和味日本料理

營業中

休息中

呢間小店睇落無華麗嘅裝修，但食物質素超過佢嘅價錢，特別係啲魚生，聽講老闆入嘅貨都係新鮮同埋高質嘅貨，which我食親都覺得係正！推薦佢嘅角切魚生飯，超多料，又好食。有三文魚、吞拿魚、油甘魚、玉子、青瓜同埋飛魚籽！啲料係鋪滿成個面的，絕對唔，heaaa! 外賣只係$43！堂食都只係$48。仲送麵豉湯，加$3就有紙包飲品。仲有佢其他刺身飯都性價比好高的！同埋佢哋仲有其他日式飯，都不錯的。個人最鐘意都係魚生類嘅嘢！非常值得去試😆😆！

未食過呢間，平日午飯，眼見唔多人排隊，買個外賣點知12:54落單，等到13:30都未有我29號單，後面30號單同我叫埋同一樣食物都快過我取走中大伏，安排極差，以後絕不會幫襯

有廚師發板，挑選新鮮食材，絕對可以食到刺身嘅鮮味。特別係大拖羅，油脂均勻，入口即溶。魚刺身都有兩種食法，除咗刺身，炙燒，一次過試晒兩種口感。燒物都唔錯，個人黎講幾鍾意食佢嘅雞翼，外皮脆得黎肉質都嫩，味道都唔會太咸。最後，佢嘅海膽係我食過最鮮甜嘅，一定會再嚟食。

同朋友仔女一齊去食晚飯，侍應一開始已經冇禮貌，叫佢攞杯茶都叫左幾次先俾。 一客帆立貝壽司10幾蚊一碟，原來得半粒，d炒飯質素都好差，無味。呢餐飯食到成肚火，小朋友大人分開坐，大人去隔離位分食物照顧小朋友，好正常，去邊間餐廳都會咁做，分完就由佢地自己食，有野食黎再分，點知壽司師傅大聲喝制，話唔准企起身，仲怪責我哋唔應該同小朋友分枱坐！勁無禮貌！除咗我哋，之前都有一個食客俾壽司師傅串，話三文魚腩唔要咁肥不如唔好食啦你！咁嘅時期，咁嘅服務態度，以後唔會再幫襯！🤬🤬

壽司吧入邊各位同事態度嚴重地差！叫左野食食咗半個鐘都冇！佢竟然好意思同我講平時啲人食得好快嗌我快啲走，因為出邊有人排隊！大佬咁你早講啦！一入嚟就叫我食快啲啦！咁點解我頭先要等咁耐！我直接行入去同啲客講我等咗好耐！你哋快啲走咪得囉！食餐飯又要受氣嘅！又要睇你面色嘅！

這店外觀不張揚，看似平凡，但每到lunch 高峰期，都係會排晒隊等堂食或等外賣，皆因在它的角切魚生飯，在新蒲崗區應算是數一數二的高CP值其實都有一段時間沒有外出食飯近日再次幫襯，發覺加左價，印象中以前係$39，唔過四十蚊坐低後不作他想，#角切魚生飯，唯是日天氣太熱，忍唔住加左包凍檸茶；📍角切魚生飯堆成小山丘的刺身粒粒，眼見到便有吞拿魚，劍魚，三文魚，當然仲有甜蛋（#我的至愛😍），同埋蟹籽、青瓜、生菜、粟米 等配料啦；把拌好的wasabi 豉油淋上去，就可以慢慢品嚐一勺中 有各式刺身粒粒，加埋卜卜的蟹籽，鮮味十足雖然個碗睇落細細，刺身粒粒看似只是舖在飯面，以為會唔夠送飯；但其實飯同刺身的比例係剛剛好，食到最後一啖都係有飯有餸麵豉湯有再加多少少菜的，加分👍🏻

壽司大小比一般壽司店細咗30%（目測）還算新鮮,wasabi好夠味味噌湯一小碗,裏麵包括有海帶同埋類似一啲腐竹嘅嘢牛肉拉麵裏面裏麵包含牛肉,海帶同埋粟米對於小食量+小朋友嘅人嚟講以上咁多嘢都叫好飽,都覺得幾好味

日本野一直都深受香港人喜愛，其中壽司更係食日本菜必食既美食新蒲崗就有平食 日本野 聽員工講每日新鮮空運到餐廳😎 好似好正 都會不時會推出新餐單以保持顧客的新鮮感價錢親民 $40up 有個魚生飯 Happy Friday night同朋友一齊點左新鮮角切魚生飯海膽食材超新鮮 食料又多 唔係講笑 超好食大大份價錢 share一齊食岩哂蟹籽沙律夏日清爽開胃之選大量的蟹籽加青瓜 極大份量 3-4人 一齊食都仲得 😂 😂 😂 和味反卷壽司都幾新鮮 味道好新穎 打卡一流！店鋪還有即做手卷、自選魚生飯等，都好抵食 可以容納30人左右

之前去新蒲崗成日見依間餐廳大排長龍👯‍♂️今日見少啲人排隊就即刻入去試一試先😛🌟角切魚生飯 ($45)一黎到個賣相好靚😆色彩繽紛睇到都食欲大增🌈🌈🌈角切三文魚份量好足🍣食落都幾新鮮配埋玉子既甜味🥚加上青瓜🥒同粟米🌽既爽口清脆🥰🥰🥰個壽司飯份量好大食極唔完🍚45蚊其實真係幾抵食 仲送埋miso soup🤪🤪🤪Yummmmmmyyyy🥳🥳🥳一定會再encore阿 係糧尾救星😎

今日同同事黎食個lunch, 平日經過都知多人嘅，今日難得有位就入去食。我地1:13分坐底落單，d野食都正常地需要點時間上，明白的。但佢地係我地未食完1:44分就叫我地埋左張單先... 我地其中一位同事仲有1/3未食完。有無咁急？個女服務員不停行過黎，望住我地...真係忍唔住問一句「好趕咩？」飯都未食完就趕人走？計埋由我地坐底到佢吹埋單，我地都只係坐左30min！你地要咁趕嘅就講有限入座時間30min！

平時經過開有陣時都會買外賣、11:30am開始你就會見到呢間舖頭出面有人等外賣。先喺窗仔落Order俾錢再等叫號碼，$40一份角切魚生飯配麵豉湯（今日唔方便拎所以走湯）⬇️角切魚生飯就係雜錦魚生碎上飯底、除咗有三文魚吞拿魚應該仲有蝦定唔知魷魚，仲有黃瓜熟蛋青瓜粟米同蟹子所以口感十足。⬇️$40即整又大盒我就好滿意、起碼好味過爭鮮 ⋯

今日喺新蒲崗收工，正喺度苦惱食乜之際，就經過呢一間日式小店，見到價錢都唔算貴，就決定買個外賣返屋企試吓。.疫情期間，有好多人幫襯買外賣，大排長龍，如果想食最好預先透過WhatsApp落單，嚟到唔使排咁耐隊。.角切魚生飯主要係切粒嘅三文魚，中間加少少蟹籽同芝麻，令到個賣相更加靚。本來覺得加粟米有少少奇怪，點知食落個感覺都幾夾，連埋魚生一齊食，鮮味十足，可以同時食到唔同嘅味道。個飯都幾大盒，食晒成盒飯再飲埋跟餐送嘅麵豉湯，好飽好飽

新蒲崗的老店，大概一年前舖位還在對面街一間細舖，食物出品已不錯，係新蒲崗呢區主要做街坊生意，所以價錢也較大眾化。佢唔係開全日㗎，下晝3:00開始休息，到夜晚6:00再開，唔知係恆常還是疫情期間安排啦。所以下午茶時間要早D黎啦。叫左三文魚及油甘魚飯，跟面鼓湯，只係$52，非常抵食。魚生件件厚切，而且三文魚望落似係用魚腩部位，入口有浸油香，加分！疫情期間，睇得出都注意消毒，見到waitress 用消毒清潔劑逐本抹menu。

看過Open Rice食客的許多正評，備受O粉的感召，便擇日一試。🌽所指的是《和味日本料理》的風頭躉「角切魚生飯」(我要少飯，走芥末。Tks!)。只$40蚊，這是優惠價，全天候的吧？深吼Somehow，以前是賣$45蚊 欵！咋怎可能？那麽寬宏大量，那麽多菜蔬多刺身，那麼新鮮豐滿繽紛！有半碗份量的菜餚，數數看，計有刺身類 eg.蟹子、三文魚、吞拿魚、魷魚(定係八爪魚？唔識分🤔)及其他(在下平日少吃日本料理，喊不出他們的名字來著😅)，蔬菜類 eg.青瓜、生菜、粟米、薑、洋蔥、紙菜、酸瓜等等，真箇目不暇給，只$40蚊的人間極品，也就是這兒午飯的打咭食品 吧！其他專sell 高貴的東瀛料理店？太不可能 唷！🍣🍣🍣附送的麵豉湯，鹹香，深吼，飲完不會喉乾舌燥，就沒有扣分。🥣繼而是蕃茄沙律，只$24蚊，卻是滿滿的一大碗，eg.蕃茄、生菜、粟米、紙菜、洋蔥等等，質與量都輕取滿分，健康、清新、吸引。還有，這一款沙律沒有添加人工化學合成品(ie.加咗糖加咗artificial sweeteners or whatever 嘅沙律醬)，那就更合健康人士的胃口了(澆以自備的初搾olive oil 和他們的日本

也是受壽司吧師傅的氣！兩個去食有咩野活魚介紹，有$500條你食唔食，唔係食唔起，無人這樣口吻做生意，兩個人只食活魚，還會想選擇其他款式食物。要經一輪舌劍唇槍才能叫到一條$300的活魚， 食完真係一肚氣，背脊骨落！發誓以後唔會光顧，生意唔係咁做！祝生意蒸蒸日下👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻