味曉

營業中

休息中

呢度間咖喱超級好味，又要平先48我會係咁再過嚟食❤️❤️❤️仲要坐得好舒舒服服。平靚正，性價比極高，仲有個吉列雞扒脆卜卜食落去有聲，仲要個烏冬啱啱好。推薦大家嚟食。

今日落嚟新蒲崗做完嘢之後突然好想食日式咖哩, 行過mikiki商場見到有兩間都有日式咖喱飯但又想幫襯！咁算數走咗行返落新蒲崗區內睇下有咩食, 點知行下行下就畀我見到呢間有日式咖哩食, 眼見價錢經濟, 雖然當時店內一枱客都冇, 但都心諗冇所謂啦因想食咖哩飯所以照入。認真睇餐牌, 種類多兼價錢真係好實惠, 最後我就叫咗吉列豬扒咖哩飯($45.00), 加4隻餃子($14.00)同一杯凍檸茶($3.00)。嘢食到, 賣相晤差, 味道係我想要嘅日式咖喱…好味。 雖然唔可以話好食到要特登 搭車落嚟食, 但呢間嘢絕對ok, 好味, 抵食食得飽, 要支持

尼間位於工廠寫字樓同學校附近，所以平日去就會多尼類客，表面上裝修走簡約日式路線，而餐單主要係咖喱飯同丼飯，日式咖喱味道係甜味易入口，額外有辣度可以加，今次就食左照燒雞芝士蛋包飯，仲有魚蟹柳奄列飯，照燒雞食落香口，別有一番風味，蛋包厚薄適中，中間有塊芝士，兩者一齊味道好夾，又唔太膩，唔食芝士既又可以走芝士，而炸魚柳中間魚肉結實好咬口，奄列加d蟹柳絲都幾好食，整體係一間性價比唔錯既熟食日本菜，唔鐘意食生野都可以一試，另外晚餐加推左湯烏冬系列，又係值得一試既。

午餐外出試新餐廳 - 味曉。這店全賣日式咖喱飯。我點了咖喱吉列豬排烏冬，媽咪點了照燒雞芝士蛋包咖喱飯。這店的咖哩不辣，甜甜的，配上剛炸起的鬆脆豬排很美味。廚子的調味和火喉也控制得宜，雖然豬排是普通貨，口感沒黑豚肉鬆軟，但剛炸起的口感彌補了食物質素。整碟麵份量比一般大，我吃不完。吃了炸豬排就忍不住叫了一罐凍可樂，爽！我試了一口照燒雞芝士蛋包咖哩飯，芝士跟蛋永遠是美味的邪惡組合，吃完一口後後悔點了咖哩豬排飯。下次來吃，我會選有芝士的咖喱飯。店中大多是年輕的小伙子或男人，美味，份量大，價錢相宜，這不可能不是男人的食堂XD

路過新蒲岡，正好在下午茶時段，圖書館和公園附近各式餐館林立，相當多選擇。最後揀了這家主打日式咖哩的小店，主要是為了食帆立貝和價錢實惠，鏗魚昆布湯底帆立貝烏冬，份量不是大大碗，但竟然有意外驚喜：鏗魚昆布湯底無味精，入口清甜到令人"眼前一亮"：有貴價餐廳水平。帆立貝是真帶子、烏冬亦彈牙爽口，這個日式下午茶相當超值。支持小店，日後會再光顧試食其日式咖喱。(看目前的餐牌，鰹魚昆布湯底目前只在下午茶時段提供：下午三點到五點半)(帆立貝烏冬印象中有拍照，不知道為什麼 找不到了。)

一般食咖哩, 重口味的Me都係偏好馬泰口味 (即係有椰汁味又夠香辣的🤭)日式咖哩對我黎講只係快靚正之選通常諗唔到煮咩, 就會買個即食日式咖哩包, 加熱就食得而呢間響新蒲崗嘅餐廳係主打 #日式咖喱飯 🍛好鍾意佢地嘅咖哩係有辣度選擇🌶️🌶️🌶️（加辣要另收費）我今次加左大辣適合返唔同人嘅口味👍🏻而配菜方面都有超多選擇, 我今次要左燒雞粒😗另外再加左煎太陽蛋🍳個人黎講，覺得食咖哩是必須配蛋的🤣呢間餐廳性價比實在不錯！

大年初二,好多餐廳都冇開冇乜選擇下見到呢間有開就入左去試餐牌大部份都係咖喱見到隔離枱食緊既都係碟頭飯既樣加上見佢新年都仲肯開心中係感覺好似中伏咁點知係我錯雖然整體餐廳格局﹑食物擺盤等都有點其貌不揚但個咖喱幾好食，廚師有心整！同朋友都話下次再黎新蒲崗可以encore!辣度可選基本辣度免費加辣加$1再加辣就加$2如果唔夠咖喱汁,可以加double 一份,加$5想再食飽D 都可以加一倍飯量,加$10夠彈性➽照燒雞芝蛋包飯 $50 咖喱汁炒過 唔係淨得咖喱既辣味，見到入面有肉粒，有肉香我叫最基本辣度，微微辣，好岩香港人口味咖喱汁量都夠食,食到尾都仲有汁可跟到飯雞肉粒咁切粒狀幾好，一口可食幾粒雞粒都煎香過黎，雞粒算幾香脆雞蛋加入了芝士，唔太多既芝士，唔會太膩面層仲加了少少蕃茄醬整體混埋一齊每樣一啖，好食其貌不揚有誠意的咖喱朋友叫的飯沒有咖喱汁，我分了少少我叫的給他，他說好好吃於是就問老闆要多份咖喱多少錢老闆說如果只要少少就可送俾我地熱檸水加$6 

早兩日（星期一）食完 ---- 照燒雞芝士蛋包咖哩飯 + 凍檸樂實在，念念不忘，蛋夠滑，咖哩微辛，終於今日再食選擇：有蛋包，烏冬，咖哩，小食等等今次：吉列豬扒咖哩飯 + 凍檸茶（+2 加辣）份量：我一個男仔食，份量係滿足嘅啱啱好，女仔可能會比少少男仔味道：吉列豬扒上枱，食得出即煮，炸粉不多不少啱啱好，豬扒夠熱，飯係飽滿嘅圓粒珍珠米，咖哩汁可以按要求加辣（$1/$2）凍飲：$3（檸樂只係加 $7）價錢：咁嘅份量，咁嘅質素，埋單只係四五十蚊一個餐（我），今時今日真係寥寥可數真心推介 👍🏻👍🏻👍🏻 睇吓剩返兩日有無機會嚟個帽子戲法