君子餐廳

營業中

休息中

海景何價？喺北角匯，有間西餐廳叫Briketenia，最近改名為Brikete Bistro，主打偏親民嘅法國菜。餐廳有海景，更可以坐室外，而室內嘅環境都唔錯。今晚食嘅set dinner，包括頭盤主菜都有多款選擇，最平$258就得，性價比高。當然亦可以叫矜貴嘅日本A5和牛，則要$638。要注意餐廳會定期更新款式同優惠。銀魚柳蛋黃醬麵包呢個唔係普通麵包，銀魚柳蛋黃醬除咗提供蛋黃味，最重要係佢嘅酸度，令麵包好食好多。法式白酒煮青口青口大隻鮮甜，最重要係唔腥，醬汁除咗白酒其實有一定嘅蒜蓉味，好惹味。法式鵝肝焦糖燉蛋配田園沙律(+$48)喺鵝肝醬嘅上面鋪咗一層焦糖燉蛋，呢個係有功架嘅菜式，襯脆脆嘅多士，相當滋味。香煎海鱸魚伴蜆肉忌廉汁 (set $388)海鱸魚有兩大塊，魚肉質感幼滑，新鮮，忌廉汁亦係主角之一。另外佢有薯蓉墊底，唔驚食唔飽。蟹肉扁意粉配龍蝦汁 ($268)好多人唔知，襯蟹肉最好嘅意粉類別其實係扁意粉。我比較欣賞佢嘅龍蝦汁唔會特登做到好強，唔會冚過晒成道菜嘅味道。咖啡或茶嚟呢度對住個海景，配上呢度嘅柔和音樂。一晚，其實可以過得好快…

君子餐廳 Brikete Bistro北角渣華道123號北角匯二期2樓206號舖味道評分:☄️(必食之選)>☀️>🌤>⛅️>💨☀️Dinner Tasting $468/位總共5個course+茶/咖啡，整體食物味道高質🥰首先第一樣野已經好驚艷！🔸煎鵝肝配慢煮蘋果鵝肝唔會好膩反而恰到好處，配合焦糖蘋果超夾，係一個開心滿足的開始~🔹栗子忌㾾湯採用新鮮蘑菇煮的湯，飲落唔會好厚重但有輕輕feel到栗子蓉果隻質地，feel到餐廳有悉心調製！🔸鮮蠔野菌意大利飯3隻蠔食落超新鮮，只係輕輕煮過，保留左蠔的肉汁&鮮味，意大利飯有青瓜&菇類調味，自帶鹹香🤤🔹肉眼牛扒配新鮮蔬菜我同男朋友分別選了5成熟同7成熟，我比較推薦5成熟，食落會更嫩同更加有牛味😎值得一提既係個薯蓉都好好食，好滑有奶油味~🔸精選蛋糕我地今次得到一個紅桑子雲尼拿慕絲蛋糕，同埋法式杏仁酥各配雪糕一球，法式杏仁酥新鮮出爐，十分酥化，我同男朋友爭住食😙雪糕的味道都有花心思搭配，法式杏仁酥配左雲尼拿味，而慕絲蛋糕則配左個較清爽的雪芭~餐廳環境有舒服企理有情調，適合慶生or特別日子去~有興趣嘅話就快啲去試吓呢間隱藏喺北角匯

以前去一的米芝蓮餐廳食飯，親身體會佢嘅菜式，會覺得佢地摘星原因實至名歸，但下一個年度又會好突然再摘星，我指摘走粒星。我問過好幾間，原來就係因為廚師太出名所以跳槽。之後就保持唔到水準，sad。 呢間鋪頭就唔同，因為個廚師就係老闆，走唔甩。而且老闆係喺米芝蓮星級廚房出嚟，水準毋庸置異。 🍖淨系食前菜都知，有三文魚沙律，同蘑菇湯，我最鍾意係個湯，湯身滑得嚟又有咬感，可以食到蘑菇碎，而且可以飲到香濃嘅菇菌味。 🍖主菜就係帶子意粉同燒牛扒，扁意粉冇多餘嘅醬汁，但係每一條醬汁都充分掛滿意粉，味道啱啱好之餘，又唔會彈嚟彈去，方便食用，尤其系女士，就可以好優雅咁進餐。牛扒煎得啱啱好，我鍾意佢嘅顏色夠曬紅嫩，但又冇多餘血水。而且紋理分明，切落去又冇筋。trimming 技術真係好好。最特別繫個配菜，除咗好香滑嘅薯蓉之外，仲有隻冬菇，少少玩味之餘，又有啲配合到農曆新年嘅主題。 🍖而全餐最驚喜嘅就係個雪糕，第一啖食落口，雲尼拿味爆曬出嚟，配合翻紅桑子嘅layer cake.酸酸甜甜真係襯到絕。 同老闆傾計，呢度餐牌經常更換，我仲攞埋嚟緊過新餐牌，仲有5個courses，不過內容就充滿咗驚喜。睇嚟要再嚟食多餐

餐廳走中高檔路線，窗口位置有海景。服務很好，店員親切有禮貌，食物上枱亦會說明一下是什麼食物，會主動斟水換餐具。試了Dinner Tasting Menu 很有驚喜。最欣賞的是頭盤煎鵝肝配慢煮蘋果鵝肝軟糯，蘋果的爽，多士的脆，配搭得恰到好處。鵝肝油香豐富，配上酸甜的蘋果，香而不膩。栗子忌廉湯，真的很少見，現在秋冬天栗子當造，這個湯很適合現在的天氣。鮮蠔野菌意大利飯沒有過多的調味，能真正品嚐到蠔的鮮甜和用白酒煮出來的野菌意大利飯的原味，是高級意大利餐廳的水準。肉眼牛扒配新鮮蔬菜我們點了medium rare ，廚師掌握生熟程度很準確，肉眼扒牛味香濃帶有油脂，有足夠厚度，口感一流。最後甜品是玫瑰荔枝紅桑子蛋糕配上紅桑子雪糕，蛋糕輕盈清新，不會過甜。整個套餐精緻得來份量很足。總結：餐廳食材新鮮有質素，環境舒服有情調，很適合約會或者慶祝。