吉野家 (滙景廣場)

營業中

休息中

Discovered this new pork chop bun at Yoshinoya so decided to try it.It seems that no one has ordered it before as it was like a new task to them and it took about 20 minutes.The noodles were too soft.The pork chop was in a soft sweet bun, there were some onions and salad cream sauce so the taste was rather Hog Kong style but then pork chops buns are from HK!Worth trying but not my cup of tea.

三文魚沙律牛肉飯（$19）之前吉野家有個「丼紅星期一」每逢周一都有一款平飯到4月最後一個星期一，等草根都去吉野家食番個特價飯先🍚😋今日係三文魚沙律牛肉飯🐟🐂呢個飯平日冇嫁❗️食落又真係幾好味，雖然三文魚較少，不過味道都幾香，有一段時間冇食過吉野家，今日食番覺得真係好唔錯，牛肉夠軟又幾香，好食呀！今日仲要有優惠早市、茶市:$ 19中午同晚市$ 29 草根下午茶時間去，好多人排，但好彩排左一陣就有$19食個Tea真係好抵食😆!好彩把握左最後一個星期一去食炸💃🏻💃🏻

周圍都有火鍋打 間間都試過哂 但最令人上癮既都係吉野家既芝士竹輪鍋 好抵食 嘿嘿分量都好充足 有時兩個人食都可以 外加其他材料更滿足 次次點都係叫濃湯 好入味 好想帶d湯底番去加熱黎打邊爐 哈哈 湯底係最吸引人既地方食物無言係正既 否則唔會晚晚都排長龍 幾乎9成都係點火鍋的 加餸/食料方便 叫襯都會加娃娃菜同蟹棒 飲品方面 我戒左汽水一排 通常都會加錢轉特飲 好爽 平時都有荔枝得飲 但一定要少甜 因正常會超甜 但可惜今日特飲得奶茶咋 環境麻麻 開放式坐位 收銀位異常地臭 行過都要閉氣~衛生同空間問題有待改善

其實, 吉野家在香港不是什麼貴價食品, 很多人都食得起, 算是一間比較親民的食店!今次在吉野家叫了2個火鍋, 一個芝士竹輪鍋, 一個相撲鍋! 2個鍋的湯底都是濃湯!至於醬料, 用日本醬油加入七味粉, 牛肉先點此混醬, 然後再芝麻醬，味道一流! 其他食品雖然不是特別和名貴食材, 但由濃湯煮熟, 味道頗佳! 雖然我知飲火鍋湯不健康, 不過還是飲了不少來暖胃!在那寒冷的天氣下, 食過暖笠笠的美味火鍋，也是一個不錯的選擇!

如果吉野家打邊爐冇左個芝麻醬，會流失左幾多個好似我咁既客人？芝士竹輪鍋 ($57)雜丸界之王 芝士竹輪依然美好如昔，芝心唔會太杰太濃，淡淡芝士香加埋獅子奇外層既彈牙，3舊勉強夠食啦。肥牛、雜菜、烏冬係壽喜燒味既日式濃湯中翻滾後，全部狂點芝麻醬，好味~相撲鍋 ($68)自詡為相撲鍋仲以為好大份，其實係將上面3舊芝士竹輪摸左做幾舊雞肉、2條蟹籽棒同牛丸、芝心丸各一。除左芝心丸外，其餘食材味道不值一提。響鈴 ($7.5) 3塊寫明3塊，原來係一開二個種，十分搵笨。

一個人都可以打邊爐！最新出嘅吉野家火鍋！＄68就有一隻龍蝦，當然要加嚟食啦！其實＄68對佢嚟講係冇期望嘅！一見到隻龍蝦有驚喜！竟然咁大隻同有膏！係龍蝦湯底味冇乜特別，呢隻啱呢係食得有啲困難，首先嗰度好迫啦！有冇碟食喎！個碗又好細喎！龍蝦好大喎！結果完咗個煲過嚟食！龍蝦肉係彈嘅！啲都係好味嘅！我加左啲芝麻醬食！效果唔錯喎！不過就冇咗個芝士竹崙火鍋！我最鍾意食嗰個芝士竹崙！個龍蝦鉗呢佢都幾多肉！下次四個人來食咗張枱舒服啲！

又想食得飯，又唔太貴，又想食牛，必選～我自己一定要加多個牛肉汁外賣，因唔加我覺得唔夠味，好似食緊白飯咁，而且牛肉唔易咬，一啲都唔會要咬好耐！very good的牛餐之選！

好快就有得食，唔駛等好耐，服務質素唔錯，有好多位，不過同出面商場個走廊基本上冇嘢隔住，都好噪下，所以環境不是十分舒適。 同其它吉野家比，環境較差，人流較多，比較噪，等候食物及排隊購買食物時所需的時間較少。

這一款吉野家的早餐其實存在已久, 到今時今日才吃是因為我不大喜歡吃湯麵, 早餐尤甚, 因此每次去吉野家吃早餐都是吃飯。是日經過這家分店, 又想找些新嘢試下, 才吃這個。此鮮茄煎雞濃湯烏冬跟日本茶賣 $20.5, 比一般的早餐貴。賣相是幾得的, 不過湯底很稀像茄膏開水, 好在有頗多鮮蕃茄粒在內, 算是補足蕃茄味; 內有粟米、香腸一條和數件吉仔煎雞, 唯一可說的是沒有汁的煎雞質感也實在...比較富挑戰性。鳥冬份量不多, 吃完一刻雖然覺得飽, 過了不久卻又想著要找其他東西吃了!又, 我是堂食的那杯茶卻裝在紙杯裡給我, 不太環保啊。

我從來不在開飯寫任何一家連鎖快餐店的食評。一來是連鎖快餐店度度如一(當然也不是一定)，味道也永遠如一；二來是快餐店實在沒什麼好寫的，我也不會無聊地為那些快餐浪費我的相機壽命；三來是有人會看快餐店的食評嗎？又說，有人會因為快餐店的食評而影響到自己的決定嗎？去得，自然只是求快，不會對味道有什麼期望。難得好食的話，當是bonus. 不過有一家我食過不下五十次吧，仍是覺得相當出色，隨便寫寫。吉野家 是我在香港最愛的快餐店，多年內水準還是保持一貫，非常抵食。每每吉野家推出小火鍋或SHABU SHABU限定，我都會忠實地去約朋友去支持。不過我很怕去吉野家堂食的其中一個原因是實在很難找位，尤其推出火鍋時顧客的流動量會變慢，而顧客又比平時多。另一位朋友在我回港後兩三天便要離開，故我和香港的一眾好友在這天(我回港後的第二天兼他離開前夕)在這家吉野家食晚餐。一如以往花了點時間找位，尤其是我們一共八人！今次的限定是海鮮鍋，食材不多但價錢比過往幾年貴了不少，幸好味道還是我熟悉的，沒有退步。湯底清甜，材料整體來說還不錯，烏冬放入鍋裡滾一滾之後回復彈牙。服務仍是相當貼心，值得一讚。

我哋一家都冇乜胃口，所以就係附近食。呢度成日都滿座，我等咗一陣就有一張四人枱。我哋order兩份牛肉烏冬窩($47)十心形墨魚片(~$8)。牛肉和烏冬係另上的，窩底有菜，粟米，菇，南瓜，腐皮，日式年糕福袋芋絲和蟹柳，都幾豐富喎。腐皮吸咗啲湯味，很不錯。蟹柳都有點甜味，烏冬不算滑但都幾煙韌，味道不錯，牛肉唔韌，味道也ok，我喜歡食墨魚片，味道好又彈牙。快餐店也有這質素真是很不錯呢。

日日也為吃什麼早餐而煩惱 , M記又熱氣 , 快餐店又貴又唔飽 , 突然想起吉野家 , 細雞肉烏冬+綠茶只係$18 , 早餐的話這個份量剛剛好吃得飽 , 而且有我最喜愛的昆布 , 日式魚蛋 , 獅子狗 , 烏冬又夠滑, 這個價錢是抵吃吧!!不喜歡鳥冬另外還有牛肉飯 / 雞飯可以選擇 , 不過湯底偏咸 , 飲完有點口渴 , 飲杯綠茶中和一下!!

下午茶食乜好?平平地去快餐店食,,,又唔想成日去茶餐廳,,,吉野家下午茶唔錯...牛肉麵+細牛飯細牛飯+日本茶都係$15蚊!!!牛肉麵+日本茶$17.5!!!牛肉飯一啲都唔細碗架...對我黎講可以當個午餐添...15蚊都算係咁啦...但係就真係幾多人去食...等位耐左D!!!但係服務員好好人!!!係咁幫D客搵位...抵讚架!!!

太好啦，差食唔到下午茶呀。話說上堂之前，就落左黎呢度食下午茶。因為真係廿蚊都唔使，如果食晚餐又貴左小小。所以就食下午茶當晚餐啦。野菜煎雞飯我反而鍾意食煎雞飯多過牛肉飯，因為感覺上會飽肚同好食。個雞扒唔會太鞋，真係好味。而個飯就淋左小小，呢個就要扣分啦。不過，個照燒汁真係撈飯既良伴。個汁真係幾惹味，而且同個煎雞好夾。雖然個飯既份量比平時少，但食完都已經好飽啦。凍奶茶出乎意料地好飲，茶味同茶餐廳既一樣咁濃。飲落真係好舒服，唔會有澀口既感覺。而且都幾大杯，唔錯唔錯。只要有機會，實會再食佢地既下午茶。因為真係幾抵，而且份量都算相宜。

忽然很想吃鯖魚， 買了 $18 牛肉鳥冬餐，配日本茶，另加 $11 配鯖魚。 合共 $29。 牛肉：烏冬套餐的牛肉永遠只有兩三片左右，但牛肉汁算香濃，單單吃牛肉烏冬可能不夠飽。 烏冬：烏冬有昆布和魚片，一貫的清甜美味。 鯖魚：這裏出焦的鯖魚較淋，不及一般日式料理店的香脆。但外面動輒數十元一條，這裏只是加 $11，所以也不能有較多要求。鯖魚煮得很淋很入味，又有新鮮檸檬附上，可以提升整條魚的鮮味。 日本茶