名島麵包西餅店

營業中

休息中

今日同事請食蛋撻，so nice！唔知大家係酥皮派定曲奇派呢？今次呢個酥皮比較薄，唔太食至酥皮口感，內餡甜度適中，偏流質。但作為下午茶嘅話，唔會太漏太飽，但個皮幾易碎，流到我隻手都係🥲

非常喜歡食麵包同蛋糕，最近呢個豆腐蛋白蛋糕耐不耐就有被報道。之前有去過大窩口分店碰碰運氣，果然係唔成功啦🤣🤣不過唔緊要，想試就要繼續等待。經過一段時間後，發現左原來公司附近都有一間分店，而且係數量充足😍😍任買唔嬲～ 用一個小袋仔裝住，反彈力非常強呀🤣🤣用手壓落去，個蛋糕會立刻動L 彈返上黎。小小蛋糕，入口軟綿綿，有豆腐清香味，唔太甜，唔好睇佢細細一粒但其實食落都夠飽，完全唔係一陣風。真係好密好綿呀♥️

剛剛經過這間不知所謂的麵包店，買了小小麵包，蛋糕......l等等不知道是否太少。付款時受到不禮貌對待，本初以為一次半次態度不好，誰不知天天如是。不知道為什麼服務態度如此惡劣，每一位員工對顧客太度實在極之不友善。我入去買野有種乞兒乞食嘅感覺。貼錢都吾會去。無一個”亞姐”態度好日日好似食左屎咁不去乜擺麵包非常一般曲奇餅好好好難食。買過一兩次以後不會再去及不會介紹給其他人，千萬不要去。極度不滿.....極度不

其實我係去荃灣個間，唔知點解openrice 話佢執左，所以就tag左第二度😣呢間麵包店係朋友推介架～據聞香蕉蛋糕好正😳👉🏿✨香蕉蛋糕 Hkd 5.5 💸 10蚊2個～📌食落果然係好香濃既香蕉味！係課室食啲同學一入黎都話好大陣香蕉味😂😂真係又濃又香，蛋糕非常鬆軟👍🏿而且一個好足料勁大個呀😍咁既價錢好抵食喔～👉🏿✨朱古力蛋糕 Hkd 4.5 💸📌一場黎到試埋另一款😆原來朱古力都好味喎！啲朱古力粒連埋蛋糕一齊食會有啲半融狀態，好食呀，雖然唔係非常香濃，但味道絕對唔差😏

今朝一早比個麵包呀姐激到一肚氣，原先想寫信去佢公司投訢，但係搵唔到佢公司網址。已經好耐冇上嚟openrice寫食評，多得名島依位麵包呀姐，真係新年好快樂。我原先係依間店既長期顧客，最愛佢既芝麻豬仔包。已經係買到都知道芝麻包起店內既所在位置。個包真心係平靚正好味，清淡口味，帶有香口芝麻，係輕盈最佳之選。

平民的小餅店，親民價錢，美味包點。 朱古力雪紡蛋糕：表面乾爽，但中間濕潤軟熟，吃了不口乾，不會喉嚨痛。 以前是整個朱古力色的，最近兩次卻有點像大理石紋，不知道是故意搞花樣，還是純粹失誤以致攪拌不均勻ｰｰｰｰｰｰｰｰｰｰｰｰｰｰｰｰｰｰｰｰｰｰｰｰ另外，也推薦 菠蘿蛋糕、紙包蛋糕、蛋白豆腐、迷你合桃酥。ｰｰｰｰｰｰｰｰｰｰｰｰｰｰｰｰｰｰｰｰｰｰｰｰ衛生方面，就是一般的麵包店那樣經過幾次，沒有發現太多的烏蠅或昆蟲。 當然不能與酒店的西餅店相比，可是完全在可以接受的範圍內。 唯一希望可以改進的是，收銀員不應該直接用手獨碰麵包。

呢間麵飽店係葵芳算是最便宜嘅一間，亦是最新一間，我都幾喜愛食飽架，當然要試下佢喇。買咗個芝麻豬仔飽，外觀都唔差，脹Book Book幾可愛，食落鬆軟，麵粉唔重，外皮有點脆香，以咁嘅價錢有如此水準，算唔錯喇。佢重有好多款麵包西餅，甚至甜品，有機會一定會試。

又去咗名島麵包西餅店呢間老字號麵包鋪買新鮮早餐，買咗個啱啱出爐新鮮蛋撻，好好食，都幾新鮮熱辣。再買多個腿蛋包，真係有用竹料同埋味道都好好， 最緊要一啲都唔貴，係街坊平價早餐之選。

葵芳街市果間有一位收銀員(矮瘦直髮到肩眼大勁凸，把前額頭髮响後挾起)，隻手掂過散銀、紙幣，豬仔包唔用拑入袋。這間餅店d包又平又好味，都好多人去買嘢，收銀員也很多位，其中一位真差，十次有八次講是非、串客人。旺的時候有兩位(一位收錢、一位入包)，佢通常企收錢位，我d包就安全d。靜的時候得佢一個果時又收銀又入包或她企入包位，她見d豬仔包乾身就唔用拑，反少少袋邊再加兩隻手指推d包入袋(我經常去買兩個豬仔包)已經發生過3次真的忍受不了在這寫出來，點解唔直接話她，第一我還要來買包，無謂為了她每次來俾她指指點點(因為經常聽過她串客人或客人走後講是非)，第二我話她一定不會聽入耳，只會否認無掂到d包。真希望有管理層看到後提點她注意d衛生。

名島係呢區算係老店, 附近街坊同返工朋友都必經.佢熱燙燙的面包最好食.今次試左迷仔合桃酥, 一包十塊, 每塊約1.5寸闊.塊塊都鬆化唔痴牙, 脆卜卜, 厚度適中, 做TEA一流呀!

26-3-2014(Wed)男友放工後要過o黎,咁佢又o係呢o度買啲o野做第二日o既早餐,我就要求一件好味o既豆沙燒餅,其他由佢自己決定.佢一共買o左3件豆沙燒餅,老婆餅,椰撻同鮑魚酥各兩件咁多.o個晚我就唔理,即食重暖暖地o既豆沙燒餅,豆沙燒餅依然美味,唔再講喇.而其他o既,男友就食剩老婆餅同鮑魚酥各一,我就o係第二日放工返到屋企,食半件鮑魚酥,佢o既口感同合桃酥一樣,只係冇合桃啫.而到尋日(28-3-2014 Fri)男友收工後都過o黎,佢同樣o係o度買o野做今日o既早餐,今次我冇要求,因為自己o岩o岩有腸胃炎.佢買o左好多o野食,就食剩一個菠蘿蛋糕畀我,咁就當o左我o既早餐.食落,面上o個層菠蘿皮甜甜地同微脆,下面o既蛋糕鬆軟有啲蛋香,呢個就係將菠蘿包o既菠蘿同紙包蛋糕結合,有創意又好味,推介.

21-3-2014(Fri)男友放工後,佢又o係o度買o野食,今次唔買咁西式o既,有豆沙燒餅,老婆餅同椰撻做翌日o既早餐.當晚食飯前,我摸吓豆沙燒餅重暖暖地,食完飯後再摸,當然凍晒,但如果留到翌日至食就會硬,所以都照食o左先.佢重係軟o既,嗅到糯米味,食落,糯米皮仍煙韌,內裡o既紅豆蓉飽滿同甜甜地,好食. 味道: 5分其餘o既都到22-3-2014(Sat)朝早食,我先食男友食o左半件而大讚o既椰撻,佢話好鬆軟似蛋糕,我唔係好鍾意食椰撻,不過都試吓,係係鬆軟,唔同其他o既咁實,呢個重冇咁甜亦冇咁多椰絲,個撻皮係一層層o既酥皮,重係脆脆地添.味道: 4分之後到老婆餅,佢買o左兩隻味,一個係豆沙,佢話呢個麻麻,我都食先.豆沙餡比較乾身,口感實啲又唔甜,同餅皮唔多夾.味道: 1分然而食返傳統冬瓜蓉老婆餅,呢個甜啲同鬆啲,有好明顯o既分別,亦都好食. 味道: 5分

大前日(7-3-2014 Fri)男友放工後買啲麵包前日朝食,呢間係其中一間,佢o係o度買o左3個包同一條蛋卷.蛋卷顏色好靚,黃綠相間,但店員切到大小不一,而o個晚食完晚飯,男友忍唔住要食一件,我都食一件先.男友話呢個係蜜瓜味蛋卷,係食到有淡淡蜜瓜味,蛋卷口感鬆軟,唔差喎. 到第二朝,食過晒A1 o既,就向呢間o既其他麵包埋手.我先食咩餡都冇o既奶油包.佢靠面少少o既奶油帶出甜味滋潤成個包,令佢唔會太寡冇味,OK.之後食吞拿魚包,吞拿魚包屬於正常冇問題o既.最後o個個椰賓o係尋日朝,同男友食完o野後佢繼續食,佢話仍好食,我就冇食到.味道係3.33分

6-4-2013(六）今天的早餐，是媽媽昨晚買回來給我的一條細瑞士卷。賣相頗挺實，吃下一口，蛋糕質地鬆軟，惜忌廉較糊口，未能有入口即溶的感覺，雞蛋味尚有但不夠香濃；但以香港通漲情況來說，$7 能買到一條細瑞卷，也算是超值。整體不過不失!

差不多一個月前,曾光顧這間的肉鬆包,並沒有太大的驚喜今天經過,決定再次嘗試,選擇了剛出爐的椰撻椰撻外形雖然不中看,但味道也蠻香的,只略嫌欠缺點椰蓉而入口甚為濕潤;甜度適中,不會過於甜膩這裏不像別家的麵包店放有櫻桃,名島則是放了少許杏仁片,增加了口感至於撻底是採用了酥皮酥皮充滿牛油香,唯一的缺點就是過於鬆散,稍一不慎便弄得渾身都是酥皮碎整體質素普通,還有進步空間