味口福

營業中

休息中

講起港式漢堡，你會想起什麼? 你會想起時新，還是樂景，或者丹麥?還是三間也不是。 我會很推薦是筲箕灣的味口福。 本身，我對呢個名冇乜特別喜歡，但有同事話絕對直逼時新，由番工的地方行過去，只係兩分鐘，又點可以唔食。 這個下午四點，心情堅差勁，我想，我要吃點junk food才安樂。 地方簡單，但食物選擇非常多，就讓我來瘋癲吃一個下午茶吧。 這裡的收銀哥哥，說自己是全香港十大最佳漢堡，好有信心咁款，少有的小店咁有霸氣。 先來杯凍檸樂，最好係冰底和汽水各上，誠意可嘉。 招牌炸雞脾意粉，呢個絕對係本地地道食品，雞脾炸得金黃又香又脆，雞肉油不算多，外脆內熱騰騰，然後就是那個雞皮，唔食真係唔多。 黑椒汁是港式茶餐廳的感覺，加上那些清炒蔬菜，叫我想起小時候的回憶。 然後的手打芝士牛肉漢堡，加上芝士和蜂蜜醬，還有那牛味濃濃的口感，牛肉碎碎但依然可以滿口牛香，要說缺點，那個漢堡不夠熱呢，如果細心點，呢個漢堡就完美。 最重要係那個芝士將漢堡昇華，和牛肉夾過志明與春嬌。 吃了那麼多邪惡的美味，心情點樣唔好都變好。 要說香港最佳的本地漢堡很多人都說時新是霸王，但說真，試過幾間質素

一直以來我都很喜歡吃漢堡包，連鎖店現在也要$25-$30不等。不過本人喜歡吃自家製的店鋪的漢堡全因手打，以及醬汁也是自家調配更見特別。餐牌上有漢堡包、魚柳包、雞扒包及蛋包飯等等，內𥚃的材料可以隨意選擇並可以追加多一點。朋友戒了牛肉的關係，選擇了一客魚柳包及蛋包飯。更有店內近期推出的雙重芝士薯條，非常吸引。法式魚柳包可自行配搭不同的醬汁，小妹決定混入水牛城蜂蜜醬，並且各自加$5追加芝士及菠蘿。一上桌相當吸晴，輕輕切開後原片菠蘿肉及魚柳炸得金黃色脆。生菜及水牛城蜂蜜醬甜甜酸酸，非常開胃以及魚柳是上乘之物並沒有雪藏味道，包身也經過烘焙過熱辣辣不俗。咖哩汁蛋包配瑞士雞全翼2隻 另一款是咖哩汁蛋包輕輕切開，蛋皮煎得薄身不過內𥚃的飯粒稍微徧硬。咖哩汁的濃度甚高撈飯不錯。瑞士雞全翼之瑞士汁不會太甜，相當入味。雙重芝士薯條炸叫炸整便是雙重芝士的精隨所在，兩隻不同芝士的混合芝味十足。香脆的薯條帶有無限的口感，少許咸度令人愈食愈滋味。

一家人去逛街。因商場內新開了模型玩具店！和老公及女兒去巡視一下！哈。零收穫！很久沒有到天悅商場吃飯！行到樓下，決定吃味口福！對此店也有一點情意結！由西灣河，灣仔到筲箕灣！每一間也吃過了！希望老闆繼續保持水準，用心製作。仲要是不要加價！老闆的誠懇10分抵讚，親切服務，勤力上進的感覺！今天晚上吃了一個鴛鴦焗飯，黑椒汁10分香濃，白汁魚柳魚柳啖啖肉！芝士薯波，叫貨貨色。所以重要要新鮮炸起熱辣辣。芝士香濃，做到的！另外，三歲的女兒一定要食hotdog！哈，說學校也有吃！叫了一個蜂蜜口味，好吃好吃！麵包也有溫暖感的，醬汁配合外脆的香腸。但感覺店內因生意有點繁忙，吃起來有點壓迫感。

這一天突然有點想食漢堡包，但是想了又想，通常只能在一些連鎖快餐店才能吃到平價，而高級西餐的漢堡$70-100不等，結果在OpenRice搜尋了一間很多好評的小店，漢堡包20零至30幾蚊都有，為了讓自己陷於不敗之地，一於來試吓這兒的漢堡包啦！小食拼盤懷舊酥炸魚、黃金芝士薯波、美味柞樹角、酥炸洋蔥圈、招牌炸雞全翼兩隻＄45 小食拼盤一直都係我成日嗌嘅嘢食，原因係款式好多，可以是試到不同種類嘅小食。而且炸物同一款太多的話是會生厭的。先嚐炸魚，口感非常軟熟，味道唔錯。而炸薯角的外皮非常之香脆，食得好過癮。令我也很喜歡的是黃金芝士薯波，味道和口感都好唔錯，裏面有大量芝士溶心，炸得剛好，有大量薯仔粒粒包係入面。到了芝士蘑菇白汁焗西蘭花＄29出場，芝士嘅味道略為淡了一點，只是白烚一些西蘭花，再加上一些蘑菇白汁，沒有經過烤焗，是頗健康的。值得一讚嘅係西蘭花煮得非常之林，補救時間，成舊都非常之林身。我點了B餐 手打牛肉漢堡 配沙律紅豆冰 $42雖然一個餐＄42只係食漢堡包，咁究竟有啲乜嘢唔同呢？( M記burger set$20-40不等喎)。其實佢啲配料可以追加例如有芝士、煙肉等，仲有大量沙律醬添。一

天悅廣場曾經係我放學經常流連既地方，但人愈大就愈少去了。今日難得心血來潮同男朋友重遊舊地，竟然發現到有好野食。要係食港式漢堡平時要走去紅磡，對住港島既我黎講都幾唔方便。宜家筲箕灣有得食喎，就點都要試下啦！叫左牛肉漢堡，豬扒蛋包飯同瑞士雞全翼。牛肉漢堡一咬落去十分JUICY，我再追加埋雞蛋同芝士落去，PERFECT MATCH！豬扒蛋包飯份量都唔細架，而且飯底唔係普遍白飯而係咖哩飯黎架！有誠意！最後係瑞士雞全翼啦，一碟有兩大隻，非常入味，配埋紅豆冰真係正。三樣野已經食到我地捧住個肚啦，下次又多個理由黎太安樓啦！

味口福好出名，係近排先進軍筲箕灣天悅廣場，連自己都未試過添，是日帶咗朋友黎試，感覺有點像快餐廳，價錢除咗平民之餘，仲好好食。我哋首先帶咗一盒蒜蓉包做小食，包上面嘅蒜蓉分量格外多，一上枱，蒜蓉味撲鼻而來，很慶幸身邊的朋友也喜歡選用這個食材，一點也不抗拒，麵包焗得鬆脆，吃個爽快！瑞士雞全翼兩隻＄23 店員推介瑞士雞翼叫我地一定要試，果然係有驚喜。瑞士雞翼嘅皮唔會話太鹹，但係瑞士汁味好重。而雞肉非常之嫩滑且多汁，一點也不油膩，同出面食落嗰啲唔同。老闆推介呢度嘅香煎鹹牛脷螺絲粉配番茄濃湯＄42 香煎鹹牛脷一共有4塊，質地薄並且好大塊。食落去個口感非常之唔錯，林身得來，好重牛味，重點是一點也不會痴牙。不過番茄湯底略為濃了一點和較鹹，但是螺絲粉的軟硬程度煮得適中。說到底最好食的是香煎鹹牛脷。除了配湯粉之外，也可以配蛋包飯等等。朋友食咗一個香煎豬扒炸豬扒蛋包飯，呢度嘅蛋包飯非常之有心思，並唔係一般嘅將塊已經煎好的蛋放落飯上面，而係真係包住佢，我試咗一啖，個人應為口感非常之豐富，好好食。旁邊有啲白汁和沙律菜配，這個配搭也OK。紅豆冰加＄8 其實我們當初到想點檸檬水的，但是老闆極力推介紅豆冰，因此我們點

睇咗人哋嘅食評，諗住應該值得一試，可惜竟然令人失望。 昨天下午茶時間，點了漢堡飽加熱飲餐，賣相和味道只是一般，塊牛肉粉多肉少似肉醬，太少料兼座位欠舒適，但收咁嘅價錢完全唔值。

筲箕灣情報：一般隱世小店-試食餐廳：味口福（筲箕灣南康街17號天悅筲箕灣廣場地下低層1樓2號舖）美味指數：$43蒜蓉黃金吉列豬扒飯（5/10）、$48黑椒德國咸豬手意粉（5/10）-談起筲箕灣，可能很多人會想到東大街，但說起天悅廣場，則可能居民比較清楚。小女子還是中學生時，常常到天悅廣場覓食，闊別多年再到此地，小女子想到這所小店尋覓隱世美食，但味道普通，不算驚喜。餐廳除了有精選午餐外，還有散點午餐，有吉列魚柳、香煎牛扒等多款配菜，滿$60還有熱飲送。先說男友仔點的蒜蓉吉列豬扒飯，有三塊小型吉列豬扒，肉質比較乾身少汁，足夠拌飯，但蒜蓉汁可以更多。小女子則點了黑椒德國咸豬手意粉，豬手切片上菜，約有七片可以接受，味道似白雲豬手，意粉一般，嫌黑椒汁過辣，掩蓋了食材的味道。整體而言，份量、味道、價錢都一般，可以做得更好。

近期，因為紅磡嘅港式漢堡包店「裝修」停業，令港式漢堡包再次抬頭成為近期流行。不過，如果你都想食傳統港式手打漢堡包？我哋發現喺筲箕灣嘅味口福都係一個值得推薦嘅選擇！其實味口福都唔係咩新店推介，早係幾年前已經登陸太安樓，再到灣仔，今日就進駐到筲箕灣。招牌炸雞脾呢個炸雞髀係罪惡嘅首選，但點罪惡都好，記住連皮食（我A姐話嘅）！！！炸到好酥脆，皮薄肉厚，勁多雞汁，夠晒juicy！小食拼盤拼盤有齊炸薯角、炸洋蔥圈、炸芝士薯波、炸魚柳同炸雞全翼。用上龍脷柳製成嘅炸魚柳，夠晒厚身同啖啖肉；而我A姐最鍾意就係呢個炸雞翼，同樣係外脆肉滑，正！手打牛肉漢堡介紹完咁多小食，又點少得招牌嘅手打牛肉漢堡呢！M佬仲特登追加多塊牛肉同煙肉，令到個包有好多層，我A姐想一啖啖落去都唔得，因為真係好足料㗎！手打牛肉嘅賣點就係唔乾，咬落勁多肉汁，配合埋黑椒醬，令到漢堡嘅味道更加吸引。鮮茄焗豬扒飯炒飯底嘅焗飯，份量唔少，仲有3大塊豬扒，肉質唔會死實，鮮茹夠晒鮮甜，唔錯。

(漢堡&紅豆冰&小背景請看上篇)蛋包飯紅極一時。爆漿、流心、特大……坊間唔少餐廳用勁多蛋營造以上「特效」。打卡係好靚，但完全唔知係食蛋定食飯。「傳統的蛋包飯作法首先將打勻的蛋汁倒入平底鍋，煎成半熟的蛋皮時，再將飯倒入，並將飯給包起來。」(維基百科, 2017)網上見過多間知名蛋包飯專賣店嘅宣傳片，都係將炒飯堆好，然後於上半熟煎奄列，剖一刀，等蛋漿徐徐流下，覆住炒飽。在我眼中，此等菜式是為「蛋蓋飯」OR「蛋衾飯」。為咗爆漿，蛋厚到玉子燒咁，完全失衡。正如你瞓覺衾被會唔會360度咁圍住自己？你背脊掂床，叫做衾，被被包住大家應該知點解掛……終於今日食到蛋包飯！蛋皮好薄，但唔係佢慳料。蛋味本身就好突出，太多只會飽滯，而且薄皮一定難整過厚皮。薄薄一塊皮都能做到完全包住炒飯，難得！蛋皮內層仲要係半生！呢一層蛋漿令蛋皮更加滑，蛋味更濃陏！採用珍珠米炒飯，別具日本風味~豬手係鹽水浸，豬皮煙韌，豬肉入味~但看似平凡嘅蛋皮先係成碟最令我欣賞嘅地方~小食拼盤估唔到咁大份，$45真係幾抵。有炸雞全翼X2、炸芝士薯波、炸魚塊、洋蔥圈，同埋好多薯角。全部都炸得乾身香脆，而且炸皮唔係一式一樣~雞翼嘅係士多FEEL，

天悅廣場……東區友都知呢個係一個死寂嘅「傷場」。喺我初中嗰陣佢亦風光過一時，點解？就係因為一間價廉物美、別具特色嘅日式餐廳「吉之家」。喺佢光榮退休後呢個舖位嘅餐廳都做唔長，而天悅嘅吉舖亦好似細菌咁急速蔓延點解我講咁多「舊時」？因為呢一間餐廳—「味口福」正正就係開喺「吉之家」嘅舖位。住喺筲箕灣嘅我其實喺「味口福」剛開業 (2017年頭) 嘅時候已經留意到佢。當時嘅反應係：「終於有人租喇喎。唔知又做到幾耐呢？」望見MENU雖然覺得吸引，但心中亦有疑問：筲箕灣有冇咁多人會花30蚊食個包都唔食碟飯？如是者，咁就過咗幾個月喇。今日興之所至去食，已經2點幾餐廳仲係8成滿，比起初開業人氣的確高咗好多。亦見到多咗幾款價格相宜啲嘅套餐。媽媽一向係睇嘢慢嘅人，老闆見我哋一副呆相，就向我哋介紹佢哋嘅拿手菜。我向來好怕同陌生人講嘢，行街比人截住講多幾句都會唔識應對。老闆好有自信咁推介，講到佢對用料嘅執著，選料嘅原由……一路聽住，我冇覺得反感，反而欣嘗佢呢份難得嘅熱誠~喺老闆同食評極力推介下點咗手打牛肉漢堡+蕃茄生菜+芝士。坐喺窗邊高枱位雖然私隱度低咗，但係就可以親眼睇住自己個包「出世」，咁大個女真係冇試過即叫

除咗帶隻狗去筲箕灣剪毛外，平日都好少去筲箕灣。今日同阿媽帶隻狗去剪毛，之後就放低左隻狗係美容店，跟著我地去左天悅廣場食個下午茶。一入門口左邊見到間新野，熟口熟面。依間舖頭細細，迫迫地都可容納20人左右。因為阿媽唔想今晚煮晚飯，所以我哋叫咗兩個正餐。今次叫咗佢哋嘅主打既牛肉漢堡配薯角，牛脷蕃茄濃湯螺絲粉同兩杯凍飲。牛肉漢堡另加配料: 個包係佢地自己搓，所以入口好鬆軟。漢堡都係手打，食落有軟綿綿嘅感覺，好JUICE。我本身對比較多脂肪嘅肉類有敏感，好明顯依個係冇乜脂肪，食落唔覺得膩。呢個天氣配埋生菜番茄、菠蘿會感覺清新D。牛脷蕃茄螺絲粉，香氣到令到我即刻流曬口水。牛脷用心處理，沒有雪味之餘，仲經過特別烹調，牛脷夠腍夠味，仲有煎過先上枱。螺絲粉數量算多，蕃茄湯好濃郁，帶有酸味味嘅感覺，明顯係用新鮮番茄淆製，因為見到碗邊有好多蕃茄蓉。大熱天時，配上兩杯凍飲，有滿足既感覺。個人認為以依個價錢食到有高級食肆既質素食物，有賺！

今日同女朋友出石澳玩， 約咗喺筲箕灣集合。 平時返工食開連鎖餐廳，嚟到美食眾多嘅筲箕灣，緊喺要食返啲特色嘅餐廳啦！ 我哋嚟到商場地下， 畀大大嘅burger廣告吸引住，於是入咗去打算試試。睇完餐牌令我好意外，原來呢度選擇都好多，唔單止有burger ，仲有熱狗焗飯同意粉添！呢排我哋食得肥膩野多，都係選擇食飯同意粉啦！女友就揀左焗黑白鴛鴦意粉， 而我就揀咗白汁焗田園素菜雜菌飯。 每買滿60蚊仲有免費一杯餐飲送添！唔使一陣就嚟齊咗！首先係個意粉，黑白鴛鴦係指黑椒汁同白汁，配埋漢堡扒同魚柳。一種 意粉，兩種食法！而且漢堡扒同黑椒汁配合得好好，相當入味！而我嘅雜菌飯，都相當健康，由西蘭花同蘑菇，仲有粟米粒組成。而家好已經少有咁健康嘅焗飯了，真係令我食得安心！而餐廳嘅員工都相當客氣，我想調位就即刻幫我安排，十分感激！埋單都只係99蚊，平均每位50蚊都唔使添！下次減完肥一定會再嚟試一試佢哋嘅招牌特色Burger先！

行過天悅門口，見價錢幾抵就入去試下點餐好方便，喺門口買野食，買完搵位坐低，店員之後就會將食物送去你個位今日好肚餓，兩個人叫左超多野食每樣野食都好值得推介！首先就係呢個招牌炸雞脾蛋包飯淨係賣相已經好吸引，一切開就見到啲飯都有用咖哩炒過，功夫做足，而且雞脾熱辣辣，岩岩炸好，又夠大隻點可以唔試下啲漢堡包？啲麵包係自家新鮮製造架，絕對好味又健康牛肉漢堡，加左蜂蜜醬同芝士食材簡單，但味道出色食平民價錢漢堡包，唔一定要去快餐店啦！麵包新鮮製造，一於試埋呢份肉醬熱狗！雖然只係$29，但肉醬份量好多，高質！小食拼盤有五款食物，大碟又抵食最估唔到係飲品都咁出色紅豆冰，紅豆多 大大粒，食到最後都係一粒粒，唔會得返啲皮，而且有濃厚呍喱拿味，同平時茶餐廳飲既唔同，一定要試下！奶茶既茶香好出，我見有人特登過黎買奶茶添啊！以後食飯，唔駛一定去東大街同太安樓😊😊

第一次光顧「味口福」，是與T一起在西灣河太安樓內。猶記得，那夜，他吃漢堡包，小妹吃炸雞髀。後來，「味口福」遷離，搬去灣仔。最近，又重返筲箕灣，於天悅廣場內開業。 凡惠顧，可以半價點選冷熱飲品，我們要了熱檸檬菜蜜$8和凍檸檬菜蜜$10了。 小店人氣最高的，是招牌港式手打牛肉漢堡。據說牛肉多汁有彈性，食客更可無限追加餡料，如煎蛋、煙肉、菠蘿、脆薯餅等，加上皇牌水牛城蜂蜜醬，十分惹味。可惜，小妹與牛無緣，只好點來另一招牌 - 法式魚柳包配日式芥末醬$27。此魚柳包，一包已索價$27，定價遠比大型品牌M記進取﹗吃過，你就會明白 - 一分錢，一分貨的道理。包是小店自家製作，新鮮鬆軟不在話下，咬下去彈力十足，芝麻香氣盈口。再者，那一大塊魚柳，沾上薄漿，香炸至外層金黃色脆，內裏嫩滑多汁，不油不膩。其大其鮮其美味，絕非M 記之作可以媲美的﹗再配上自家調製的日式芥末醬，教人回味再三﹗就連母親大人，也讚不絕口…… 咖央夾心西多士$20，又一佳品也﹗厚身多士，中間塗上咖央，再蘸上蛋漿炸至金黃卻不太油膩。用刀一切，西多士鬆軟香口，再加上咖央的獨特甜美，和牛油香氣，教人無法抗拒。 蘑菇白汁招牌炸雞髀