呂仔記 (已結業)

晏晝同阿媽去左東大街食下午茶，帶佢食一間電視雜誌都成日提起既小食店-呂仔記。我地叫晒佢最出名既金牌碗仔翅、馳名兩溝、自製鮮魚肉燒賣同鮮榨椰子汁。碗仔翅好大碗，又夠肉味，肉絲又唔鞋口，又夠足料，好味 ! 必食 ! 大推介 ! 加埋魚肉都好好味，魚肉好新鮮同彈牙，一啲都唔鯹。👍🏻再食埋佢自家製既魚肉燒賣，咬落夠彈牙，又濃魚味，同出面其他小食檔既魚肉燒賣味道完全唔同，食完見到牆身貼住既雜誌介紹，先知原來啲燒賣係用黃鱔肉黎整，咁特別，一定要試下。阿媽飲完杯椰子汁話椰子味好濃，又有少少椰子渣係底，好有懷舊feel 。