名川麵棧 (已結業)

假期最後一天， 趁今日陽光充沛， 就同家姐去 同樂街 食好西🤩去到都爆曬棚要等一陣， 特濃蕃茄炸豬扒白豬仔午餐肉通粉， 豬扒炸得十分鬆脆， 蕃茄湯 有鮮茄的味道不是一般罐頭蕃茄膏， 白豬仔牌午餐肉 是厚切的， 熱辣辣好好味😋馬沙文咖哩牛腩飯咖哩汁椰味中帶點辣， 薯仔、洋蔥配料唔少😚牛腩件頭唔少，軟腍有牛味👌極力推介紅豆涼粉奶茶走甜， 紅豆十分大粒而且夠淋， 去到必飲之選呢餐只係食咗110蚊 ，食到飽一飽， 十分滿足 聽日返工有動力囉

本身住元朗，但lee間居然係第一次食，朋友講返先知原來都有1x年了，食完覺得性價比真心高，不得不來寫返個食評兩人同行，叫左一個三重芝士牛肉飯及豬骨湯面，另叫左一個大板章魚燒，同埋兩杯特色飲品，先黎既係飲品，咁就講左先啦，一杯係紅豆涼粉奶茶，唔太甜但料好多，另一杯紅豆冰，奶香，紅豆又係大大粒，兩杯都出色之作，加上大大杯都係$23,好值得叫黎飲跟住兩個主食就到，芝士牛肉飯，量多之餘芝士仲要好香好多，牛肉亦不少，所以真係不得不讚性價比高，加上仲要係好食，唔太重品有牛肉香，豬骨湯面就不過不失，餸量都足，面亦多，湯底可接受，章魚燒夠熱，樣子吸引，係5粒兩個人唔知點分總括小店來說絕對可多吃，加上睇餐牌仲有好多嘢食，下次再黎試

呢兩日天氣轉凍，在街走一圈真係鼻都凍到彊晒，今日去元朗辦點事後想食個快lunch之後才出返市區，元朗食店非常多，好彩朋友介紹我嚟呢間名川麵棧，話食物不錯的，所以我即管去試一試！呢間麵棧其貌不揚，與一般麵店沒有分別，但見食客與店員有說有笑，似乎街坊熟客都非常支持呢！我一睇餐牌，食物選擇多到你唔信，有粉麵與及客飯套餐，有辣有唔辣，選擇應有盡有，餐牌起碼有十幾頁，有選擇困難症的我問問店員好介紹，佢介紹我食粉麵，於是我就揀咗佢哋嘅精選快餐「牛牛餐」$50 -有柱侯牛腩、特級牛丸、肥牛，加$4轉了香辣湯底，面底我揀了米線，價錢已包了一杯冷熱飲品，非常抵食！📍牛牛餐$50碗米線一上枱我心裏面「嘩！」了一聲，好大碗又多餸！一食落去熱辣辣的成個身即刻暖晒！加上佢嘅香辣湯底少少辣的，香濃美味，帶起整碗米線嘅滋味！佢嘅柱侯牛腩非常入味，半肥瘦加上牛筋，確實有水準，值得一提是特級牛丸，咬落去有油脂嘅香味，味道濃郁與一般嘅牛丸很不同，非常好食！另外配菜方面有粟米、酸菜、小棠菜等，最值得一讚是那些雲耳絲，非常爽脆，咬落去夾雜了湯底，非常好食而且令成碗米線增添質感！📍凍奶茶套餐包的這杯凍奶茶亦都非常有水準，很多時

天氣又有少少乾，想搵麵食，就去左名川食🙂 好在唔洗等🤠入到去坐底，見到個餐牌有咁多款野揀📒有的心大心細唔知揀咩好我見有人介紹蕃茄湯，我決定試一試要個香辣的，就夾埋米線🍜 秘制豬軟骨 同埋雲吞🤩 朋友就叫話要食豪的，要花膠鮑魚酸辣米🍲 應該餓得濟hahaha🤣有得食啦😊我果碗好好食，個湯唔會好似漿糊咁，個豬軟骨夠冧身。最欣賞係粒雲吞，睇下隻蝦幾大🍤😜一的雪味無👍🏻有好多餐廳都有怪味但呢個冇，仲要爽口的！正！Fd 的花膠鮑魚麵都幾好，原來酸辣都好夾。果塊花膠比想像中大好多🤭食完野梗係飲野🥤朋友凍珍珠奶茶🧋非常吸引茶底夠滑😙一讚👍🏻 我就飲話梅7喜好耐冇飲過😆 話梅份量剛好，唔會好酸又冇核😙食完仲要有的唔夠喉，加個名川雞翼，十分高質😊脆得黎仲熱，炸蒜頭🧄淡淡肉😋 滿足😎仲要買埋個辣椒粉先走，下次經過又再黎先😙

隱世麵棧 我成日去元朗搵食 都真係未食過呢間麵棧 今日我朋友佢係元朗地膽 住左廿幾年 佢帶我去食名川麵棧 門面無特色既裝修 但竟然坐滿晒人 仲要坐到出門口！ 咁岩又有人埋單 所以就好快可以入坐 鋪頭普通茶餐廳既裝修 但有好多唔同種類選擇！ 我同朋友仔都未食lunch 所以我地就叫左個三重芝士牛丼飯加太陽蛋、 酸辣湯豬軟骨炸豬扒米線、名川雞翼、話梅柑桔七喜同紅豆奶茶！ 三重芝士係芝士粉、芝士碎同一塊塊既芝士 好邪惡呀！😈 再配埋個流心太陽蛋 絕配呀！ 佢既牛肉係肥牛 肥瘦均勻👍🏻 仲有少少牛汁 撈飯一齊食好好味😋酸辣湯米線🍜個湯底好似上海麵店既酸辣湯咁有木耳絲、甜酸菜同肉碎 酸酸辣辣好好味呀！ 我係咁飲個湯😆😆配菜豬軟骨肉煮到好淋好入味！ 而個豬扒係分開上 好細心呀👏🏻 唔會因為食得慢而吸晒d湯淋晒🤣 名川雞翼叫得呢個名應該係招牌菜！ 忍唔住叫左份😆 1份有4隻 2個人分岩岩好👍🏻 雞翼係即炸 雞皮炸到卜卜脆 有小小鹽同大量炸蒜🤤🤤 果然係招牌 真係好好食😋2杯特飲都好出色 紅豆奶茶 姐姐好細心 話因為本身紅豆甜 所以幫我地紅豆奶茶走甜 好彩姐姐既細心 如果唔係我一定飲唔到🤣 因為已經好

很久沒有去這家吃東西了，難得經過當然要去吃點東西吧。店舖環境依舊不變，食物選擇較以前的多元化，除了飯/麵食之外，新增了多款小食😍，價錢不貴。💥名川雞翼 HKD$33，這個一份有四隻，味道是蒜香味雞翼，外皮做到脆卜卜的口感，雞翼肉質嫰滑有肉汁，配著炸蒜食挻滋味很香口🤤。💥大板章魚燒 HKD$33，面頭有木魚絲，感覺像舞動搖晃挻吸睛的。以往吃章魚燒的感覺是麵粉多過材料，所以感覺不太好。雖然這個價錢貴了一點，但用料十足，吃到的是章魚和配菜，口感豐富挻惹味☺。💥霸王雞米線 HKD$46，這個是香蔥口味，醬汁濃郁面不咸。雞肉肉質不韌挻入味😋。跟餐可選擇飯/米線，這次選擇蕃茄湯米線，湯底味道濃郁米線不腍身。💥大大粒鮮蝦淨雲吞 HKD$33，一份有五粒雲吞，蝦肉大隻肉質爽口🤤。湯底味道鮮甜不咸，配著雲吞吃味道不錯的，還有生菜拌著來吃。

元朗有超級多嘅小店同埋大型商場🛣🛣，今日嚟到同樂街，此鋪面沒有特別的修飾，感覺上就像一間名不經傳的餐廳，真係要食過先知！🤡🤡-名川雞翼🍗（$33）符合返呢間舖頭嘅名，味道同一般嘅炸雞翼唔同，有少少辣味，炸粉好薄，不錯嘅選擇，有4舊添😋😋！-太陽蛋牛丼飯（$47)今次我帶咗阿媽嚟食，冇嗌佢哋嘅湯麵，或者其他川味餸菜，特登嚟試吓佢哋呢個牛丼飯，🥩🥩份量好多，有洋蔥，牛肉亦都切得好薄喎！🍚-三重芝士牛丼飯（$50）三重芝士，味濃且香，配合埋牛肉，是意想不到的口感，由於芝士食落少少漏，所以個飯食唔晒！-人均：$75Janna 翻撻指數：6/10🥢🥢🥢🥢🥢🥢

餐廳設有露天茶座，食客可以踩單車同帶埋寵物去，夠晒方便。香脆燒腩仔叉燒蛋飯 ($46)燒腩仔肥瘦比例均勻，外皮脆卜卜又香口，肉質鬆化有肉汁，軟腍無渣唔鬆散，味道醃得啱啱好，入口唔會太鹹，亦唔會覺得好油膩。叉燒大大片，每片都有少少肥肉，入口帶有陣陣豬油甘香，甘香肥美。肉味濃，肉質鬆軟唔死實又有咬口。涼粉奶茶 ($23)奶茶口感順滑濃厚，奶同茶嘅比例啱啱好，入口有好濃嘅奶香同茶香；涼粉口感嫩滑，爽口彈牙。

己忘了上次到訪元朗是什麼時候了。這次為了工作, 和另一位同事來到元朗。 開工前打算醫一醫肚, 就和同事到這麵棧店坐下。 麵店格局傳統, 但食物種類則令我有點驚喜。自己點了一個三重芝士牛肉丼, 另加太陽蛋; 同事則點了蕃茄湯肉碎米線, 和菠蘿油。雖然我算不上芝士控, 但今天天氣有點熱, 實在需要一點讓胃口打開的午餐, 而這芝士牛肉丼就搭配得幾好, 味道不俗, 芝士不算太膩。同事則沒有很怕熱, 但也因為想刺激一下食慾, 所以點了蕃茄湯底。他說味道很好, 沒有那種很人造的那種湯底感覺。我也嚐了幾口, 真的不錯, 而比起蕃茄湯的甜, 個人更喜歡那種蕃茄應有的酸度, 真的很開胃! 名川麵棧算得上價廉物美, 值得再試。 沒有什麼比享用一頓不錯的午餐, 然後才去開工更重要了!

雖然元朗係大西北，但果到依樣有好多美食，今次黎到依間舖頭，佢嘅外表普普通通，唔係好突出，但估唔到佢嘅野食幾好味，平時人流都好多。今次叫左常餐（ $61）佢有碗蕃茄肉碎公仔麵，聽個名可能會覺得依樣好普通，但煮好一個公仔麵好難，要煮到唔會腍，又唔會生，麵要有彈牙嘅感覺。平時少食公仔麵，因為唔健康，同埋出面煮得唔好食，但今次令我另眼相看，公仔麵煮得幾好食，同時蕃茄湯底好濃，非常好食。菠蘿油先係成餐嘅重點，菠蘿油最正嘅食法係將熱辣辣嘅菠蘿包夾住凍冰冰嘅牛油一齊食，果種凍熱口感非常正。佢本身嘅菠蘿包就已經好好食，佢嘅酥皮又香脆又甜，同時個包係鬆軟，啖啖麵好好味。佢仲要加埋濃濃嘅牛油香味，成件事非常享受，不過食完會覺得自己肥死。常餐仲包左火腿蛋同飲品，整體黎講非常好食。

係附近上完堂，見到依間名川都唔少人食甘岩入面有位就試下～～個名以為食麵為主，但都有好多飯類選擇我地兩個一人一碗麵再加個雞翼依個係蕃茄濃湯底，配炸豬扒，時菜金菇蕃茄底好足料，唔會有好假既蕃茄味可能用鮮茄煮關係，湯底唔會好杰身甘原來本身麵底都有菜，早知唔叫菜，可以叫多樣配料試下炸豬扒偏薄身，但入味，而且係太耐無食到既港式味～炸得唔錯～～名川雞翼有四件，外脆內軟，依個唔錯另一碗係麻辣豬骨湯底，可以揀麻辣蕃茄底架配豬軟骨同加錢揀鰻魚麻辣底正，麻辣味岩岩好，有麻有辣但唔會食得辛苦鰻魚就入味正常～～豬軟骨好大舊又夠味，好食！！最後要推介佢地既話梅柑桔七喜同柑桔蜜真係用自家醃既鹹柑桔黎沖，飲完個喉嚨好舒服，有止咳功效架，岩哂依家轉天氣飲！！

街坊小店生意，樸實嘅環境，親切嘅姐姐，滿滿人情味🤗除咗京川食物外，茶餐廳既食物佢都有😚 種類款式多種配搭，甚至有埋花膠餐食😲價錢亦相當大衆化👍糾結之後，叫咗草菇、有兩大件魚腐酸辣米線配返炸既燒肉😆草菇量多冇乜泥味👍魚腐正常、大件👌燒🐷肉雖然返炸過，但出奇地香脆鹹香、連中間嗰嚿肥油照食又唔覺膩😋 紅豆涼粉奶茶冰超~正姐姐話走甜會好啲，因紅豆+涼粉己有甜味👍 omg 好耐未見過咁完整、大粒既紅豆，質感粉糯，配合涼粉、香濃奶滑茶底😍

這間名川麵棧店舖位於元朗同樂街金寶大厦2-8號地舖!這間名川麵棧舖頭已經係元朗好多年!人流非常之多!店家係一間多元化嘅舖頭!食物款式都算有創意!.鳳尾蝦花膠流心蛋手打烏冬招牌肉燥飯豬扒菠蘿包紫菜雞翼是日例湯.鳳尾蝦花膠流心蛋手打烏冬:這碗烏冬份量十足!去嘅花膠夠哂大塊😲😲😲!咬落都好彈牙!都好有咬口!鳳尾蝦雖然唔係好大隻!咬落去都好爽口!流心蛋夠哂流*勁流心*手打烏冬食入口夠哂滑!又唔會過腍恰恰好!真係唔錯!去嘅蕃茄湯底味道好重!夠哂濃郁😙😙😙!.招牌肉燥飯:店家嘅肉燥飯超大碗!剩係碗裹面嘅餸有肉燥、豬軟骨，冬菇，雞翼😋😋😋!非常之吸引!肉燥味道十足!豬軟骨夠哂腍身!味道恰恰好!又唔會過韌十分鬆軟!冬菇入哂味!又夠腍身!一口冬菇味道好正!雞翼夠哂鬆脆!外脆內軟!味道都算唔錯!.豬扒菠蘿包:賣相好吸引😍😍😍!睇見都想食😋😋😋!菠蘿包味道好特別🤔🤔🤔!咬落菠蘿包好鬆軟!咸咸甜甜非常之夾!豬扒十分鬆軟!又有咬口!真係好正👍👍👍!.紫菜雞翼:賣相真係好吸引😍😍😍!真係睇得又食得😋😋😋!.金黃色嘅外皮夠哂鬆脆!味道好濃郁😙😙😙!又唔會好咸恰恰好!雞翼面放滿紫菜芝麻更加脆口又夠香!真係店舖嘅特色小

今日放假,見天氣幾好唔哂又唔太熱🌤️🌤️就去踩下單車做下健康活動🚲🚲🚲, 踩到落黎元朗小巴站呢邊搵野食🚲🚲見到呢間名川麵棧,門面比較係地道風味😍😍😍我好鍾意, 最緊要係佢有露天坐座!!🏖️🏖️🏖️💺💺 如果帶動物/單車既都好方便嫁🐶🐱🚲🚲!!我班FRIEND就左燒腩仔叉燒蛋飯🍳🍳 ,肉燥飯🍛🍛,蕃茄辣湯麵🍜🍜... 而我!!!!盲叩左我最鍾情既--鮮油菠蘿包🥯🥯配一杯🍹🍹紅豆奶茶(我叫少甜,職員都好貼心提我如果唔鍾意甜可以走甜,因為紅豆本身已經夠甜)錦我就聽佢話叫走甜!菠蘿油既精髓就係包要夠熱, 牛油要夠凍!一上菜個陣, 個包真係好熬辣辣!!!♨️♨️再見到夾住一塊牛油🧈🧈!!好吸引啊!! 出色! 可惜我呢個相機食先既習慣令我塊牛油熔左少少🥺🥺🥺紅豆奶茶-係我近期最愛!!,好彩我叫走甜啊!因為我本身唔太食甜野,奶茶濃滑, 配埋紅豆,岩岩好❣️❣️街坊小店成日都比到驚喜我😍PS我偷食左啖燒肉 好脆

住咗元朗咁多年真係第一次幫襯依一間餐廳驟眼睇係食四川菜但係入到去其實好似其他茶餐廳一樣，都有好多唔同選擇，三文治、快餐、車仔麵，乜都有！價錢亦相當大眾化😆細心D睇其實佢比茶餐廳多一份心思因為睇吓快餐餐牌好多菜式唔係經常食到所以都比較特別🤗同埋如果鍾意食辣嘅朋友真係會好多選擇🎉咩嘢都可以麻辣一番😆今日食lunch竟然有鮑汁花菇花膠飯真係好大嘅驚喜😆😆😆因為平時都係喺酒樓先食到而家簡簡單單入一間餐廳已經有得食價錢仲係50幾蚊真係估佢唔到😆花菇花膠份量都好多飽汁勁正，送飯一流下次一定會再幫襯因為我真係好鍾意食花膠😆另外細微位都好欣賞就係杯涼粉冰涼粉切到細細粒用飲管飲都冇問題呢一餐真係意料之外👍🏻✨