味力冰室

營業中

休息中

味力冰室地址：鰂魚涌芬尼街2D號僑英大廈地下3號舖去茶餐廳食飯都唔一定只係得頹飯～今日我又搵到間幾好食的茶餐廳介紹比大家～日式咖哩雞扒飯 🐔 $80，雞扒飯味道賣相都幾好，雞扒大大份煎得好香😇，而且雞肉好嫩好多肉，日式咖哩係完全唔辣並帶有少少甜甜地和蒜蓉味，CP好正。

🌃 餐廳裝修風格為 新派茶餐廳格局， 粉藍色為主調， 配上木質座椅， 牆上有不少懷舊風情海報及壁畫， 還有一些懷舊玩具櫃， 擺設一些具有歷史價值的兒時玩具等等。.👨‍👩‍👧‍👧以下為1人份參考（💲人均$6x) (常餐).🥑 牛油果常餐💲 58👉 小編自問好鍾意食牛油果， 見到有間茶餐廳竟然有牛油果餐， 即刻心心眼😍， 二話不說， 即刻叫嚟試下。.👉 店員將食物上枱後， 小編wow左一聲， 竟然係原個牛油果切片， 切成12片，份量超多， 同埋小編鍾意食比較熟嘅牛油果， 因為有個比較 creamy 同 smooth 嘅口感， 呢一個牛油果完全滿足小編嘅要求， 除了本身牛油果之外， 仲有意大利黑醋醬汁， 甜甜酸酸比較開胃。.👉 炒蛋炒得幾香滑，仲有唔少沙律菜配蕃茄添。.👉 仲有一個小驚喜，就係農夫包， 係有兩大塊， 非常香脆 ，感覺有啲似蒜蓉包啲friend， 但冇落蒜蓉，帶有小麥味， 同埋搽上非常多嘅牛油， 有啲月巴。.🍹 凍檸檬茶💲 +$4👉 一般茶餐廳質素， 正常發揮。.🤠 通粉 foodie 食評總結 :👉 以茶餐廳黎講， 竟然有牛油果餐， 加上小編好鍾意食牛油果， 所以加咗唔少分

九點幾早餐時間經過鰂魚涌，唔係好多間餐廳有開。呢間「味力冰室」門面都幾是正，可惜門口冇餐牌睇，決定入去試試（係咪做生意手法🤣）對奄列冇抵抗力的me見到餐牌上唯一嘅奄列就嗌咗一份火腿芝士奄列配沙律菜 $38 配熱飲個賣相係幾靚，個奄列好有光澤（咁樣形容我知好奇怪🤣）仲有d蛋汁係下面滲出黎，見到就流口水蛋煎得好，火腿量好夠，芝士同蛋夾埋又係無敵，正！但個沙律菜又少又細塊，個醬又太濃，真係不如唔需要出現如果呢碟野叫「火腿芝士奄列」我會俾五星，但既然要加個沙律菜，咁我個評分就加埋，就係減一粒星正常咖啡總結：個個附近九點幾冇乜餐廳有開，而有開嘅黎講呢間係幾是正，野食都ok！

再俾多次機會佢，食物方面都仲可以，價錢方面係好合理！地方係乾淨，枱同枱之間嘅距離都接受得到，唔會太逼夾！但係啲服務態度就真係好唔掂，之前去過都知道啲服務態度唔會太好，所以俾多次機會，但今次應該仲衰咗，係，知道始終都係茶餐廳唔要求高，落單時黑口黑面之餘，食物係求其放低落張枱度，同掟落張枱冇乜分別！會聽到佢哋同事之間講嘢嘻嘻哈哈大笑，但係一度攞嘢俾你或者落單時就會黑口黑面！唔係要求佢笑口常開咁對住我，但係真係過分咗！應該冇下次，拜拜！

中午12:20左右等一陣就有位，但必須齊人先可以入。香蔥叉燒滑蛋飯份量十足，叉燒肥瘦適中，奶茶略嫌茶味唔夠，稍為遜色。$56都算抵食。沙嗲牛肉伴滑蛋飯就麻麻，有啲失望，但$58唔算貴，可接受。會再黎食個叉燒滑蛋飯。

星期六瞓到自然醒，之後落咗樓下食個早餐先！好多年前已經嚟過一次，當年仲記得印象麻麻，所以我老公好堅持唔肯再食！今日我話不如比多次機會去試多次啦⋯⋯我哋各自點咗早餐！我要咗火腿通粉，反蛋多士同熱奶茶！另外老公就叫咗牛奶麥皮，炒蛋多士同樽裝鮮奶！我覺得個多士幾好味，面層炕得幾香脆，入面麵包軟棉棉，而且佢哋都塗咗層厚厚嘅牛油🧈，一啲都唔吝嗇，抵讚⋯⋯但奶茶茶質就不夠厚，有啲失色！反而今次我老公就讚佢哋營養餐唔使加錢就可以飲到支裝鮮奶！所以佢個麻煩友都好開心🥳

店員態度極差，落單又要聽唔到人講乜，要客人一個餐要講3至4次，講完問下可唔可以轉通粉，店員就覆“頭先咪問你係咪要意粉囉，你又話係”2秒後，店員就表示出落左單，轉會好麻煩的表情.我哋只好由佢，唔希望嘢食會出事we are just ordering two set meal, not asking for any specific requirements.just dont know why the attitude of the staff is so bad.

外賣包裝得好好，食嘅時候仲夠熱，仲可以用用openrice外賣自取優惠。比起一般嘅常餐通粉，呢間嘅叉燒份量好足，大大舊，唔薄又唔乾不過食到有雪味最鐘意件多士，夠軟熟仲飛埋邊搽滿牛油，食落好香炒蛋同奶茶都唔錯，份量好足，抵食

鰂魚涌竟然有一間星期六日會全日供應早餐同下午茶嘅茶餐廳🙈 真真正正嘅”all day breakfast”😂 週末可以瞓晏啲落去食嘢叫咗火腿通粉同埋午餐肉蕃茄通粉配炒蛋+厚多士+$5 可以轉奶油豬 👍🏻👍🏻 奶油豬啲奶油好足料 好好食😋

前陣子放假一天，和親愛的到鰂魚涌逛逛，剛好行過一間很多人排隊的冰室，我就建議入內光顧，因為想一想，已經有一段時間沒有吃過常餐和快餐了🤤-這次光顧的冰室，從牆上的相框至食物，都散發出香港懷舊的味道，與店內招牌「味力香江」相互呼應👍🏻中午套餐雖然選擇不多，卻是香港人常吃的快餐，一嚐會令人回味🤤還有經典的常餐，無論食幾多次都唔會厭😋-1️⃣常餐 $45 + 芝士 $6叉燒湯意粉是一道香港人才認識的湯麵，雖然煮法簡單，但是意粉都不能煮得太腍，叉燒當然是要半肥瘦，而今次品嘗的這個是可以滿足以上的要求👍🏻😋北海道牛奶炒滑蛋很香很滑，睇到金黃色的外表已經流哂口水🤤牛油厚多士烘得剛剛好，香脆多士配上融化的牛油是經典的絕佳配搭👍🏻火腿和芝士普普通通，但是我獨愛他們合在一起的味道😋-2️⃣秘製沙嗲牛肉拌滑蛋飯 $58 + 煎蛋 $6 + 牛油奶多 $10這個套餐都幾抵食，牛肉、滑蛋和飯同樣都很多，而且沙嗲汁又很惹味，啖啖飯都食得很滋味😋點多一隻煎蛋是因為我太為食🙈😋牛油奶多是一道超級邪惡的小食，又甜又香又脆的口感，令人慾罷不能🙈即使知道會超標，但都會忍唔住食哂佢😋

今日又去行柏架山, 行山前當然要食飽飽先出發。呢間味力冰室既質素好唔錯, 而且早餐既選擇都好多, 我地已經幫襯左好幾次。早E4 – 沙嗲牛肉煎蛋出前一丁 + 熱檸檬茶- 沙嗲香濃惹味, 牛肉嫩滑, 雞蛋係我最鍾意既流心蛋, 丁麵係爽麵, 唔會過淋, 抵讚。早G – 火腿芝士奄列配鮮沙律菜 + 熱咖啡 - 奄列好大份, 蛋仲好嫩滑有蛋汁, 配上咸香既火腿同芝士, 好味。沙律菜上淋上黑醋汁, 好醒神開胃, 中和左奄列既油膩感, 成個配搭一流。味力冰室鰂魚涌芬尼街2D號僑英大廈地下3號舖港鐵鰂魚涌站A出口, 步行約3分鐘

今日冇食晏就走去行柏架山，返到落鰂魚涌都三點幾，好想食返個Tea, 但上次貪就腳是但搵間坐低就中咗伏，今次死人都上OpenRice search咗先，見呢間食物賣相幾好，又只係過對面馬路再行一條街就到，即管一試。 下午茶餐抵食，味道都好過一般舊式茶記， 而且杯咖啡是蒸餾㗎，加上人不多，可以舒舒服服坐一陣，下次行完山都會再來。唯一決點係， 負責人在有食客食緊野時，依然叫員工抹牆掃地， 啲塵飛起晒吾係幾好咁囉， 希望留意一吓啦！

自從疫情多了人wfh之後，lunc time比較易有位了，藉此可以試吓長龍餐廳是不是值得排。味力冰室的套餐是正規傳統飯類，餐肉、蛋、沙爹牛之類，不算多選擇。環境方面新開的時候看到裡面清新舒適，但lunch time搭枱關係就完全沒有這個感覺，鄰座外套的冷毛可以黐到我外衣上。厚切餐肉煎三蛋飯 $56 (凍飲+$3)餐肉認真厚，好滿足。三隻蛋都靚，仲可以分一隻給朋友。沙爹牛滑蛋飯 $58牛肉和蛋都滑雖然是簡單沒花巧的飯但兩個都幾好味，如果環境無咁迫而侍應唔趕客走就更好，我們餐飲未飲完她們已趕住收掉了。

回到忙碌嘅返工日子，簡簡單單叫個外賣lunch，個叉燒蛋飯又幾好味喎！✅外賣同樣足料，叉燒同蛋都好多，夠曬餸拌飯食✅蛋又厚炒得又滑✅叉燒唔肥又唔會「鞋」✅甜豉油撈飯好食用OpenRice order連野飲$46 only，超抵食！

今日黎到呢間都幾早收 疫情期間都係收18:00唔做晚市 見到佢地17:30開始截單想去既朋友可能要注意啦.放工大概17:00想食個下午茶見到呢間沙嗲牛肉滑蛋飯 好似好吸引點個賣哂 選擇厚切餐肉三蛋飯都冇原來太夜飯餐都冇啦 應該都幾多人點 咁快賣哂.最後點左⭐️法蘭西多士$32👍🏻呢個勁厚身 所以好夠鬆軟😈表面有牛油 熱辣辣半溶緊 加埋糖漿勁邪惡⭐️奶油脆脆豬$30👍🏻包底幾特別 第一次食 咬落去好脆 會爆碎中間夾全奶油 火腿 沙律菜 幾清新既感覺.味力冰室 (鰂魚涌)鰂魚涌芬尼街2D號僑英大廈地下3號舖