呂仔記二哥一九七八

營業中

休息中

好耐冇飲過呂仔記椰汁，以前係粉絲，去開附近一定幫襯。適逢今日係平日星期二，唔多人，想再去試吓。4點半到訪，想叫杯椰汁，點知阿姐話老細未開工，未開始整。心諗: 吓，已經4點半都未開始整，唔通淨係夜市先有得賣？招牌椰汁都冇，真係冇晒心機，老公唯有點了粉果和燒賣。不過粉果和燒賣的質素好一般😑，老公話粉果皮太厚。搬左之後雖然裝修好過以前，乾淨左，但係冇左招牌椰汁，真係冇左原來嘅味道。好掛住未搬之前嘅呂仔記呀😩

咁出名嘅燒賣肥仔山長水遠買俾我🥺真係好感動終於都有幸食到呂仔記燒賣魚肉燒賣，用黃門鱔做餡料食落好彈牙🥰加上又吾粉一定要落辣椒醬‼️❤️大愛加分辣椒醬～重點推介

呂仔記係筲箕灣東大街食完晏又未夠飽，咁就行過隔離呂仔記食幾粒燒賣頂下肚。呂仔記既燒賣都唔平架，16蚊得4粒，但份量就比出面既大粒好多。而聽聞佢既魚肉燒賣係用黃門鱔做餡，就試下佢同出面有咩唔同。開頭睇d燒賣唔覺得有咩特別，但一食落就覺得真係非同凡響😎😎燒賣食落好彈牙，啖啖魚肉，唔會食到成口粉咁。而且魚味好香，一路食一路滲出黎，但食落去有少少腥味。而佢用既豉油都係偏甜而且淡，唔會食落得個咸字，蓋過魚肉既味道。

可能唔係好多人鍾意食南瓜 🎃，所以感覺好少糖水鋪有得食南瓜西米露🎃，不過位於筲箕灣東大街呢間呂仔記就有喇！！對於新界人可能東大街係個陌生既地方，不過呢間老子號真係會令人遠道而黎！呢間呂仔記因爲搬左新鋪所以門面好靚好新，呢度最出名係魚肉燒賣，之前食過好大粒好足料架，不過今日太夜黎賣晒好可惜啊。今日黎呂仔記仲有另一個目的，就係食我最鍾意既糖水-南瓜西米露 🎃一粒粒南瓜肉，滿滿椰奶香滑晚既南瓜西米露一試難忘唔似平時西米露咁稀，呢碗南瓜西米露既口感有少少似糊，但又唔會太傑岩岩好。雖然真係超級好味，有少少可惜係南瓜西米露只有凍食，依家天氣少少凍冰冰，如果有熱食就更加perfect la。

呂仔記燒賣，真係好大粒，比起平時食嘅燒賣起碼大一倍據稱用黃門鱔打嘅，可以好爽好彈而且唔會覺得佢似落好多粉打出嚟嗰種呂仔記都要試下佢個碗仔翅，真係用新鮮雞煲出嚟，再拆雞絲，真材實料，非常抵食

小店由車仔檔做到入舖，賣好多唔同嘅街頭小食。今次我就試左小店最出名嘅燒賣。————————————————🐟 馳名手工鮮海魚肉燒賣, $48（4/5）48蚊有12粒燒賣，平均4蚊1粒，喺街頭小食嚟講都叫係幾貴。燒賣用新鮮黃鱔魚肉製成，一食就勁大陣魚味，而且好彈牙，幾好食。都算係一分錢，一分貨。雖然我有落鼓油同辣油，但都係鐘意原味多啲。————————————————

呂仔記 二哥一九七八 舊舖已經俾發展商收購左來重建～宜家新舖搬左去對面街，舖位細左但裝修新潮左好多！！！呢間最出名既一定就係佢既貴價燒賣，３２蚊得８粒燒賣，平均要成４蚊１粒！貴價既原因就係佢既燒賣就真係用黃門鱔魚肉來做，講到咁誇，一於試８粒。另外重見到佢有紫米露叫！宜家真係唔係間間糖水舖都有紫米露食，諗住食得燒賣都會口乾，就叫埋紫米露啦！４蚊１粒既燒賣都真係大粒！食落去係好明顯食得出同一般既燒賣有明顯分別，食落一Ｄ都唔會食得出粉，粒燒賣係厚肉，實既，的確係真材實料。雖然係咁，但值唔值４蚊１粒就見仁見智啦！！紫米露都好足料！入面有好多紫米同西米，大大碗，又夠凍！唔錯！

本來想去食魚蛋粉但太長龍唔想等便去這店。三個人叫了出名的8粒魚肉燒賣，兩碗生菜魚肉碗仔翅，4粒粉果，一大份烝腸粉。份份東西都是大大粒，足料。碗仔翅多料但湯不足，加多些水份好些。粉果好大粒，皮比較厚。腸粉落得太多不同的醬，可減少些？魚肉燒賣也是大大粒，好食。也是好食的一餐。要$120,也不過是每人$40！

🍪 【#筲箕灣】呂仔記 二哥一九七八💥42年老字號 百吃不厭足料糖水💥 .🍪2016年有朋友帶我去食呢間餐廳，食過返尋味，到而家都係我最鍾意糖水店！✧A friend brought me here in 2016. It has become my all-time favourite since then. 🍪街知巷聞的小食同糖水店，以大大粒鱔魚燒賣、 碗仔翅打響名堂。✧Very well-known for its siu mai freshly made with eel and faux shark’s fin soup. 🍪 說來慚愧！5年間，每次去都係食完糖水食唔落燒賣！糖水實在好足料！✧What a shame to not have tried the siu mai in these 5 years! I am so full every time after savoring the dessert! ~~~~~~~~~~~~~~~~~~~~~~~🍽椰汁芋頭西米露(小) $20（5/5）Taro Coconut Milk with Sago Dessert (Sm

之前食過外賣覺得啲碗仔翅ok，所以星期六下午見有時間就走去現場試下，點知我真係寧願無去過現場。。坐低之後叫左8粒燒賣&碗仔翅，野食好快就到齊，正當我諗住開始進食既時候，竟然有一個店員姐姐企係我張枱前面，拉高個口罩係度撩牙😰仲要唔係好快撩一撩，佢係keep住撩，然後，我心諗，快快脆脆食完就閃人啦，跟住食粒燒賣先，發覺成粒魚蛋咁😥你唔可以話佢好食，只可以話唔難食。。碗仔翅我試過外賣，心諗應該無咩問題啦掛？點知碗野竟然係暖而唔係熱既？😑上次外賣係屋企食都仲係熱辣辣嫁！😭跟住已經好失望，然後聽到隔離枱話冷氣機滴水，滴左落佢地碟燒賣度。。好啦，我諗住快啲吞埋個翅就算，點知。。個店員呀姐再一次企係我張枱前面撩牙😰拉高口罩，撩牙，撩完用隻手指卒左幾下支牙籤撩牙嗰邊個尖尖位。。好啦，我頂唔順了，我起身用八達通埋單走人，個撩牙阿姐仲問我要唔要單，想用佢卒完牙籤嘅手遞張單俾我，我即刻話:唔使啦，唔該你。。閃都閃唔切😥總之，眼不見為乾淨，外賣碗仔翅我可能會再食，但係燒賣及堂食就算數了。。

呂仔記搬了新鋪，不再殘舊了。除了不再供應車仔麵外，其他糖水、小食照舊，原班人馬，味道似乎無變。我是它的白果腐竹糖水粉絲，到現在仍未能找到一間可煲出如此綿密的腐竹糖水的店舖，腐竹已完全融化在糖水中，加上煙韌的白果和薏米，非常好吃。另外魚肉燒賣又是它的招牌，魚肉彈牙不腥，豉油不會過咸，配合得天衣無縫。今天還點了咖哩魚蛋。不過好像比以前細粒和無以前咁辣咁惹味？因為不是常食又好耐冇食，所以不太肯定。今天心血來潮叫多了一碗三撈：魚肉生菜碗仔翅。我知好多人都愛食但我之前從未試過。不過好失望，首先它唔夠熱，魚肉好硬，碗仔翅又唔夠味。以後都係腐竹糖水加燒賣就夠了。

呢間小食店似係重新裝修過，環境好新，乾淨舒適。🧡自製鮮魚肉燒賣（$25）魚肉燒賣好大粒，味道好鮮，彈牙又有噍頭，唔會好粉，應該真係真材實料，好食！ 🧡金牌碗仔翅（$25）本來想試佢哋嘅三溝（魚肉、生菜、碗仔翅），因為價錢都係一樣，不過唔記得咗，淨係嗌咗齋碗仔翅。碗仔翅都幾足料，肉絲撕得好細條好均勻，都多木耳同冬菇。

舊正舖已找不到（搬家？），但直行便看到這一間舖。名多了幾個字，如二哥和年份。望上去是一間新舖。舖不大，四，五張枱仔。入到去，當然是買了一份$15的燒賣有8粒。粒粒都是大大粒，我坐下便再叫了一碗魚肉碗仔翅，好多料，好好味。相對下，雖然燒賣是這店的名物，差不多個個客入到店都會買，但味道我又不覺得有什麼的特別，只是比平時街邊的小店大些。相對下，魚肉碗仔翅比較出色，因好夠料,我比較喜歡。

成日都見有人提呂仔記以前起舊鋪都食過味道唔錯既起經過東大街等緊壹碗壹麵外賣, 身為為食鬼又心思思買啲小食見呂仔記起偷邊就比佢攝咗入去 新鋪嘅環境係比較整潔所以入去嘅感覺係唔錯嘅手工鮮魚肉燒賣（$15/4粒）... 8粒就 $30，12粒就$45係冇買多啲會平啲嘅🤣記嘅燒賣出名在係手工製造魚肉打成魚漿再包成燒賣但係食落就。。。其實似魚蛋(?)但又無味㗎喎燒賣皮略厚豉油淡茂茂嘅淋豉油前佢掃咁咗浸油搞到成口油仲奇怪😓強烈不推介燒賣愛好者試呀

原來自1978年屹立筲箕灣東大街超過40年的 <呂仔記> 舊店即將遷拆，要搬新店！走入店子之前，先掃安心出行或寫紙仔！新店子光潔明亮，店內只有大約 5張枱！付款方式：現金、八達通、支付寶...等！供應：港式街頭小食：魚肉燒賣、咖喱魚蛋、豬腸粉、懷舊潮汕粉果、碗仔翅...中式糖水：喳喳、香草綠豆沙、石磨芝麻糊、腐竹白果薏米糖水...西式甜品：南瓜西米露、椰汁芋頭西米露、紫米露、芒果布甸...咖哩魚蛋 $20/ 10秘製調味料加入陳皮、香茅等，魚蛋大小適中，入口算彈牙有鮮味！家傳呂記椰香喳喳 $20 細質感濃稠富椰香，滿載紅豆、紅腰豆、雞心豆、花生...多種豆類之餘，還有芋頭、特別加入馬蹄，增加清爽口感！口味添獨特！