味道樂居酒屋 (元州街) (已結業)

Bookmark左呢間居酒屋好耐，今日終於有機會試一試～餐廳裝修是日系風，座位闊落舒服～食物選擇好多，價錢合理～日本生蠔刺身 $50/隻日本空運直送生蠔，大大隻仍然爽口，蠔鮮味十足～左口魚火炙壽司（左，$52) 玉子壽司（右，$28)火炙左口魚入口即溶，高質～玉子壽司就不過不失脆炸軟殼蟹反卷 ($98)一客有6大件，每件都有大大啖軟殼蟹加魚子，飽肚又好味～日式炒野菜 $78出黎食野，食下菜感覺健康啲～呢碟炒wnw菜完全唔油，有好多種常見嘅日本菜種，好抵食～石鍋鰻魚炒飯 $138熱辣辣嘅石鍋裡面有日式炒飯同鰻魚粒，最面層有一大塊原塊蒲燒鰻魚，好香脆肉質結實，誠意之作～麵豉湯 $28呢度嘅食物份量真係好多，連麵豉湯都大碗，係平時日本餐廳嘅3-4倍多

就放假啦，加上終於岀左雙糧 同朋友決定豪番次每人預備$300 Budget去Chill下， 網上見呢間居酒屋好多好評，一於試下先店內好多日系擺設，燈光好令人放鬆同適合傾計。餐牌都有好多唔同類別既選擇原條成田醬炭火燒鰻魚飯（$138）鰻魚份量超大條，仲長過隻筷子，加上厚肉，成個賣相打卡一流！佢表面燒到好香口，食落肉質好嫩滑，皮部份煙煙韌韌，加埋有啲蛋絲鋪面，整體好有層次感。個汁就微甜微咸，汁既份量適中，用黎配爽口既珍珠米真係好夾好正，成個飯輕鬆食哂，超滿足！不過鰻魚有少少骨😋蒜香鹽燒赤海蝦（2隻）（$68）都係超級長又大隻😂 賣相都係非常吸引，表面烤到金黃，上碟時已經充滿香味。鹽燒真係好惹味，而且蝦味濃，口感又彈牙味道又鮮甜，蝦頭仲要有蝦膏，正😋原隻脆炸軟殼蟹蟹籽沙律 （$108）一咬落去，真係脆到朋友坐對面都聽到😂 軟殼蟹表面好脆但食落有汁，完全唔油膩！配搭埋脆卜卜既蟹籽，清新既青瓜絲同蟹柳絲一齊食，整體口感豐富，加上沙律汁口感較輕盈，好味又感覺健康🥺美中不足係流心芝士燒年糕售罄，好想試啊！總結：店員不停主動幫手加茶環境舒適，無論環境同食物都好適合打卡，會再黎

呢度嘅裝修用咗日本居酒屋風格可以假裝吓日本嘅上班族生活餐牌嘅選擇好多，有沙律、漬物/小食壽司/刺身、燒物、一品料理等等我哋一共叫咗六樣嘢食，先嚟個沙律⬇️黑松露帶子刺身沙律配柚子醬黑松露味好香，帶子新鮮夠厚身柚子醬令沙律更加開胃清新⬇️日本生蠔刺身生蠔新鮮一啲都唔會腥厚肉食落口creamy，仲有少少酒嘅味道全晚最愛的菜式🫶🏼只係叫三隻有少少唔夠喉⬇️味噌蟹甲羅燒配蒜多士用蟹膏搽滿四塊多士啱啱好蟹膏同蒜多士嘅味道互相配合唔會話搶咗大家嘅味道不過重口味嘅我哋，覺得如果蟹膏再濃味多少少就更加正🤪⬇️脆炸軟殼蟹反卷軟殼蟹炸得香脆，唔會油淋淋有超多蟹子鋪喺面，啖啖都食到滿口蟹子⬇️黑松露和牛炒飯炒飯有鑊氣😆和牛份量都唔少有埋黑松露令成個飯更香⬇️原條成田醬炭火燒鰻魚飯鰻魚好大條啊😍😍😍😍好正好肥美呢個飯好似一舊加大版嘅鰻魚壽司🤪佢哋比嘅醬汁一啲都唔吝嗇，夠晒用嚟送飯🤭今次無咩點叫小食、漬物同燒物下次會想試試佢哋呢幾個Categories嘅食物

第一次幫襯，同兩位朋友一齊嚟，叫咗丼飯，壽司，手卷，牛肉粒，串燒等等，到到最後手卷先上，本身叫咗個海膽吞拿魚手卷，嚟到得吞拿魚，冇海膽，於是一問之下先話海膽賣晒。如果賣晒點解唔一早出聲呢？見整咗都照食，但冇主動改返張單！好似有心呃人咁，好差！

去到長沙灣搵野食，眼見好多like既居酒屋，心諗應該唔差架啦，小編一於拉同事入去食午餐🧐。泡莱炒千葉黑䐁肉 🐖🥬2.5/5小編唔食洋蔥，眼見呢盤野真係配菜多過肉🥲，豬肉份量比較細片，可以再增加多啲會更開心🙂。泡菜又無乜，又唔夠酸辣，只可以用普通餵飽自己黎形容呢碟野，下次真係唔叫呢個。一口黑豚肉溫泉蛋丼 🐖🍳3.5/5賣相幾好睇，一口肉望落軟淋淋幾好咬，食落都幾有豬肉味。🤭🤭🤭但食到底啲飯索汁都幾鹹。😅地點:位於青山道既地舖，附近食肆多，係食飽搵地方行就無了，食完都翻office休息算。環境:日系木系裝修，伴隨日本音樂，幾有日本文化氣息，係舖頭細，位置比較迫啲，我後面係收銀機，好近🤣🤣。價錢:每人75蚊，要加一，但佢包前菜，蒸蛋，同麵鼓湯都幾滿足，下次唔嗌小編既泡菜豬肉了🙈。服務:明明舖頭都幾細，店員唔會主動倒水，午市限時45分鐘食飯。

長沙灣一向多美食，居酒屋都有唔少，每逢想吃燒魚就會來呢度。一坐低二話不說立即叫我嘅至愛💯燒油甘魚餃💯油分重嘅油甘魚燒過真係特別香，魚油還會隨著嫩滑的魚肉慢慢滲進舌尖，加兩滴檸檬汁更顯鮮味！火炙北海道帆立貝蟹膏卷又係另一名物！清新嘅青瓜絲飯卷上放上鮮甜美味的貝肉，再來點蔥絲蟹膏，香氣撲鼻，賣相同味道都兼顧！煙肉櫻花蝦炒飯呢種配搭都幾新穎，除咗可以充分感受到煙肉嘅鹹香之外，櫻花蝦嘅香味隱隱約約飄散着，都幾夾呀！重頭戲一定係原條成田醬炭火燒鰻魚飯，鰻魚一整條上，咁先有氣勢！鰻魚夠晒大條，成隻手臂咁長😍仲要好厚身，啖啖肉軟綿綿，好食到暈低呀！配埋鰻魚汁飯，立即元氣滿滿！

今日去咗長沙灣一間居酒屋，見lunch set價錢都幾抵。叫左兩個午餐，每個餐都配沙律、日式蒸蛋同味噌湯。沙律會有蕃薯仔，個蒸蛋好滑，仲有啲蟹柳係底。✨櫻花蝦牛肉辛子湯拉麵食拉麵第一時間一定飲啖湯先。濃濃既櫻花蝦味，配合少辣，好惹味。拉麵好彈牙，仲有冬菇、粟米粒同好多粟米粒，仲有半隻溏心蛋，不錯。✨香煎鵝肝野菌石鍋飯鵝肝表面煎得帶點焦香，咬落口脂豐富，入口即溶。石鍋飯用醬汁拌勻好好味，食到一粒不剩😂

呢間味道樂整間舖頭嘅日式裝修都做得好仔細，而且仲有啲玩味！貼滿日式海報、仲有我兒時最鍾意嘅power Rangers ！佢哋嘅壽司相當有光澤同埋水潤，淨係睇佢嘅三文魚，看似普通，但係相當鮮甜！另外有叫咗軟殼蟹手卷，軟殼蟹炸得啱啱好，唔會軟晒，冇晒脆口！手卷當中有沙律醬更加提升胃口！熱食方面亦都好出色，因為天氣比較凍，我哋就叫咗牛肉壽喜燒，佢個份量好足！而且牛肉的相當嫩滑，配合蛋同洋蔥一齊食，正！清酒煮大蜆都好好味，啲錢好鮮甜，清酒亦都好香，兩樣配埋好夾！剩番啲清酒湯都可以飲埋，好香甜！好值得推介

餐廳裝修以木系為主，加上黃色燈光一入去已好有温暖小店嘅感覺。今次一開始叫左3款小食，分別係味噌魚干、燒年榚、同埋甲羅燒。其中甲羅燒較為特別，食落除左有蟹香味外，店家應該仲有加入唔同嘅魚干碎係當中，令甲羅燒變得更加香、更有層次，配埋烤脆左嘅面包作為前菜，香氣四溢但食落一啲都唔膩。跟住我哋仲叫左火炙帆立貝蟹膏卷。份量十足，每件飯卷之上都有帆立貝、蟹肉同埋大葱，喱幾款食材都係淡味得黎帶香氣，唔會互相搶味，而且帆立貝夠厚肉，所以唔只香味亦口感十足。最後叫左個牛肉壽喜燒。去個日得十幾度，壽喜燒埋到位侍應點火時心都暖埋。煲仔細細但蔬菜豆腐牛肉乜都齊晒，湯汁偏甜，加埋生蛋，令口感更豐厚，天氣凍時飲一流！牛肉唔韌有牛味，份量亦豐富，真係冇嗌錯！經過開一定會再幫襯！

臨放工前閨蜜約食晚飯聚下, 佢係長沙灣返工, 今日我都可以準時走, 一於係長沙灣搵地方食飯先, 最方便係Openrice 搵餐廳, 最後搵左 [味道樂居酒屋], 佢的位置近閨蜜公司, 亦有甚多的好評, 最好係經Openrice訂位, 仲有9折。味道樂居酒屋近青山道小巴總站, 對於住九龍東的我們, 真係好方便。餐廳裝修充滿日系風情, 擺設精緻, 臨近聖誕已有聖誕佈置, 好有置身在日本居酒屋當中。餐廳用QR Code落單, 方便快捷。餐廳食物種類好多, 真係要慢慢揀, 我地最後揀左 :*油甘魚腩壽司 (兩件) $58*香炸日本池魚仔 $58*脆炸軟殼蟹反卷 $98*黑蒜黑豚肉卷 $58*牛肉壽喜燒 $128*清酒煮大蜆 $88餐廳的綠茶味道得宜, 我和閨蜜不停傾計, 不停飲茶, 職員都十分主動樂意為我地添茶, 換碟收碟乾淨浰落。食物開始上枱, 我地開餐啦~油甘魚腩壽司 (兩件) $58油甘魚腩油脂好香, 手握壽司同機制真係大有分別, 難怪其他枱都多人點壽司香炸日本池魚仔 $58每次見到有炸日本池魚都不能不點, 一啖一口, 原條魚仔放入口, 炸得甘脆, 佐酒一流脆炸軟殼蟹反卷 $98軟殼蟹即

星期五晚，當然要對自己好點喇，約左朋友來到長沙灣這間味道樂居酒屋餐廳裝修跟日本居酒屋很似，有種溫暖感覺我地點了新鮮亦貝，亦貝入口很鮮甜清爽，配合芥末提鮮，作為前菜最好不過，或者如有檸檬汁應該口感更佳💯我地亦叫左螢光魷魚，味道很濃配，一碟有大概6-7隻，配一杯熱茶可以剛好中和，此道十分推薦接下來選擇了半條綢池刺身，很有魚味，可以配薑一起食，但個人覺得就加少許豉油已可，喜歡吃紫蘇葉的包在一起口感更好最後熱食方面叫了野菜牛肉湯烏冬，本身對道沒有太大期望，只是希望吃來暖暖胃的，反而牛肉很有驚喜，不是一般外面的肥牛，應該用了較高級的日本牛，細節位很加分，烏冬也很煙靭，不會煮得過淋最後見到旁邊食客點了生蠔，忍不住又加點了兩隻，微微海水味，鮮甜至極

經外買平台購買了壽司 其中葱吞拿魚卷 魚肉已變色 （灰色）有怪味 無諗過咁樣都可以賣比人 感覺好差 以後都唔會幫襯 其餘的壽司都唔敢食 熟食無叫 唔清楚質素 但魚生壽司唔新鮮 已經唔使再試

首先多謝店員推介同朋友兩人，入到去唔知食咩好店員介紹左個豪2人餐先上小吃，然後串燒，最喜歡海膽玉子燒，軟綿綿感覺而且海膽無腥味，呢到令我對海膽改觀左（我唔鐘意食海膽）再來主角豪生豪真係好新鮮，直頭好似去左當地到即叫即係你面前開比你食咁，不過唔小心跌左一隻落地😢而且隻隻都好水潤脹卜卜又食到停唔到好，好在朋友唔食生野，我可以食多隻補數😂欣賞店舖刺身，厚切😍十分好既口感加上可以大大啖咁享受。出乎意料之外嘅係個魚煲，湯低好香魚味而且入面又有脹卜卜生豪，朋友唔太食魚都飲左兩碗湯由於太飽。。個鰻魚飯拎走反屋企比家人。最後多謝餐廳提供咁好坐既位置我地可以慢慢享受美食

放假要搵食，來到長沙灣民生區，發現其實都幾多小店。走入其中一間居酒屋。店子唔大，不過裝修都有居酒屋味道。星期六中午來到，一樣有午餐供應，而且好多款式，價錢亦大眾化。滿滿幸福海膽丼比個名吸引到，要幸福滿滿，當然要先將三文魚子加到海膽丼與吞拿魚蓉拌勻吃。雖然海膽並非鋪天蓋地式的份量，但對於鐘意食海膽既我，向來都係味道比份量更重要。入口鮮甜，冇會腥臭冇投訴，仲有好多飯底，一路食才會得到滿滿幸福。外賣便當(可堂食)便當組合都好豐富，前菜先有沙律，味噌湯，再有三點刺身，小食多(枝豆、炸雞、餃子、溏心蛋)，主食仲有個牛柳粒飯，岩晒懶人，唔駛左諗右諗，樣樣想食d。

今日同朋友去開長沙灣，之前試過附近一間居酒屋唔錯，所以決定去醫肚。餐廳位於元州街，多款定食可供選擇，定食配沙律日式蒸蛋麵豉湯。裝修充滿日本懷舊復古風味，配合柔和燈光，帶濃厚居酒屋氣息。日式蒸蛋充滿濃郁鮮味，口感滑嫩細緻。沙律新鮮翠綠，口味清新。麵豉湯香氣濃郁，入口順滑。幸福滿滿海膽丼 吞拿魚蓉同海膽份量十足，配上大大碗三文魚子。海膽滋味鮮甜、質感細膩，入口即化。吞拿魚蓉肉質肥美香滑，配上白飯，加上蔥花及醬油即可帶出鮮美。三文魚子與略帶鹹味，味道鮮美且口感豐富。牛油香煎銀雪魚拼大蝦丼蝦身飽滿，銀鱈魚充滿魚油，配上流心蛋，賣相吸引。銀雪魚骨少，以牛油煎香，肉質香脆細嫩。蝦肉彈牙，入口鮮韌有勁。