味千拉麵 (愉景新城) (已結業)

今日想去荃灣睇戲，想想咁耐都未去過愉景新城睇過，今日就決定試下，去到見還有時間就去搵野食，見到有好多年歷史既味千就門口望望，服務員都好熱情介紹優惠，因下午茶時間，拉麵有7折就打動左左我入去試試，入到去環境都大，人不是好多睇睇餐牌，見到價錢都是$50-$80左右，咁大家心中有數，7折後的價錢，我叫左碗味千拉麵，我女朋友叫左碗豚肉拉麵，好快就到了想不到下午茶一樣咁大份，2碗拉麵湯底一樣，味道濃郁，拉麵都好彈牙，至於叉燒及豚肉都是正常野，但如果咁既價錢，食到咁既質素，性價比好高，總結：下次會再試下其他皇牌野。

味千拉麵在香港開了那麼多年，我還是第一次去吃，因為本身看見有個兒童餐好像挺好吃的，但是原來一定要有12歲以下的小朋友才可以吃。然後我就揀左原味拉麵，佢個湯是極度濃的，豐富的豬骨湯味，令人一飲再飲。配料方面亦都不少，有1粒雞蛋（糖心的！），少許木耳，得脆！2塊日本叉燒，叉燒略嫌太鞋，肥油太多，吃著吃著挺膩的。拉麵就挺有韌度的，沒有太多鹼水味，吸收了濃味的湯頭，好吃！如果覺得不夠飽，可以加HK$10有3隻日本餃子或一小碟鹽酥雞^_^

很久很久 沒有到味千用膳 今天在愉景新城看完電影後 選擇不多情況下 再次光顧《煎餃🥟》看到黑黑的 並不是煎的金黃 就不抱有期望 又冷又硬 不用多說《鰻魚炒飯》想不到 挺好吃的 鰻魚肉質不錯 很香鰻魚味 而炒飯的調味適中 不會太鹹 味道夠濃 《金菇牛肉卷》十分濃醬汁味 挺鹹的 牛肉金菇是必吃的配搭《豬軟骨拉麵》半隻溏心蛋強差人意 是熟蛋吧 豬軟骨比較韌 有點難咬 幸好麵質跟木耳搭救 起碼都可吃飽想不到炒飯比拉麵更好吃了 還記得小時挺愛到味千吃拉麵 可惜 現在的質素差了 而且有很多日式餐廳選擇 真的不用再到此了👋🏻

細細個已經經常食味千拉麵🍜，但近年店鋪好像少了很多！我地選擇中午時段來食，人少少，不過新店裝修得很舒適，座位也很多。🔶吉列豬扒拉麵 $75 🔷可以$10追加了一客小食，日式秘製炸雞，雞塊大大件，味道很好呀👍🏻🔶豬軟骨拉麵 $65 ~ 由細都大都係 keep 住叫呢個全部味道也不錯，保持到中學時代吃味千的味道。份量也很夠，價錢比較經濟，款式也很多，服務也不錯，在屯門食飯又多一個選擇了，一定會再光顧。🤗

星期日傍晚6點，愉景新城有太多人，很多餐廳都需要排隊，由於好肚餓，於是就到未滿人的味千拉麵，由於BB在車仔睡著了，侍應就幫我們找到一個位方便放車仔。我們叫左全盛拉麵、味千拉麵和南瓜沙律。先講全盛拉麵，配料頗豐富，其中最有驚喜是獅子狗內有芝士，炸蝦味道也不錯～至於招牌味千拉麵，味道保持水準，不過兩款拉麵的湯底都偏咸及偏油，所以我飲左2杯水。南瓜沙律味道一般，加入了麵包碎，感覺有點怪怪，不過$28的價錢算是抵，埋單$148。

數數手指，都真係有好多好多年冇食過味千拉麵啦！記得當初等一次接觸日本拉麵就係食味千，個陣香港食日式拉麵並無好似宜家咁多選擇同款式變化🤣🤣好似暴露左年齡嘅秘密㊙️其實而加都唔會話專登去食味千拉麵，但係因為屋企人話22號去味千拉麵食拉麵係有coupon 送，所以先決定再去會一會佢🍜今次叫左2款拉麵，分別係豚肉拉麵同味千拉麵豚肉係豬頸肉製成，食落爽口同唔會太肥，配上椰菜可以減低肥膩嘅感覺，半隻糖心蛋都好有水準👍🏻五十幾60蚊有咁嘅份量同水準都算係咁，難怪weekend lunchtime 都要排隊等候啦另外係味千拉麵🍜同豚肉拉麵唔同，係有3煮大大嘅半肥瘦叉燒，食落都好嫩滑，味千拉麵係有一隻整隻既糖心蛋，中意食蛋嘅可以考慮下，不過湯頭就比豚肉拉麵咸d，餐廳可以提供清湯俾你自己調教返自己嘅口味，都幾貼心❤️

記得細個成日食味千依家愈開愈多拉麵店 就嚴重比下去仲結業了不少分店 對這份回憶有點可惜.蟹棒豬骨拉麵🍜 就咁睇都幾靚但一食就後悔了 🦀🍥全部都得粉味湯底一飲就知係味精 拉麵似即食麵溏心蛋欠缺蛋香 只能說價錢平罷了.日式餃子🥟水準相對比拉麵好外皮炸得脆 不會太硬 饀料份量正常

今日放假陪女兒去到愉景新城玩，到了晚飯時間見到味千，記得以前每月都會去食幾次都好幾年無去，入到去見到兒童餐，就叫一個比女兒，之後就叫左兩碗味千拉麵同一客餃子，諗住快快食完就回家。點都諗唔到呢間咁耐曆史既拉麵鋪（見重宣傳50週年），用自己餐廳名去明名既麵可以難食到咁，麵質重衰過即食麵，湯好油，幾片我諗係叉燒？肥到食落去有點反胃，令隻應該係糖心蛋？可能係我誤會，只係一隻全熟既雞蛋，最後我以為個餃子唔會有事啦掛⋯⋯點知都係暖既同埋有連怪味⋯⋯

BBQ pork & tender rib ramen with a cup of iced honey citron.🍲🍹😋Stopped by in Ajisen once again to try out the other ramen set. The tender rib was juicy and tender, literally.😂 Hearty broth with chewy ramen and a perfect "runny-yolk" egg, what could possibly go wrong?🤣😍

話說細個同屋企人食過幾次味千拉麵，但係隨住年紀漸長，味千拉麵已經變成左童年既回憶... 今日咁岩經過荃灣味千，諗住重溫一下童年回憶開心下，順便睇下變左幾多(´･ω･`)今次自己一個人，淨係叫左一碗吉列豬扒拉麵同埋一杯凍水果茶，兩樣都係新品（新品預左伏架喇）-凍水果茶$20 : 甜度適中，芒果味相當重。只不過飲唔到其他味，只有芒果味... 而且隻味比較假._. 同埋$20感覺有d唔係好值得...吉列豬扒拉麵$75：先講豬扒，個樣... 麵衣裹得相當唔均勻，有d位好厚，但係有d位完全冇麵衣🤦🏻‍♀️ 至於舊肉，肥瘦分佈不均，塊野起碼三分二係肥膏... 個麵衣一咬落去就甩落黎🙄我當初到底係度期待d乜... 舊吉列豬扒真係好油膩😫 個麵既話比較好少少，湯底加左辣油相當香，聞起黎都幾開胃😋 係ok好食既，但對於我哩個連食黑椒都覺得痛苦既人黎講... 唯有係咁叫店員幫我加水😖 講句公道話，如果我食辣其實應該會覺得好食既。以後我都係乖乖地唔好試新品了... 麵相當彈牙，唔錯。但係對比個價錢&我既期待就...唔推薦。環境服務衛生果d冇乜好講，始終連鎖唔會差得去邊。總括而言，唔推薦吉列豬扒拉麵，真心伏。水

Lunch時間總係唔知食咩好，係愉景行左一陣，見到好耐無食既味千拉麵，所以就走左入去食！門口無咩人等，企係門口一陣就有待應出來問，所以好快就入得去坐，入到去人都唔算多，睇過menu, 就叫左個叉燒豬軟骨拉麵加熱蘋果蜜，隔左唔係好耐都好快送到，飲一口湯，d湯好夠味，但都好油下！叉燒多肥少瘦，但食落口感都可以，唔算食緊舊油咁。豬軟骨幾野味又夠‘林”,個流心蛋還可以，但因為本人少食荀既，所以無食，評價唔到，最後果杯蘋果蜜，黎時放底睇好似清水，攪兩下就好少少有些少色，飲一口都算清清地，食下面既所謂蘋果粒就唔好喇，極甜！一個餐埋單成為$6x，耐唔時食一次半次都ok既～因為唔係多人都唔會趕你走！食都舒服d! 另外臨走都見到d小插曲，有老人家入座，行得比較慢，待應姐姐都好細心叫佢慢慢行唔駛急既！有個媽媽推住bb，待應姐姐都安排個比較大既通道位比佢，所以都唔係其他樓主講到咁差既！

服務：今天係第2次黎。第一次來印像最差係服務態度。事隔半年多，今次都係冇乜点改。。。食物:今次試曼魚飯。非常極之難食！绝對吾洗試！汁又差，味又怪。吉X家好食過佢十萬陪！包一杯熱柚子or honey apple.taste bad 凍加$2～3。另改汽水or apple juice/grapes juices/ orange juice 加$3。冇奶茶、擰茶個D。

自從我的Openrice食評閱讀量超越了同期楊思琪的寫真集同大劉大戰許珮榆後，一直無心戀戰，因為好驚呢期好紅的鄭子誠，他呢個人"有錢就可以為所欲為"，怎知道他會對我這個手無寸鐵的小郎君做些甚麼架。但我怎麼說都是一個小小小(省略一萬個小字)食評家黎架嗎，身為一個有64個粉絲的小食評家，怎可以遇到小小難題就退縮的，就算有一日我過澳門輸剩條底橫，也要買多一條底橫返黎雙重包住，然後坐在地上再為這些粉絲寫食評。說的如此偉大，實情是偷懶，有些人Say個hi就算，有些餐廳eat過bye就算，能夠令我重新執筆為文的這間餐廳是味千拉面(荃灣愉景新城)，倒不是因為特別好吃，而是碰巧我突然在味千想起好久沒有落筆寫食評，這種感覺就像在廁所突然想起一早已用完廁紙一般的渾身不自然，如此而已。味千拉面的名字如雷貫耳，但今日我卻是第一次食，感覺環境乾淨利落，拿起餐牌想吃個二人御膳，卻給女人迅速擋駕，變成了一人御膳。一人御膳：野菌牛肉石燒炒飯($68)：份量超大，剛放在枱面，已感受到熱力在四射，香氣隨煙四處飄散，來不及半邊庶面，香味已撲鼻而來，本想吃些飯焦，卻又未夠熱力，只能當想像飯焦咁吃，口感就fit晒。旁邊還送上一

這間店有個待應無拉拉會鬧小眀友總非常惡地毫無表情閙，作為服務性行業，毫無道理就鬧小朋友，這間商埸多數都係家長帶小朋友去玩去食地方，大家千萬要小心這個待應，簡直不知所謂😡😡

-今日去左愉景新城，貪果到多小朋友玩樂嘅地方。我地揀左去味千拉麵食lunch。-我地兩大一細叫左個兒童餐，粟米豚肉拉麵，鰻魚飯，加10蚊一個蟹肉忌廉薯餅，兩個餐都係飲熱嘅蘋果蜜。今次黎個主題唔同左，應該係復活節主題。-豚肉拉麵，麵煙韌，湯底略嫌唔係咁夠味，豚肉好薄好味。-鰻魚飯鰻魚夠淋，無骨好味，但可惜飯爛左d。-兒童餐個拉麵湯底比較清，適合小朋友，雞翼，餃子小朋友話好食，好快食曬。-蘋果蜜出面好少地方有得飲，清清甜甜。