影片
開飯介紹
主打韓國地道菜式烤肉和麵食，食材由韓國直送，其中人氣麵食包括味道濃郁的韓式炸醬麵、秘製牛肉鍋麵、雜錦炒粉絲及涼拌螺肉。
繼續閱讀
營業時間
今日營業
11:30 - 15:00
17:30 - 22:30
星期一至日
11:30 - 15:00
17:30 - 22:30
以上資料只供參考, 請與餐廳確認詳情
-
網上訂座服務暫停
相關文章
只要凡曾到過韓國自遊行的旅人，必然會認同韓國的烤肉質素佳且價錢不貴(除了素食者)。我不是太愛吃肉，但每次到韓國，必然會吃上兩餐或以上的烤肉，尤其喜愛韓國的豬腩肉，配上韓啤或燒酌，真是一流。正所謂物離鄉貴是理所當然，假如在香港具質素的韓國烤肉店用餐，要有心理準備接受昂貴的價格。自己已多年沒在香港吃韓燒了，直至一位在網絡認識的朋友介紹，上星期到了她推介的韓烤店，體驗後認為環境、食物和服務也不錯，而定價可說是中上的合理的水平，日後萬一韓烤癮發作，也有止癮的餐廳了！「名家」有兩家店，一在銅鑼灣、二在尖沙咀，兩家都設有海景座位，以先到先得方式來分配。那天訂了晚上七時尖沙咀店，幸運地仍可分配得到海景座，縱使不是面向會展的最佳方向。「名家」設有套餐，二人餐定位在HK$1000 左右，具備烤肉、蔬菜及主食等，要比我預算平宜。而我們最後選擇散叫，想不到點了三款肉類、一款蔬菜和芝麻葉，肚已被塞得滿滿，原先打算吃完烤肉，再叫熱湯主食，但最終飽得無法實現！侍應先端上六款自家制的韓式小菜，每一款也有水準。保持爽感、不太酸辛的泡菜是我最喜歡的，而大豆芽和沙律也不錯，只是菠菜略鹹。光是泡菜，我們也添了兩趟，大抵小菜也佔了不少胃部空間！是晚只來了酒精度較輕的 Mojito Soju HK$58，清爽宜人的口味，不會構成任何負擔！與其他食評分享一致，個人也認為「名家」的牛肋骨是必吃，當然晚上有專業工作人員代勞烤肉，效果更加理想！順便讚揚一下幫忙我們烤肉的那位女士，態度好，夠細心！我們選擇了名家精選美國大牛肋骨(醃) HK$ 288，首先醃味適中、不會太甜太濃，牛肋骨肉質嫩彈可口，叫人回味！餐牌備有韓國濟洲特級新鮮黑豚五花腩片HK$230，正好對上我大愛的口味。為了好好享受濟洲黑豚肉，特別要來芝麻葉 HK$48。將烤好的豚肉輕輕蘸上鹽巴，然後放在芝麻葉上，隨個人喜好加入蒜片、辣椒或醬汁同吃，風味極佳！上次在釜山沒吃上鰻魚，原來在香港也可以吃到韓國鰻魚 HK$228 (半份)。從鰻魚肉的厚度和魚身的寛度來推測，這條韓國鰻魚也算頗肥大！工作人員先將鰻魚沾上鰻魚醬汁，然後四面烤封，剪成條狀後再烤。過程中鰻魚會捲曲，亦需要為鰻魚補加醬汁，的確需要技巧和耐性。果然味道不錯，特別是鰻魚肉的扎實與彈牙，又沒有重重的油脂感，吃得舒暢！鮮雜菜拼盤 HK$120 包含大蔥、金菇、甜椒、南瓜、洋蔥、香菇、雞髀菇、翠肉瓜和紅蘿蔔。不專業的我們曾嘗試自行處理，結果不到一會，甜椒便被燒焦了。原來烤蔬菜是要用最小的火力、慢慢地烤，不得不讓工作人員來幫忙！感恩，真的超滿足！下次要預留空間給主食和泡菜煎餅等。
繼續閱讀
嚟緊聖誕節，如果唔想食西餐嘅話，大家都可以考慮食韓國菜，今次去咗名家韓國餐廳 @myung_ga_korean_restaurant 食佢哋嘅輕奢韓烤套餐😆 $988食到6款菜式，有燒肉🔥、海鮮🦐、湯鍋物🍲，超級豐富😍；呢度仲可以叫埋韓牛🐮食，配埋燒酒🧊，啱晒同屋企人朋友嚟慶祝聖誕🎅🏻 餐廳更推岀聖誕Set🎄，只要揀任何一個韓烤套餐，再like @myung_ga_korean_restaurant 社交平台，即送頂級韓牛肉眼(100g)及韓國清河燒酒(295ml)1支‼️.🔸輕奢韓烤套餐 $988🔸精選美國牛肋骨（醃）: 韓燒必有嘅燒美國牛肋骨，帶濃濃牛肉香味，肉質細嫩，肉帶點筋有咬口，醬油醃得好入味，燒得非常惹味～美國特級霜降牛肉: 霜降牛肉油花呈大理石紋理，口感帶肥嫩，肉汁鮮甜又juicy～鮮大蝦及帶子（各兩隻）: 大蝦同帶子都大大隻，兩款都非常新鮮，大蝦肉質爽彈，帶子嫩滑～辣味香蔥生菜盤（半份）: 將燒牛肉、辣味香蔥一齊食特別惹味，再用生菜包包住嚟食，解一解油膩感，餐廳亦準備日式和西式芥末、岩鹽比大家作調味，仲可以夾入生蒜、青辣椒，夠晒有韓國風味～香煎豚肉雜菜餃子（4件）: 餃子皮薄又煙韌，煎得香脆，豐富飽滿，裹有豚肉同雜菜，鮮甜又多汁～滑豆腐海鮮辣湯 （或可選人蔘雞湯半隻）: 天氣凍食返個海鮮辣湯最啱！湯底辣辣哋，好濃郁又鮮甜，帶點刺激，豆腐滑嫩，仲有蟹、蝦、帶子、八爪魚、蜆等，伴有生雞蛋，撈飯食一流～ 頂級韓牛肉眼(100g)韓國清河燒酒 頂級韓牛肉眼(200g) $538: 選用 1++9級最高級數嘅小母牛牛肉，韓牛肉呈粉紅色，肉質鮮嫩細膩，佈滿大理石花紋，入口溢岀油脂甘香，口感份外鬆軟～ North Gold Caviar @northgoldcaviar 魚子醬: 將魚子醬加上燒牛肉面上，魚子醬嘅鹹香為牛肉增添口感同豐富牛肉嘅層次～ 鵝肝: 鵝肝厚切，油脂豐富，入口即溶～
繼續閱讀
名家韓國餐廳位於iSquare 27樓，景觀開揚，可以對住海景食韓燒🥰 餐廳幾寬敞，坐得好舒服，而且唔會好大油煙🫶🏻 餐廳提供好多多種唔同嘅套餐，如果唔想諗食咩嘅話可以直接叫套餐😙今次我哋兩個人食，就揀咗套餐set A，臨近聖誕想食得好啲，有齊前菜、牛肋骨、海鮮、人蔘雞湯等等，再加咗少少肉，再加咗魚子醬同埋鵝肝🤪 🤩前菜有好多款，仲可以refill，我最鍾意蒜心，裡面撈咗蝦米仔，常見嘅芽菜同菠菜調味都非常出色🫶🏻 牛肉份量十足，好厚身，油脂均勻，肉味香濃，就咁點鹽食，或者生菜包住食都非常惹味🥰 牛肋骨非常大條，有手臂咁長😂 醃得好好，帶有少少甜味，而且唔會太鹹🫶🏻 配埋辣味葱一齊食，清新解膩😆 套餐包埋餃子同人參雞湯，食完飽到上心口🤣店員極力推介餐廳嘅特飲，藍莓梳打同蜜桃梳打，裡面有新鮮果肉，唔會太甜，非常清新，如果鍾意飲酒嘅，我個人非常之推介清河嘅氣泡燒酒🍶佢係米酒加白酒，飲落又好香嘅米味，又有好香嘅白葡萄味，非常之易入口，唔會辣喉嚨，第一次試呢種配搭，非常過癮🫶🏻Dinner Set A🔸精選美國牛肋骨🔸美國特級霜降牛肉🔸鮮大蝦及帶子🔸辣味香葱🔸生菜盤（半份）🔸香煎豚肉雜菜餃子🔸人蔘雞湯（半隻）📍#名家韓國餐廳 (尖沙咀)尖沙咀彌敦道63號iSQUARE國際廣場27樓2702號舖
繼續閱讀
好友一早留位同早到可以對起窗口位一向心儀炆牛骨但今日決定試烤牛肋肉😋加配咗韓冷麵 辣醬另上新鮮熱辣嘅牛肋肉配洋蔥鐵板上真係好香好好味牛烤得剛好軟淋洋蔥好鮮嫩好友分咗件烤鰻魚俾小編試超好味😋好肥美厚肉韓式冷麵麵質彈牙煙韌配上香梨好juicy 有片牛肉同雞蛋仲有青瓜絲冷麵個涼湯帶鹹酸好醒胃伴菜有6款麻油醃菠菜好香好好食Kimchi微辣新鮮蒜蓉豆芽好香口魚糕片好食配埋粟米茶好消膩整體好正服務好好坐得舒服
繼續閱讀
今日小編同朋友準備去睇尖沙咀燈飾，感受吓節日氣氛。同時都預早慶祝定聖誕節，費事到時要排隊等咁耐。同行朋友就推薦咗呢間韓燒餐廳 @myung_ga_korean_restaurant ，價錢嘅定位係中上級。但佢嘅食物、服務都對得住呢個價。而且環境好靚，雖然唔算好有節日氣氛，但佢哋座位見到非常之靚嘅維港景色，非常適合節日慶祝、約會等等嘅場合。韓式小菜 🥗超級多款韓式小菜有經典嘅泡菜芽菜，亦都有比較新式嘅西式沙律菜。食正餐之前食又得，配搭其他食物亦得，非常有誠意。【外加】清河氣泡燒酒 🍾氣泡燒酒飲落似遊戲嘅SHK，酒精味唔算好重，算易入口，少飲酒嘅朋友都可以試吓。（Like 或 Follow 社交平台，每枱即送韓國有氣清河燒酒/295ml）乙支)North Gold Caviar 🐟朋友建議節日嚟當然要食啲奢華啲嘅嘢，就加咗呢個魚子醬。魚子醬呈墨綠色味道，鹹香十足，但又唔會過鹹。小編覺得就咁食，或者加落唔同嘅食物度都都唔錯。鵝肝 🪿朋友仲加咗一舊嘅鵝肝，鵝肝一樣可以擺上火爐到燒。等佢自身嘅油分滲出嚟再煎香佢。佢嘅內臟味道唔算好重，油香十足。韓牛 100g 🇰🇷🐮油花非常之靚，好似雪花咁。燒香咗之後，油脂爆發之後會食到少少嘅肉味，肉質軟腍，非常好食。不過呢啲少食多滋味，100 gram小編覺得都啱啱好。【Set Menu A $988 】 精選美國牛肋骨 🐄🦴牛肋條本身捲埋一條打開之後超長超大條，燒到咁上下展開一塊塊，味道甜甜地，肉質軟腍腍。本身以為會好似平時食嘅牛仔骨咁，點知佢非常易咬。用嚟包生菜，意外地好食。·美國特級霜降牛肉 ❄️🐮相比起韓牛，佢嘅油花冇咁多，肥瘦比例適中。所以油香會比韓牛少，但佢係平均型，入口油香同肉香兼備。入口好軟腍，但唔係入口即溶嗰種。小編建議呢款牛肉可以用嚟包生菜，試吓唔同感覺。韓牛就就咁點鹽食。鮮大蝦及帶子 🍤🍤啲蝦好大隻，帶子亦都好肥美碟肉，用嚟燒可以食到海鮮嘅原味，想層次多啲，可以加埋頭先嗌嘅魚子醬，每人一隻蝦同一隻帶子剛剛好。生菜盤、辣蔥絲 🥦🥦套餐包咗半份嘅生菜同超多嘅辣蔥絲。熟悉韓式食法嘅都知道可以將唔同配料同燒牛肉包埋生菜一齊食，會冇咁油膩。小編要讚一讚呢度俾嘅配料特別多，除咗生菜同辣蔥絲，仲會有蒜片青陽辣椒，調味料亦都有經典嘅韓式辣醬、岩鹽、芥末等等。你想點食法都得。人蔘雞湯（半隻） 🐓🐓🍗冬天當然要食返啲湯類，呢個餐幾好，就係包咗一個湯類嘅主食。而人蔘雞湯更加係冬天必選，滋補暖胃，而且夠晒飽肚。整體味道：8.4/10環境：8.3/10服務：8/10小編覺得呢間餐廳嘅食物、服務、環境都好好，節日嚟慶祝絕對唔會失禮～名家韓國餐廳 (尖沙咀)尖沙咀彌敦道63號iSQUARE國際廣場27樓2702號舖 #hk #hongkong #hkig #hkfoodie #hkfood #hkeat #香港美食 #食評 #香港食評 #香港必食 #尖沙咀 #韓國 #韓國菜 #Korea #燒肉 #名家韓國餐廳 #名家 #香港韓國餐廳 #韓國餐廳 #尖沙咀美食 #銅鑼灣美食 #太古城美食 #韓式餐廳 #正宗韓式 #韓食#korea #koreanstyle #koreanfood #tst #cwb
繼續閱讀
您可能會有興趣的...