味帝漢堡 (已結業)

今日約左阿哥係奧運站交份文件比佢，交完佢又趕住走，咁唯有係奧運站行去大角咀那邊，看看有什麼餐廳可以坐底食午餐。行行下見到對面有甘多人等，於是過去望望。去到才知是一間港式漢堡店叫"味帝漢堡"，店舖從外面看以為係一間cafe, 由外至內以綠色的木材做裝潢，好green, 好清新look。我見甘多人，以為要等位，原來佢地全是外賣自取。我見有位便坐下，跟住有個後生仔便給我一支筆和一張order紙，另外牆上和廚房的玻璃上貼滿食物相及寫上食物名和价錢，除了簡化了好多頁的menu之外，又可令店舖增添不少特色。不過真係要睇晒先落order。另外，點完食物可以加錢便成為一個套餐。套餐有小食和飲品，由$18-$28不等。套餐有以下選擇:A) 窩蛋芝士薯條 +28B) 迷你漢堡扒(醬油牛扒/西杍豬柳) +23C)氣炸薯條 +18D)蘑菇奄列 +18E)碎蛋沙律 +18F)田園沙律 +18最後我選擇 "印式香辣烤雞漢堡" ($60) + 蘑菇奄列 ($18)內裡坐位4個，門外有3張高椅子隔著玻璃，這幾個座位可以看到廚房內製作過程，在門外有3張椅子和餐檯，而面對馬路亦有3張椅子可供坐著等待用餐或外賣自取。在門口

海南雞飯？窩打牛肉飯？依間位於大角咀既漢堡，將海南雞，窩打牛變成一個個漢堡包，要幾港式，有幾港式，咁唔知有冇沙嗲牛麵😂 沙嗲牛麵就冇啦，不過就有北菇雞飯，大角咀呢間漢堡包店除了傳統的漢堡外，仲有主打的特色漢堡，包括🐓海南雞飯漢堡（$65），🐄芝士窩打牛肉漢堡（$60）同🍄北菇雞飯漢堡（$60），如果跟餐就加15蚊配小薯條同湯鋪頭入面得七個座位，地方小小，等左十分鐘到，漢堡就上枱啦，首先出場既係海南雞飯漢堡，用海南雞飯代替漢堡包皮，煎到焦香既海南雞飯，有着海南雞油既香味👍，雞肉份量都唔少，嫩滑多汁又冇骨，加埋青瓜絲等配料，一碟青新帶微辣既海南雞飯就出左黎🌿接住既係芝士窩打牛肉漢堡，融化既芝士🧀，加上會厚煎半生熟太陽蛋🍳，一咬，蛋漿流入窩打牛肉餅到，依個咁震撼既配搭完全係衝擊住味蕾👊🏼，一個清新既海南雞，另一個就係濃烈既窩打牛💥兩個漢堡各有特色，不過要拜訪依家漢堡店就要避過人潮時間，大家不妨試試🤘🏻

今日同男朋友去左食呢間漢堡店因為近我地學校 而且又有時間 所以就去左lu一去到個間店 就覺得好有風味 系香港真系好難揾到有呢d甘有特色既店而且我地坐系個到會望到個廚房 可以保證我地所食既野系生鮮同乾淨😍個到座位吾算多 得2張枱 同埋會有少少高枱就好似去左外國甘去到主菜拉～我就叫左個美式傳統芝士煙肉漢堡 加左洋蔥入面塊牛肉真系冇得頂 100%系牛而且個汁系店長自己調既 完全吾需要沙拉醬同茄汁！食完呢次就真系吾會再去食m記拉因為完全冇得比之後男朋友就叫左個印式香辣燒雞漢堡入面塊烤雞超級大 足足有成塊手甘大厚度到少塊有5cm 真系超值！我地仲叫左熱朱古力同特濃咖啡熱朱古力上面有棉花糖 而加仲好大粒而加吾算太甜咖啡就夠濃最後系個窩蛋芝士薯條賣相一流！又多芝士而加入面已經有芥辣醬tim！其實最主要系所有野食夠大又抵食下次一定會再黎

由於正尋找手作小食，有朋友介紹這間漢堡店，由於離家不遠，便來吃吃。這裡坐位不多，是一間名符其實的小店。小店食物未必差，老闆親自落廚落單，真正是一腳踢。我叫了個classic 雙層芝士漢堡，另追加菇菇。賣相非常吸引，高度同我隻手差不多，牛漢堡非常juicy而且食落就知道新鮮。芝士溶晒落去，混合埋菇，蕃茄同蔬菜，由於用料真係新鮮，調味料不多下只有黑椒，已經好夠味呀。仲有份沙律，賣相幾得意，青瓜同磨菇都係新鮮既，食完成份漢堡食返蔬菜，係平衡返個膩既感覺。老闆有心的制作同落力，在食物中完全能夠反映出來，有實力的本地小店。

來大角咀探訪友人,想不到她是住在君匯港,有錢人家真是幸福不過我也不會自怨自憐,未來是在自己手裡的到過好家裡參觀後,她有事要外出,我在附近買點東西吃便回家算了大角咀小店很多,但好食的不多不多呢看到一家漢堡店,見價錢不太貴便進去了典型小店,位置相當窄,老實說座位不太舒服不過食物味道卻不錯,我點了經典牛肉芝士漢堡,真的如圖片一樣吸引律肉嫩滑多汁,最喜歡入面的芥辣醬,相當惹味面包也相當香脆,一啖咬下很過引多角度下的漢堡,真的有種如痴如醉的感覺相當juicy,而且適合香港人的口味跟餐附送的飲品,唯一缺點是大部都是汽水,所以只有一種選擇....

相信大多數人都食過漢堡包，係大角咀就有一間製作特色漢堡。店舖不大，坐位只有7個，舖面設計也有點心思。店內有些書，野食係即叫即整，等野食個陣可以睇下書，做一陣文青。牆邊貼左D食物照片，唔知食咩好就望下D相，樣樣都好吸引呢!!一張好簡便嘅點餐紙，當坐滿客嘅時候，叫外賣係最快捷嘅選擇。新加坡海南雞飯堡係限量供應，飯堡嘅飯好實正，唔會好易散開，份量好足，一半瓜一半雞肉，瓜好新鮮好爽口，雞肉好嫩滑。歐陸碎蛋芝士豬柳漢堡最好食，漢堡包好軟熟，豬柳肉質鬆軟易咬，肉汁鮮甜，芝士係中間慢慢流出，夾埋碎蛋及生菜，口感味道都唔錯。一個漢堡餐加18蚊，就可以配個氣炸薯條，用氣炸方法炸薯條炸得好脆口，薯條又夠粗大，粗薯條係最好食。加28蚊就可以配個窩蛋芝士薯條，薯條唔一定要脆口先好食，加埋芝士一齊焗好特別，薯條與芝士互相纏綿，再混埋蛋黃，令到薯條好滑溜，味道更鮮甜。南洋咖啡好香濃，好順滑，又帶點甜味，唔同茶餐廳沖嘅咖啡，細細嘅一杯咖啡好有驚喜。

今晚和朋友到家附近的味帝May Day Burger，試一試新假期推薦的大角咀美食--飯堡。店舖裝潢頗有特色，像台灣的小店。店面小，所以店家在馬路旁都設有小木枱和高腳椅，總共也只有十來個堂食位置，所以不適合三個人以上的朋友聚會。 我點了一個北菇滑雞飯堡，加薯條和汽水，要價$82。薯條不油膩，表面灑上一點點的cajun粉調味，味道不過不失。北菇滑雞飯堡飯量十足，香菇香氣四溢，上菜時熱辣辣，單看已令人十分滿足～飯堡表面煎得香脆，但沒有燒焦，一點也不會太硬或粘牙。我們坐在門口的高腳椅，所以一直看見制作食物的過程。師傅用蛋槳和飯攪勻，令飯堡不易散開，煎後更香口。另外，北菇滑雞飯堡的醬汁有點像日式照燒汁，甜甜的，配著白飯和紫菜吃，味道剛剛好！可是雞肉不夠嫩，有點美中不足。提醒一下各位食家，海南雞飯堡每日限量供應，我在7時落單時已售完。飯堡份量足，女生進食時會有點狼狽喔。

近年，大角咀嘅餐廳越開越多，因為唔係住呢區，所以一直都未有機會試～ 但最近友人極力推介大角咀MayDay個<海南雞飯堡>，講到好吸引，非試不可！今個星期六下午，抽個時間去大角咀搵食先～奧運站落車，搵匯豐大廈出口行，行過去大約10分鐘左右，好容易就搵到喇～～ 綠色嘅門面，配上木色招牌，懷舊感十足！好有以前"荃灣新區"鐵皮檔嘅感覺～～ 雖然小店細細，但格局佈置得幾唔錯！下午茶飲杯tea食個漢堡，幾好呀～ <原味漢堡> 第一次試，梗係要試個原味啦～包夠鬆軟，免治牛肉肉汁夠，配埋芝士、煙肉、生菜、蕃茄，味道剛剛好！ <海南雞飯堡>每日限量 飯堡外皮煎得好香脆，配埋啖啖肉嘅海南雞，味道好夾，好好味呀～～1個好唔夠喉呀～ 跟餐加<蘑菇奄列> 餡料有芝士同蘑菇，份量剛好，而且煮到7成熟，食落仲有少少蛋漿流出，唔錯食完唔覺得膩！

之前去食附近嘅金船長嘅時候，經過見呢間Burger啲款式好特別所以今日又再黎到大角咀試下佢 呢間店好細，而且仲好窄，肥啲都行唔入 入面只有4個位，而出面就有3個位裝修簡單得黎又好懷念feel～仲有好多書可以借黎睇下，好特別～成日都未食過野，個Tea當然要豐富啲啦！我地就叫左以下嘅野食：1. 美式傳統芝士煙肉漢堡 ＄68相機食先嘅時候已經聞到好香嘅芝士煙肉味！雖然個漢堡唔係好熱，常溫易入口～煙肉嘅份量夠多，而且煎到岩岩好，唔會太硬同太脆。芝士味都算濃，不過我感覺上雙層牛肉芝士煙肉漢堡會更好食！一次一定要再來試下 2. 新加坡海南雞飯堡（限量供應） ＄65之前上openrice見到呢個海南雞飯堡都呆左一呆！不過，我呢個貪新鮮嘅為食妹就當然要試下佢啦～真係估唔到有好大嘅驚喜 首先，個飯面係有少少煎過，好香口好脆，而且仲有油飯嘅油香味。另外，海南雞嘅肉質好嫩滑，同係出面食到質素中上嘅海南雞無咩分別。而且唔會有筋痴住而食唔到，仲有好多舊，啖啖都有雞食到～個飯堡仲夾左少少青瓜，帶點小清新。食完覺得個飯堡仲好食過漢堡，下次會試下其他飯堡3. 我地分別都upgrade左做Combo套餐，分別加左

行過見到呢間開左無耐叫mayday嘅漢堡飽店，成間店都好歐陸式，聞到好香，所以不由自主坐底左餐牌好簡單，想食咩就剔，清楚易明我就叫左個碎蛋芝士漢堡，呢度嘅漢堡即叫即造，好新鮮，麵包烤得好軟熟，微脆嘅外面加鬆軟嘅麵包碎蛋好足料，凍凍嘅碎蛋，配合足3安士嘅手打漢堡肉，漢堡肉係店主自己每日手打，香濃肉味又唔會實的的，配上新鮮蕃茄同生菜，成件事好fresh!叫漢堡可以加錢變套餐，跟薯條同汽水呢度好係好在薯條非油炸，岩晒啲怕肥但又鐘意食脆囗嘢嘅妹子，整體唔錯，唯一係人手較小，一人多就真係要等，不過慢功出細貨，都值嘅！另外仲有飯堡提供，不過我去果日售罄，下次再黎食過！

今日去左細佬介紹的呢間店食， 坐位唔多，但感覺舒適！ 而且等待野食期間可以在度睇吓書！ 睇下Menu先，好多好似好好味的，我今次Order左北菇滑雞飯堡同蘑菇奄列+罐C+。Order到野食到30分鐘左右，話耐唔耐啦！因為係即叫即整的！ 北菇滑雞飯堡雞扒大大塊之如又滑，蘑菇同汁都多，仲之就好好味啦！咀一美中不足的係個飯散左 呢個係蘑菇奄列味道一般啦！整體而言，個飯堡真係超值得一試！

大角咀一向都收埋好多林林總總嘅fusion菜，中西合壁既菜式開到成街都係 今日同朋友黎到呢間英文名叫五月天May Day~~嘅BURGER店！MAYDAY呢個名令人有無盡嘅熱血熱情！黎到門口，地方淺窄，牆壁上有一大塊黑板，令人溢起讀書時期嘅回憶！ 黑板其實係一塊餐牌，上面圖文並荗，訴說呢個乜野胡蘆賣咩藥~木質嘅招牌！清新舒適的感覺！高腳櫈嘅位置能夠看到六七十年代港式嘅餐牌！從左至右看，好似去左冰室！連透明玻璃都物盡其用，寫上rice burger嘅資料！一張點餐紙比你慢慢揀，呢度係慢活嘅地方~~~叫了個川寧茶twinings tea Camomile洋甘菊味 $15~清新，淡香，為一天帶來新氣象！好中意佢個杯~淺綠色！green style~有飯堡就食飯堡！一睇就想食呢個海南雞飯堡！其實就將海南雞飯包裝成漢堡嘅樣子！調過味嘅雞肉嫩滑香噴噴，夾埋d青瓜絲，爽口又清新！個飯煎得金黃而香脆，有飯焦寧舍好食！配嘅小食揀左個蘑菇奄列，暖暖嘅剛做好, 但略清左點, 但雞蛋包蘑菇, 加埋千島醬，滋味無窮！總括黎講如果黎呢度過個relax嘅一日係可以嘅！有書睇又有a cup of tea~~~g

香港的特色小店，被逼遷的逼遷，被結業的結業，還記得那懷舊的屬於香港綠色嘛？殘殘舊舊，七八十年代的屋子色調，未想到在大角咀這個漢堡包店找到，連一些懷舊的玩具，家居裝飾也在這小店尋找到。晚上六七時，店家還在\準備中，我跟L小姐在雨中也不再想走太遠，所以在門口等了一下下，所以拍了張門口半落閘的門口照片。店家只有一個男士在打理，他手腳似開盡引擎般製作漢堡，煎香牛肉扒，製作那個海南雞飯堡，不得不讚這個店主的創意及勤勞。雙層芝士碎蛋煙肉牛肉漢堡$70店家用木板盛上七八層高的漢堡，一上菜已經令人嘩然，那份量有夠大的。第一層是碎蛋沙律，味道不會太淡，入口蛋黃醬也帶出雞蛋的味道。第二層及第五層則是店家用上自家醃制的手打牛肉，牛肉扒厚重而不會過硬實，肉質鮮嫩也多肉汁，煎香表面也帶點香口感。第三層當然不少得是半溶的芝士，最愛是半溶黏稠黏稠的狀態，入口芝香味濃郁。第四層則是煙肉，煎香過的煙肉，入口香脆，帶些少油膩感。最後拼上厚切蕃茄及生菜，為健康加一點點分。麵包塗上些牛油煎香，味道更惹味。那牛肉調味不會太濃郁，也能特出其特色。窩蛋芝士薯條$45能夠做到雞蛋流心，芝士牽絲，薯條香脆，其實都是有難道的！這家的水準

早前發現一間位於大角咀街角處的漢堡店看其裝潢已夠特色,想不到其地道漢堡同樣特色養眼食客可選擇外賣或堂食都可餐牌上亦不難發現各色各樣的漢堡選了選,最終選了海南雞飯堡HKD65配零糖可樂+HKD10食客柯打,店員即時將調過味的海南雞肉煎熟再放入烘過的飯堡上,隨即傳來陣陣香氣,香噴噴!賣相亦不錯面層的飯堡香脆夾著海南雞及青瓜絲味道調得適中,整個吃掉都不覺油膩感而且雞肉嫩滑感覺就似真的在吃海南雞飯呢吃後令人回味另外要一提,呢度的擺設令人感覺懷舊放滿小盆栽,一些菲林膠卷,菲林相機,漫畫書籍等.......現在好難找到這麼懷舊有特色的食店食完個滿足的晚餐,都要點個甜品作結雲尼拿雪糕配特濃咖啡HKD25/跟餐HKD15盛載雪糕及咖啡的器皿同樣充滿懷舊風特濃咖啡真的濃郁,苦味十足配上甜甜雪糕同吃即時中和苦及甜味味道很搭檔氣味濃烈將特濃咖啡倒進雪糕內像咖啡又像奶昔味道不錯,特別係特濃咖啡,濃稠度適中,香氣滿瀉,一杯不錯的雪糕

其實一直都幾鐘意食漢堡 貪佢啖啖肉而家又香又飽肚 大角咀呢個舊區 近呢兩年多左好多不同食肆進駐 本地小店搵到一個集中地真係唔易 而且巿區重建將會為大角咀注入唔少新人口帶動飲食講返呢間漢堡店先 因為見佢門面幾靚仔又有性格 個餐牌係自己手寫 中文仲要係靚個隻！ 入面地方唔算多 人少少坐入面都可以當日眼見都係一個人坐一張枱咁 有書報以供賞閱 幾有心思 反而呢幅牆真係有諗頭 用粉筆同圖片亙動做左一個分割版圖餐牌出黎 佢個餐單有多種配搭 佢最特別係有海南雞漢堡 窩蛋芝士牛肉漢堡等等 特色類 不過今次我食左最基本既先 要左雙層芝士煙肉漢堡配薯條 不得不提提呢個薯條 因為佢係非油炸薯條相對坊間既一獲熟千年油薯條 簡直係安全穩陣又好味之選 值得一試同推介！！ 雙層芝士煙肉漢堡 勁大個！！ 芝士流晒出黎 omg.....睇見都吞左幾下口水佢每塊牛肉都係足3安士份量 由師傅親自選材再用機器及人手打造出黎 口感係鬆化得黎唔會無左個咬感 而且牛味相當突出 多汁易咬 兩塊牛倍感溫馨！！煙肉佢亦都唔會太乾身 保留到個油脂味同塊牛肉好配合而且佢完全唔會吝嗇芝士既份量 直頭係多到漏晒出黎 鐘意芝士既