影片
開飯介紹
主打韓國地道菜式烤肉和麵食，食材由韓國直送，其中人氣麵食包括味道濃郁的韓式炸醬麵、秘製牛肉鍋麵、雜錦炒粉絲及涼拌螺肉。
繼續閱讀
營業時間
今日營業
11:30 - 15:00
17:30 - 22:30
星期一至日
11:30 - 15:00
17:30 - 22:30
以上資料只供參考, 請與餐廳確認詳情
有關獎賞計劃
相關文章
只要凡曾到過韓國自遊行的旅人，必然會認同韓國的烤肉質素佳且價錢不貴(除了素食者)。我不是太愛吃肉，但每次到韓國，必然會吃上兩餐或以上的烤肉，尤其喜愛韓國的豬腩肉，配上韓啤或燒酌，真是一流。正所謂物離鄉貴是理所當然，假如在香港具質素的韓國烤肉店用餐，要有心理準備接受昂貴的價格。自己已多年沒在香港吃韓燒了，直至一位在網絡認識的朋友介紹，上星期到了她推介的韓烤店，體驗後認為環境、食物和服務也不錯，而定價可說是中上的合理的水平，日後萬一韓烤癮發作，也有止癮的餐廳了！「名家」有兩家店，一在銅鑼灣、二在尖沙咀，兩家都設有海景座位，以先到先得方式來分配。那天訂了晚上七時尖沙咀店，幸運地仍可分配得到海景座，縱使不是面向會展的最佳方向。「名家」設有套餐，二人餐定位在HK$1000 左右，具備烤肉、蔬菜及主食等，要比我預算平宜。而我們最後選擇散叫，想不到點了三款肉類、一款蔬菜和芝麻葉，肚已被塞得滿滿，原先打算吃完烤肉，再叫熱湯主食，但最終飽得無法實現！侍應先端上六款自家制的韓式小菜，每一款也有水準。保持爽感、不太酸辛的泡菜是我最喜歡的，而大豆芽和沙律也不錯，只是菠菜略鹹。光是泡菜，我們也添了兩趟，大抵小菜也佔了不少胃部空間！是晚只來了酒精度較輕的 Mojito Soju HK$58，清爽宜人的口味，不會構成任何負擔！與其他食評分享一致，個人也認為「名家」的牛肋骨是必吃，當然晚上有專業工作人員代勞烤肉，效果更加理想！順便讚揚一下幫忙我們烤肉的那位女士，態度好，夠細心！我們選擇了名家精選美國大牛肋骨(醃) HK$ 288，首先醃味適中、不會太甜太濃，牛肋骨肉質嫩彈可口，叫人回味！餐牌備有韓國濟洲特級新鮮黑豚五花腩片HK$230，正好對上我大愛的口味。為了好好享受濟洲黑豚肉，特別要來芝麻葉 HK$48。將烤好的豚肉輕輕蘸上鹽巴，然後放在芝麻葉上，隨個人喜好加入蒜片、辣椒或醬汁同吃，風味極佳！上次在釜山沒吃上鰻魚，原來在香港也可以吃到韓國鰻魚 HK$228 (半份)。從鰻魚肉的厚度和魚身的寛度來推測，這條韓國鰻魚也算頗肥大！工作人員先將鰻魚沾上鰻魚醬汁，然後四面烤封，剪成條狀後再烤。過程中鰻魚會捲曲，亦需要為鰻魚補加醬汁，的確需要技巧和耐性。果然味道不錯，特別是鰻魚肉的扎實與彈牙，又沒有重重的油脂感，吃得舒暢！鮮雜菜拼盤 HK$120 包含大蔥、金菇、甜椒、南瓜、洋蔥、香菇、雞髀菇、翠肉瓜和紅蘿蔔。不專業的我們曾嘗試自行處理，結果不到一會，甜椒便被燒焦了。原來烤蔬菜是要用最小的火力、慢慢地烤，不得不讓工作人員來幫忙！感恩，真的超滿足！下次要預留空間給主食和泡菜煎餅等。
繼續閱讀
屋企人生日，嚟咗呢度慶祝，叫咗set A，兩個人好夠食，味道好，可以望到海景。先送上六款前菜，最鐘意泡菜、蝦米翠玉瓜、蝦米蒜苗，好味美國特級霜降牛肉睇落好靚，入口好軟嫩，好香牛味，配少少wasabi或海鹽，最好味精選美國牛肋肉醃完之後，好入味，而且好大份，肉質好軟嫩大蝦及帶子大蝦超大隻，好彈牙。帶子鮮甜，好好食香煎豚肉雜菜餃子煎到好脆，點埋個汁，幾好食滑豆腐海鮮辣湯好足料，熱辣辣，好好飲，天氣凍飲呢個湯真係一流韓牛賣相好靚，入口即溶，真係超正，必食呀！鵝肝用個鐵兜裝住，燒到表面金黃，內裏粉嫩，配搭魚子醬一齊食，勁邪惡。星空清河粉紅氣泡清酒飲落好清爽，有少少氣，配埋韓式燒肉一齊食，唔錯
繼續閱讀
去完首爾返黎，唔夠兩個月又好掛住當地美食喇🤤，好想係香港食到地道嘅醬油蟹，知道名家有韓國醬油蟹，即刻去試試，今次去嘅尖沙咀分店，環境超靚，望住維港景色食飯，好chill!Caca今次吃甚麼？🦀醬油蟹香甜爆膏嘅滋味，與紫菜蛋黃一起拌飯太滋味喇😍！🦐醬油蝦第一次食醬油蝦，原來已好貼心地除殼，啖啖肉，醬油好香。🥓濟洲島黑豬肉大大片豬肉，肥瘦均勻，燒烤後帶香脆，肉質好Juicy，好夠味。🥗香生菜沙律食肉少膩可吃一口沙律，清新帶微酸。🐮牛肉大醬湯豆腐牛肉滿載大醬滋味🦪海藻蠔肉年糕湯粒粒大蠔與年糕、海藻，鮮甜又飽足！
繼續閱讀
上星期同朋友去左名家食韓燒！ 名家韓國餐廳供應由韓籍廚師精心料理的韓風美饌，包含韓式燒烤、熱鍋、泡菜及特色韓菜，韓式風味濃厚。而尖沙咀分店喺Isquare 27樓，用餐環境寬敞，有開揚嘅海景，裝潢優雅，一邊食一邊欣賞海景好享受，餐廳仲有包廂可以一班人慶祝！ 食物方面仲好高質！🥗生菜沙律好清新好開胃 🦀醬油蟹免費送🦐醬油蝦醬油蟹蟹膏濃郁鮮甜美味，醬油嘅鹹香味與蟹肉嘅鮮甜相互交融，形成了絕佳嘅味覺體驗。醬油蝦蝦肉新鮮口感彈牙，搭配醬油嘅鹹香，讓每一口都充滿海鮮嘅鮮味。 🥓濟洲島黑豬肉濟洲黑豬肉肉質嫩滑，脂肪分布均勻，口感豐富。燒烤後肉香撲鼻。 🥘牛肉大醬湯入面有粒粒牛肉令湯同豆腐都肉味香濃！🥣海藻蠔肉年糕湯1月份期間限定🎊韓國賀年美食🎉 「海藻蠔肉年糕湯」，好有特色！啖啖都有肥美嘅蠔肉同煙韌嘅年糕！
繼續閱讀
嚟緊聖誕節，如果唔想食西餐嘅話，大家都可以考慮食韓國菜，今次去咗名家韓國餐廳 @myung_ga_korean_restaurant 食佢哋嘅輕奢韓烤套餐😆 $988食到6款菜式，有燒肉🔥、海鮮🦐、湯鍋物🍲，超級豐富😍；呢度仲可以叫埋韓牛🐮食，配埋燒酒🧊，啱晒同屋企人朋友嚟慶祝聖誕🎅🏻 餐廳更推岀聖誕Set🎄，只要揀任何一個韓烤套餐，再like @myung_ga_korean_restaurant 社交平台，即送頂級韓牛肉眼(100g)及韓國清河燒酒(295ml)1支‼️.🔸輕奢韓烤套餐 $988🔸精選美國牛肋骨（醃）: 韓燒必有嘅燒美國牛肋骨，帶濃濃牛肉香味，肉質細嫩，肉帶點筋有咬口，醬油醃得好入味，燒得非常惹味～美國特級霜降牛肉: 霜降牛肉油花呈大理石紋理，口感帶肥嫩，肉汁鮮甜又juicy～鮮大蝦及帶子（各兩隻）: 大蝦同帶子都大大隻，兩款都非常新鮮，大蝦肉質爽彈，帶子嫩滑～辣味香蔥生菜盤（半份）: 將燒牛肉、辣味香蔥一齊食特別惹味，再用生菜包包住嚟食，解一解油膩感，餐廳亦準備日式和西式芥末、岩鹽比大家作調味，仲可以夾入生蒜、青辣椒，夠晒有韓國風味～香煎豚肉雜菜餃子（4件）: 餃子皮薄又煙韌，煎得香脆，豐富飽滿，裹有豚肉同雜菜，鮮甜又多汁～滑豆腐海鮮辣湯 （或可選人蔘雞湯半隻）: 天氣凍食返個海鮮辣湯最啱！湯底辣辣哋，好濃郁又鮮甜，帶點刺激，豆腐滑嫩，仲有蟹、蝦、帶子、八爪魚、蜆等，伴有生雞蛋，撈飯食一流～ 頂級韓牛肉眼(100g)韓國清河燒酒 頂級韓牛肉眼(200g) $538: 選用 1++9級最高級數嘅小母牛牛肉，韓牛肉呈粉紅色，肉質鮮嫩細膩，佈滿大理石花紋，入口溢岀油脂甘香，口感份外鬆軟～ North Gold Caviar @northgoldcaviar 魚子醬: 將魚子醬加上燒牛肉面上，魚子醬嘅鹹香為牛肉增添口感同豐富牛肉嘅層次～ 鵝肝: 鵝肝厚切，油脂豐富，入口即溶～
繼續閱讀
您可能會有興趣的...