水一個套餐，都算係咁填飽個肚最後來杯凍飲牛肉飯份量0k汁味伴飯好下飯。牛肉唔會太嚡、唔會有時吃到一半就覺得味寡單調。不過可以太耐無吃收工又太餓覺得這次特別入味，有試過一個禮拜都係食牛肉飯直情覺得食到想毆覺得牛肉味好燥難頂都有試過！到餓的時候，吃咩都係大口香噴噴

因為實在有太長時間冇食過吉野家啦, 突然好掛住佢D牛肉, 所以今日同朋友放左學,係葵芳行完街之後就去左吉野家食牛肉麵啦~ 朋友叫左個照燒雞扒麵,而我就叫左最多人會食既牛肉麵, 雖然吉野家唔算係特別好食, 但係佢個牛肉飯同埋佢D牛肉汁都算係佢先有既特色, 係其他快餐店都食唔到,而佢D牛肉汁同埋D牛肉同用珍珠米煮既飯個味道都真係夾得好好,所以如果大家好耐冇食吉野家,就要快D黎食番一次啦~下次一於食埋佢夜晚既打邊爐先!

又到左打邊爐既季節, 咁啱係葵芳行開街就去左葵涌廣場間吉野家打邊爐~一去到就見到成2-30人排緊隊點餐, 好誇張我今次叫左芝士竹輪火煱, 日式濃湯湯底,再加左個響鈴, 佢既邊爐依然Keep 到水準, 分量又剛剛好夠一個人食, 低讚!!! 佢既響鈴不過不失啦,冇出面食開的咁脆, 但係係呢度食.呢個水準我都預左既

打風天落雨，唯有近近地食個早餐。貪佢唔使點排隊嘛。呢個細牛飯加隻蛋都幾好食架。價錢同食下午茶差不多，但落雨天有啲熱飯到肚，即刻精神返晒。其實佢個温泉蛋整得唔錯架，配個甜甜地豉油朝早食又唔會太膩。而佢個牛飯，一定要多牛汁同七味粉先至好食，次次係吉野家食都一定要咁食。配埋杯熱奶茶，飽晒。

每次經過葵涌廣場，我總是看到一條長長的人龍，尤其是下午茶時間。我也加入這排隊熱潮，打算買 細牛肉飯 作下午茶。排了很～久，終於到我了。吉野家主打牛肉飯，不得不說它的牛肉真的好吃得沒話說。下午茶時段可以很便宜便買到的牛肉飯，顆顆細小的珍珠米粒搭配上嫩滑的牛肉，好食而且抵食。我對牛肉沒有什麼偏好，甚至不算太喜歡吃，唯獨是吉野家的牛肉是真的讓我再三回味。由於一碗牛肉飯並不算太夠汁，因此我總是會加多了一碗牛肉汁，把它澆上，珍珠米入口是濃濃的牛肉汁，有著幾分屬於牛肉的甜味，吃上一片牛肉，入口鮮嫩味濃。這個午後，充分的享受了美好的午飯時光。

下午茶最抵食 心水一定係吉野家！多位唔洗揾位，比起又平喎$21細野菜牛肉飯4點幾食都幾飽，大大碗野菜有超多，新鮮度就一般啦，但好林好甜不死硬，都幾有咬口，飯是軟綿綿的感覺充滿汁的珍珠米 ，圓look look，夠哂彈牙牛肉汁好味精feel 同埋鹹 ，無咩牛肉味 但幾好味，撈飯好夾 有點油膩，所以千祈唔好落太多

呢個火鍋入面嘅配料有青口, 珍寶蟹棒,冬菇,菜同埋一碟肥牛肥牛唔係好新鮮,顏色比較暗黑,而且偏肥,同埋份量比較少 嗰個烏冬都係平時下午茶嗰種烏冬啦 68蚊連埋嘢飲湯底叫咗味噌湯都幾濃郁, 但係覺得都係大x活好食啲Rating:6 /10

因為經過附近，所以黎左吉野家食午餐。我叫左個牛肉飯，多汁。牛肉飯入面既牛肉口感唔錯，唔會太硬。加埋牛肉汁食，十分滋味。我本身係一個鍾意撈汁食飯既人黎，所以叫左多汁。每啖飯都有牛肉汁，真係好滋味。