呂仔記 (已結業)

以前成日都鐘意掃街邊小食，隨住時代轉變，巳經再無乜小販推車仔喺街邊賣嘢食喇，有都係新年嗰幾日會有既，不過水準就真係好一般，甚至乎有唔得都擺出嚟賣，要食返以前既味道，真係好有難道，不過喺呂仔記食魚肉燒賣，陳皮魚蛋就有返啲以前嘅感覺喇，礙住疫情關係，都係外賣返屋企同屋企人一齊食糖水：喳咋，綠豆沙，腐竹蛋，南瓜西米露小食：兩溝（碗仔翅，魚肉），魚肉燒賣，陳皮魚蛋

聽講筲箕灣東大街呢間呂仔記嘅燒賣好出名朝聖的我緊係同班好友黎試啦，一坐底見到鋪頭貼左好多老闆同明星藝人合照，亦有雜誌介紹佢地的燒賣製作過程燒賣係我成世女第一次食過最貴$30得8粒，不過佢一粒頂你平時7-11個d兩粒所以價錢係兩倍，仲要係真係100%人手做！因為坐我地後面個姐姐就做緊燒賣，咁我地都有食佢碗仔次，碗仔次既料好足夠同埋魚肉都好多同埋糖水「腐竹薏米雞蛋糖水」勁好食但呢間野唯一唔太好就係職員真係比較串無所謂啦。好食就得

我鍾意掃街嘅原因係可以食唔同嘅小食，樣樣都食下，復活節幾日假期，當然係掃街覓食好時機！每次去東大街掃街一定唔少得呂仔記，主要賣港式甜品小食，魚蛋燒賣、粉果、碗仔翅、喳咋等等。住喺港島東嘅朋友一定聽過呂仔記，細細嗰陣，媽媽成日帶我嚟食，話係佢兒時回憶，嗰陣仲係街邊車仔檔，做到上檔頭，幾十年，食嘅除咗味道，一定仲有人情味。嚟得呢度，真係無可能唔食佢個自製鮮魚肉燒賣，價錢係我食過咁多間最貴嘅，三十蚊八粒，不過，可能人手製造嘅關係，每粒都大大粒，口感爽口彈牙，食得岀係人手打嘅，而且食到有魚肉味，手打燒賣之中，佢真係無得輸！一間餐廳就算食物幾岀色，但服務態度都好影響客人回頭率。當日，小妹唔小心倒瀉咗辣椒油，我地已經連忙道歉，及有幫手清理，不過，侍應姐姐態度依然差，呢方面值得改善！

好多年沒吃過的魚肉燒賣燒賣自家製作 一批批新鮮出爐燒賣的size比小時侯吃的更大魚肉彈牙 黃色的皮不會有乾麵粉味燒賣 (HK$30/8粒)-南瓜西米露 (HK$20)南瓜西米露就比較普通 有南瓜味但南瓜粒就很少🎃

😡😡😡第一次係嬲到要寫劣評。。第一：食物唔好食兼且貴，性價比絕對不合理。第二：裝生菜魚肉嗰位阿嬋，人地已經專登除低口罩話要三溝，即生菜魚肉翅，佢另外一位阿嬋都叫三溝，點知俾我時得生菜魚肉。。我話我叫生菜魚肉翅、嚟錯咗，佢就即刻黑面斜睥，仲大大聲咁同另一個阿嬋話：真係俾佢玩死，下次叫三溝吖嘛。。老實講，如果唔係因爲麥記冇咗晚市堂食，我真係唔會幫襯你！再者，個阿嬋啲態度差成咁，似係趕客多過做生意。。。如果想去呢度食嘅朋友，首先你要做好「貼錢買難受」嘅心理準備！

說到呂仔記，當然不能不提其自家製燒賣。不同於坊間一般落了很多麵粉的那樣，這裏用黃鱔製作燒賣，雖然並不便宜，一份燒賣$28 ，但是物有所值。咬下去上唔到淡淡魚香。相較燒賣，魚蛋則較為彈牙，但魚香則沒有燒賣那樣有驚喜。不過咖喱汁調得不錯，很為提味。魚肉碗仔翅的魚肉可能給重口味的碗仔翅搶了味道，也沒有燒賣那般魚香濃郁，但是也很足料。滿滿的一碗$20 ，抵吃。另外也有糖水供應，例如咋喳，南瓜西米露等，用料也很足。

今日早左食飯，所以九點幾就心思思好想再食嘢，落到樓下見到呢間餐廳仲好熱鬧，就入去趁下熱鬧，街坊餐廳就係有親切嘅感覺。坐低之後叫咗由細到大最鍾意食嘅燒賣，一啲都無令人失望，燒賣嘅肉質彈牙，又夠晒熱。之後仲叫多一碟魚蛋，魚蛋肉質彈牙不在話下，果汁啱啱好，食完都唔覺喉嚨唔舒服，證明味精唔算太勁。臨走前叫多碗綠豆沙降下火，料好足，綠豆煲到綠豆蓉咁嘅樣，唔太鍾意甜食嘅我覺得味道啱啱好，下火之選！呢個豐富嘅宵夜，簡直可以媲美一頓晚餐！

以前住在筲箕灣常常幫襯呂仔記，以前老闆娘管理時燒賣和糖水都很出色。今天再試呂仔記這間小店，它已完全變質。食物質素大幅下降，車仔麵和碗仔翅淡如清水。而且收費比一般小食店高。小店由兩個疑似大陸人管理，服務態度非常惡劣。除了價錢變得不合理之外，在埋單時將會濫收，所以建議食客一定要自行計算好，否則，那位夥計將嘗試濫收，至你自行作出更正之後。再先重新計算如果要吃出色的香港小吃，其實不必再光顧呂仔記。因為他已經不是我們熟悉的呂仔記了!其實筲箕灣是一個街坊地區，又何必提供劣質食物和牟取暴利呢，可惜😔😔😔

位於筲箕灣的 “呂仔記”，店主由街邊車仔檔起家，然後搬進現址店鋪，40 年來都堅持自家製作燒賣。燒賣內的魚肉是黃門鱔肉，肉厚彈牙，為燒賣加進了非常獨特的個性及味道，身位筲箕灣街坊的我，已經重溫過這裡的鱔肉燒賣很多遍了

咁岩行過有美食街之稱的東大街，就想揾下街頭小食。而呂仔記店舖出面貼滿各名人到訪的相片，就決定試一試。呂仔記有多款香港的傳統小食，有燒賣、碗仔翅、多款中式甜品🤤其中燒賣係較多人點了，所以就叫了一份燒賣試試。⠀⠀⠀⠀⠀⠀⠀⠀⠀自製魚肉燒賣 $28⠀⠀⠀⠀⠀⠀⠀⠀⠀燒賣超級好食，燒賣係一大批一大批係蒸籠，好有蒸氣同埋都係熱辣辣🤪28蚊有8粒，燒賣的口感好彈口，餡料豐富，咬落不會有麵粉的感覺，再加上辣椒，味道好夠豐富。

同幾個朋友星期六去左東大街想搵下午茶食。呢間幾出名，四個人仲等左十分鍾先有位。佢有傳統小食，有糖水，有車仔麵，可以滿足不同人！男仔們都叫左出名既兩溝，即係魚肉同碗仔翅。我唔太好碗仔翅，不過佢地話幾好食。我就食喳咋。鍾意佢唔甜，椰香味濃亦足料。魚蛋算係辣，有怕辣既朋友仔可能會頂唔住。大家最讚不絕口係個燒賣，不過佢係偏貴。佢既燒賣魚香好重，感覺上好似有少少咸魚味添呀。而且係幾Q彈同有口感既。值得一試不過未必會特意回頭。

我係第一次comment 呂仔記真係由細食到大，由佢平食到勁多廣告勁貴。但係我真係唔想再去啦。燒賣個皮硬，同以前好似有少少唔同，好食到要特登去真係唔值，而且貴。杯椰汁定椰奶飲曬有啲濟。本來想叫多個生菜魚肉，叫嗰時冇人理！！！真係有啲人唔想賺錢㗎😂結果我去咗第二度外賣個生菜魚肉，仲要平少少，真係要多謝呂仔記！！到買單啦，又係冇人理，我真係有唔想買單嘅念頭，結果都係用錢買難受，連買單都要人等。我想講我唔買直接走真係可能冇人知。🤗如果你鐘意等，呢間野真係適合你！🥴

喺莦萁灣附近食完飯意猶未盡，所以同朋友入左間舊式小食店坐低再傾下計。我從來未聽過呢間店，但朋友就話呢間舖好岀名，入到去見到牆上好多店主同明星嘅合照呢！叫左一個魚肉碗仔翅雙拼同一份魚肉燒賣。魚肉碗仔翅雙拼十分足料，最鐘意佢地將冬菇切得好大塊好厚，食落好有口感，唔會好似飲緊水咁，加上木耳等配料，正！另外嘅魚肉燒賣，同平時街邊買到嘅燒賣好唔同，因為真係好有魚肉味，咬落去就知唔係得粉造成，係有真正魚肉，推介比鐘意食魚嘅朋友！走嗰陣仲買左杯椰汁，幾香濃，唔水，可以一試！

一直在這裏成長，開始時很喜歡吃這裏的燒賣與糖水，我也很支持街坊生意，但每一年漸漸地通脹一至兩蚊，到現在28蚊8粒燒賣(外賣還加一蚊)我已經很少去，加上有一個女人態度非常差， 每一次去喝人'要什麼東西，比錢等' ，但當問其他東西時候就不理會人，當聽不到，有一種' 比錢貼難受'的感覺！ 我相隔一段時間去，情況依舊， 所以不值得推介~

晏晝同阿媽去左東大街食下午茶，帶佢食一間電視雜誌都成日提起既小食店-呂仔記。我地叫晒佢最出名既金牌碗仔翅、馳名兩溝、自製鮮魚肉燒賣同鮮榨椰子汁。碗仔翅好大碗，又夠肉味，肉絲又唔鞋口，又夠足料，好味 ! 必食 ! 大推介 ! 加埋魚肉都好好味，魚肉好新鮮同彈牙，一啲都唔鯹。👍🏻再食埋佢自家製既魚肉燒賣，咬落夠彈牙，又濃魚味，同出面其他小食檔既魚肉燒賣味道完全唔同，食完見到牆身貼住既雜誌介紹，先知原來啲燒賣係用黃鱔肉黎整，咁特別，一定要試下。阿媽飲完杯椰子汁話椰子味好濃，又有少少椰子渣係底，好有懷舊feel 。