名人館

營業中

休息中

最近朋友介紹，這間酒店餐廳性價比很高，碰巧今天於觀塘上班，下班就約朋友一起來試吓啦。首先是鮑魚雞煲，這道菜以鮮美的鮑魚和嫩滑的雞肉為主要材料，經過長時間燉煮後，鮑魚的鮮甜和雞肉的嫩滑完全融合，湯汁濃郁而香甜。鮑魚被稱為海味之冠，口感細膩，富含蛋白質和多種營養成分，對身體有很大的滋補作用。而雞肉則選用優質的雞肉，經過燉煮後，肉質依然保持鮮嫩，湯汁吸收了鮑魚和雞肉的精華，讓人每喝一口都能感受到濃濃的鮮味。這道菜不僅是味覺的享受，更是一道營養豐富的滋補佳品，適合宴請賓客和家庭聚餐。接著是黑椒牛柳粒，這道菜選用上等的牛柳，經過精心的調味和大火快炒，牛柳粒口感鮮嫩多汁，黑椒醬的濃郁香氣將牛肉的鮮美提升到了一個新的層次。黑椒的微辣口感和牛柳的嫩滑形成完美的搭配，每一口都能感受到層次豐富的味道。這道菜色香味俱全，是一道非常出色的主菜，適合喜歡重口味的食客。潮州滷水鵝片，嫩滑的豆腐搭配鮮美的鵝片，形成了完美的口感。豆腐吸收了鵝片的鮮香，口感更加豐富。鵝片經過細緻的處理，既保持了肉質的鮮嫩，又不會過於油膩。這道菜的創新之處在於將傳統的豆腐與高級的鵝片結合在一起，既保留了豆腐的清淡，又增加了鵝片的鮮美，是

老公鍾意食中菜，平日收工喺屋企附近搵間好食，環境又好嘅中菜，呢間係我哋一直嘅心水。一去到餐廳，侍應已經好有禮貌咁打招呼。一杯普洱茶已經很驚喜，很香醇！充滿色水！我哋叫咗個休閒二人餐，因為計過最抵食🤣抵食過散叫。香蒜竹炭豆腐賣相好吸引，豆腐外脆內軟，配上炸蒜及杏仁，充滿層次。冰鎮鮑魚兩隻，拼鴨舌四條。鮑魚鮮甜有酒香，容易切開，口感剛剛好。鴨舌非常惹味，口感彈牙👍🏻👍🏻原來有海蜇，充滿麻油香嚟到呢度，一定要食鵝肉！一嚟到，冇諗過份量咁多😬份量好抵食！其實夠三四個人食🤣滷水味道清香，鹹甜適中，肉質嫩滑。雙拼我們選了鵝翼，非常滋味！套餐亦包了兩款燉湯1）杏汁白肺燉湯2)姬松茸螺頭燉竹絲雞燉湯非常足料！充滿火喉。味道很鮮甜，是滋補之選米湯杞子浸菜苗米湯及杞子鮮甜，菜苗幼嫩，二人餐來說份量未免太多😬炒麵賣相好靚，銀芽同麵條炒得均勻，充滿蝦仁及香蔥！味道豐富帶微辣，為味蕾提供一大享受餐廳很有心思，有每日推介菜式！最後我哋兩個都食唔晒，要打包拎走😆總括而言，餐廳環境舒服，食材選料上乘，菜式味道令人印象深刻，拍得上米芝蓮！我們絕對會再次光顧！

放工之後和朋友一起到觀塘帝盛 酒店..... 名人館 ...潮州酒樓 ， 這裏地方闊落舒適 ， 裝修雅緻， 絕對是朋友和家人相聚的好地方 ，我們坐下來吃了一頓美味晚餐 ， 這間餐廳食材新鮮，烹調味美， 而且有各式 各樣 菜式任君選擇 ，價錢合理，誠意推薦畀大家。拔絲咕嚕肉...138元首先賣相非常漂亮， 酸甜鮮味撲鼻而來， 肉質 新鮮嫩滑 ， 外皮鬆化脆卜卜 ，內裏肉質鬆軟非常之有咬口， 酸甜味 調製得 恰到好處， 再加上秘製醬汁， 真是 好味道， 令人 吃不停口👍👍😋😋😋名人炒飯...138元首先炒飯夠乾身， 用上頂絲苗米一粒一粒非常之爽口， 材料好豐富， 有鮮蝦， 蔬菜粒， 雞蛋， 豆類， 鹹肉， 材料新鮮， 仲有特製香料， 一口一口的 口中咀嚼， 非常美味， 真是惹味又開胃👍👍😋鹵水鵝片.....288元吃潮州菜必定叫鹵水鵝片, 鵝肉新鮮,皮爽肉滑 ,鹵水汁香噴噴，餸飯一流， 而且份量足夠，仲有鹵水豆腐伴碟， 好好味道杏汁白肺燉湯.......88元首先賣相非常特別，紫沙茶壺內载著的是燉湯，火喉足夠， 奶白色嘅燉湯， 香噴噴嘅杏仁 加上豐富材料，好好味，有豬肺，杏仁，雞腳 ，瘦肉

觀塘區想食有質素嘅中菜或者潮州菜，可以黎呢間酒店中菜餐廳試試，裝修得好高雅，非常適合一大班朋友或者親戚朋友嚟聚餐！💫休閒二人套餐💫- 香蒜竹炭豆腐 二件- 冰鎮鮑魚2隻拼海蜇醉香鴨舌4條- （雙拼）滷水鵝肉（鹵水鵝翼）- 杏汁白肺燉湯- 杞子米湯浸菜苗- 招牌撈麵辣二人套餐$688份量真係唔少，三個人都絕對夠晒食！先嚟兩款前菜，竹炭豆腐又脆又嫩滑，口感豐富！冷盤嘅鮑魚鴨舌同埋海蜇，充滿酒香，令人回味無窮！杏汁燉豬肺湯真係超級正！湯料好豐富又清甜，杏仁香氣濃郁，豬肺炆到好軟腍，仲有雞腳同埋螺片一齊煲，飲完成個人暖笠笠！潮州菜之中最鍾意食滷水鵝肉，滷水鵝肉拼鵝翼，仲有滷水滑豆腐墊底，滷水汁唔會太鹹濃度剛剛好，呢盤滷水拼盤已經值回票價！個撈麵都好出色，麵條爽口加上海量的櫻花蝦，令平凡的撈麵口感更豐富！注重健康又點少得米湯杞子浸時蔬，蔬菜鮮嫩鮮甜，可以中和一下肉類嘅油膩感，真不錯！

媽咪鍾意食中菜，我成日都會帶佢黎觀塘酒店既中菜餐廳食晚飯，坐得舒服而且服務又好，見到有個休閒二人餐就啱晒我地.✨休閒二人套餐✨ $688香蒜竹炭豆腐 賣相已經好靚！黑磚豆腐真係好脆，入口保留住豆腐好滑的口感，真係外脆內軟。冰鎮鮑魚拼海蜇醉香鴨舌鮑魚好大隻，充滿酒香，口感好爽彈！仲配埋鴨舌和海蜇，入味好食，呢個前菜一流！滷水鵝肉雙拼呢度潮州菜好出色，一定要試試！份量十足好抵食！雙拼有好多款式選擇，我就揀咗我最鍾意食嘅鵝翼。鵝肉鵝翼肉質嫩滑，夠晒入味！姬松茸螺頭燉竹絲雞 / 杏汁白肺燉湯兩款燉湯好難選擇，所以兩款都要試晒！燉湯非常足料，味道很鮮甜，絕對係秋冬滋補之選！招牌撈麵炒麵賣相都好靚，面層有好多櫻花蝦，麵條爽口彈牙，味道帶微辣好惹味！杞子米湯浸菜苗白菜仔好新鮮，用米湯烹調，更能突出鮮甜味道

觀塘帝盛酒店嘅名人館，係一家主打手工潮州菜嘅中菜廳！設獨立房間，一家大細嚟食飯就啱晒！閒日晚市都爆場，人氣旺盛！休閒二人套餐 $688竹炭脆豆腐豆腐炸到外脆內軟，同時充滿蒜香！冰鎮南非鮑魚｜海蜇｜醉香鴨舌南非鮑魚大大隻富彈性！海蜇爽口開胃！鴨舌酒香怡人！姫松茸燉雞湯燉湯滋潤美味，而且香氣四溢！以功夫茶壺上，勁保溫！滷水鵝肉｜滋味雞名人館嘅招牌滷水鵝，充滿光澤，軟淋可口，滷水汁甘香美味！滋味雞同樣高水準，滑嫩入味！米湯杞子浸時蔬是日時蔬係豆苗，同米湯好夾，杞子甜美！招牌撈麵麵質爽彈，成個麵都係蝦嘅鹹香，加上有少少辣，好惹味！茶水 $15/位｜餐前小食 $18

約咗同事去觀塘食晚飯，由於有啲感冒又唔想食太熱氣嘢。就搵附近有咩中餐食。誤打誤撞嚟咗呢間，食潮州嘢。 諗唔到叫咩食，佢有個二人餐，就試吓。頭盤炭色豆腐，口感都幾得意。佢個皮脆脆地入邊啲豆腐都幾嫩口。凍鮑魚海蜇，個鮑魚都腍厚身。不過個味道比較淡口啲。 ，海蜇就爽口，同埋粗身。杏汁豬肺湯，佢用過小茶壺裝住啲湯。有儀式感😂。湯料都幾重，但湯份量比較少。呢個撈麵好似平平無奇，但出奇地有驚喜。認真好爽彈口。佢上面耍曬好多櫻花蝦，配埋啲面一齊食口感特別。

呢間前身係阿鴻小吃🥢嘅名人館，絕對可以講得上係🚇觀塘區嘅名人飯堂，入面裝修得好🥰高貴典雅，有好多中式元素，啲細節位處理得👍非常仔細，感覺好似置身豪宅餐廳咁。呢度嘅🇨🇳潮州菜質素十分之高，佢哋嘅🤩休閒二人餐只係$688，真係超抵食💰呀！呢個杏汁燉豬肺湯🥣真係一絕！杏仁香氣濃郁，🐖豬肺炆到好軟腍，湯底極之清甜，入面仲有🐓雞腳同埋螺片，飲完真係好滋潤🤤。竹炭脆豆腐係呢度嘅😍名物，豆腐外脆內嫩👏，竹炭外殼超脆令成個豆腐更有層次😋！個餐原本係包🧊冰鎮南非鮑魚，不過咁啱今晚賣曬😅，佢哋就轉咗椒鹽鮑魚，椒鹽好惹味🤩而且上面仲有唔少黑松露醬🍄，鮑魚漬過鹹香鮮味並重，而且咬落超級軟腍🥰，真係十分之好味！海蜇🪼拼醉香鴨舌入面啲海蜇好爽脆，🦆鴨舌醉香撲鼻，兩者配埋一齊食，🤤非常之開胃。滷水鵝肉拼滋味雞🐓份量十足超乎我想像，🪿鵝肉大大片滷得好入味，雞肉嫩滑又滋味，👍最正係個滷水汁有少少藥材味而且唔會太鹹味道好有層次👏，成盤啖啖肉好滿足！招牌🏅撈麵上面有唔少櫻花蝦🦐，麵條爽口彈牙，調味得啱啱好，🥢真係一試難忘。米湯杞子浸時蔬🥬都幾有特色，米湯好清香☺️，杞子增添咗啲自然嘅甜味，😍蔬菜鮮嫩，係非常健康嘅一碟餸。

觀塘酒店一間潮州菜真係好值得追捧，前身 #阿鴻小吃 ，由我細細個係和富道已經開始覺得好食既潮州菜，換左手之後依加改左名叫名人館，食物質素依然保留高水準。兩個人廢時諗食咩就直接叫 #休閒二人餐 $688 ，冇諗過份量超滿足，兩個男人去食都食唔哂，套餐好適合3-4人食！#竹炭脆豆腐算係特別招牌小食，黑色香脆外皮包著內嫩豆腐，每一口都感受到脆同嫩交融！#椒鹽鮑魚重重黑松露鋪滿炸香鮑魚，鮑魚還要非常之易咬，啖啖爽勁。#海蜇拼醉香鴨舌非常開胃冷盤前菜，尤其是海蜇淡淡爽口帶彈性，再加上料理酒既香溢浸滿鴨舌，好吃非常！#杏汁燉豬肺湯 不得不讚嘆呢間餐廳嘅老火湯，非常之濃鬱鮮甜，鮮白色嘅豬肺湯帶滿滿的杏仁味，湯料雞腳、豬肺都仍然保留材料應有味道，推薦！#滷水鵝肉 拼滋味雞意想唔到非常之大份，尤其是我哋雙拼選擇咗滋味雞（即白切雞但浸在香濃滷水汁），最低層仲有鹵水豆腐，最主要滷水滷得入味而且雞肉鵝肉都易咬口，優秀！#杞子米湯浸菜苗一大碟菜以杞子湯浸滿，淡淡香味令菜不單調。#招牌撈麵撈麵麵質非常之乾身及彈牙，再配上一啲秘製香料，撈起嚟都份外好吃！總括而言，呢間餐廳絕對唔會令人失望，尤其是滷水、湯品真的非常推

今日我去咗一間新開嘅食店，試咗幾樣菜式，真係令人驚喜。金絲煎蠔餅外脆內嫩，餅皮金黃香脆，咬一口就能感受到鮮甜嘅蠔肉。每一口都好滿足，配上少少魚露，味道更加惹名人炒飯小辣呢碗炒飯粒粒分明，香氣撲鼻，炒得恰到好處。雖然有少少辣味，但唔會過火，反而增加咗風味。配料新鮮，仲有蛋香名人老火湯 - 合掌瓜排骨湯湯底清甜，排骨煮得非常入味，肉質嫩滑，湯中嘅合掌瓜更添清新感，飲落去非常舒服，湯味道均衡，唔會過於油膩

同化妝師朋友到觀塘工廠區工作, 放工正好係晚飯時間, 所以就順便係附近搵食。最後去咗呢間主打潮州打冷中菜餐廳。餐廳環境闊落, 寧靜舒服, 岩哂同朋友邊食邊閒聊。我地點咗好幾款潮州菜必點嘅菜式:【金絲煎蠔餅】HK$138蠔餅口感非常酥脆, 蠔仔份量多, 每啖入口都食到蠔肉, 鮮香味濃, 食得滿足。【豉油王鵝腸】HK$148鵝腸煮得入味, 鹹甜剛剛好, 口感爽滑, 還有些少芽菜墊底。【蒜蓉龍躉荷葉籠仔蒸飯】HK$208賣相既有份量又吸引, 荷葉上嘅蒸飯加入了蔥蒜、蛋, 輕輕炒過, 粒粒分明, 面層佈滿了龍躉肉, 以些少蒜蓉點驟調味提鮮, 龍躉皮爽肉厚, 整體性價比高。 【清心綠豆爽】HK$28/位綠豆爽熱食暖胃, 綠豆好林, 清心丸帶微微煙靭, 有些少爽脆馬蹄, 整體層次豐富, 味道偏淡, 感覺滋喉。

女女考完試，爸爸帶我哋去食晚飯慶祝下，我哋去完觀塘買小提琴，由係附近揾好嘢食。老公話記得之前同事生日去過觀塘帝盛酒店一樓名人館食飯，食物不錯又坐得舒適。坐低無耐，就有兩位招呼週到嘅待應推介小菜比我哋，由於我女好鍾意食咕嚕肉，就試下個冰鎮咕嚕肉啦，估唔到呢道小菜看似普通，但呢度嘅冰鎮咕嚕肉竟然一反傳統，唔只有菠蘿做搭配，仲有藍莓，士多啤梨，哈密瓜等，又酸又甜好好味。而爸爸就叫左個三葱爆汁牛小排，呢味真係無得頂，牛小排鮮嫩多汁，味道夠濃，加上有少少麻辣味，十分開胃🤤而我，當然要清清地叫左個上湯杞子浸菜芯，杞子好靚好大粒，菜芯又嫩綠又靚，仲好甜😍要值得一讚嘅係佢哋中菜廳嘅服務態度非常友善，對自己的食物好有要求，亦都會問客人攞意見，希望食物質素可以再好啲。計我話，食物質素已經好唔錯了，唯一缺點就係無分店🤣🤣希望呢種咁優質嘅中菜館可以開多幾間分店，我哋啲食家又有多啲選擇😉😉😉

呢一間位於觀塘嘅中餐館見網上好多人讚，所以今日夜晚就嚟試下啦🥳杏汁白肺燉湯 $88呢一個湯嘅上菜方式好特別🤩，係用茶壺同杯，佢地叫功夫湯，可以斟落隻杯度飲好有趣🤣。而湯好補身，杏仁味道好香濃，湯渣嘅豬肺都好好食😍拔絲咕嚕肉 $138要讚份量好夠多💯，而咕嚕肉外皮香脆而肉質依然保持爽口，口感一流。另外用左新鮮菠蘿好甜😝金湯竹笙浸時蔬（莧菜） $148湯底金黃透亮🌟，竹笙滑口，莧菜鮮嫩。食落無油膩感，十分開胃😎

名人館一間係酒店內的正宗潮州菜,餐廳位於九龍官塘工業區鴻圖道84號觀塘帝盛酒店一樓,餐廳裝修以中式酒樓設計,豪華得來又時尚高雅,設有多間大小貴賓室,餐廳主打廣東潮州菜,以鹵水食物最出色,服務員多次加水和換碟,招呼態度殷勤熱誠,笑容可嘉。凍蟹凍蟹係潮州菜代表之一,今次雖然比較細隻,但有驚喜,蟹殼比較軟身,好容易拆蟹吾駛用牙力,配有薑絲紅醋,食落鮮甜無比。陳醋豬手凍食,豬手份量都不少,豬手經過陳醋醃製,酸酸地,食落爽口兼彈牙,越食越開胃。鹵水鵝掌翼餐廳招牌菜之一,廚師鹵得夠入味,有骨的鹵水掌翼好有肉味,又比較嫩滑,食到停吾到口。招牌撈麵招牌撈麵內有櫻花蝦,芽菜,X0酱,辣椒,香蔥,,廚師烹調有一手,煮到麵身彈牙兼爽口。杏汁白肺湯居然畀我發現呢度有杏汁白肺湯飲,即時落單,不負眾望,白肺湯好飲到不得了,有胡椒味,鮮甜熱飲暖胃。

餐廳位於官塘工業區帝盛酒店內，係放工約朋友聚腳一個好地方。杏汁白肺湯白肺湯不是很多地方可以飲到，有些食肆甚至要隔日order先品嚐得到，今天飲到杏汁白肺湯真難得。餐廳用功夫茶壺盛載白肺湯，很有特色，白肺湯有香濃胡椒味，色澤奶白色，配料有豬肺、瘦肉、雞腳、胡椒。熱飲鮮甜好暖胃。陳醋豬手廚師用陳醋醃製烹調豬手，有香茜作點綴，有蒜蓉粒，豬手彈牙爽口又帶有香蒜味。凍蟹廚師擺盤精美，有青瓜、車厘茄和蔬菜作伴碟。蟹殼比較軟身好容易食，配有紅醋和薑絲，點埋醋汁食可提升凍蟹的鮮味。招牌撈麵招牌撈麵份量都不少，材料有櫻花蝦、辣椒、芝麻、芽菜、X0酱和香葱。麵身食落爽口又彈牙，不膩，微鹹，微辣。鹵水鵝掌翼鹵水掌翼係潮州菜不可少，有青瓜和蔬菜作伴碟，配有潮州白醋，掌翼鹵得夠入味，骨連肉比較嫩滑，每口掌翼都有香濃鹵水味，食到齒頰留香。