味千拉麵 (ac5) (已結業)

好耐冇食味千，諗住去幫趁下，叫左個豬扒飯，🤮🤮🤮咬左第一下，應該塊豬扒係殭屍左唔知幾耐，完全唔知咩黎， 員工可能都慣左，即刻問我地要轉咩，轉左個拉麵，食唔飽，最尾要去食個下午茶，貼錢買難受以後都唔會幫趁

經過味千，見有早餐就試吓，選擇唔多價錢都算平，點左煎蛋雞亦拉麵及熱咖啡，成個感覺似自己係屋企煮，個湯底好咸，雞亦同蛋係正常，無話好唔好味，咖啡係好淡，$35 都唔會太大期望，職員態度好差

我前幾天在香港仔味千這店的經歷，我跟朋友在用餐，聽到店內一些對話，真心覺得很難受。事件發生：有一位老婆婆跟一位女士進店，坐下後因為現在店內已經採用QR code自助下單，女士跟女店員表示自己網絡有問題，自己手機用不了網路，問女店員店舖有沒有Wi-Fi . 希望店員可協助，女店員説店內沒有。那沒有網絡沒有Wi-Fi 怎麼下單呢！店員表示，店裡已經改用手機下單，他們系統也下不了單。當時下午三點多（下午茶時間）店內人不多，只有三到四桌。當時女店員看看女士的手機看能不能連線商場Wi-Fi … 也有點不耐煩，女士一直很客氣讓女店員幫忙。婆婆因為不太懂現代的科技，不太滿意為什麼不能為她直接下單而嘮叨。女士一直覺得自己不好意思。後來，女店員勉強去拿自己的手機希望協助他們下單。但女店員因為婆婆一直埋怨為什麼那麼麻煩，不能直接下就是… 女店員開始不滿道：我而家咪幫緊妳，我是用我自己部手機自己嘅數據幫緊妳落單，咁妳洗唔洗我幫？咁妳唔該我先！妳講唔該先！女士問了婆婆咁妳係唔係度食？婆婆只好説了（感覺婆婆很想吃）：唔該晒妳。女士還是很客氣及不好意思的謝謝女店員，覺得自己沒有網絡而造成大家的不便。我聽到這樣，覺

今日放假來香港仔行山 因為疫情關係 很多餐廳都關閉 包括很多大型商場和大型連鎖快餐店 但這間食店竟然奇蹟地無咩客人光顧 加上都未試過食佢哋嘅早餐 那就試一試我哋點咗兩個麵餐：這裡需要手機下單 都係麻煩㗎啦 介面都算簡單佢哋嘅早餐餐牌 其實都好港式 老實講我係有點失望 香港日式早餐暫時覺得最好係食其家 就算吉野家都比佢哋好 我點了蕃茄香腸蛋長通粉 味道都算滿意 湯底唔太濃剛剛好 朋友點了雞扒蛋拉麵 他們的長通粉好似有第二個叫法 我要問店員才能確認 其實你寫長通粉都可以啦這裡有兩名員工 其中一位應該係新人 客人大部分都係年紀比較大的街坊 好多都唔識手機落單 最後都要店員幫手跟單和教學 其實無咩客嘅情況之下 點解都要堅持人哋用手機落單呢？員店服務都好港式 即係無服務 沒有笑容 客人唔識手機落單 都係怪客人唔睇清楚 疫情之後應該都唔會再試 只有三、四個客都做到個個都唔滿意 最後有一個地方係要讚 就係佢哋嘅價錢 雖然日式早餐在香港一般都唔會太貴 但港式早餐在香港真係越來越貴希望這裡唔好加價 改善服務 那才會留到街坊

👉下午茶時段，見《味千拉麵》下午茶餐好像不錯⋯⋯.📌叉燒拉麵 $33 📌凍檸茶 +$3 ～ 豚骨湯底濃度適中，不是淡，也不算濃。。👉麵條軟硬適中，薄切叉燒+數塊筍片，味道可以，半隻溏心蛋軟綿入味。以$33的價格、份量，超值👍📌追加日式手造餃子 $12/3隻 ～ 皮薄有肉汁，餡料豐富，外皮微焦香口，好味👌📌吉列豬扒拉麵 $42 📌凍檸茶 + $3 ～實物如圖示，外層粉漿厚度是超薄切豬扒的2倍（已經是最大的一塊）。。。❌外皮是脆的，但內裏乾如柴皮，目測已經翻炸不下三十次，如牙力不好者勿點🙅🏻‍♀️👉服務都保持到，一樣咁街坊🤷🏻‍♀️👉下午茶餐一年吃一次尚可😳👉正價不會在此用餐❌

仲記得以前細個嘅時候好鍾意食味千拉麵，不過大個咗之後就好少機會會食到啦，今日心血來潮嘅時候就同左一個好朋友去食飯！我今次就叫咗一個壽喜牛肉溫泉蛋丼！$53來講，呢一度都算係非常之出色，賣相好靚，上面有大大隻嘅溫泉蛋，而且呢度嘅牛肉份量超級多，連埋啲洋蔥絲一齊！食落去嘅時候真係非常之滋味呀！

平日lunch 過黎食，唔使排隊，服務態度一般，餐牌都冇，直接用手機落單，好在唔使加一。今次叫左味千沾麵 $65，等左5-10分鐘就有，其實賣相就一般般，但係真係唔好食，拉麵好淋冇彈性，個湯好稀，完全唔掛麵，叉燒比較瘦，個碗蔥其實唔係好夾😂整體來講，除非冇選擇/好趕時間，否則唔會再食味千。

這星期天氣異常寒冷，即使今天陽光猛烈但中午也只得十四五度，午餐很想吃一些暖笠笠的熱食😃朋友曾推介味千拉麵的外賣，說即使天寒地凍也可安在家中吃到熱騰騰的拉麵👍🏻今天就一試，店員推介了期間限定的長崎海鮮拉麵，餐牌的照片好像都很足料，也點了個北海道薯餅外賣回到家後打開包裝袋，看到入面裝著拉麵的外賣碗非常精美，上面有說明書清楚指引怎樣把拉麵加熱。 碗分開了上下兩層，下面一層有一個像暖包的東西，上一層就是盛著海鮮拉麵的兜兜。把已預熱了的湯倒進拉麵，然後把水加進暖包後，發熱的效果非常快，立即冒出蒸氣煙，未吃已覺得很正，非常方便就把拉麵加熱👍🏻長崎海鮮拉麵🍜：自己不太喜歡太鹹的食物，這拉麵的湯味道恰到好處，海鮮有帶子、蝦、魷魚鬚、還有很多菜，材料新鮮而且份量很足夠😋北海道薯餅🥔：薯餅也十分香口不油膩，即使是外賣也完全吃到100%堂食的質感😍補MENU

味千去得多，下午茶餐未食過！今次食咗炸雞包汽水，＄35結賬。2:30pm攞號，2:42入座，限聚令嘛！電子點餐，零等待。員工有幹勁！味道無變，麵量無少。一半價錢，八成享受。性價比高！

👉好耐冇食味千拉麵🍜，見佢啲下午茶餐都幾抵食，一於試吓睇吓🈶️冇進步🧐.📌豚肉片拉麵 $28 ～ 湯底係🈶️味嘅，但唔算濃味又有啲浠，好過淡而無味嗰啲嘅⋯最好味係半邊溏心蛋🥚.📌九州炸雞拉麵 $35 ～ 🈶️3⃣️件炸雞，新鮮炸起，分碟另上夠細心，唔會比啲湯浸到腍晒，件件都外脆內軟。麵質軟硬適中，湯底唔夠熱，梗係冇🉐️同1⃣️百蚊碗嗰啲比啦！.😳嚟到見到成間餐廳🉐️1⃣️個店員🕴🏻已心知不妙，果然帶位、落單、送餐、執枱、收銀都係同一個人不特只⋯連凍檸茶都係佢整嘅🤦🏻‍♀️。一個人睇晒成間舖已經忙到癲，但店員服務態度依然非常好及🈶️禮，不🉐️不讃👍.👉雖然🈶️好多小店都係one man band, 但係大集團嚟講又好難接受，仲要而家病毒當道⋯⋯不過現今三十多元嘅拉麵🍜茶餐，相信只🈶️味千做到！

味千拉麵🍜係我細個有記憶以黎第一間食既拉麵店😌好有回憶～冇諗過take away都咁有驚喜先係有錫紙袋裝湯，一黎唔怕倒瀉又可以keep warm拉麵裡面隻溏心蛋真係無敵係成碗麵既精緒😊😊😊塊腩肉肥瘦適中～～個肥膏望落都知好味炸物拼盤～～～有炸魷魚鬚同埋炸雞翼分量的的殼殼～配埋個麵食就剛剛好另外點少得drinks Iced lemon tea, 店員好considerate咁 take away會幫我地搵膠紙痴住個straw位，咁就唔會漏啦

中學時代都真係多食味千拉麵，因為都算係平民dd嘅拉麵店。今日lunch去回味下，一入到去都真係見到好多學生食緊，哈哈！最估唔到嘅係味千拉麵竟然出沾麵！！我呢個沾麵控緊係要試啦，朋友就叫左個味千之霸，係豬軟骨叉燒拉麵，我地仲叫左個餃子同海陸拼盤share. 沾麵其實都真係幾特別，我好like佢個麵質幾彈牙，湯底夠濃，仲有個流心蛋係正嘅！！餃子正常，海陸拼盤其實就係魷魚鬚+雞翼，幾香脆，食完真係勁飽呀！！

味千拉麵真係好耐冇食過啦~記得中學放學既時候真係成日都食架!!原來宜家有埋外賣，有日經過就買左返屋企慢慢食~~味千既外賣都好細心，每樣野都包得好好，仲用左特別製造既外賣加熱包裝，個湯底都幫你整熱埋，返屋企簡單幾個步驟就食得，好方便!只要將湯式倒入拉麵裡，將加熱包撕開放入大碗入面，再將拉麵放返上面，蓋上蓋子，加熱5分鐘後就食得!!!記得速度要快，加熱包一打開就好快加熱成同散發出好熱既蒸氣!!要小心燙到手丫~~今次我就叫左個豬軟骨拉麵 + 芝士薯餅飲品就叫左仙草奶茶!!!非常豐富既午餐~~有兩大舊豬軟骨，都幾淋身，仲有唔少配料，拉麵煙韌彈牙!!另外個 芝士薯餅都幾重芝士味，炸得幾脆幾香口!!下次可以再買外賣返去食，真係還原堂食既味道一樣!

如果話譚仔係令米線係香港普及起來，味千拉麵就係我地年輕時令拉麵平民化既始祖。一碗拉麵只係五十蚊，下午茶更抵食，一般人都可負擔得到。特別要讚佢既包裝好有心思，叫外賣既時候唔知道原來有加熱包，所以黎到好有驚喜。第一次嘗試用加熱包，只是加水喉水半杯就得，好簡單。5分鐘加熱完畢後，碗麵熱到滾，但係師傅應該有預加熱，所以麵竟然不會糊配料既叉燒脂肪部分差不多係入口即溶，而且入味。比起出面好多一百蚊碗拉麵外賣，味千真正做得到"外賣猶如堂食"

今日落去香港仔買咗份外賣午餐回家，好特別既係佢地新推出咗【外賣懶人拉麵組】用左特別包裝(有詳細既說明)，同埋好貼心咁提供埋發熱包。方便外賣返到屋企，可以方便又快捷，只要用5分鐘就還原到堂食既風味😋必食拉麵🌠：長崎海鮮拉麵套餐🍜 $58湯底就用咗秘製烹調乳白色既豬骨濃湯，個湯底又香又好飲。仲有多種海鮮🦐🦑 及 蔬菜🥬配料。🍜拉麵既軟硬度適中。好滋味，鮮味十足。套餐配飲品一杯：橙汁🍊新產品小食 香煎蝦餅🦐 $38煎到好香既蝦餅，碎蝦肉，好juicy ，又好有咬口，蝦餅又厚身，食到停唔到口如果你唔想出街，但又想食到味千拉麵，就可以用網上外賣平台 app訂購，送到上門，咁就最方便👍🏻