同撈喜(發記)粉麵餐廳

營業中

休息中

咁啱出嚟搵嘢食見到一間新開既粉麵店。。 比佢招牌吸引住。。。。 之後就去裝下有咩食。。去到門口老闆就話‘’我哋啲米線係自家製㗎入嚟試下！仲係無咪精湯‘’ 我就比佢既自家製米線吸引住。。 所以就入左去試下。我同朋友就叫左 原汁牛腩米線 ，紫菜手撕雞米線，小食招牌手打豬扒原汁牛腩米線湯底有清湯、麻辣、酸辣我簡左 麻辣湯底 大辣一嚟到就畀佢嘅湯嘅香味同埋粗身卜卜既米線吸引住，好香嘅麻辣味。。 因為本身我係「X仔」食開特辣，所以就覺得大辣唔夠辣。🤣🤣🤣米線一入口，哇～我就愛上左。。 比起出面連鎖米線店舖既麵底優勝 粗身，有彈口，食得出手工。紫菜手撕雞米線 配清湯無味精湯吸收曬紫菜既精華新鮮手撕雞帶有少量骨健康之選招牌手打豬扒$48 / 3塊 抵食又大塊豬扒啖啖美極味一啲都唔黐牙。。 值得一試米線係食過最正既米線主打無味精湯底，自家製米線

住長沙灣而又係米線怪，見到有新舖即刻搵時間去試下，可能新舖，店員十分有禮貌👏🏻👏🏻今次叫左豬扒雲吞蘿蔔清湯米線，首先講米線，佢哋稱係自家製，一試的確好好食，係粗米線，好滑好正，米線怪表示好滿意，豬扒好味，白蘿蔔太淋了 ，普通，雲吞，我又要讚了，好好味，係細粒，無肥肉，基本上得蝦，呢隻雲吞我最愛😍我唔鍾意滿口肥肉嘅雲吞，不過有樣嘢要彈，係餸份量太小了豬扒得三份一塊加一舊骨位，雲吞得兩粒，如果多返一兩舊就完美，下次會試下佢啲麻辣湯底

以香港米線發源地來形容「長沙灣」絕不誇張，今日既上市公司亦是由此發跡。本區以米線作為招徠的商鋪數目高達十餘間，有連鎖大企，亦有小本經營。近日竟然又有新開食肆以豬扒米線作為招徠，本人作為平民食家而且於長沙灣土生土長，決定一試其出品。外賣包裝與其他米線外賣相差不大，回家沒有出現漏湯情況。今次點的麻辣湯底不錯，不算很辣，喝後沒有出現口渴跡象👍🏼米線配菜比起一般食店的芽菜、韮菜、腐皮等常見食材，此食店竟然用上炸花生和辣酸菜！❤️ 炸花生飽滿香脆，相較粥店皺紋瘦小來得新鮮。辣酸菜有點與水餃店的辣菜脯相似，香辣爽口，開胃小食，辣得過癮🤤至於米線方面，相比其他店舖常見的米線顯得略為粗一點，一開始以為是過熟或偏淋，但食落原來有驚喜，口感較為Q彈，不是平常的爽口或軟淋。配料選擇亦較為特別，是茶餐廳x潮州粉麵檔，🐮腩和🐮肚值得一讚，提供牛坑腩，不會像「南X」的柴皮鞋口，有少許肥膏和滷得入味😋。而牛肚更同時提供了草肚和金錢肚，份量不少且炆得入味和淋，容易咬斷。手打牛丸睇圖都知用料好，比起「譚X」大粒好多，爽口彈牙，不過牛肉就正正常常。另一碗則點了豬扒水餃時菜，水餃一般水平。不過，炸🐽排再次驚艷到本人，能做到外

估唔到，新開小店有驚喜，叫咗個豬扒竹昇麵走葱，真係估唔到佢塊豬扒咁新鮮，真正新鮮炸起，熱辣辣！好耐都無食過咁新鮮鬆化嘅豬扒，唔似其他店死實實！可配麵、米線、河粉、公仔麵，轉薯粉仲唔駛加錢。一時落單太心急，無加雲吞，原來餐牌後面仲有好似車仔麵嘅自選粉麵。除咗湯粉麵，仲有自家製無味精燉湯飯套餐、鴨腿湯飯，可惜今日食咗下午茶，實在無空間試佢個燉湯，見隔離枱食好正咁，下次一定要試下！值得一提，冷熱飲品同價，$46真係好抵。最難得凍檸茶係用匙，好多店轉咗木棒，真係好難篤呀！

酸辣湯底，好油好油，味道一般。牛腩味道一般，份量小。豬扒味道一般，份量ok。豬腸ok。面彈牙，份量足，幾好吃。上菜速度都快侍應有禮貌環境不錯，足夠冷氣。。。。。

回家路過新開小店，有我最鍾意食嘅米線，就入去試下，真心正想推薦比街坊。畢竟我都想長食長有，多啲啱口味嘅舖頭可以成日食叫咗豬扒雲吞米線，豬扒juicy 入味，雲吞係充滿大地魚香味，功夫唔少。米線係粗嘅，又彈牙。麻辣醬都非常出色，唔可以錯過。餸菜仲有好多其他選擇，今次一修條友試唔晒，人多叫多幾樣餸試下，再出食評先！當日仲試咗炸魚皮，上枱時翻炸過，好熱，好脆，好邪惡小店都有港式早餐，同湯飯餐供應，不同時段嚟都可以有唔同選擇，朝早嚟買個早餐先返工，或者放工嚟買個燉湯返去都唔錯喎