君彩美食 (已結業)

上星期六到這裡食tea, 差不多坐滿晒人 (以前半滿都未必有), 好開心呀, 見到君彩多左客人!!!芝麻卷好重芝麻味, 媽咪最鍾意食沙律明燈盞個盞好脆, 沙律新鮮流沙奶皇飽 真的超級好味, 奶皇餡料充足, 好香, 最緊要係真的"流沙", 唔係出面食到一pat pat咁. 水準依舊, 非常難得!!超讚!

又係睇左好多激讚既食評, 所以上星期六放左工叫埋亞爸亞媽黎飲茶試下.平時返工都經過, 但都唔知樓上係一個可飲茶食點心既地方, 位置方面都算"格攝", 行過左真係唔知都唔出奇, 可能係因為無大大的招牌指引. 入到去梗係第一時間睇睇張點心紙同埋價錢先喇, 原來星期一至五係最貴, 小點11.8, 中點18.8, 大點24.8, (仲以為呢d無裝潢既酒樓會平d), 好在星期六及日會平d, 叫做假日優惠: 小點8.8, 中點12.8, 大點16.8, 如果唔係就比亞爸亞媽話我做乜唔去mega box 飲要黎呢度飲, 因為mega box有好多酒家都有折頭及特價野食, 而且裝修有靚又坐得舒服.我地點左出名既流沙奶皇飽, 真係好好味, 流晒d沙出o黎, 好耐都無食過咁正o既流沙飽喇..再點芝麻卷, 有少許芝麻味, 有d淋, 拉唔開, 無以前細個食開個d可拉開條芝麻卷o黎慢慢好似張紙咁食法, 有d失望.跟住再叫個鮮蝦莧菜餃, 唔肥好好味其他既野食就無乜特別喇!!

在網上見有幾多好評，雖然多數集中寫午飯的點心，不過我估，午飯得，晚飯都應該差唔得去邊。所以便去君彩晚飯。星期日，在工廠區，晚市無乜人，門口也無人接待。小菜的水準一般，不差，也不見驚喜。白飯就凍左d，好似食冷飯未蒸熱咁。這是很大敗筆。啤酒只賣藍帶，有點失望。有糖水送，那個南瓜西米糖水，幾好，不太甜。

已經光顧了無數次, 每次都會食好多野....今次兩個人食咗八樣野:1. 芝麻卷>> 好重芝麻味, 好食!2. 蝦沙律盞>> 唔油膩, 好食!3. 义燒腸>> 好滑... 4. 切雞湯米>> $14.80 大碗抵食!5. 麵醬牛孖筋>> 好淋滑6. 燒腩卷>>> 芋頭夾著腩肉, 超好食!7. 奶皇煎堆仔>> $4.80 三粒8. 鹵水豆腐>> $18 好香鹵水, 豆腐入味, 好滑!呢度雖然有少少隔涉，同mega box有一條街既距離啦... 但係食物質素很好，值得一試架!

相信好多九龍灣人都知道, 如要在午市時間在德福搵位飲茶的話, 除了要預先訂檯之外, walk in 入酒樓等位都一定要花上最少半小時的時間, 而且點心價錢亦稍為偏高, 今次值得推介的就是這一家在工廠區入面的酒樓...... 今次因為只有兩個人去飲茶, 試了不太多款的點心, 其中一樣係佢0既流沙奶皇飽, 真的超級好味, 單看外表, 只是平凡不過的奶皇飽, 但第一口咬落去, 那金黃色而又香甜的奶皇餡料就好像吃上海小籠飽那樣,慢慢的流出來, 奶皇餡料當然比起上海小籠飽的汁料較杰身啦, 而第二樣我覺得幾美味0既點心叫做臘味波菜餃, 餃皮煙"un"適中, 波菜很翠綠新鮮, 波菜間夾雜著臘腸粒, 配搭蠻不錯, 第三樣叫"明蝦沙律菚", 幾特別, 一碟有三大件, 一個似錦魯云吞的皮造成一個spoon 的樣子, 上面鋪有雜果沙律, 面頭有一隻蝦, 蝦似急涷蝦及略嫌淡口了少少, 第四樣分別是煎蘿蔔羔及鮑魚姑蒸鳳爪, 蘿蔔羔煎得香口, 但略嫌咸了少少, 咸味遮蓋了蘿蔔0既味道, 鮑魚姑蒸鳳爪不過不失, 如果多返少少豆豉味就更加好喇, 用鮑魚姑墊底蒸鳳爪都不錯, 個人認為比起出面其他酒家有D 會用芋頭墊底的

好耐冇飲過早茶啦今日做下孝順仔請dad&mum飲聖誕茶!http://i7.photobucket.com/albums/y270/ekoeko/CIMG1706.jpg去左君彩,貪佢\紅色都有平(八號風球或以上冇平)叫左8樣野http://i7.photobucket.com/albums/y270/ekoeko/CIMG1704.jpg燒賣- 有粒蝦係上面,做型幾好,不過下面大部分肥豬肉瑤柱菜苗餃- 我好清楚記得4個月食過係有蝦架,果陣時我仲問:咁d人做乜叫蝦餃?! 但今時今日,咩都加價,但佢\唔加,所以就減左料(冇蝦)粉果- 入面好濕,唔知係油定汁,不過幾野味,粉皮夠彈牙牛肉腸- 腸粉皮煙\"刃\"有口感, 料差唔多啦...牛肉球- 加左gi汁一流,未試過冇加孖腸卷- 包皮真係好好好好味!不過入面兩條野好多肥豬粒叉燒包- 汁好味,包皮亦都好味,不過得一粒叉燒咁大把http://i7.photobucket.com/albums/y270/ekoeko/CIMG1708.jpg最後招牌流沙奶皇包- 問我10分滿分比幾多?? 可唔可以比100分呀?!真係好好食,要等陣先好食,唔係會比

27-09-07同事食lunch食左炸鮮奶球, 蜜瓜味好香甜涼瓜都好爽口, 涼伴小食, 很好很好蟹籽青瓜沙律也不錯, 平時係日本料理就食得多呢度既青瓜唔係切絲的, 係切條的其他叉燒包, 燒賣等就普通啦每人約$70

這裡真係唔就腳...不過, 我一直都有幫襯當德福的酒樓無論在早茶/午茶/下午茶時間都要等成個鐘的時候, 這裡就顯得特別寧靜. 其實我假日飲茶只係想靜靜睇報紙&同家人/朋友傾下計. 當別的酒樓分時段做特價, 令食客要按時埋單, 其實都係一個幾大的限制. 事實上, 星期日10時許只有7-8抬客人, 不禁為佢擔心....... 希望他平日的午市可以cover到cost早前他的舊址被業主收回, 我真係好不捨. 因為在別的酒樓真係好難食到咁出色的流沙奶皇飽... 熱辣辣, 金黃色的餡料慢慢流出來, 真係百食不厭! 幸好後來在附近開返, 結果食物水準都沒有下降. 而且這裡的員工好nice, 有禮貌, 會主動過來傾下計咁回想第一次來, 見到佢的外表都幾殘舊, 已經有d想走人, 如果唔係亞媽推薦, 我都唔會識得黎食老實講, 這裡的流沙奶皇飽真係同廣州陶陶居有得fight

算是不錯! 平時不做飯或假日都不作他選。價錢合理、食物質素高。

只係下午茶食點心綿花雞... 非常普通, 跟條日本蟹柳流沙飽... 流沙都幾好,但又唔係好特別鳳爪... 非常普通明蝦沙律菚... 唔錯,幾清新蓮子合桃露... 幾好,如果熱d更好總括來說只是普通,附近德福陶大也有很多選擇,並未有足夠理由專程再來

此店已由常悅道其士中心搬往同一條街瑞興中心一樓.地方偏僻門口又細,都幾難搵. 其實這間酒樓的水準一向不俗,比起德福幾間酒樓都要好,每逄假日好難搵位.現在搬遠仍有不少俸場客.星期日同屋企人飲茶,食三十幾籠點心,埋單四佰幾,都好抵食.

中午去到非常多人，味道一樣好味，尤其流沙奶皇飽及馬拉糕一流，價錢平咗少少！<br />貼士：星期六最抵啊！

本身住係德福﹐但從未吃過﹐原因是太遠(相對於商場)。有一次人地介紹去食﹐自此欲罷不能。1.燒腩仔(午市) ***必食2.流沙包***必食3.蒸排骨4.cha燒包5.鮮蝦菜苗餃***必食6.芝麻卷.....之前是以貌取人﹐覺得不會好食到邊。食過之後才知自己錯了。無味精係第一﹐德福附近有美心﹐德福歡加稻香﹐間間都係食完返來狂飲水。如果一間茶樓只係識得用味精來吊味﹐我自己就不會鍾意。燒腩仔要午市來食﹐不會差過深水埗的容記。流沙包真係睇到師傅手勢﹐菜苗餃每次re-order.cha燒包呢d點心在飲茶時好少食﹐係驚食到紅當當的饀﹐在呢度會食。媽咪好奄尖﹐有d豬肉有肉膻味﹐佢就唔會﹐但呢度的排骨佢就會食﹐話d肉新鮮好味。而家佢地搬左去後面的瑞興中心﹐聽講面積少左一半﹐6月11日重開﹐我會去試﹐希望師傅唔好轉﹐d野一樣好味﹐真係唔想係商場果幾間食啊。

詳細地址唔記得o係邊度, 不過都係九龍灣工業區附近~click到入o黎得一個好評, 有點兒奇怪哦~因為佢個流沙奶王包真係超好味!!同埋價錢又好平呀~希望搬o左之後唔好加價啦~

見到冇咩評語有d驚奇，仲以為呢間野會更受歡迎的…我本身並不是在這附近工作的，是一個在這頭工作的朋友帶我去的，講真，初時真係因為貪呢度非上班時間唔洗等位，但係到而家己經係變成專登走去飲茶了，因為呢度論環境，食物同服務都唔錯。最鐘意係呢度既海鮮沙律菚﹐燒腩仔同班片抄河(餐單冇的，要另外order)，差不多次次都點，仲有腸粉，真係直頭係由口滑落肚的，所以亦係每次必選的…上星期除左點例牌果d之外，仲叫左個炸木瓜奶，一樣係好好味，其實其他點心都唔錯﹐如蝦餃。但係我地次次都係係星期六中午時段入去的(冇咩人，d侍應一叫即到，都算快手)，下午茶開始時便走，所以下午茶時段d野掂唔掂就唔知喇~不過~午巿既價錢都幾貴，三個人要食得飽要成3百幾蚊落樓…